Strategic Communications Team - Hon. Mayor Helen Benito-Padua

Strategic Communications Team - Hon. Mayor Helen Benito-Padua Stay informed. Stay connected.

We are dedicated to delivering timely, transparent, and accurate updates about local governance, public service initiatives, and community programs in partnership with our Mayor’s office.

PALIWANAG KUNG PAANO GAGASTUSIN ANG ₱10 MILYON PARA SA SALW PROGRAM NG SOUTH UPIAng halagang ₱10,000,000.00 na tinanggap...
28/04/2026

PALIWANAG KUNG PAANO GAGASTUSIN ANG ₱10 MILYON PARA SA SALW PROGRAM NG SOUTH UPI

Ang halagang ₱10,000,000.00 na tinanggap ng Pamahalaang Bayan ng South Upi sa ilalim ng pamumuno ni Hon. Helen Benito-Padua ay nakalaan para sa pagpapatupad ng Small Arms and Light Weapons (SALW) Program. Layunin ng pondong ito na palakasin ang kapayapaan, seguridad, at kaayusan sa komunidad sa pamamagitan ng boluntaryong pagsuko ng mga baril, lalo na ang mga hindi lisensyado.

PUBLIC ADVISORY ‼️
22/04/2026

PUBLIC ADVISORY ‼️

𝐏𝐔𝐒𝐏𝐔𝐒𝐀𝐍𝐆 𝐏𝐀𝐆𝐇𝐀𝐇𝐀𝐍𝐃𝐀 𝐒𝐀 𝐃𝐀𝐑𝐀𝐓𝐈𝐍𝐆 𝐍𝐀 𝐒𝐎𝐌𝐀 𝐍𝐆 𝐒𝐎𝐔𝐓𝐇 𝐔𝐏𝐈 𝐒𝐀 𝐏𝐀𝐌𝐔𝐌𝐔𝐍𝐎 𝐍𝐈 𝐇𝐄𝐋𝐄𝐍 𝐁𝐄𝐍𝐈𝐓𝐎-𝐏𝐀𝐃𝐔𝐀SOUTH UPI, Maguindanao del Sur — ...
13/04/2026

𝐏𝐔𝐒𝐏𝐔𝐒𝐀𝐍𝐆 𝐏𝐀𝐆𝐇𝐀𝐇𝐀𝐍𝐃𝐀 𝐒𝐀 𝐃𝐀𝐑𝐀𝐓𝐈𝐍𝐆 𝐍𝐀 𝐒𝐎𝐌𝐀 𝐍𝐆 𝐒𝐎𝐔𝐓𝐇 𝐔𝐏𝐈 𝐒𝐀 𝐏𝐀𝐌𝐔𝐌𝐔𝐍𝐎 𝐍𝐈 𝐇𝐄𝐋𝐄𝐍 𝐁𝐄𝐍𝐈𝐓𝐎-𝐏𝐀𝐃𝐔𝐀

SOUTH UPI, Maguindanao del Sur — Abala sa masusing paghahanda ang lokal na pamahalaan ng South Upi para sa gaganaping State of the Municipality Address (SOMA) bukas, Abril 14, 2026, sa Municipal Gymnasium, sa pangunguna ni Helen Benito-Padua.

Pinangunahan ng Tourism Division Staff ang mga preparasyon upang matiyak na maayos, organisado, at makabuluhan ang naturang pagtitipon. Kabilang sa kanilang mga isinagawang gawain ang pag-aayos ng lugar, paghahanda ng mga kagamitan, at pagtiyak na handa ang pasilidad para sa mga dadalo.

Layunin ng SOMA na ilahad sa publiko ang mga naging tagumpay ng pamahalaang lokal, tugunan ang mga kinahaharap na hamon, at ipresenta ang mga plano at programa para sa patuloy na pag-unlad ng bayan.
Ayon sa tanggapan ng alkalde, ang maayos na preparasyon ay sumasalamin sa dedikasyon ng pamahalaan sa transparency, mahusay na serbisyo, at sa hangaring makapaghatid ng mas maliwanag na kinabukasan para sa mamamayan ng South Upi.

