Paniqui Forum

24/12/2021

MALIGAYANG PASKO PO SA ATING LAHAT 🌲 HAPPY HOLIDAYS!

09/12/2021

ANG BRGY. NIPACO AT ANG ALAMAT NG BAQUITAN

Ang sinaunang pangalan ng barrio ay Baquitan ngunit kinalaunan ay pinalitan sa tawag na Nipaco.

Ang pangalang Nipaco ay pinaniniwalaang nagmula sa "paco" na isang uri ng halaman na nabubuhay sa tabi ng ilog o sapa. Ang Nipaco noong unang panahon ay isang maliit na pamayanan na nasa lugar na may magkaduktong na batis at ilog. Dahil sa kakulangan ng mga dokyumento tungkol sa kasaysayan ng lugar na ito, ang istorya ay base sa mga salaysay ng mga matatanda na sa lugar na ng Nipaco lumaki at ang mga kwento ay ipinamana pa sa kanila ng kanilang mga ninuno.

Ang Baquitan na sagana sa kakahuyan at makakapal na halamang paco na may magkaduktong na batis at ilog. Ang batis at ilog na ito ay pinamumuhayan ng hindi pangkaraniwang malalaking isda na pinaniniwalaan ng mga tao na matagal na panahon na itong nabubuhay sa katubigan. Dahil dito, ang mga naunang pamayanan ay tinawag ang lugar na Baquitan na ang ibig sabihin ay tirahan ng malalaking isda.

Ang mga paulit ulit na pagbaha ang nag-udyok sa mga mamamayan na lumipat sa mas mataas na lugar. Lumipas ang panahon ngunit napansin ng mga tao ang mabagal na pag-asenso ng kanilang lugar at kanilang pamumuhay. Napagtanto nila na maaaring ang pangalan ng kanilang barrio ang may kinalaman sa estado ng kanilang pamumuhay, kung kaya't napagpasyahan nila na magsagawa ng isang pagpupulong upang pagusapan ang bagong pangalan na itatawag sa kanilang lugar. Marami ang nagbigay ng opinion ngunit napagkasunduan ng mas nakararami na kuhain ang bagong pangalan sa napakaganda at napakasaganang halaman sa kanilang lugar. Tinawag na nila itong NIPACO na ang ibig sabihin ay tahanan ng magandang halamang paco.

Ang mga naunang itinatag na sitio ay ang sito Bentanoy, Golagol, Baguis (Bakis), Carcarayan, San Pedro at iba pa.

Sa talaan ng mga Americano noong January 1, 1900 ay naihalal bilang Cabeza ng barrio Baquitan si Clemente Aguinaldo. Ang populasyon sa panahong iyon ay humigit kumulang 200.

19/11/2021

Mga Naging Pinuno Ng Bayan Ng Paniqui 🦇

15/11/2021

ALAM NYO BA? Na ang kinalalagyan ng Paniqui Arcade ngayon ay dating CATTLE TRADING POST para sa buong Central Luzon na tulad ng sa Urdaneta City ngayon? Isa sa pangunahing industriya ng Paniqui noon bukod sa tela (textiles) ay ang pag-aalaga ng baka, kalabaw at kabayo!

-----

Manuel Buzeta, Diccionario Geografico-Estadistico-Historico de las Islas Filipinas

History of Paniqui 1712-2012

[Picture 2. Sample picture only. Ctto]

08/11/2021

Salomague

Ang pangalan ng barangay ay nagmula sa puno ng sampalok na tinatawag ng mga Pangasinense na "salomague" na noon ay napakarami sa lugar na ito. Sa mabilis na paglago ng papulasyon, itinatag ito bilang barrio noong 1901 pagkatapos ng Philippine-American War.

Ayon sa available na dokyumento, ang unang nanirahan dito ay ang pamilya ni Don Paponcio Feliciano at sumunod naman ang mga Oliveros, Peralta, Villegas, Valdez, Salvador, De Vera, De Guzman, Balacang, Flores, Mamucod, Santos, Bromeo at Hilario.

Meron itong Tenencia o iyong lugar kung saan nagpupulong ang mamamayan para pag-usapan ang mga pangyayari at ang mga hindi pagkakaunawan ng mga naninirahan dito. Ang Teniente del Barrio ang responsable sa pagpapanatili ng kaayusan at kapayapaan.

