02/09/2024
KITAEN//
Dimmar-ay ti naipatugaw a Municipal IPMR ti ili a Sigay a ni Hon. Charlie Comiles iti napasamak a taripnong dagiti Municipal IPMRs Ken Tourism Officers iti Dua pulo ket tallo nga ili nga isu mabigbig a pagindegan dagiti Indigenous People iti probinsia ti Ilocos Sur pakairamanan ti ili a Sigay.
Ti nasao a taripnong ket napasamak idi maika-tallo pulo ti bilang ti Agosto iti agdama a tawen sadiay Ceferino's Restaurant, Candon City Ilocos Sur.
Daytoy a ganuat ket isu ti panagsasarita dagiti nasao a dimmar-ay maipapan ti mapasungadan a panakarambak ti Begnas 2024, kanayunanna ti Begnas ket kadawyan a maar aramid tunggal bulan ti Oktobre ta isu ti naituding a bulan dagiti IP.
Naisayangkat daytoy a panagtitipon babaen ti panangimaton dagiti kameng iti NCIP nga idadauluan ni Atty. Laarni Bañez, kasta met ti panakipaset ni Hon. Elpidio Quines Sr.(Provincial IPMR ti Ilocos Sur)isu naanus a nagsirbi kas nangidaulo nga opisyal ken ti panangbayabay ti aktibo Ken nagaget nga SPM ti Ilocos Sur a ni Hon. Benjamin Maggay.
Daytoy a naaaramid a taripnong ket makuna a naballigi ta adda panagtutunos dagiti Amin a dimmar-ay iti daytoy a panagtitipon.
Maipanamnama a no Anya man dagiti napagsasaritaan iti daytoy a taripnong ket maipakammo kadagiti kameng ti Barangay IPMRs nga isu katulunganna a mangiwaras kadagiti nasken nga impormasion para ti nasao a rambak.
Matago-tago Tako Am-in
