Ugnayang NBG : Nasa Brgy ang Gobyerno

18/04/2026

Congratulations! 👏👏👏

https://www.facebook.com/share/p/18YYvPqQ6o/?mibextid=wwXIfr

15/04/2026

Magandang balita mga ka-NBG!

Isa sa mga pinangako ni Mayor Najie Gapangada, Jr. ay ang pinalawak na scholarship ay inaprubahan na ng Sangguniang Panglunsod nitong February 9, 2026.

Ang nasabing Ordinansa ay drafted ni dating City Administrator Rick Jayson Tatlonghari noong August 22, 2025 kasama ang iba pang pinangako ni Mayor Najie:

1. AN ORDINANCE ESTABLISHING AN INCLUSIVE SCHOLARSHIP PROGRAM FOR THE CITY OF SAN PABLO, LAGUNA COVERING ACADEMICS, SPORTS, MUSIC, ARTS, AND INDIGENT FAMILIES, APPROPRIATING FUNDS THEREFOR, AND FOR OTHER PURPOSES (para sa mga mag aaral na may ibat ibang talento o katayuan sa lipunan) - APPROVED NA! February 9, 2026

2. AN ORDINANCE GRANTING A MONTHLY ALLOWANCE OF ONE THOUSAND PESOS (₱1,000.00) TO ALL QUALIFIED REGISTERED PERSONS WITH DISABILITY (PWDs) IN SAN PABLO CITY, AND PROVIDING FUNDS THEREFOR (para sa ating mga mahal na PWD)

3. EXPANDED SOLO PARENTS WELFARE ORDINANCE OF SAN OABLO CITY (para sa subsidy ng mga single parent)

4. AN ORDINANCE PROVIDING DAILY TRANSPORTATION ASSISTANCE OF FIFTY PESOS (₱50.00) TO INDIGENT PUBLIC ELEMENTARY STUDENTS IN SAN PABLO CITY TO SUPPORT ACCESS TO BASIC EDUCATION, PRESCRIBING GUIDELINES FOR QUALIFICATION, IMPLEMENTATION, AND MONITORING THEREOF, AND FOR OTHER PURPOSES (para sa ₱50 na baon araw araw ng mga kababayan nating nasa poorest among the poor)

5. AN ORDINANCE EXEMPTING REGISTERED PUBLIC UTILITY TRICYCLE OWNERS/OPERATORS IN SAN PABLO CITY FROM PAYMENT OF THE MTOP/FRANCHISE RENEWAL FEE FOR CALENDAR YEAR 2026, PRESCRIBING QUALIFICATIONS, CONDITIONS, MONITORING MECHANISMS, AND FOR OTHER PURPOSES (para sa subsidy ng mga good standing public utility tricycle owners/operators sa kanilang prangkisa)

Kaya kung ikaw ay isang mag-aaral na magaling sa sports, sa music and arts, sa academic o isang indigent na mag-aaral, na nais mag-aral, para sa iyo ang ordinansang ito na isa sa pangako ni Mayor Najie!

Mabuhay ang San Pablo! 🇵🇭

08/04/2026

Ngayong Araw ng Kagitingan, isang mahalagang paalala sa lahat ng kawani ng pamahalaan: ang kagitingan ay nagsisimula sa tapat na pagsisilbi sa taumbayan, pagtatanggol sa kanilang kapakanan at kalayaan, at tunay na pagmamahal sa bayan.

Iyan ang malinaw na ipinapakita ni Mayor Najie sa kanyang pamumuno. Sa pamamagitan ng programang Ugnayan sa Barangay: Nasa Barangay ang Gobyerno, siya mismo ang bumababa sa bawat barangay upang ilapit ang serbisyo ng pamahalaan sa mamamayan.

Dapat laging tandaan: hindi boss ang public servant ng taumbayan. Tayo ay narito upang makinig, umunawa, at magsilbi nang pantay-pantay sa lahat, mayaman man o mahirap. Walang dapat piliin, walang dapat ipagdamot na serbisyo, at walang dapat maliitin.

