19/08/2026
PAHAYAG NG ASSOCIATION OF CONCERNED EDUC STUDENTS - PASIG ON SCHOOL SHOOTING INCIDENTS.
Sa mga nakalipas na buwan muling nasasaksihan natin ang sunod-sunod na balita tungkol sa karahasan sa loob ng mga paaralan, kabilang ang mga insidenteng kinasasangkutan ng mga mag-aaral. Apat ang nasawi at siyam ang sugatan sa naganap na pamamaril sa Ateneo de Zamboanga nitong Agosto 18, 2026, bandang 8:40 ng umaga.
Bilang mga estudyante na magiging g**o sa hinaharap, mariin naming kinukundena ang ganitong karahasan sa loob ng mga paaralan. Hindi ito problema ng mga online games tulad ng roblox at ml, bagkus kapabayaan sa sistema ng edukasyon. Takot at pangamba ang patuloy naming nararanasan sa paglipas ng mga panahon dahil sa kakulangan sa seguridad sa mga paaralan, kakulangan ng suporta sa mga kaguruan at kawalan ng atensyon sa mental health ng mga kabataan.
Ang paghubog ng bayolenteng kaisipan ng mga kabataan simula ng EJK period ng Duterte Administration ay namumunga ng madugo at marahas na mga aksyon at pag-iisip sa kasalukuyan. Kasama na rito ang pasistang atake ng gobyerno, PNP at AFP laban sa ating mga kaguruan. Muli, hindi ang mga kaguruan ang dapat pumapasan ng bigat mula sa kapalpakan ng bulok na estado bagkos dapat na panagutin ang Marcos-Duterte sa kanilang kapabayaan sa edukasyon at kinabukasan ng kanilang mamamayan.
