𝐀𝐥𝐟𝐚 "𝘙𝘢𝘪𝘥𝘦𝘳𝘴" 𝐂𝐨𝐲

07/09/2024

𝐏𝐇𝐈𝐋𝐈𝐏𝐏𝐈𝐍𝐄 𝐌𝐈𝐋𝐈𝐓𝐀𝐑𝐘 𝐄𝐗𝐀𝐌𝐈𝐍𝐀𝐓𝐈𝐎𝐍 𝐆𝐀𝐆𝐀𝐍𝐀𝐏𝐈𝐍 𝐒𝐀 𝐁𝐀𝐘𝐀𝐍𝐆 𝐀𝐍𝐆𝐀𝐓
Dumalaw ang Philippine Military Academy sa bayang angat upang personal na ianunsyo ang magaganap na Philippine Military Examination sa araw ng bukas, sabado hanggang linggo (September 7-8, 2024) sa San Jose National High School sa ganap na alas sais ng umaga (6:00AM). Buo naman ang suporta ni Mayor Rey C. Ladaga at ng lokal na pamahalaan ng bayan ng San Jose bilang host ng nasabing examination sa pamamagitan ng Public Employment Service Office sa pangunguna ni PESO Manager Rolando Ladao lll.
Ito ay bukas para sa lahat ng walk-in applicants, babae o lalaki na 5ft pataas, edad 17-21 years old. Magdala lamang ng photocopy ng valid ID, Record of Grades at Birth Certificate p**i dala na din po ang mga original copies ng mga nasabing requirements.

𝑝: 𝑗𝑒 / 𝑤𝑢: 𝑘𝑝

01/09/2024

28/08/2024

𝐈𝐧𝐟𝐨𝐫𝐦𝐚𝐭𝐢𝐨𝐧 𝐀𝐰𝐚𝐫𝐞𝐧𝐞𝐬𝐬 𝐃𝐫𝐢𝐯𝐞 𝐧𝐠 𝟔𝟖𝐈𝐁, 𝐈𝐬𝐢𝐧𝐚𝐠𝐚𝐰𝐚 𝐬𝐚 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 “𝐋𝐢𝐧𝐠𝐠𝐨 𝐍𝐠 𝐊𝐚𝐛𝐚𝐭𝐚𝐚𝐧 𝟐𝟎𝟐𝟒”
AGUAS, RIZAL, Occidental Mindoro | Pinasinayaan ng mga opisyal ng Sangguniang Kabataan (SK) ng Brgy Aguas, Rizal sa pamumuno ni Kgg. Michelle Ilinon ang “Linggo Ng Kabataan 2024” na kung saan isa sa pangunahing aktibidad ang “Information Awareness Drive” ng 68th Infantry “Kaagapay” Battalion (68IB),na ginanap sa Covered Court, Brgy Aguas, Rizal, Occidental Mindoro, nitong araw, ika-25 ng Agosto taong kasalukuyan.
Sa mensahe ni Lieutenant Colonel Rino Guda ang bagong namumuno sa 68IB, kung saan pinaabot nya ang kanyang kagalakan sa inisyatibo ng SK , na kung saan sila mismo ang nag-imbita sa mga kasundaluhan na bigyan ng tamang kaalaman ang kanilang mga miyembro, para ito’y makaiwas sa mga pangrerekrut at panlilinlang ng mga komunistang grupo sa sektor ng kabataan.
Inilahad sa presentasyon ng 68IB ang mga bulnerabilidad ng mga kabataan, kung kaya’t sila ang pangunahing target ng rekrutment. Maliban dito pinakita din ang mga patunay na mangilan-ngilan narin sa sektor ng kabataan ang nalinlang na noong unay sumapi sa mga legal na organisasyon na kinalaunan ay namundok, at ang masaklap nitong kinahihinatnan.
Layunin ng pagsagawa ng aktibidad ang magbigay ng kaalaman at edukasyon sa mga kabataan upang sila ay maging mapanuri sa mga grupong sasalihan at mapanatili ang kaligtasan at seguridad ng mga kabataan at ng buong komunidad laban sa mapanlinlang na gawain ng CPP-NPA-NDF.