Inaasahang dadaluhan ito ng iba’t ibang sektor ng komunidad na sama-samang makikibahagi sa pagdiriwang ng mga nakamit at sa pagharap sa mga bagong oportunidad para sa bayan.

Paglilinis at Pagsasaayos sa Pamilihang Bayan ng Romongaob Sinimulan NaSOUTH UPI, Maguindanao del Sur — Patuloy ang isin...
12/04/2026

Paglilinis at Pagsasaayos sa Pamilihang Bayan ng Romongaob Sinimulan Na

SOUTH UPI, Maguindanao del Sur — Patuloy ang isinasagawang paglilinis at pagsasaayos sa lokal na pamilihan sa Romongaob, kung saan nagtutulungan ang mga Job Orders personnel mula sa Municipal Engineering Office at Municipal Environment and Natural Resources Office (MENRO).

Sa kasalukuyan, abala ang mga tauhan sa pag-aalis at pag-oorganisa ng mga natitirang kahoy at iba pang basurang materyales sa loob ng pamilihan. Layunin ng inisyatibong ito na mapanatili ang kaayusan, kalinisan, at kaligtasan ng lugar para sa mga mamimili at tindero.

Ayon sa mga opisyal, bahagi ito ng patuloy na programa ng lokal na pamahalaan upang mapabuti ang kondisyon ng mga pampublikong lugar at masiguro ang mas maayos na daloy ng kalakalan sa komunidad.

Inaasahan na sa pamamagitan ng ganitong mga hakbang, magiging mas ligtas, malinis, at organisado ang pamilihan—isang hakbang tungo sa mas maunlad at maayos na serbisyo para sa itatayong nagong public market para sa mamamayan ng South Upi.

𝗧𝗶𝗿𝗲 𝗣𝗮𝘁𝗵 𝗣𝗿𝗼𝗷𝗲𝗰𝘁 𝘀𝗮 𝗦𝗶𝘁𝗶𝗼 𝗠𝗮𝗻𝗴𝘂𝗱𝗮, 𝗢𝗽𝗶𝘀𝘆𝗮𝗹 𝗻𝗮𝗻𝗴 𝗜𝘁𝗶𝗻𝘂𝗿𝗻-𝗢𝘃𝗲𝗿; 𝗟𝗶𝗯𝗿𝗲𝗻𝗴 𝗕𝗶𝗴𝗮𝘀, 𝗜𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝗺𝗴𝗮 𝗥𝗲𝘀𝗶𝗱𝗲𝗻𝘁𝗲Matagumpay na ...
12/04/2026

𝗧𝗶𝗿𝗲 𝗣𝗮𝘁𝗵 𝗣𝗿𝗼𝗷𝗲𝗰𝘁 𝘀𝗮 𝗦𝗶𝘁𝗶𝗼 𝗠𝗮𝗻𝗴𝘂𝗱𝗮, 𝗢𝗽𝗶𝘀𝘆𝗮𝗹 𝗻𝗮𝗻𝗴 𝗜𝘁𝗶𝗻𝘂𝗿𝗻-𝗢𝘃𝗲𝗿; 𝗟𝗶𝗯𝗿𝗲𝗻𝗴 𝗕𝗶𝗴𝗮𝘀, 𝗜𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝗺𝗴𝗮 𝗥𝗲𝘀𝗶𝗱𝗲𝗻𝘁𝗲

Matagumpay na isinagawa ang turn-over ceremony ng Tire Path Project sa Sitio Manguda, Barangay Itaw, bilang bahagi ng patuloy na pagpapaunlad ng imprastraktura sa bayan ng South Upi.

