Local Government Unit of Talalora Samar

02/06/2026

𝙊𝙣𝙜𝙤𝙞𝙣𝙜 | 𝘾𝙖𝙥𝙖𝙘𝙞𝙩𝙮 𝘿𝙚𝙫𝙚𝙡𝙤𝙥𝙢𝙚𝙣𝙩 𝙏𝙧𝙖𝙞𝙣𝙞𝙣𝙜:
ᴍᴀᴅɪɢ-ᴏɴ ɴɢᴀɴ ᴍᴀᴋᴜsᴏɢ ɴɢᴀ ᴋᴀᴘᴀsɪᴅᴀᴅ ᴘᴀʀᴀ ʜᴀɴ ᴍɢᴀ ᴄʜɪʟᴅ ᴅᴇᴠᴇʟᴏᴘᴍᴇɴᴛ ᴡᴏʀᴋᴇʀs (ᴄᴅᴡ)

Padayon nga ginpapakusog han LGU Talalora an kapasidad ngan kahibaroan han aton mga Child Development Workers pinaagi han Capacity Development Training nga nagpapanuyo nga mapauswag an kalidad han serbisyo para han aton mga kabataan.

Kaupod hini nga aktibidad an pagdumara ngan paghatag hin importante nga giya tikang han mga resource speakers han Provincial Social Welfare and Development Office (PSWDO) amo hira Maàm Maneth Lagaras, SWO/Provincial ECCD Focal, ngan Maàm Michelle Betor, PSWDO Staff. Daku ini an ira kontribusyon ha paghatag hin mga estratehiya, impormasyon, ngan mga pamaagi ha pag-ataman ngan pagpauswag han early childhood care and development.

Kasumpay liwat hini an maabtik ngan padayon nga suporta tikang han aton Municipal Mayor Hon. Sab Costelo, kaupod liwat an aktibo nga pagpanginano han MLGOO Maàm Anthea-Mae Pascubillo, MSWDO Lourdes D. Dueñas, ngan Municipal ECCD Focal Seychelle Quebec, nga nagpapakita han ira dedikasyon ha pagparig-on han programa ngan mas maupay nga tidaraon han kabataan han Talalora.

Pinaagi hin sugad hini nga capacity building, padayon nga nag-uuswag an kalidad han serbisyo ngan pag-ataman nga iginhahatag ha aton mga kabataan, agud matuman an usa nga marig-on, malipayon, ngan mainuswagon nga komunidad.

"𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!" ✨🫰❤️

02/06/2026

𝙊𝙣𝙜𝙤𝙞𝙣𝙜 | 𝙚𝙇𝙂𝙐 𝘼𝙙𝙢𝙞𝙣 𝙏𝙧𝙖𝙞𝙣𝙞𝙣𝙜:
𝙋𝙖𝙙𝙖𝙮𝙤𝙣 𝙣𝙜𝙖 𝙜𝙞𝙣𝙥𝙖𝙥𝙖𝙠𝙪𝙨𝙤𝙜 𝙝𝙖𝙣 𝘿𝙄𝘾𝙏 𝙍𝙊8 𝙝𝙖 𝙇𝙂𝙐 𝙏𝙖𝙡𝙖𝙡𝙤𝙧𝙖

Padayon nga ginpapakusog han Department of Information and Communications Technology (DICT) Regional Office 8 personnel an kapasidad han LGU Talalora pinaagi han eLGU Admin Training and System Set-Up. An nasabi nga aktibidad in nagpapanuyo nga mapauswag an digital governance ngan mapadali an paghatag hin episyente, moderno, ngan accessible nga serbisyo publiko ngadto ha katawhan.

Pinaagi hini nga training, mas mapaparig-on han kahibaro ngan kahimtang han mga empleyado ngan opisyal han LGU Talalora ha paggamit ngan pagdumara han eLGU system, usa nga importante nga pitad ngadto ha digital transformation han lokal nga panggobyernohan.

Ini nga inisyatibo ginbubuligan ngan ginpapadayon pinaagi han bug-os nga suporta han aton Municipal Mayor Hon. Sab Costelo, nga nagpapakita dedikasyon ha pagduso han kabag-ohan ngan digitalization ha LGU Talalora. Kaupod hini an mga empleyado ngan opisyal han munisipyo nga aktibo nga nakikigbahin basi masiguro an episyente, transparent, ngan responsable nga pagserbisyo ha publiko.

"𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!" ✨🫰❤️

01/06/2026

𝑂𝐵𝐸 𝐶𝑜𝑛𝑣𝑒𝑟𝑔𝑒𝑛𝑐𝑒 𝑇𝑎𝑙𝑘 𝑆ℎ𝑜𝑤: 𝐿𝐺𝑈 𝑇𝑎𝑙𝑎𝑙𝑜𝑟𝑎 𝐴𝑘𝑡𝑖𝑏𝑜 ℎ𝑎 𝑃𝑎𝑔𝑠𝑢𝑝𝑜𝑟𝑡𝑎 ℎ𝑎𝑛 𝑂𝑝𝑙𝑎𝑛 𝐵𝑎𝑙𝑖𝑘 𝐸𝑠𝑘𝑤𝑒𝑙𝑎 2026

Manilampuson nga gindumara an OBE In Focus: Talk Show ha pagdumara han Talalora District ha pagpanginano han aktibo nga Talalora DIC Mr. Lyndon M. Bebit, sugad nga bahin han andam ngan koordinado nga implementasyon han Oplan Balik Eskwela (OBE) 2026.