28/08/2024

MAIN REGIONAL GUERILLA UNIT NG NPA SA MINDORO, INIPIT NG 68IB KAYA TUMAMLAY
Malaking bagay ang presensya ng isang batalyon sa mga lugar na sinasakop ng isang Regional Guerilla Unit ng NPA dahil talagang tututukan nila ang mga galaw nito hanggang sa tuluyan nila itong magapi at mapasuko sa pamahalaan. Iyan ang naging karanasan ng mga lugar na pinagsisilbihan ng 68th Infantry Battalion sa Isla ng Mindoro kung saan sunud-sunod na serbisyo ang kanilang ipinatikim sa mga lugar na madalang maabot ng pamahalaan.
Sa ating panayam kay LTC MARLON SALVADOR, Commander ng nabanggit na batalyon kanyang ipapahayag ang kanilang mga hakbang at kilos upang mapanitili na ang kapayapaan sa mga lugar na minsay tinawag na NPA- Infested Area.
I- docu BY JOHN PAUL Seniel
68th Infantry "Kaagapay" Battalion, Philippine Army

Malaking bagay ang presensya ng isang batalyon sa mga lugar na sinasakop ng isang Regional Guerilla Unit ng NPA dahil talagang tututukan nila ang mga galaw n...

05/08/2024

Kudos, Caloy! MABUHAY KA

PAGPUPUGAY!

Ang Hukbong Katihan ng Pilipinas ay nakikiisa sa Isang Daang Taong Laban ng ating mga atleta at sa pagpupugay kay Ginoong CARLOS YULO sa pagkamit ng Gintong Medalya para sa Pilipinas.

Photo Credit: Amanda Perobelli, Hannah McKay/REUTERS

05/08/2024

"𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝐒𝐘 𝟐𝟎𝟐𝟒-𝟐𝟎𝟐𝟓"

SAN JOSE OCCIDENTAL MINDORO | Nakiisa ang Alfa "Raiders" Company, 68IB, 2ID, PA sa Brigada Eskwela na may temang "Bayanihan Para Sa Matatag Na Paaralan", sa mga eskwelahan ng San Jose, Occidental Mindoro noong ika 22- 27 ng Hulyo 2024.

Isinasagawa ang Brigada Eskwela bilang preparasyon sa darating na pasukan ng ating mga estudyante, upang maihanda at maisaayos ang paaralan bago mag simula ang SY 2024-2025.

Kasama ng ating mga kasundaluhan sa Brigada Eskwela ang mga magulang at mga g**o sa pag kukumpuni, pagpipintura at pagsasaayos ng iba't-ibang bagay sa paaralan.

Ang programang ito ay isinasagawa taon- taon upang maip**ita ang kahalagahan ng "BAYANIHAN" na mabigyan ang ating mga kabataan ng komportable at maayos na paaralan.

26/07/2024

"𝑬𝒅𝒖𝒌𝒂𝒔𝒚𝒐𝒏 𝑯𝒊𝒏𝒅𝒊 𝑹𝒆𝒃𝒐𝒍𝒖𝒔𝒚𝒐𝒏, 𝑴𝒂𝒈-𝒂𝒓𝒂𝒍 𝑯𝒖𝒘𝒂𝒈 𝑴𝒂𝒈-𝒂𝒓𝒎𝒂𝒔"

SAN JOSE, Occidental Mindoro | Noong ika-25 ng Hulyo 2024, ang company executive officer ng Alfa "Raiders" Company, 68IB na si 2LT AL-Rajohn S Paidomama ay pinaunlakan ang imbitasyon ng Sangguniang Kabataan ng Brgy Batasan upang maging isa sa panauhing tagapagsalita tungkol sa recruitment ng CPP-NPA-NDF na ginanap sa Brgy Gymnasium, Batasan, San Jose, Occidental Mindoro.

Binigyang gabay ng ating mga kasundaluhan ang mga kabataan tungkol sa pag-iimbita ng mga CPP-NPA-NDF na sumanib o makilahok sa mga pagpupulong ng mga ito. Marami sa ating mga kabataan ang naging bulag o hindi alam na sila pala ay nililinlang na ng CPP-NPA-NDF.

"Ang kabataan ang pag-asa ng bayan, wag magpadala sa mga huwad at mapanglinlang. EDUKASYON HINDI REBOLUSYON, MAG-ARAL HUWAG MAG ARMAS. Magtulungan tayo para sa ika-uunlad ng ating sambayan", sabi ni 2LT Paidomama.

Ang nasabing aktibidad ay nagbigay sa mga kabataan ng tamang gabay at edukasyon upang mailayo sa kapahamakan na maaring maidulot sa pagsali sa CPP-NPA-NDF. Kaya sa pagtatapos ng nasabing pagpupulong, ang mga kabataan sa Brgy. Batasan ay namulat ang kaisipan at lalong magsumikap at mag-aral ng mabuti dahil ito ang kanilang puhunan sa kanilang kinabukasan.