https://www.facebook.com/226266524852079/

Municipality of Romblon, M. A. Roxas Street Brgy. IV-Poblacion, Romblon (2026)

04/09/2026

𝗟𝗚𝗨 𝗥𝗢𝗠𝗕𝗟𝗢𝗡 𝗡𝗔𝗞𝗜𝗜𝗦𝗔 𝗦𝗔 𝗜𝗦𝗜𝗡𝗔𝗚𝗔𝗪𝗔𝗡𝗚 𝗦𝗧𝗥𝗘𝗦𝗦 𝗠𝗔𝗡𝗔𝗚𝗘𝗠𝗘𝗡𝗧 𝗦𝗘𝗠𝗜𝗡𝗔𝗥

Nakiisa ang Lokal na Pamahalaan ng Romblon sa isinagawang Stress Management Seminar ng Romblon State University–Romblon Campus (RSU-RC) noong Setyembre 2, 2026 bilang pakikiisa sa paggunita ng Su***de Prevention Month.

Bitbit ang temang “Train to Serve, Serve to Empower,” layunin ng aktibidad na mapalawak ang kaalaman at kamalayan tungkol sa mental health at mabigyan ang mga estudyante at stakeholders ng praktikal na paraan upang mas maayos na harapin ang stress, pressure, at iba’t ibang hamon sa araw-araw.

Nakiisa sa aktibidad si Municipal Mayor Atty. Gerard S. Montojo, kasama ang mga kinatawan ng Persons with Disability Affairs Office (PDAO), bilang pagpapakita ng patuloy na suporta ng Lokal na Pamahalaan sa mga programang nagtataguyod ng mental health at kapakanan ng komunidad.

Sa kanyang mensahe, nagbahagi si Municipal Mayor Atty. Gerard S. Montojo ng mga personal na karanasan upang magbigay-inspirasyon at paalala sa mga dumalo na hindi kailangang harapin nang mag-isa ang mga pagsubok. Binigyang-diin din niya ang patuloy na commitment ng Lokal na Pamahalaan na palakasin ang mga serbisyong nagbibigay suporta at tulong sa mga nangangailangan.

Sa pamamagitan ng pakikiisa sa mga ganitong gawain, patuloy na isinusulong ng Lokal na Pamahalaan ng Romblon ang isang komunidad na mas maunawain, maalaga, at bukas sa usapin ng mental health, dahil ang pangangalaga sa mental health ay bahagi ng pangangalaga sa bawat Romblomanon.

***dePreventionMonth

02/09/2026

𝗟𝗚𝗨 𝗥𝗢𝗠𝗕𝗟𝗢𝗡, 𝗡𝗔𝗚𝗦𝗔𝗚𝗔𝗪𝗔 𝗡𝗚 𝟱-𝗔𝗥𝗔𝗪 𝗡𝗔 𝗣𝗔𝗚𝗦𝗔𝗦𝗔𝗡𝗔𝗬 𝗣𝗔𝗥𝗔 𝗦𝗔 𝗠𝗚𝗔 𝗙𝗔𝗖𝗜𝗟𝗜𝗧𝗔𝗧𝗢𝗥 𝗡𝗚 𝗣𝗔𝗥𝗘𝗡𝗧 𝗘𝗙𝗙𝗘𝗖𝗧𝗜𝗩𝗘𝗡𝗘𝗦𝗦 𝗦𝗘𝗥𝗩𝗜𝗖𝗘 (𝗣𝗘𝗦)

Ang Lokal na Pamahalaan ng Romblon, sa pangunguna ng Municipal Social Welfare and Development Office (MSWDO), katuwang ang mga Child Development Workers (CDWs), DSWD Field Office MIMAROPA, at PSWDO Romblon, ay matagumpay na nagsagawa ng 5-Day Facilitators’ Roll-Out Training on Parent Effectiveness Service (PES) noong Agosto 24–28, 2026.

Layunin ng pagsasanay na mapalawak ang kaalaman at mapahusay ang kakayahan ng mga facilitator sa paghahatid ng PES sessions gamit ang angkop at participatory na pamamaraan. Binigyang-diin din sa training ang paggamit at pagtalakay ng mga PES modules na tumatalakay sa positibong disiplina, komunikasyon, child protection, kalusugan, nutrisyon, at responsableng pagiging magulang.

