04/08/2026
Adunay 2nd Batch ang UPLIFT. Anang adlawa pod isabay validation & registration for online payment para mamahimong online na ang sunod nga pagdawat sa ayuda ug di na moanhi sa Munisipyo. Kani ang mga detalye nga angay sabton, timan-an ug i-andam sa mga beneficiaries :
SCHEDULE SA VALIDATION,PAY-OUT ug REGISTRATION:
August 12, 2026, Meyerkules 8:00 sa buntag hangtud mahuman
VENUE : LGU - Prosperidad, Municipal Covered Court
REQUIREMENTS: (i-xerox ang bisan isa lamang ka musunod nga dokumento unya pirmahan katulo ubos sa xerox ID)
- National ID
- Voters Certificate nga gi-isyu karon 2026 nga tuig
- Drivers License
-Philhealth card
-PWD/SENIOR CITIZENS ID (Updated)
KAUSABAN SA POLISIYA
Kung pananglitan ang beneficiary adunay kabilinggan, di makaanhi personal, pwede na mag-authorize ug replacement. Pero kani lamang ang sitwasyon nga gi-consider :
-Kung siya nanarbaho sa Visayas (ex. Cebu) ug Luzon (ex. Manila) o siya usa ka OFW )abroad, kani ang angay i-comply: CERTIFICATE OF EMPLOYMENT nga pirmado sa iyang amo, i-scan unya ipadala sa iyang i-authorize unya i-print kanang klaro ug hinlo. pwede sila mag-authorize ug membro sa ilang pamilya nga ilang naapil nga membro sa ilang panimalay adtong tuig sa 2024 kung diin gipahigayon ang CBMS survey. Kibale, ayaw i-authorize ang tao nga wala maapil sa imong household panahon nga na-survey ka aron di mapalaw ug anhi. Ang mga nagtrabaho within MINDANAO kinahanglan siya gyud nga tag-tungod ang moanhi (ex., Surigao, Cagayan, Davao, Butuan)
-Kung siya nahospital o bedridden, pwede mag-authorize ug membro sa iyang pamilya nga naapil gihapon sa iyang household adtong 2024 CBMS. Magdala ang iya i-authorize ug MEDICAL CERTIFICATE gikan sa iyang Doctor sa hospital o sa MHO nga siya bedridden kung nia ra siya sa Prosperidad, kung wala sa Prosperidad, Medical Certificate sa Doctor kung asa siya gi-atiman ug nagpa-amuma. Dili pwede nga Nurse, Doctor gyud ang mo-pirma.
-Kung siya namatay, ang mo-replace kadtong naapil gihapon sa iyang household CBMS 2024, magdala ug DEATH CERTIFICATE.
Para sa pag-subay kung kinsa o naapil ba imo ngalan, palihug bisita sa inyong Barangay Office ug mag-inquire kang Barangay Secretary kung anaa ba imo pangalan sa listahan kay amo na ipadala karon nga hapon.
SA MAKAUSA PA, amo ipasabot nga ang listahan gikan sa DSWD nga ang gibasehan nila ang CBMS 2024. Walay kalambigitan sa pagpili ang Munisipyo, Kapitan, MSWD Office o si bisan kinsa nga opisyal sa atong Lungsod, Munisipyo o Barangay. Amo kini gihipasayo ang maong pahibalo aron makakuha na kamo ug requirements, mapahibalo ninyo ang tua sa layo para makauli ug makaandam sa angay buhaton.