Ang tunay na dangal ng isang lingkod-bayan ay nakikita sa kababaang-loob, malasakit, at patas na paglilingkod.

Sa Araw ng Kagitingan, ipakita natin na ang makabagong kabayanihan ay nasa tapat, mapagkumbaba, at makataong paglilingkod sa bawat mamamayan.

07/04/2026

Sa wakas! August 22, 2025 pa ito isinumite sa Konseho kasama ng iba pang mga pinangako para sa taumbayan para sana sa January 2026 renewal. Kung umaksyon agad ang Konseho damang-dama ang MAIBA NAMAN. Mabuti at ngayon ay dinidinig na at sana naman ay ipasa na agad lalo nat may krisis ang transportasyon ngayon. Malaking tulong na maging libre ang prangkisa sa mga good standing na trike drivers at operators. Mabuhay ang administrasyon ni Mayor Najie! 🇵🇭

LIBRENG PRANGKISA SA TATLONG GULONG, DININIG NA

Sa kauna-unahang pagkakataon, dininig ng Komite sa Transportasyon sa pangunguna ni Konsehal Ding Villanueva, kasama ang kanyang mga kasamahan, kahapon, Abril 7, 2026, ang panukalang LIBRENG PRANGKISA para sa mga rehistradong tatlong gulong.

Kasama sa pagdinig ang mga lider ng pederasyon at mga TODA, kung saan inisyal na napagkasunduan na simula taong 2027 hanggang 2028 ay ipatutupad ang libreng prangkisa, pati na rin ang Mayor’s Permit para sa mga kwalipikadong operator.

Inaasahang maisasabatas ang panukalang ordinansa sa mga susunod pang pagdinig.

Lubos itong ikinatuwa ng Punong Lungsod, Mayor Najie Gapangada, sapagkat isa-isa nang naipapatupad ang kanyang mga ipinangako sa ilalim ng TEK Program — Trabaho, Edukasyon, at Kalusugan.

fans

03/04/2026

Muling pinagtibay ni Pangulong Ferdinand “PBBM” Marcos Jr. ang mahalagang papel ng mga barangay sa mabuting pamamahala at sa paghahatid ng serbisyong tunay na nararamdaman ng mamamayan.

Kaugnay nito, pag-upo pa lamang ni Hon. Mayor Arcadio “Najie” B. Gapangada, Jr. bilang punong-lungsod ng San Pablo, agad niyang ipinag-utos kay G. Rick Jayson Tatlonghari ang pagbuo ng isang konkretong hakbang upang matiyak na ang serbisyo ng pamahalaang lungsod ay direktang maramdaman sa bawat barangay, at naibabalik sa mamamayan ang halaga ng kanilang buwis sa anyo ng mabilis, maayos, at makataong serbisyo publiko.

Bilang tugon, agad na binuo ni G. Tatlonghari ang programang Ugnayang NBG (Nasa Barangay ang Gobyerno)—isang inisyatibang naglalapit sa City Hall at sa taumbayan sa pamamagitan ng pagdadala ng mga pangunahing serbisyo ng pamahalaang lungsod sa mismong mga barangay. Sa ilalim ng programang ito, sama-samang umiikot ang mga pangunahing departamento at tanggapan ng lungsod, kasama ang opisina ng alkalde, upang maihatid ang iba’t ibang serbisyong kinakailangan ng mamamayan.

Kabilang sa mga serbisyong matagumpay na naibaba sa mga barangay ay ang libreng medikal na konsultasyon at pamamahagi ng gamot, legal at dokumentaryong tulong, serbisyong panlipunan at pangkabuhayan, mga programang pang-agrikultura, pangkaligtasan at pangkapaligiran, gayundin ang mga inisyatiba para sa edukasyon, kabataan, at iba pang serbisyong pangkomunidad. Dahil dito, ang Ugnayang NBG ay nagsilbing isang “one-stop service caravan” na tumutugon sa pangangailangan ng iba’t ibang sektor ng lipunan sa antas-barangay.

