06/09/2026
PRESS RELEASE
Authority: PLTCOL EDGARDO G BAHAN,
Acting Chief of Police, Tagum City Police Station
Drafter: PSSg Diocnon B Ang lll
PR NO.: 09052026-03
Contact No.: 09197485024
DATE: September 5, 2026
MOTORCOPS SA TAGUM CPS, NAKASIKOP UG USA KA INDIBIDWAL; SHABU UG UBANG EBIDENSIYA NAKUMPISKA
TAGUM CITY, DAVAO DEL NORTE โ Usa ka indibidwal ang nadakpan sa mga personnel sa Tagum City Police Station human misulay sa pag-ikyas gikan sa mga pulis nga nagpahigayon og motorcycle patrol sa Barangay Magugpo West, Tagum City, niadtong September 5, 2026.
Niadtong mga alas-10:00 sa gabii, ang mga personnel sa Motor Cops sa Tagum City Police Station, ubos sa direktang pagdumala ni PLTCOL EDGARDO G BAHAN, Acting Chief of Police, nagpahigayon og motorcycle patrol sa ilang area of responsibility, ilabina sa Gante Road, Barangay Magugpo West, Tagum City, isip kabahin sa pagpatuman sa RA 4136ug sa anti-criminality campaign.
Mga alas-10:15 sa gabii, ilang gipahunong ang usa ka motorcycle rider nga walay plate number ug walay standard crash helmet. Hinuon, ang rider misulay sa pag-ikyas pinaagi sa pagpadagan sa iyang motorsiklo. Gisundan siya sa mga personnel hangtod nga misulod sa usa ka dead-end road sa Purok Pagkakaisa, Misa District, Barangay Magugpo West, diin siya nadakpan.
Ang nadakpan giila nga si alyas โIrven,โ 43 anyos, lalaki, ug residente sa Barangay Mankilam, Tagum City.
Sa dihang giduol siya sa usa ka personnel sa Motor Cops, namatikdan niini ang usa ka kitchen knife nga gitago sa likod sa short pants sa suspek. Tungod niini, iyang gidakop ang suspek ug gihimoan og body search. Nakumpiska gikan sa iyang possession ang usa (1) ka Navy Blue Coin purse, pito(7) ka heat-sealed transparent plastic sachet nga adunay puti nga crystalline substance nga gituohang shabu, usa (1) ka empty sachet, usa (1) ka glass tube tooter nga adunay residue sa gituohang shabu, usa (1) ka orange lighter, usa (1) ka kitchen knife; ug usa (1) ka Suzuki Raider 150 motorcycle.
Ang mga nakumpiskang sachet sa gituohang shabu adunay gibanabanang total weight nga more or less 2 grams, nga adunay estimated Standard Drug Price nga โฑ13,600.00.
Gawas niini, napamatud-an usab nga ang suspek walay dala nga updated Official Receipt/Certificate of Registration (OR/CR) sa iyang gimanehong motorsiklo ug walay driverโs license. Tungod niini, gi-isyu kaniya ang City Traffic Citation Ticket alang sa mga paglapas sa RA 4136.
Ang suspetsado karon anaa sa kustodiya sa Tagum City Police Station ug mag-atubang sa kasong paglapas sa Article 151 sa Revised Penal Code, BP Blg. 6, ug Sections 11 ug 12 sa RA 9165.
Padayon nga gipasiugda sa Tagum City Police Station ang estrikto nga pagpatuman sa mga balaod sa trapiko ug kampanya batok sa ilegal nga droga aron mapadayon ang kalinaw ug kaluwasan sa komunidad.