Presente han nasabi nga aktibidad an aton maabtik nga Municipal Vice-Mayor Hon. Leonilo T. Costelo, Sangguniang Bayan Members, MLGOO Maàm Anthea-Mae P. Pascubillo, Barangay Officials, Talalora MPS, Talalora Patrol Base, RHU Talalora, LGU Employees, ngan bug-os nga puwersa han Talalora District ha pagsuporta para han programa ngan inisyatibo han edukasyon.

Ginlatag ha talk show an mga preparasyon, mga serbisyo, open forum, ngan mga buruhaton agud masiguro an ligtas, organisado, ngan episyente nga pag-abri hiton klase para han school year 2026-2027.

Kaupod liwat hini an padayon nga suporta han aton Municipal Mayor Hon. Sab Costelo han marig-on nga pakigsumpayan han lokal nga panggobyernohan ngan han sektor han edukasyon an kabataan.

An Oplan Balik Eskwela in diri la programa kundi usa nga kolektibo nga responsibilidad para ha mas maupay nga kabubuwason ha aton mga mag-aaram.

"𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!"✨🫰❤️

31/05/2026

𝐻𝑒𝑙𝑙𝑜, 𝐽𝑢𝑛𝑒! ✨🫰

31/05/2026

𝑀𝑎𝑙𝑖𝑝𝑎𝑦𝑜𝑛 𝑛𝑔𝑎 𝑃𝑎𝑔𝑠𝑎𝑢𝑟𝑜𝑔 ℎ𝑎𝑛 𝐵𝑎𝑟𝑎𝑎𝑛 𝑛𝑔𝑎 𝐾𝑎𝑎𝑑𝑙𝑎𝑤𝑎𝑛 𝑛𝑖 𝑀𝑎𝑚𝑎 𝑀𝑎𝑟𝑦, 𝑅𝑎𝑦𝑛𝑎 ℎ𝑎𝑛 𝐹𝑙𝑜𝑟𝑒𝑠. ✨🌸🙏

Ha pagsaurog han imo baraan nga kaadlawan, aton ginpapasidunggan an imo daku nga gugma, paggiya, ngan pagpanalipod ha tagsa nga Kristiyano. Hinaut nga magpadayon ka nga maging suga ngan inspirasyon han pagtoo para han ngatanan.

Kaupod hini nga selebrasyon an presensya han Hermana Mayor 2026, Hon. Rosenda O. Costelo, nga nagpapakita han iya debosyon ngan suporta ha mga relihiyoso nga aktibidad han aton komunidad.

An okasyon diri la paghinumdom han kaadlawan ni Mama Mary -Rayna han Flores kundi usa liwat nga higayon han pagpasalamat han ngatanan nga grasya, bendisyon, ngan paggiya nga aton nakakarawat pinaagi han iya pag-ampo.

Padayon kita nga magkaurusa ha pagparig-on han aton pagtoo ngan paghatag hin dungog kan Mama Mary, an Rayna han mga Flores.
Viva Mama Mary Queen of Flowers! ✨🌸

📷 Ivan Ranit

30/05/2026

𝙇𝙂𝙐 𝙏𝙖𝙡𝙖𝙡𝙤𝙧𝙖, 𝙉𝙖𝙜𝙙𝙞𝙨𝙩𝙧𝙞𝙗𝙬𝙞𝙧 𝙝𝙞𝙣 𝙎𝙘𝙝𝙤𝙤𝙡 𝙎𝙪𝙥𝙥𝙡𝙞𝙚𝙨 𝙝𝙖 𝙋𝙖𝙜𝙙𝙪𝙢𝙖𝙧𝙖 𝙝𝙖𝙣 𝘾𝙖𝙩𝙚𝙘𝙝𝙚𝙩𝙞𝙘𝙖𝙡 𝘿𝙖𝙮

Ha padayon nga pitad han LGU Talalora ha pagsuporta han edukasyon ngan kabubuwason han kabataan, nakagpadangat ngan nagdistribwir hin school supplies an aton pamunoan ha mga kabataan dida han Catechetical Day.

Ini nga inisyatiba in aktibo nga ginpadangat han aton maabtik nga Municipal Mayor Hon. Sab Costelo nga padayon nga naugop ha pagdumara hin mga programa nga nakatutok ha kaupayan han kabataan ngan ha bug-os nga komunidad.

