14/08/2026
๐๐๐๐๐๐ ๐๐๐๐๐๐๐๐๐๐๐๐๐๐๐๐๐ ๐๐๐๐, ๐๐๐๐๐๐๐๐!
Isa na namang makabuluhang hakbang ang naisakatuparan ng Pamahalaang Bayan ng Pangil sa pagpapatibay ng Municipal Ordinance No. 16, Series of 2026, na inakda ng inyong lingkod, Konsehal CJ Ader.
Sa pamamagitan ng ordinansang ito, ini-institutionalize ang lokal na implementasyon ng Special Program for Employment of Students (SPES) sa Bayan ng Pangil. Layunin nitong magkaroon ng patas, transparent, at inklusibong proseso sa aplikasyon at pagpili ng mga kwalipikadong benepisyaryo sa pamamagitan ng standardized guidelines, No Endorsement Policy, No Political Accommodation, pagbuo ng Local SPES Committee, at pagbibigay ng mas pantay na pagkakataon, lalo na sa mga aplikante mula sa geographically isolated barangays.
Sa pamamagitan nito, bibigyan ng awtomatikong 12% na allocation ang Barangay Dambo at Barangay Mabato-Azufre, at 8% na allocation ang Barangay Galalan bilang equity mechanism. Ang natitirang porsyento ay paghahatian ng iba pang mga barangay. Ang nasabing allocation ay maaaring baguhin o i-adjust, alinsunod sa populasyon at sa bilang ng mga kwalipikadong aplikante mula sa bawat barangay.
Prayoridad din ang mga first-time applicants upang mas maraming Pangileรฑo ang makinabang sa programa, mga kapos sa buhay, solo-parent households, indigenous people, person with disabilities, at iba pang sektor na higit na nangangailangan.
Ang Public Employment Service Office (PESO), sa ilalim ng Office of the Municipal Mayor, ang magsisilbing implementing office ng programa kasama ang SPES Committee, upang matiyak ang maayos, patas, at episyenteng pagpapatupad ng ordinansa.
Inaasahan na ang nasabing batas ay mapapatupad sa susunod na taon, na magbubukas ng mas maraming oportunidad para sa mga kwalipikadong kabataan at iba pang benepisyaryong saklaw ng SPES Program sa ating bayan.
Taos pusong pasasalamat sa bumubuo ng Sangguniang Bayan ng Pangil, sa pangunguna ng Pangalawang Punong Bayan, Kgg. Rianne May M. Diaz at nilagdaan bilang batas ng ating Punong Bayan, Kgg. Gerald A. Aritao.
Patuloy na isinusulong ng Sangguniang Bayan ng Pangil ang mga ordinansang nagtataguyod ng transparency, good governance, at mga programang nagbibigay ng mas maraming oportunidad para sa bawat Pangileรฑo.
