Vice- Mayor Engr. Cris Castro

07/09/2026

𝗠𝗮𝗽𝗮𝗴𝗽𝗮𝗹𝗮𝗻𝗴 𝗨𝗺𝗮𝗴𝗮, 𝗺𝗴𝗮 𝗞𝗮-𝗣𝗮𝗻𝗱𝗶𝗲𝗻̃𝗼!
Panibagong linggo na naman, panibagong pagkakataon para magsikap, magtrabaho, at harapin ang bawat araw nang may positibong puso at pananampalataya sa Panginoon.

Sa lahat ng papasok sa trabaho, may mga lakad, may aasikasuhin, at may mga tungkuling gagampanan ngayong araw, mag-ingat po tayong lahat at nawa’y samahan tayo ng Panginoon sa bawat ating pupuntahan.

Hiling natin na maging maayos, produktibo, at puno ng biyaya ang buong linggo para sa bawat pamilyang Pandieño.

06/09/2026

05/09/2026

𝗣𝗶𝘁𝗼𝗻𝗴 𝗘𝗽𝗶𝘀𝗼𝗱𝗲.𝗣𝗶𝘁𝗼𝗻𝗴 𝗞𝘄𝗲𝗻𝘁𝗼.
Pitong episode na pala ang Dear Vice Cris Castro! At sa bawat episode, may mga liham tayong nabasa, mga kwentong napakinggan, at mga kababayan tayong sinubukang matulungan sa abot ng ating makakaya. Pero hindi dito nagtatapos ang mga kwento. May mga natulungan na, may mga patuloy nating tinutulungan, at marami pa tayong gustong maabot at matulungan. Kasama natin sa paglalakbay na ito si Konsehal Jonjon Antonio, na patuloy ding nakikiisa sa ating hangaring makinig at tumugon sa mga concerns ng ating mga Ka-Pandieño. Kaya tuloy-tuloy lang tayo. Dahil bawat liham ay may kwento, bawat kwento ay may taong nangangailangan ng pakikinig, at bawat tulong ay maaaring maging malaking bagay sa buhay ng isang tao.

Dear Vice Cris Castro , patuloy tayong makikinig, tutulong, at kikilos para sa bawat Ka-Pandieño.

04/09/2026

Muli tayong nag-ikot upang dalawin at makiramay sa ating mga kababayan na nawalan ng kanilang mahal sa buhay. Sa ganitong panahon, hindi man natin kayang alisin ang sakit ng kanilang pagkawala, sana kahit sa simpleng pagbisita, pakikiramay, at pag-abot ng kaunting tulong ay maramdaman nilang hindi sila nag-iisa. Sa bawat pamilyang ating napuntahan, taos-puso ang aming pakikiramay. Nawa’y bigyan kayo ng Panginoon ng lakas, kapanatagan, at pag-asa sa mga araw na mabigat ang kalooban.

Kasama ninyo kami sa panalangin. Patuloy tayong dadamay at magmamalasakit sa ating mga Ka-Pandieño.

03/09/2026

𝗘𝗽𝗶𝘀𝗼𝗱𝗲 𝟳 | 𝗗𝗲𝗮𝗿 𝗩𝗶𝗰𝗲 𝗖𝗿𝗶𝘀 𝗖𝗮𝘀𝘁𝗿𝗼
Nakatanggap tayo ng liham mula kina Ptr. Benjamin Libiran at Ptr. Rolando Laderas ng Iglesia Metodista ng Amado R. Castro, para sa kanilang hiling na magkaroon ng Water Dispenser para sa mga batang dumadalo at sa mga taong nakikilahok sa kanilang mga aktibidad sa simbahan.

Sa unang tingin, maaaring simpleng water dispenser lamang ang kanilang hiling. Pero higit pa rito ang dahilan, kaligtasan at kaginhawaan ng mga bata at ng bawat taong pumupunta sa kanilang simbahan. Sa halip na kailanganin pang lumabas upang bumili ng tubig, lalo na ang mga bata, magkakaroon na sila ng madaling access sa inuming tubig sa loob ng simbahan. Makakatulong din ito upang mabawasan ang pangangailangang tumawid-tawid sa kalsada, na maaaring maging delikado lalo na para sa mga bata.

02/09/2026

𝗦𝗶𝗺𝗽𝗹𝗲𝗻𝗴 𝗿𝗲𝗴𝗮𝗹𝗼, 𝗱𝗼𝗯𝗹𝗲 𝗮𝗻𝗴 𝘀𝗮𝘆𝗮! 💙🎁
Muli tayong naimbitahan kasama si Konsehal Jonjon Antonio sa programang “Pa-Birthday Gift” para sa ating mga Senior Citizen, PWD, at Solo Parents para sa Buwan ng June hanggang September ng Brgy. Cacarong Bata, sa pangunguna ng kanilang masipag na Kapitan na si Kap. Rady Estrella.

At siyempre, hindi puwedeng isa lang! Sa bawat regalong ibinibigay ni Kap. Rady, atin din itong tinutumbasan ng isa pang regalo mula sa amin ni Konsehal Jonjon, para doble ang saya at mas maging espesyal ang kaarawan ng ating mga kababayang nagdiriwang.

Nakakatuwang makita ang ganitong klaseng programa sa barangay, simple man, pero ramdam ang pagmamahal, pagpapahalaga, at malasakit sa ating mga kabarangay.

Kaya saludo kami sa pamunuan ng Brgy. Cacarong Bata sa pangunguna ni Kap. Rady Estrella. Hanga kami sa ganitong programang tunay na malapit sa puso ng ating mga kababayan.

Sana, mas marami pang barangay sa ating bayan ang magkaroon ng ganitong programa. Dahil ang bawat kaarawan ay mas masaya kapag may nakakaalala, may nagbibigay ng ngiti, at may nagpaparamdam na mahalaga ka. 🎂💙

Happy Birthday sa lahat ng ating Birthday celebrants!