Ang naturang proyekto ay bunga ng pagtutulungan ng Tanggapan ni MP Froilyn T. Mendoza at ng Lokal na Pamahalaan ng South Upi sa pangunguna ni Mayor Helen B. Padua. Layunin nitong mapabuti ang akses ng mga residente, lalo na sa pagbiyahe at pagdadala ng mga produkto mula sa komunidad patungo sa pamilihan.

Kasabay ng programa, nagsagawa rin ng pamamahagi ng bigas para sa mga residente ng Sitio Manguda bilang agarang tulong sa kanilang pang-araw-araw na pangangailangan.

Dumalo sa nasabing aktibidad ang iba’t ibang opisyal at kinatawan ng pamahalaan, kabilang sina MDRRMO Department Head Sir Michael B. Bibaocho, Municipal IPMR Edgardo D. Calantungan Jr., Chief of Police PLt. Albert F. Alarde ng South Upi MPS-PNP, mga kinatawan mula sa Armed Forces of the Philippines (AFP), si Ronie C. Ampok na Private Secretary to the Mayor, mga konsehal ng BLGU-Itaw, at mga kawani mula sa Tourism Division.

Sa pahayag ng lokal na pamahalaan, bagama’t simple ang programa, malaki ang maitutulong nito sa komunidad—lalo na sa pagpapadali ng transportasyon at pagbibigay ng kaunting ginhawa sa pang-araw-araw na pamumuhay ng mga mamamayan.

Nagpaabot naman ng pasasalamat ang pamunuan ng bayan sa pakikiisa at suporta ng mga residente, na patuloy na katuwang sa mga programang pangkaunlaran.
Patuloy ang pagpapatupad ng mga proyektong nakatuon sa kapakanan ng mamamayan, bilang patunay ng dedikasyon ng Lokal na Pamahalaan ng South Upi na mapabuti ang kalidad ng buhay at kabuhayan ng bawat pamilyang naninirahan sa nasabing bayan.

𝐍𝐀𝐓𝐈𝐎𝐍𝐀𝐋 𝐒𝐂𝐇𝐎𝐎𝐋𝐒 𝐏𝐑𝐄𝐒𝐒 𝐂𝐎𝐍𝐅𝐄𝐑𝐄𝐍𝐂𝐄 (𝐍𝐒𝐏𝐂) 𝐐𝐔𝐀𝐋𝐈𝐅𝐈𝐄𝐑, IPINAGMALAKI NG SOUTH UPISOUTH UPI, Maguindanao del Sur — Buong gala...
11/04/2026

𝐍𝐀𝐓𝐈𝐎𝐍𝐀𝐋 𝐒𝐂𝐇𝐎𝐎𝐋𝐒 𝐏𝐑𝐄𝐒𝐒 𝐂𝐎𝐍𝐅𝐄𝐑𝐄𝐍𝐂𝐄 (𝐍𝐒𝐏𝐂) 𝐐𝐔𝐀𝐋𝐈𝐅𝐈𝐄𝐑, IPINAGMALAKI NG SOUTH UPI

SOUTH UPI, Maguindanao del Sur — Buong galak na ipinahayag ng Pamahalaang Bayan ng South Upi ang pagbati at pagkilala kay Grace Joy L. Ganti ng Bongo Elementary School matapos nitong maging qualifier sa prestihiyosong National Schools Press Conference (NSPC).

Ang naturang tagumpay ay patunay ng sipag, dedikasyon, at husay ni Ganti sa larangan ng pagsulat, na nagbigay ng karangalan hindi lamang sa kanyang paaralan kundi sa buong komunidad ng South Upi.

Ayon sa mensahe mula kay Hon. Mayor Helen Benito-Padua, “Bilang Ina ng Bayan ng South Upi, taos-puso kaming nagagalak at ipinagmamalaki ang iyong tagumpay. Dalhin ninyo ang galing at puso ng South Upi saan man kayo makarating. Tandaan ninyo, anuman ang kalabasan, panalo na kayo sa amin.”

