MAIBA NAMAN Movement

19/06/2026

MALINAW NA TUNGKULIN NG MGA OPISYAL AT KAWANI NG PAMAHALAANG LUNGSOD

Malinaw ang direktiba ng Punong Lungsod na ang bawat opisyal at kawani ng pamahalaan ay inaasahang gampanan hindi lamang ang kanilang pangunahing tungkulin, kundi maging handang tumugon sa iba pang responsibilidad kung kinakailangan para sa kapakanan ng serbisyo publiko.

Iisa ang layunin ng administrasyon—ang higit pang mapabuti, mapabilis, at maging mas episyente ang paglilingkod sa mamamayan. Ang serbisyo publiko ay hindi para sa pansariling kapakinabangan kundi isang sagradong tungkulin na dapat isagawa nang may integridad, dedikasyon, at malasakit. Ito ang malinaw na paninindigan ng Punong Lungsod, si Mayor Najie Gapangada.

Dahil dito, asahan ang patuloy na pagrepaso at pagsasaayos sa istruktura at mga gawain ng Pamahalaang Lungsod upang matiyak na ang bawat tanggapan ay epektibong nakatutugon sa pangangailangan ng publiko. Ang anumang pagbabago o pagbabalasa ay nakatuon sa pagpapalakas ng pamamahala, pagpapabilis ng mga serbisyo, at pagsusulong ng mas maayos na kaunlaran para sa ating minamahal na San Pablo City.

Sa huli, ang sukatan ng tagumpay ng pamahalaan ay hindi ang posisyon ng sinuman, kundi ang kalidad ng serbisyong naibibigay sa bawat mamamayan. Patuloy nating pagtutulungan ang pagtataguyod ng isang mahusay, tapat, at makataong pamahalaan para sa lahat.
fans
Najie Gapangada

16/06/2026

TULOY-TULOY LANG TAYO SA NGALAN NG MALINIS NA SERBISYO PARA SA MGA MAMAMAYAN NG LUNGSOD NG SAN PABLO.
fans


Najie Gapangada

https://www.facebook.com/share/p/14d8BwT6P7x/

PLEASE FOLLOW OUR OFFICIAL PAGE. THANK YOU

Walang humpay ang tagumpay ng San Pablo!
Sunod-sunod ang pagkilalang natatanggap natin - mula sa masinop na pamamahala ng ating pondo, sa maayos na pangangalaga ng ating mga kawani, hanggang sa de-kalidad na serbisyong pangkalusugan!

NO.9 - TOP PERFORMING MAYORS IN CALABARZON

PRIME-HRM AWARD

SEAL OF GOOD FINANCiAL HOUSE KEEPING

CITY HEALTH OFFICE AWARDS
Excellence in Electronic Medical Records (EMR) Implementation/Benchmarking Practices
Empowering BHW as Brgy Level Health Education and Promotion Officers
Highest percentage of Health Emergency Response Team Members Trained in Disaster Risk Reduction and Management in Health
Institutionalized Disaster Risk Refuction and Management in Health
Achievement in National Voluntary Blood Service Program
Adoption and Full Implementation of RA 9482 (Anti Rabies Act of 2007)

14/06/2026

"ANG TAGUMPAY NG PAMAHALAAN AY TAGUMPAY NG MGA MAMAMAYAN."
-Mayor Najie Gapangada
fans


CONGRATULATIONS, SAN PABLO CITY

12/06/2026

ALAMINOS-SAN PABLO BYPASS(DIVERSION ROAD)

10 taon nakatiwang-wang. Hiniling ni Mayor Najie Gapangada sa DPWH sa pamamagitan ng panawagan kay Sec. Vinz Dizon na tulungan ang lungsod, kinabukasan, tinugunan ang panawagan.

Mabubuksan ito bago matapos ang taon.

fans

11/06/2026

𝗗𝗜𝗩𝗘𝗥𝗦𝗜𝗢𝗡 𝗥𝗢𝗔𝗗, 𝗠𝗔𝗚𝗔𝗚𝗔𝗠𝗜𝗧 𝗡𝗔 𝗕𝗔𝗚𝗢 𝗠𝗔𝗚𝗧𝗔𝗣𝗢𝗦 𝗔𝗡𝗚 𝗧𝗔𝗢𝗡

Matapos manawagan si Mayor Najie B. Gapangada para sa agarang pagsasaayos at pagkumpleto ng Alaminos–San Pablo Diversion Road noong Martes, agad itong tinugunan ni DPWH Secretary Vince Dizon kinabukasan.

Sa naging pakikipag-ugnayan ng Punong Lungsod sa Kalihim ng Department of Public Works and Highways (DPWH), tiniyak ni Secretary Dizon na matatapos at magiging magagamit ang proyekto bago matapos ang kasalukuyang taon.

