21/08/2026
PALAKASAN SA JRHIS, SINIMULAN NA;
4 NA PAMILYA, MAGTUTUNGGALIAN
Muling nabuhay ang diwa ng palakasan sa Julio R. Hernandez Integrated School (JRHIS) sa pagdaraos nito ng Opening Program ng School-Based Sports Fest 2026, Agosto 21.
Sa temang โHusay, Determinasyon at Pagkakaisa: Kabataang Handa sa Kinabukasan,โ ay matatatigasan ng hindi lamang sa kanilang husay sa larangan ng palakasan kundi maging ang tunay na kahulugan ng pagtutulungan at pagkakapatiran ang apat na pamilyaโang Emerald Warriors, Azure Waves, Crimson Eagles, at Golden Thunder.
Isang parada ang nagsimbolo ng pagsisimula ng aktibidad, kung saan buong pagmamalaking ipinakita ng apat na pamilya ang kani-kanilang kulay, sigla, at pagkakakilanlan sa kabila ng pagkakaiba-iba ng koponan, iisa ang kanilang kanilang layuninโang makilahok nang buong husay at may dangal.
Isa sa mga tampok ng programa ang Presentation of Muses and Escorts mula sa elementarya at sekundarya kung saan kinatawan nila ang kagandahan, tiwala sa sarili, at natatanging identidad ng bawat pamilya.
Itinaas ang mga bandila ng Emerald Warriors, Azure Waves, Crimson Eagles, at Golden Thunder. Kasabay ng pagtaas ng bawat banner ay ang pagsibol ng pag-asa, determinasyon, at pangakong ipaglalaban ang karangalan ng bawat pamilya sa pamamagitan ng patas at marangal na paglalaro.
Sa taimtim na Panunumpa ng Sportsmanship, nangako ang mga kalahok na paiiralin ang katapatan, disiplina, respeto, at pagiging patas sa bawat laban. Sapagkat sa palakasan, ang tunay na tagumpay ay hindi lamang nasusukat sa dami ng medalya, kundi sa paraan ng paglalaro at paggalang sa kapwaโpanalo man o talo.
Sinindihan ang cauldron na naging sagisag ng nag-aalab na pangarap at diwang palaban ng kabataang JRHIS kung saan ang apoy ang sumisimbolo ng paalala na ang bawat mag-aaral ay may ningas ng husay at potensyal na dapat alagaan, paunlarin, at gamitin upang maabot ang mas maliwanag na kinabukasan.
Sa pangunguna ni Principal II, Gng. Gemma A. Antenor, PhD, opisyal na binuksan ang School-Based Sports Fest 2026.
โAng palakasan ay hindi lamang tungkol sa kompetisyon, kundi isang mahalagang pagkakataon upang mahubog ang karakter, disiplina, katatagan, at pagkakaisa ng bawat mag-aaralโ, aniya.
Sa pagtatapos ng programa, isang malinaw na mensahe ang iniwan ng pagbubukas ng Sports Fest 2026: maaaring magkakaiba ang kulay na ating suot, ngunit iisa ang pusong nagmamahal sa paaralan at sa kapwa. Bilang Emerald Warriors, Azure Waves, Crimson Eagles, at Golden Thunder, magkakatunggali man sa laro, nananatili pa ring iisang pamilya ang bawat mag-aaral at g**o ng JRHIS.