Patuloy na ipinapakita ng mga kabataang manunulat ng South Upi ang kanilang kakayahan sa mas mataas na antas ng kompetisyon, na nagsisilbing inspirasyon sa iba pang mag-aaral na linangin ang kanilang talento.

Ipinahayag din ng lokal na pamahalaan ang kanilang buong suporta at panalangin para sa patuloy na tagumpay ni Ganti sa pambansang entablado ng NSPC, kung saan kanyang dadalhin ang dangal at galing ng South Upi sa larangan ng pamamahayag.

Mas Pinalakas na Daloy ng Produkto at Transportasyon sa Sitio Tinanod, Brgy. Bongo—Hatid ng Pamumuno ni Mayor Helen Beni...
07/04/2026

Mas Pinalakas na Daloy ng Produkto at Transportasyon sa Sitio Tinanod, Brgy. Bongo—Hatid ng Pamumuno ni Mayor Helen Benito-Padua

SOUTH UPI, Maguindanao del Sur — Mas pinadali na ang paglabas ng mga produktong agrikultural at ang transportasyon sa Sitio Tinanod, Barangay Bongo matapos ang patuloy na pagsasaayos at rehabilitasyon ng kalsada sa lugar sa ilalim ng pamumuno ni Mayor Helen Benito-Padua.

Sa pamamagitan ng proyektong ito, nagkaroon ng mas maayos at ligtas na daanan ang mga magsasaka, na dati’y nahihirapang maghatid ng kanilang ani patungo sa pamilihan dahil sa hindi maayos na kalsada. Ngayon, mas mabilis na ang biyahe at nababawasan ang gastos sa transportasyon, na direktang nakakatulong sa pagtaas ng kanilang kita.

Ayon sa lokal na pamahalaan, layunin ng proyekto na palakasin ang konektibidad ng mga liblib na komunidad at mapabuti ang kabuhayan ng mga residente. Patunay ito ng patuloy na pagsisikap ng pamahalaang bayan na maihatid ang serbisyong nararapat para sa mamamayan, lalo na sa mga nasa laylayan.

Inaasahang magdudulot pa ito ng mas maraming oportunidad sa kalakalan at pag-unlad sa Sitio Tinanod at karatig lugar sa mga susunod na panahon.

𝗡𝗮𝗶𝗯𝗮𝗹𝗶𝗸 𝗮𝗻𝗴 𝗠𝗮𝗮𝘆𝗼𝘀 𝗻𝗮 𝗗𝗮𝗮𝗻 𝘀𝗮 𝗜𝘁𝗮𝘄–𝗦𝗮𝗻 𝗝𝗼𝘀𝗲 𝗥𝗼𝗮𝗱, 𝗡𝗮𝗴𝗽𝗮𝘀𝗮𝗹𝗮𝗺𝗮𝘁 𝗮𝗻𝗴 𝗺𝗴𝗮 𝗥𝗲𝘀𝗶𝗱𝗲𝗻𝘁𝗲 𝘀𝗮 𝗠𝗮𝗯𝗶𝗹𝗶𝘀 𝗻𝗮 𝗔𝗸𝘀𝘆𝗼𝗻 𝗻𝗴 𝗟𝗚𝗨 𝗦𝗼𝘂𝘁𝗵 𝗨𝗽𝗶S...
23/03/2026

𝗡𝗮𝗶𝗯𝗮𝗹𝗶𝗸 𝗮𝗻𝗴 𝗠𝗮𝗮𝘆𝗼𝘀 𝗻𝗮 𝗗𝗮𝗮𝗻 𝘀𝗮 𝗜𝘁𝗮𝘄–𝗦𝗮𝗻 𝗝𝗼𝘀𝗲 𝗥𝗼𝗮𝗱, 𝗡𝗮𝗴𝗽𝗮𝘀𝗮𝗹𝗮𝗺𝗮𝘁 𝗮𝗻𝗴 𝗺𝗴𝗮 𝗥𝗲𝘀𝗶𝗱𝗲𝗻𝘁𝗲 𝘀𝗮 𝗠𝗮𝗯𝗶𝗹𝗶𝘀 𝗻𝗮 𝗔𝗸𝘀𝘆𝗼𝗻 𝗻𝗴 𝗟𝗚𝗨 𝗦𝗼𝘂𝘁𝗵 𝗨𝗽𝗶