Ini nga aktibidad ginpapamatud-an han LGU Talalora an dedikasyon ngadto ha mga kabataan ha mas maupay nga pundasyon ngan mas masarig nga kabubuwason."𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!"❤️

📷 Bham Zilmar

29/05/2026

Watch the full episode video on lifeprinttv youtube channel! ❤️🫰✨

New YouTube Upload Alert!
Later at 5:30PM

29/05/2026

𝙁𝙖𝙧𝙢𝙚𝙧𝙨 𝙏𝙧𝙖𝙞𝙣𝙞𝙣𝙜 𝙤𝙣 𝙂𝙤𝙤𝙙 𝘼𝙜𝙧𝙞𝙘𝙪𝙡𝙩𝙪𝙧𝙖𝙡 𝙋𝙧𝙖𝙘𝙩𝙞𝙘𝙚𝙨 (𝙂𝘼𝙋) 𝙤𝙣 𝘾𝙤𝙘𝙤𝙣𝙪𝙩 ✨

Padayon nga ginpapakusog an suporta ngadto han aton mga coconut farmers pinaagi han gindumara nga Farmers Training on Good Agricultural Practices (GAP) on Coconut nga gin-organisar han Philippine Coconut Authority (PCA) kaupod an Talalora Municipal Agriculture Office.

Gindumara an aktibidad pinaagi han pagpasilitar han duha nga Coconut Development Officers hira Ms. Zyra S. Saberon ngan Mr. Jhon Mar Paclian nga naghatag hin importante nga teknikal nga pag-aradman nga may kalabutan ha husto nga pagdumara han pananom nga lubi.

Lakip han mga gintalakay amo an paglatag han mga kaangayan nga pag-abuno han lubi, epektibo nga pest and disease control, ngan iba pa nga pamaagi basi mapauswag an produksyon ngan kalidad han lubi. Gintalakay liwat an iba-iba nga benepisyo ngan programa sugad han scholarship program ngan health program para han mga rehistrado nga coconut farmers han NCFRS.

Daku liwat an pasasalamat han aton Municipal Mayor Hon. Sab Costelo nga padayon nga nag-aaghat han mga programa para ha kauswagan han sektor han agrikultura kasugbong an technical facilitation ngan koordinasyon han Municipal Agriculture Office ha pangunguna han OIC Mr. James Banny O. Bucatcat.

Pinaagi hini nga programa, ginlalauman nga mas mapaparig-on pa an kapasidad ngan panginabuhi han aton mga parag-uma para ha mas mainuswagon nga industriya han lubi ha aton bungto.

"𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!"🫰❤️

28/05/2026

𝙃𝙖𝙥𝙥𝙮 𝙁𝙞𝙚𝙨𝙩𝙖, 𝘽𝙧𝙜𝙮. 𝙄𝙣𝙙𝙚𝙥𝙚𝙣𝙙𝙚𝙣𝙘𝙞𝙖! ✨

28/05/2026

𝙊𝙧𝙞𝙚𝙣𝙩𝙖𝙩𝙞𝙤𝙣 𝙤𝙣 𝙎𝙪𝙥𝙥𝙡𝙚𝙢𝙚𝙣𝙩𝙖𝙧𝙮 𝙁𝙚𝙚𝙙𝙞𝙣𝙜 𝙋𝙧𝙤𝙜𝙧𝙖𝙢 | 𝘽𝙖𝙩𝙖𝙣𝙜 𝙉𝙪𝙩𝙧𝙞-𝘾𝙖𝙧𝙚 𝘾𝙔 2026 ✨

Malampuson nga ginpatuman an Orientation on Supplementary Feeding Program- Batang Nutri-Care CY 2026 nga nagtututdo ngan nagpapakusog han kahibaro han aton mga ECCD Workers para ha mas epektibo nga pag-ataman han nutrisyon ngan kauswagan han kabataan ha kada barangay.

Kaupod hini nga katitirok an presensya han Resource Speaker nga hi Mr. Alex J. Comendador, PDO/Focal han Supplementary Feeding Program han DSWD Regional Office 8, nga naghatag hin giya han mga importante nga impormasyon nga may kalabutan ha implementasyon han nasabi nga programa. Nagtambong liwat para han pagsuporta hira MSWDO Lourdes D. Dueñas, ECCD Focal Seychelle R. Quebec, ngan an mga ECCD Workers ha barangay nga amo an mga partisipantes han oryentasyon.

Daku liwat an pasasalamat han aton bungto ha padayon ngan aktibo nga suporta han aton Municipal Mayor Hon. Sab Costelo para hini nga programa nga nagpapanuyo nga mapauswag an kahimtang han nutrisyon ngan kabubuwason han aton mga kabataan.

An LGU Talalora in padayon nga nagkakaurusa para ha mas himsog ngan mas maupay nga kabubuwason para han kabataan han Talalora.

"𝙃𝙖 𝙏𝙖𝙡𝙖𝙡𝙤𝙧𝙖, 𝙋𝙞𝙣𝙖𝙪𝙧𝙖 𝙆𝙖!" ✨❤️🫰