21/08/2026
BATA NOON: Takot na takot sa teacher
BATA NGAYON: Mas matapang pa sa teacher
G**O, NAGTATAKA KUNG BAKIT SILA PARIN ANG SINISISI SA NANGYAYARI SA MGA ESTUDYANTE
Nagtataka ang content creator at g**o na si Melvin Buracho kung bakit ang mga g**o parin ang sinisisi sa mga nangyayaring negatibo sa mga kabataan at estudyante.
Sa isang post, ibinahagi ni Buracho na tinanggalan na umano silang mga g**o ng karapatan na magbigay disiplina sa kanilang mga estudyante.
"Tinanggalan n'yo kami ng karapatang dumisiplina pero ngayon na nagresulta na ang ginawa nyong polisiya, KASALANAN PARIN NAMIN?" ani Buracho.
Sinabi ito ng g**o matapos ang naging pahayag ni Palace Press Officer Atty. Claire Castro tungkol sa ilang mga g**o na umano'y nagtuturo ng hindi magandang asal sa mga estudyante.
Hindi naman binanggit ni Buracho kung ano ang sinasabi nitong polisiya ngunit maaring may kinalaman ito sa Child Protection Policy na ipinatupad ng Department of Education (DepEd) noong 2012 kung saan ay pinagbabawal na ang pisikal na pagdidisiplina sa mga estudyante.
Mayroon parin namang mga paraan kung paano madidisiplina ng mga g**o ang estudyante sa pamamagitan ng verbal warnings, counseling at suspension.