Isa na naman itong mahalagang tagumpay ng administrasyong Gapangada na naglalayong mapabilis ang paglalakbay, mapagaan ang daloy ng trapiko, at mapalakas ang konektibidad ng San Pablo City sa mga karatig-bayan at lungsod.

Kapag natapos ang proyekto, inaasahang mas magiging maginhawa, ligtas, at mabilis ang biyahe ng ating mga kababayan at ng libu-libong motorista na araw-araw na dumaraan sa lungsod.

Mabilis na aksyon, konkretong resulta—para sa mas maunlad at mas konektadong San Pablo City.

https://www.facebook.com/share/r/1Fq46WMKvX/

fans
@

10/06/2026

Ito ang dahilan kung bakit ang malalaking kumpanya, negosyante at ahensya ng pamahalaan ay naglalagak ng puhunan at programa sa Lungsod ng San Pablo.

Dapat ngayon pa lang, alam na ng mga KONSEHAL ang kaibahan ng NOON at NGAYON para mas mapabilis ang mga programa ng bagong pamahalaan na naka sentro sa kaunlaran at kapakinabangan ng mga mamamayan..

"MAS MAY INVESTOR TRUST KUNG HINDI KURAKOT ANG ISANG LUGAR." -GABI PINEDA

fans

09/06/2026

MAG REPORT SA TAMANG TANGAPAN

Nirerespeto po namin ang karapatan ng bawat isa na magpahayag ng kanilang saloobin. Ngunit hindi rin makatarungan na magbintang laban sa ating mga doktor, nars, at iba pang kawani nang walang sapat na detalye at hindi dumaraan sa tamang proseso ng pagrereklamo.

Kung may insidenteng naganap, sino po ang sangkot? Kailan at saan ito nangyari? Direkta po ba ninyo itong naranasan? Ang mga impormasyong ito ay mahalaga upang maisagawa ang patas at wastong imbestigasyon.

Ang mga pangkalahatang pahayag tulad ng “laging walang doktor” o “mataray ang mga nurse” ay seryosong alegasyon na dapat mapatunayan. Hindi sapat ang mga hindi beripikadong kuwento o opinyon upang husgahan ang buong institusyon at ang mga taong araw-araw na nagsasakripisyo para sa kapakanan ng ating mga pasyente.

Hindi perpekto ang anumang ospital, ngunit patuloy ang SPCGH sa pagpapabuti ng serbisyo at pasilidad upang mas mapagsilbihan ang ating mga kababayan. Kung may lehitimong reklamo, bukas ang aming tanggapan upang ito ay pakinggan, imbestigahan, at aksyunan.

Mas makatutulong ang responsableng pakikipag-ugnayan kaysa sa mga paratang na walang sapat na batayan. Ang layunin natin ay hindi ang manira, kundi ang mapabuti pa ang serbisyong pangkalusugan para sa lahat.

SALAMAT SA INYONG PANG UNAWA

fans

09/06/2026

KAYA NATIN ITO!
fans

07/06/2026

https://www.facebook.com/share/192aTMHRmv/

07/06/2026

𝗠𝗔𝗬𝗢𝗥 𝗡𝗔𝗝𝗜𝗘, 𝗧𝗢𝗣 𝟵 𝗦𝗔 𝟮𝟮 𝗖𝗜𝗧𝗬 𝗠𝗔𝗬𝗢𝗥𝗦 𝗡𝗚 𝗖𝗔𝗟𝗔𝗕𝗔𝗥𝗭𝗢𝗡

SAN PABLO CITY — Kinilala si Mayor Arcadio “Najie” B. Gapangada, Jr. bilang kabilang sa Top 9 City Mayors sa CALABARZON batay sa RPMD Foundation Inc. “Boses ng Bayan” Index of Governance Survey.

Nagtala siya ng 75.8% Index of Governance, 75.4% Trust Rating, at 76.3% Performance Rating, na naglagay sa kanya sa kategoryang “Very Strong Governance Performance.”

Kapansin-pansin na wala pang isang taon sa panunungkulan si Mayor Najie, ngunit agad na siyang nakapasok sa Top 9 sa hanay ng 22 city mayors sa rehiyon. Isa itong patunay na nakikita at kinikilala ng publiko ang direksyon ng kanyang pamumuno.

Kasabay nito ang pagsulong ng mga pangunahing inisyatiba tulad ng iSANPABLO Digital Governance System at ng proposed San Pablo Economic Zone with Airport Initiative na layuning palakasin ang serbisyo publiko, pamumuhunan, at paglikha ng mga oportunidad para sa mga San Pableño.

Patuloy ang pag-angat ng San Pablo tungo sa isang mas moderno, mas maunlad, at mas mahusay na lungsod.




fans