SOUTH UPI, Maguindanao del Sur — Matapos ang matagal na pagtitiis sa lubak-lubak at halos hindi madaanan na kalsada, nagpasalamat ang mga residente ng Sitio Itaw hanggang Barangay San Jose, at Barangay San Jose pabalik ng Itaw, sa agarang aksyon ng pamahalaang bayan upang maisaayos ang nasabing daanan.

Sa direktiba ng Office of the Mayor sa pamumuno ni Hon. Helen Benito-Padua, at sa pakikipagtulungan ng Municipal Engineering Office, isinagawa ang re-opening at road rehabilitation ng kalsada upang maibalik ang maayos na daloy ng transportasyon sa lugar.

Ayon sa mga residente, matagal nilang tiniis ang hirap sa pagbiyahe dahil sa malalalim na lubak at sirang bahagi ng kalsada na nagdudulot ng panganib sa mga motorista at nagpapahirap sa pagdadala ng produkto, lalo na ng mga magsasaka.

Sa isinagawang pagsasaayos, tinanggal ang mga sirang bahagi ng daan, inayos ang rutang hindi madaanan, at muling binuksan ang kalsada upang maging ligtas at maginhawa ang pagbiyahe ng mga mamamayan.

Ipinahayag ng lokal na pamahalaan na ang proyekto ay bahagi ng patuloy na layunin ng administrasyon na mapabuti ang imprastraktura sa mga barangay upang mapadali ang transportasyon, mapalakas ang kabuhayan, at mapabilis ang pagdadala ng mga produkto sa pamilihan.

Nagpahayag naman ng pasasalamat ang mga residente sa mabilis na pagtugon ng Office of the Mayor at ng Municipal Engineering Office, dahil malaking tulong umano ang maayos na kalsada sa kanilang pang-araw-araw na pamumuhay.

𝐏𝐢𝐧𝐚𝐥𝐚𝐰𝐚𝐤 𝐧𝐚 𝐀𝐤𝐬𝐞𝐬 𝐬𝐚 𝐦𝐠𝐚 𝐋𝐢𝐛𝐥𝐢𝐛 𝐧𝐚 𝐋𝐮𝐠𝐚𝐫 𝐬𝐚 𝐒𝐨𝐮𝐭𝐡 𝐔𝐩𝐢, 𝐈𝐩𝐢𝐧𝐚𝐠𝐩𝐚𝐩𝐚𝐭𝐮𝐥𝐨𝐲SOUTH UPI, Maguindanao del Sur — Patuloy ang pags...
20/03/2026

𝐏𝐢𝐧𝐚𝐥𝐚𝐰𝐚𝐤 𝐧𝐚 𝐀𝐤𝐬𝐞𝐬 𝐬𝐚 𝐦𝐠𝐚 𝐋𝐢𝐛𝐥𝐢𝐛 𝐧𝐚 𝐋𝐮𝐠𝐚𝐫 𝐬𝐚 𝐒𝐨𝐮𝐭𝐡 𝐔𝐩𝐢, 𝐈𝐩𝐢𝐧𝐚𝐠𝐩𝐚𝐩𝐚𝐭𝐮𝐥𝐨𝐲

SOUTH UPI, Maguindanao del Sur — Patuloy ang pagsasagawa ng road accessibility at rehabilitation project ng Municipal Engineering Office ng LGU South Upi sa direktiba ni Hon. Mayor Helen Benito-Padua upang mapabuti ang daanan mula Barangay Bongo patungong Gambanan at Barangay Bongo patungong Sitio Tinanod.

