02/10/2026
𝗣𝗥𝗘𝗦𝗘𝗡𝗧𝗔𝗧𝗜𝗢𝗡 𝗔𝗡𝗗 𝗖𝗘𝗥𝗧𝗜𝗙𝗜𝗖𝗔𝗧𝗜𝗢𝗡 𝗢𝗙 𝗠𝗔𝗣𝗦 𝗧𝗢 𝗕𝗘 𝗨𝗦𝗘𝗗 𝗗𝗨𝗥𝗜𝗡𝗚 𝗧𝗛𝗘 𝗖𝗢𝗡𝗗𝗨𝗖𝗧 𝗢𝗙 𝗧𝗛𝗘 𝗖𝗢𝗠𝗠𝗨𝗡𝗜𝗧𝗬 𝗕𝗔𝗦𝗘𝗗-𝗠𝗢𝗡𝗜𝗧𝗢𝗥𝗜𝗡𝗚 𝗦𝗬𝗦𝗧𝗘𝗠 (𝗖𝗕𝗠𝗦)
Isinagawa ngayong araw, ika-2 ng Oktubre 2026, ang presentation at certification ng mga mapa na gagamitin sa nalalapit na pagsasagawa ng Community-Based Monitoring System (CBMS) sa Bayan ng Roxas, sa pangangasiwa ng Municipal Planning and Development Office (MPDO), katuwang ang Philippine Statistics Authority (PSA).
Dumalo sa aktibidad ang mga opisyal mula sa iba’t ibang barangay upang talakayin, suriin at pagtibayin ang mga mapa na magsisilbing gabay sa pangangalap ng datos sa bawat komunidad.
Mahalagang bahagi ito ng paghahanda para sa CBMS, na naglalayong makalikom ng napapanahon at maaasahang datos tungkol sa kalagayan at pangangailangan ng mga pamilya at komunidad. Ang mga datos na ito ay magsisilbing gabay sa pagpaplano ng mga programa at serbisyong mas angkop sa pangangailangan ng mga Roxaseño.
Sa pamumuno ni Punong Bayan Kgg. Pedy Bautista Sabando, patuloy ang pagsisikap ng Lokal na Pamahalaan ng Roxas na mapalakas ang pagpaplano at paghahatid ng mga serbisyong naaayon sa pangangailangan ng komunidad.