Sa pamamagitan ng pagsasanay, inihanda ang mga facilitator na makapagbigay ng angkop na suporta at gabay sa mga magulang at tagapag-alaga, habang pinalalakas din ang koordinasyon at pagtutulungan ng iba't ibang tanggapan at organisasyon para sa matagumpay na roll-out ng PES sa mga komunidad.

Kabuuang 32 Child Development Workers (CDWs) ang nahasa at inihanda upang magsagawa ng PES roll-out para sa mga magulang ng mga batang nasa Child Development Centers (CDCs).

Kasama rin sa pagsasanay ang 9 ERPAT Presidents, na inaasahang magbabahagi at magpapalawak ng kanilang mga natutunan sa kanilang mga kapwa miyembro at komunidad. Samantala, 11 kawani ng MSWDO ang nabigyan din ng pagkakataong mapalakas ang kanilang kakayahan bilang mga potensyal na facilitators ng PES Program sa kani-kanilang mga komunidad.

Sa pangkalahatan, layunin ng training na makapaghanda ng mga facilitator na may sapat na kaalaman, kasanayan, at kumpiyansa sa paghahatid ng PES sessions upang makatulong sa paghubog ng mga magulang na mas may kakayahan sa pagpapalaki, paggabay, at pagprotekta sa kanilang mga anak.

Sa patuloy na pagtutulungan ng lokal na pamahalaan at mga katuwang na tanggapan at organisasyon, mas mapapalakas ang mga pamilya at mas maraming magulang ang mabibigyan ng kaalaman at suporta tungo sa positibo, responsableng, at epektibong pagiging magulang.

31/08/2026

𝗟𝗚𝗨 𝗥𝗼𝗺𝗯𝗹𝗼𝗻, 𝗣𝗶𝗻𝗮𝗹𝗮𝗸𝗮𝘀 𝗮𝗻𝗴 𝗞𝗮𝗵𝗮𝗻𝗱𝗮𝗮𝗻 𝘀𝗮 𝗦𝗮𝗸𝘂𝗻𝗮 𝘀𝗮 𝗣𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗥𝗗𝗔𝗡𝗔 𝗧𝗿𝗮𝗶𝗻𝗶𝗻𝗴

Bilang bahagi ng patuloy na pagpapalakas ng kahandaan at kakayahan ng komunidad sa panahon ng sakuna, matagumpay na isinagawa ng Local Government Unit of Romblon, sa pamamagitan ng Municipal Disaster Risk Reduction and Management Office (MDRRMO), katuwang ang Office of Civil Defense (OCD) MIMAROPA, ang apat na araw na Rapid Damage Assessment and Needs Analysis (RDANA) Training noong Agosto 25–28, 2026 sa El Krimphoff Resort, Brgy. Lonos, Romblon.

May kabuuang 40 kalahok mula sa iba’t ibang sektor at organisasyon ang matagumpay na nakumpleto ang pagsasanay. Kabilang dito ang mga kawani ng LGU, uniformed personnel, mga kinatawan mula sa pribadong sektor, Civil Society Organizations (CSOs), at Non-Governmental Organizations (NGOs).

Layunin ng pagsasanay na higit pang mapaunlad ang kaalaman at kasanayan ng mga kalahok sa mabilis, sistematiko, at tumpak na pagtatasa ng pinsala, pagkalugi, at mga pangunahing pangangailangan ng komunidad kasunod ng mga sakuna at emergency.

Sa pamamagitan ng RDANA Training, patuloy na pinatitibay ng LGU Romblon ang whole-of-community approach sa disaster risk reduction and management, kung saan binibigyang-halaga ang koordinasyon, pagtutulungan, at sama-samang pagkilos ng pamahalaan, uniformed services, pribadong sektor, CSOs, NGOs, at iba pang katuwang ng komunidad.

Sa ganitong mga hakbang, mas napapalakas ang kakayahan ng bawat sektor na makapagbigay ng napapanahon at angkop na tugon sa pangangailangan ng mga Romblomanon sa panahon ng kalamidad.

Taos-pusong pasasalamat ang ipinapaabot ng MDRRMO sa OCD MIMAROPA, mga facilitator at resource persons, participating organizations, at sa lahat ng 40 RDANA participants sa kanilang aktibong pakikilahok at dedikasyon sa pagpapalakas ng disaster preparedness and response sa Bayan ng Romblon.