Ang mga naunang Teniente del Barrio:

Pablo Hilario
Lucio Valdez
Doroteo Salvador
Hermogenes Dela Cruz
Julian Santos
Ignacio Oliveros
Jacinto Luis
Braulio Salvador
Sancho Dizon
Hermogenes De Guzman
Simplicio Feliciano
Isaac Balacang

Ang Salomague ay hindi gaanong naapektuhan noong panahon ng giyera kung kaya't naging evacuation center ito lalo na ng mga taga sentro ng bayan. Dahil ang lugar na ito ay nasa daan papuntang Camiling, nagsilbi itong camping place ng mga sundalong Amerikano.

------

“Barangays.” Municipality of Paniqui Tarlac | Official Website of Municipality Paniqui Tarlac, https://paniquitarlac.gov.ph/Barangays/. Accessed 5 November 2021.

06/11/2021

Taga Paniqui ka kung alam mo kung saang barangay marami nito!

Malaki ang naitutulong nito para sa kanilang pangkabuhayan. Dito din kinuha ang mga papait ng mga estudyante ng Univeristy of the Philippines para pag-aralan ang antibacterial properties at mga pythochemicals sa halamang ito.

----

https://www.researchgate.net/publication/278050355_TLC_profiles_and_antibacterial_activity_of_Glinus_oppositifolius_L_Aug_DC_Molluginaceae_leaf_and_stem_extracts_against_bacterial_pathogens

03/11/2021

Farmacia Belen

01/11/2021

Dating sementeryo o "sementeryong Kastila" sa Samput?

Maaaring ang lokasyon ng sinaunang libingan sa Paniqui bago naipatayo ang sementeryo sa Santo Rosa Street na may gate na tinatawag na "arko" at chapel na gawa sa adobe, ay sa Samput.

Ayon sa report ni Father Domingo Andres noong siya ang Parish Priest ng Paniqui na inilathala naman ng UST sa kanilang Boletin Eclesiastico de Filipinas, volume 63:

"Ang lokal na simbahan ay nagmamay-ari ng
1)...; 2)...; 3) lupain sa may 1½ kilometro timog na bahagi ng bayan, sa kanang bahagi ng daan papuntang Gerona, na dating sementeryo; 4) isa pa din lupain sa lokasyon ding iyon ay dati ding sementeryo; at 5)...

Ayon sa mga ulat at kwento ay may mga lumang puntod (pa) at mga nahukay na kalansay sa lugar na ito (noon) at may mga impormasyon na isinalin ng mga lolo at lola sa tuhod sa mga nakatira dito.

Happy Halloween!

31/10/2021

29/10/2021

At ang sinauna o dating libingan sa Paniqui ay sa - 1½ kilometro ang layo, timog ng sentro ng bayan, kanang bahagi ng daan papuntang Gerona.

(UST Ecclesiastical Publications Office, 1987)

[opinion ng admin] Maaaring sa Samput?

28/10/2021

THOMAS BRIGHT EMBRY - Ang unang Amerikanong nailibing sa sementeryo ng Paniqui.

Dr. Embry ang tawag sa kanya ng mga mamamayan sa Paniqui noong siya at ang kanyang pamilya ay nakatira sa Clark Street dahil sa pagbibigay ng serbisyong medikal ng libre. Umabot sa punto na ang kanilang tirahan ay tila na isang hospital.

Si Thomas Bright Embry ay naging bahagi ng U.S. Military sa panahon ng Spanish-American War noong 1898 na naunang ipinadala sa bansang Cuba bago naitalaga sa Pilipinas.

Noong 1908 ay napangasawa niya si Valentina Valdez at nagkaroon ng 9 na anak. Ang anak ni Thomas Embry na si Benjamin Embry ay kasama sa 26th Cavalry Troop C at nakaligtas sa Bataan Death March.

Noong World War II ay ang hindi magandang tagpo para sa mga Amerikano sa Pilipinas kung kayat itinago ng mga mamamayan ng Paniqui ang pamilyang Embry sa mata ng mga Hapon.

Noong September 18, 1945 ay namatay si Thomas Embry sa sakit na pneumonia at inilibang sa Paniqui Municipal Cemetery.

Picture 1. Thomas Bright Embry
Credit: Maria Elizabeth Embry

Picture 2. Mga Pulis ng Paniqui noong 1968 kasama si Benjamin Embry (middle front row). Si Benjamin Embry ay ang Chief of Police noong si Peping Cojuangco ang Mayor.
Credit: Mary Jane Del Valle Embry

Tingnan din ang ibang posts:

Gabaldon 1911
https://www.facebook.com/561360920942821/posts/1209414492804124/?app=fbl

Fernando Poe at Peping Cojuangco
https://www.facebook.com/561360920942821/posts/1203427540069486/?app=fbl