Ang Ugnayang NBG ay malinaw na sumasalamin sa adhikain ni Mayor Gapangada na gawing inklusibo, abot-kamay, maagap, at episyente ang pamamahala. Isa itong kongkretong patunay ng isang pamahalaang hindi naghihintay na lumapit ang mamamayan, kundi mismong lumalapit sa kanila upang maglingkod.

Sa panig ng pamahalaan, naging mahalagang mekanismo ang programa upang higit na mapalakas ang ugnayan ng City Hall at ng mga barangay, at upang mas maunawaan ang tunay na kalagayan at pangangailangan ng bawat komunidad.

Sa panig naman ng mamamayan, naging patunay ito na ang pamahalaan ay tapat sa tungkulin at handang tumugon sa kanilang araw-araw na pangangailangan sa paraang mas mabilis, mas madali, at mas makabuluhan.

https://www.facebook.com/share/r/1Bca5duE7a/?mibextid=wwXIfr

02/04/2026

Sa Barangay Sto. Angel, San Pablo City, muling idinaos ang “Ugnayang NBG: Nasa Barangay ang Gobyerno”!

Noong Marso 31, 2026, nagsama-sama ang mga mamamayan ng Sto. Angel, San Diego, Sta. Isabel, at Concepcion upang makinabang sa mga serbisyong hatid ng pamahalaan—isang konkretong patunay na ang buwis ng mamamayan ay naibabalik sa pamamagitan ng mga serbisyong direktang napapakinabangan ng komunidad.

Kabilang sa mga serbisyong inilapit ang medical check-up, pagbabakuna para sa mga alagang hayop, at raffle na lalo pang nagpasaya sa programa.

Patunay ito sa malasakit ni Mayor Najie Gapangada Jr. na mailapit ang mga serbisyo ng pamahalaan sa bawat barangay at matiyak na ang kapakinabangan ng buwis ng mamamayan ay naibabalik sa kanila sa anyo ng makabuluhan at konkretong serbisyo.

Taos-pusong pasasalamat din sa lahat ng volunteers at katuwang na naging bahagi ng matagumpay na aktibidad na ito.

24/03/2026

Muling naghatid serbisyo ang Ugnayang NBG: Nasa Barangay ang Gobyerno ni Hon. Mayor Arcadio “Najie” B. Gapangada, Jr.

Ngayong Marso 24, 2026, muling inilapit ng Pamahalaang Lungsod ng San Pablo ang pangunahing serbisyong publiko sa mga barangay ng San Crispin, Sta. Felomina, at San Juan.

Sa sama-samang pagtutulungan ng mga kawani ng pamahalaan at mga boluntaryo, matagumpay na naihatid ang mga serbisyo para sa mamamayan.

Patuloy na ipinapakita ng Administrasyong Gapangada na ang pamahalaan ay nararapat na maglingkod nang tapat at ibalik sa taumbayan ang serbisyong kapalit ng kanilang binabayarang buwis.

25/02/2026

Muli na namang inihatid ng Lokal na Pamahalaan ng Lungsod ng San Pablo ang mga pangunahing serbisyong kinakailangan ng ating mga barangay sa pamamagitan ng Ugnayang NBG: Nasa Barangay ang Gobyerno, sa pangunguna ni Mayor Arcadio “Najie” B. Gapangada Jr.

Isinagawa ito sa SAN GREGORIO, SAN FRANCISCO, at SAN JOAQUIN (Pebrero 10, 2026); SAN ISIDRO, ATISAN, BAUTISTA, at SANTIAGO II (Pebrero 19, 2026); at SAN MARCOS, SAN MATEO, STA. MARIA MAGDALENA, at DEL REMEDIO (Pebrero 24, 2026).

Sa ilalim ng programang ito, direktang dinala sa komunidad ang serbisyong pangkalusugan, panlipunan, at mga programang pangkaunlaran upang mas mabilis, mas maayos, at mas episyenteng matugunan ang pangangailangan ng mamamayan.

Patunay ito ng malinaw na layunin ng administrasyon na gawing mas accessible, mas responsive, at mas makatao ang serbisyo publiko—kung saan ang pamahalaan mismo ang lumalapit sa tao, hindi ang tao ang lumalapit sa pamahalaan.

16/12/2025