31/08/2026

𝗜𝗡 𝗣𝗛𝗢𝗧𝗢𝗦: 2026 Mid-Year Performance Assessment Review cm Dagyaw Town Hall Meeting and Serbisyo Caravan Fellowship Night: Gabi ng Pasasalamat

Matagumpay na naisagawa noong Biyernes ang 2026 Mid-Year Performance Assessment Review cm Dagyaw Town Hall Meeting sa DC Munting Paraiso, Brgy. Agnay, Romblon, Romblom. Naging mahalagang pagkakataon ito upang balikan at suriin ang mga naging programa, proyekto, at serbisyong ipinatupad ng Lokal na Pamahalaan sa unang kalahati ng taon, gayundin ang mga naging resulta at mga susunod na hakbang para sa patuloy na pagpapabuti ng paghahatid ng serbisyo publiko.

Naging bahagi rin ng makabuluhang pagtitipon ang Serbisyo Caravan Fellowship Night – Gabi ng Pasasalamat, na nagsilbing pagkakataon upang kilalanin at bigyang-pugay ang mga partner agencies at organisasyon na naging katuwang ng Lokal na Pamahalaan sa matagumpay na pagsasagawa ng Serbisyo Caravan 2026. Ang kanilang suporta, pakikipagtulungan, at aktibong pakikilahok ay naging mahalagang ambag sa matagumpay na paghahatid ng iba’t ibang serbisyo sa ating mga kababayan.

Ang tagumpay ng Serbisyo Caravan 2026 ay bunga ng sama-samang pagkilos ng Lokal na Pamahalaan, mga partner agencies, barangay officials, volunteers, at iba pang stakeholders na naglaan ng oras, serbisyo, at suporta upang mailapit ang mga kinakailangang programa at serbisyo sa ating mga komunidad.

Isang taos-pusong pasasalamat sa lahat ng naging bahagi ng Serbisyo Caravan 2026. Sa inyong pakikiisa, suporta, at pagtutulungan, naging mas makabuluhan ang programa at mas maraming Romblomanon ang napaglingkuran at natulungan. Maraming salamat sa lahat ng naging katuwang sa matagumpay na gawaing ito. 💚🤍

23/08/2026

𝗧𝗜𝗡𝗚𝗡𝗔𝗡: Isinagawa noong Huwebes, Agosto 20, 2026, sa Bayan ng Romblon ang Medical Check-Up, Measurement, at Casting para sa Prosthetic Arms and Legs para sa walong (8) kwalipikadong Persons with Disabilities (PWDs) na amputees.

Isinagawa ang aktibidad bilang bahagi ng paghahanda para sa pagkakaloob ng mga prosthetic arms at legs na angkop sa pangangailangan ng bawat benepisyaryo, na makatutulong upang mapadali ang kanilang pang-araw-araw na gawain at mapabuti ang kanilang pagkilos at pamumuhay.

Taos-pusong pasasalamat sa ating mga katuwang na Municipal PDAO, Provincial PDAO, OrthoFit, DSWD, MSWDO, at RHU sa kanilang suporta at malasakit sa pagpapatupad ng serbisyong ito.

Patuloy nating isulong ang mga programang nagbibigay ng makabuluhan, inklusibo, at accessible na serbisyong pangkalusugan para sa ating mga kababayan.

18/08/2026

𝗧𝗜𝗡𝗚𝗡𝗔𝗡: Matagumpay na isinagawa ang Dietary Supplementation para sa mga nutritionally at-risk na buntis at teenage pregnant women, na may kabuuang 50 benepisyaryo.

Bilang bahagi ng aktibidad, isinagawa rin ang pagbibigay ng impormasyon tungkol sa nutrisyon. Tinalakay din ang first 1000 days at kahalagahan ng exclusive breastfeeding

Layunin nitong mapalawak ang kaalaman ng mga benepisyaro hinggil sa wastong nutrisyon at pangangalaga sa kalusugan ng ina at sanggol.

Ang aktibidad na ito ay kaugnay ng paggunita sa National Breastfeeding Month, bilang patuloy na suporta sa pagsusulong ng wastong nutrisyon at breastfeeding para sa mas malusog na mga ina at anak.

17/08/2026

𝗪𝗔𝗟𝗔𝗡𝗚 𝗣𝗔𝗦𝗢𝗞 | 𝗔𝘂𝗴𝘂𝘀𝘁 𝟭𝟴, 𝟮𝟬𝟮𝟲

Suspendido ang klase sa lahat ng antas sa pampubliko at pribadong paaralan ngayong araw dahil sa masamang panahon dulot ng habagat.

Pinapayuhan ang lahat na manatiling ligtas, manatili sa loob ng bahay kung kinakailangan, at patuloy na subaybayan ang mga opisyal na abiso mula sa mga kinauukulang ahensya.