Layunin ng proyekto na mabigyan ng mas maayos na daan ang mga residente, lalo na ang mga magsasaka, upang mas madali nilang maihatid ang kanilang mga produkto sa pamilihan. Ayon sa pamahalaang bayan, matagal nang hiniling ng mga mamamayan sa nasabing lugar ang pagkakaroon ng maayos na kalsada dahil sa hirap ng transportasyon, lalo na tuwing tag-ulan.

Sa pamamagitan ng direktiba ni Mayor Helen Benito-Padua at sa pakikipagtulungan ng Municipal Engineering Office, patuloy na isinasagawa ang rehabilitasyon upang matiyak na magkakaroon ng ligtas at maayos na akses ang mga komunidad sa liblib na bahagi ng bayan.

Binigyang-diin ng lokal na pamahalaan na ang pagpapabuti ng imprastraktura ay bahagi ng pangunahing layunin ng administrasyon upang mapalapit ang serbisyo ng gobyerno sa mga mamamayan at masuportahan ang kabuhayan ng mga magsasaka sa South Upi.

𝟏.𝟕 𝐊𝐢𝐥𝐨𝐦𝐞𝐭𝐫𝐨𝐧𝐠 𝐑𝐨𝐚𝐝 𝐑𝐞𝐡𝐚𝐛𝐢𝐥𝐢𝐭𝐚𝐭𝐢𝐨𝐧 𝐬𝐚 𝐁𝐫𝐠𝐲. 𝐁𝐨𝐧𝐠𝐨 𝐡𝐚𝐧𝐠𝐠𝐚𝐧𝐠 𝐒𝐢𝐭𝐢𝐨 𝐋𝐢𝐭𝐞𝐧𝐠𝐚𝐧, 𝐒𝐢𝐧𝐢𝐦𝐮𝐥𝐚𝐧 𝐧𝐠 𝐋𝐆𝐔 𝐒𝐨𝐮𝐭𝐡 𝐔𝐩𝐢SOUTH UPI, Maguind...
18/03/2026

𝟏.𝟕 𝐊𝐢𝐥𝐨𝐦𝐞𝐭𝐫𝐨𝐧𝐠 𝐑𝐨𝐚𝐝 𝐑𝐞𝐡𝐚𝐛𝐢𝐥𝐢𝐭𝐚𝐭𝐢𝐨𝐧 𝐬𝐚 𝐁𝐫𝐠𝐲. 𝐁𝐨𝐧𝐠𝐨 𝐡𝐚𝐧𝐠𝐠𝐚𝐧𝐠 𝐒𝐢𝐭𝐢𝐨 𝐋𝐢𝐭𝐞𝐧𝐠𝐚𝐧, 𝐒𝐢𝐧𝐢𝐦𝐮𝐥𝐚𝐧 𝐧𝐠 𝐋𝐆𝐔 𝐒𝐨𝐮𝐭𝐡 𝐔𝐩𝐢

SOUTH UPI, Maguindanao del Sur — Sinimulan na ang road rehabilitation project mula Barangay Bongo hanggang Sitio Litengan na may habang 1.7 kilometro, sa pangunguna ng Municipal Engineering Office ng South Upi sa direktiba ni Municipal Mayor Hon. Helen Benito-Padua, ngayong March 18, 2026.

Layunin ng proyekto na maisaayos at mapabuti ang kasalukuyang kondisyon ng kalsada upang mas mapadali ang transportasyon ng mga residente, lalo na sa pagdadala ng mga produkto, pagpasok sa paaralan, at pag-access sa mga pangunahing serbisyo ng pamahalaan.

Ayon sa Municipal Engineering Office, ang rehabilitasyon ng kalsada ay bahagi ng patuloy na programa ng lokal na pamahalaan upang mapalakas ang imprastraktura sa mga barangay at sitio sa South Upi, lalo na sa mga lugar na mahirap marating.

