12/05/2025
Maraming Salamat sa Tiwala at Suporta!
Hindi man po tayo pinalad na maglingkod bilang inyong Konsehal, taos-puso pa rin po ang aking pasasalamat sa inyong tiwala, suporta, at pagmamahal. Hindi dito nagtatapos ang aking hangaring makapaglingkod—mananatili po akong magsisilbi sa aking mga kapwa Fernandinos sa mga paraang alam ko at kaya ko.
Sa aking partido, My Love San Fernando, maraming salamat po sa walang-sawang pagsuporta at paniniwala sa ating adhikain. Hindi po natatapos dito ang ating laban—bagkus, ito ay simula pa lamang ng mas matatag at mas makabuluhang paglilingkod para sa ating minamahal na siyudad.
Sa lahat ng mga nagtagumpay, taos-pusong pagbati at congratulations! Nawa'y magsilbing inspirasyon ang ating laban upang mas lalo pang pagbutihin ang paglilingkod para sa mas maunlad, mas masaya, at mas matatag na San Fernando.
Patuloy tayong magtulungan, magkaisa, at maging positibo para sa mas maliwanag na bukas!
❤️