16/08/2026

📣 𝐌𝐞𝐚𝐬𝐥𝐞𝐬 𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐌𝐑 𝐒𝐈𝐀) 💉❤️

📅 𝐀𝐮𝐠𝐮𝐬𝐭 𝟏𝟕, 𝟐𝟎𝟐𝟔 (Lunes)
📍 𝐑𝐨𝐦𝐛𝐥𝐨𝐧 𝐏𝐮𝐛𝐥𝐢𝐜 𝐏𝐥𝐚𝐳𝐚

Para sa mga batang 6 months old hanggang 59 months old 👶🧒

💉 Para sa Brgy. Bagacay at lahat ng Barangay ng Romblon!

Hinihikayat ang lahat ng magulang at tagapag-alaga na dalhin ang kanilang mga anak upang mabigyan ng bakuna laban sa Tigdas at Rubella.

✨𝐂𝐡𝐢𝐤𝐢𝐭𝐢𝐧𝐠 𝐋𝐢𝐠𝐭𝐚𝐬! Ligtas sa Tigdas at Rubella!
🤍 Sama-sama nating protektahan ang ating mga chikiting!

16/08/2026

𝗜𝗡𝗦𝗧𝗔𝗟𝗟𝗔𝗧𝗜𝗢𝗡 𝗡𝗚 𝟭𝟬 𝗞𝗨𝗠𝗔𝗜𝗡𝗠𝗘𝗡𝗧𝗦 𝗠𝗔𝗥𝗕𝗟𝗘 𝗦𝗜𝗚𝗡𝗔𝗚𝗘, 𝗜𝗦𝗜𝗡𝗔𝗚𝗔𝗪𝗔 𝗦𝗔 𝗟𝗜𝗠𝗔𝗡𝗚 𝗕𝗘𝗡𝗘𝗣𝗜𝗦𝗬𝗔𝗥𝗬𝗢𝗡𝗚 𝗕𝗔𝗥𝗔𝗡𝗚𝗔𝗬

Matagumpay na isinagawa ang installation ng 10 Kumainments Marble Signage sa limang benepisyaryong barangay—Brgy. Cajimos, Sablayan, Capaclan, Agnay, at Agbaluto.

Ang proyekto ay bahagi ng Information and Education Campaign (IEC) Materials na naglalayong maghatid ng mahahalagang paalala at impormasyon tungkol sa wastong nutrisyon, malusog na pamumuhay, at pangangalaga sa kalusugan.

Naisakatuparan ito sa tulong ni Municipal Nutrition Action Officer (MNAO) Morena Rabina, sa ilalim ng pamumuno ni Municipal Mayor Atty. Gerard S. Montojo.

Sa pamamagitan ng mga ganitong inisyatiba, patuloy na itinataguyod ng Lokal na Pamahalaan ang pagpapalaganap ng kaalaman at kamalayan sa nutrisyon at kalusugan para sa isang mas malusog na komunidad.

11/08/2026

𝗖𝗟𝗔𝗥𝗞–𝗧𝗔𝗕𝗟𝗔𝗦–𝗖𝗟𝗔𝗥𝗞 𝗙𝗟𝗜𝗚𝗛𝗧, 𝗡𝗔𝗚𝗦𝗜𝗠𝗨𝗟𝗔 𝗡𝗔!

Lumapag ngayong araw sa Tugdan Airport ang inaugural flight ng Sunlight Air mula Clark, bilang pagsisimula ng regular na Clark–Tablas–Clark route.

Pinangunahan ni Congressman Budoy Madrona, kasama si Hon. Mayor Atty. Gerard S. Montojo, bilang LMP President, at SP Jojo Beltran III, bilang kinatawan ng Pamahalaang Panlalawigan ng Romblon, ang pagbubukas ng inaugural service, kasama ang mga stakeholders at iba pang katuwang na ahensya.

Ang Clark–Tablas–Clark route ay may regular na flight dalawang beses kada linggo, tuwing Martes at Sabado, na nagbibigay ng mas mabilis at mas maginhawang paraan ng paglalakbay para sa mga Romblomanon, turista, at iba pang biyahero.

Municipality of Romblon

04/09/2026

02/09/2026

31/08/2026

31/08/2026

23/08/2026

18/08/2026

17/08/2026

16/08/2026

16/08/2026

11/08/2026

Address

Website

Alerts

Shortcuts

Share

Category

Listing takedown request