Sa ilalim ng pamumuno ni Mayor Helen Benito-Padua, patuloy ang pagsasagawa ng mga proyektong pangkaunlaran na naglalayong mapabuti ang kalidad ng buhay ng mga mamamayan at mapabilis ang pag-unlad ng mga komunidad sa bayan.
Inaasahan na matapos ang proyekto ay magiging mas ligtas, maayos, at mas maginhawa ang biyahe ng mga residente mula Barangay Bongo hanggang Sitio Litengan.

𝗛𝗮𝗻𝗱𝗹𝗼𝗼𝗺 𝗠𝗮𝗰𝗵𝗶𝗻𝗲𝘀 𝗜𝗽𝗶𝗻𝗮𝗴𝗸𝗮𝗹𝗼𝗼𝗯 𝘀𝗮 𝗦𝗼𝘂𝘁𝗵 𝗨𝗽𝗶, 𝗗𝗮𝗴𝗱𝗮𝗴 𝗦𝘂𝗽𝗼𝗿𝘁𝗮 𝘀𝗮 𝗞𝗮𝗯𝘂𝗵𝗮𝘆𝗮𝗻 𝗻𝗴 𝗜𝗣 𝗪𝗲𝗮𝘃𝗲𝗿𝘀SOUTH UPI, Maguindanao del Sur — I...
18/03/2026

𝗛𝗮𝗻𝗱𝗹𝗼𝗼𝗺 𝗠𝗮𝗰𝗵𝗶𝗻𝗲𝘀 𝗜𝗽𝗶𝗻𝗮𝗴𝗸𝗮𝗹𝗼𝗼𝗯 𝘀𝗮 𝗦𝗼𝘂𝘁𝗵 𝗨𝗽𝗶, 𝗗𝗮𝗴𝗱𝗮𝗴 𝗦𝘂𝗽𝗼𝗿𝘁𝗮 𝘀𝗮 𝗞𝗮𝗯𝘂𝗵𝗮𝘆𝗮𝗻 𝗻𝗴 𝗜𝗣 𝗪𝗲𝗮𝘃𝗲𝗿𝘀

SOUTH UPI, Maguindanao del Sur — Isang mahalagang hakbang para sa pagpapalakas ng kabuhayan at pagpapaunlad ng lokal na industriya ang isinagawa sa ginanap na Turn-Over Ceremony ng Handloom Machines sa Municipality of South Upi noong Marso 18, 2025, sa pangunguna ng Office of the Municipal Mayor.

Ang proyekto ay bahagi ng Transitional Development Impact Fund (TDIF) 2025, na pinangunahan ng tanggapan ni MP Atty. Suharto M. Ambolodto MNSA, sa pakikipagtulungan ng Ministry of Trade, Investment and Tourism – BARMM. Layunin ng programa na mapalakas ang kabuhayan ng komunidad, mapataas ang produksyon, at mapanatili ang mayamang kultura ng paghahabi gamit ang handloom.

Personal na tinanggap ni Municipal Mayor Helen B. Padua ang mga handloom machines bilang simbolo ng patuloy na suporta ng lokal na pamahalaan sa mga programang nagbibigay ng oportunidad sa mga lokal na artisan, lalo na sa mga Indigenous Peoples (IP) ng South Upi.

Sa kanyang mensahe, nagpasalamat si Mayor Padua sa tanggapan ni MP Ambolodto at sa mga katuwang na ahensya sa kanilang walang sawang suporta sa bayan. Binigyang-diin din niya na malaking tulong ang mga handloom machine sa mga IP weavers ng South Upi, upang mapalakas ang kanilang kabuhayan at mapanatili ang kanilang tradisyunal na sining ng paghahabi.

Address

South Upi

Website

Alerts

Be the first to know and let us send you an email when Strategic Communications Team - Hon. Mayor Helen Benito-Padua posts news and promotions. Your email address will not be used for any other purpose, and you can unsubscribe at any time.

Shortcuts

Share

Category