Mayor Ronald "Bokwet" B. Cosico

01/06/2026

June 1, 2026 | Sa unang araw ng Brigada Eskwela 2026 na isinagawa ngayong araw, binisita ng inyong lingkod ang mga pampublikong paaralan sa ating bayan upang makapanayam ang ating mga punong-guro at personal na masuri ang kahandaan ng bawat paaralan para sa nalalapit na pagbubukas ng klase.

Naging mahalagang pagkakataon din ito upang malaman ang kasalukuyang kalagayan ng ating mga paaralan at matukoy ang mga pangangailangang dapat mabigyan ng agarang atensyon. Sa tulong ng patuloy na pakikipag-ugnayan at pagtutulungan ng iba't ibang sektor, masisiguro nating magiging handa ang ating mga paaralan para sa isang ligtas at maayos na pagbabalik-eskwela ng ating mga mag-aaral.

01/06/2026

28/05/2026

May 28, 2026 | Naganap ang isang insidente ng sunog sa Umali Street, Brgy. 4 Quinale, Paete, Laguna na nagsimula bandang 10:30 ng umaga at idineklarang under control pagsapit ng 11:00 ng umaga.

Batay sa initial report, apat (4) na kabahayan ang totally damaged habang dalawa (2) namang kabahayan ang partially damaged ng sunog.

Wala namang naitalang nasawi sa insidente, habang dalawang (2) responders ang injured.

Lubos ang pasasalamat ng Pamahalaang Bayan ng Paete sa BFP, MDRRMO, PNP, traffic aides, mga Barangay Fire Brigade mula Barangay Uno hanggang Nueve, at sa ating mga kababayang boluntaryong tumulong at nakiisa sa pagresponde sa insidente. Muli nitong pinatunayan na buhay at matatag pa rin ang diwa ng bayanihan sa ating bayan sa oras ng pangangailangan.

Patuloy ang pakikipag-ugnayan ng Pamahalaang Bayan ng Paete sa mga kinauukulang tanggapan upang mabigyan ng kaukulang tulong at agarang suporta ang mga pamilyang naapektuhan ng sunog.

Inaanyayahan din ang ating mga kababayan na makiisa sa pagtulong at panalangin para sa agarang pagbangon ng mga apektadong pamilya.

28/05/2026

Buong pagmamalaki nating ibinabahagi na kabilang ang Bayan ng Paete sa mga LGUs in Laguna Province na ginawaran ng Ideal Functionality Rating sa 2026 Local Council for the Protection of Children (LCPC) Functionality Assessment ng DILG Region IV-A.

Ang pagkilalang ito ay patunay ng ating patuloy na pagsisikap upang maisulong ang kapakanan, kaligtasan, at karapatan ng bawat batang Paeteño sa pamamagitan ng maayos na pamamahala at epektibong pagpapatupad ng mga programa para sa kabataan.

Isinagawa ang pagsusuri alinsunod sa DILG Memorandum Circular No. 2021-039 kung saan tinasa ang mga LGU batay sa apat na pangunahing larangan: Organizational Sustainability, Policies and Plans for Children, Budget for LCPC, at Service Delivery, Monitoring, and Management for Children.

Ang tagumpay na ito ay bunga ng sama-samang pagtutulungan ng ating pamahalaang bayan, mga kawani, katuwang na ahensya, at ng buong komunidad ng Paete sa pagtataguyod ng isang ligtas, makatao, at child-friendly na bayan para sa ating mga kabataan.

27/05/2026

Nakikiisa ang Pamahalaang Bayan ng Paete sa pagdiriwang ng National Flag Days bilang pagpupugay sa ating pambansang watawat na sumisimbolo sa kalayaan, pagkakaisa, at pagmamahal sa bayan.

Inaanyayahan at hinihikayat ang lahat ng mamamayan, mga tanggapan, paaralan, at pribadong establisyemento na magtaas at maglagay ng watawat ng Pilipinas sa kani-kanilang mga tahanan at gusali mula May 28 hanggang June 12, 2026 bilang pagpapakita ng ating paggalang at pagmamalaki bilang mga Pilipino.

Sa simpleng paglalagay ng watawat, ating ipinapakita ang diwa ng pagkakaisa at patuloy na pagmamahal sa ating bayan.

26/05/2026

Eid Mubarak sa ating mga kapatid na Muslim!

Malugod na nakikiisa ang Pamahalaang Bayan ng Paete sa pagdiriwang ng Eid al-Adha ng ating mga kapatid na Muslim.

Nawa’y magsilbing paalala ang banal na okasyong ito ng kahalagahan ng pananampalataya, sakripisyo, pagkakaisa, at pagmamalasakit sa kapwa. Hangad namin ang isang mapayapa, makabuluhan, at pinagpalang pagdiriwang para sa bawat pamilyang Muslim.

21/05/2026

PUBLIC NOTICE

Ipinapaalam sa publiko na magsisimula ang transport ng mga bahagi ng windmill para sa Kalayaan 2 Wind Power Project na daraan sa kahabaan ng National Highway sa mga bayan ng Kalayaan, Paete, Pakil, at Pangil.

Narito ang schedule ng transport ng windmill components:
May 21, 2026 – Generator
May 22, 2026 – Hub / Generator
May 23, 2026 – Generator
May 24, 2026 – Generator
May 25, 2026 – Generator

Start Time: 10:00 PM
End Time: 5:00 AM

Pinapayuhan ang lahat ng motorista at residente na mag-ingat at sumunod sa ipatutupad na traffic management habang isinasagawa ang transportasyon ng mga nabanggit na kagamitan.
Maraming salamat sa inyong pang-unawa at kooperasyon.

21/05/2026

May 19, 2026 | Muling ginawaran ng pagkilala ang Bayan ng Paete para sa patuloy nitong pagsusulong ng transparency, accountability, at good governance.

Tinanggap ng bayan ang Excellence in Local Governance Award at Excellence in Financial Management Award sa ginanap na 21st National Conference ng Philippine Association of Local Government Accountants sa Dakak Golf and Beach Resort.

Maraming salamat kina Ma'am Marita Bagabaldo, Ma'am Charlyn Cajipe, at sa lahat ng kawani ng Pamahalaang Bayan ng Paete sa tapat at mahusay na paglilingkod.

Higit sa lahat, papuri at pasasalamat sa Diyos na Makapangyarihan sa lahat sa Kanyang patnubay at gabay sa ating bayan.