Municipal Social Welfare and Development Office -Zaragoza

09/10/2026

🌱 PROJECT LAWA AT BINHI SA BAYAN NG ZARAGOZA 🌱
Patuloy ang pag-aalaga, patuloy ang pagtatanim, at patuloy ang pag-aani ng mga sariwang gulay! 🥬🥬
Sa ilalim ng Project LAWA at BINHI, patuloy ang pagsisikap ng ating mga benepisyaryo na pangalagaan ang kanilang mga tanim upang makapagbigay ng masustansiyang pagkain sa pamilya at makatulong sa pagpapatatag ng seguridad sa pagkain sa ating komunidad.
Sa bawat punla na inaalagaan at bawat gulay na naaani, unti-unting namumunga ang sipag, tiyaga, at pagkakaisa. Hindi lamang gulay ang ating inaani, kundi pag-asa para sa mas masagana at matatag na kinabukasan. 🌿💚
LAWA AT BINHI: Alaga ngayon, ani bukas, kasaganaan para sa lahat!

06/10/2026

🌷 CHILD DEVELOPMENT TEACHERS’ DAY CELEBRATION 🌷
Maraming, maraming salamat po, Mayor Lally Belmonte, sa pagmamahal at pagpapahalaga sa ating mga masisipag na Child Development Teachers. ❤️
Taon-taon, hindi ninyo nakakalimutang iparamdam sa kanila na ang kanilang sakripisyo, dedikasyon, at pagmamahal sa mga bata ay tunay na mahalaga.
Salamat po sa patuloy na pagkalinga at pagbibigay-halaga sa ating mga Child Development Teachers. Tunay na malaking inspirasyon ang inyong suporta sa kanilang patuloy na paglilingkod. 🥰
Happy Teachers’ Day sa ating mga minamahal at masisipag na Child Development Teachers ng Bayan ng Zaragoza! 🌸📚❤️

06/10/2026

Elderly Filipino Week 2026

05/10/2026

Happy Teachers Day 🤍 Mga Child Development Teacher ng bayan ng Zaragoza!

Maraming salamat sa inyong pusong laging handang magturo, gumabay at magmahal sa ating mga Listong Bulilit❤️

03/10/2026

SA LIKOD NG BAWAT TAONG NALILIGAW, MAY PAMILYANG UMAASA. 🤍

Siya po ang babaeng ilang beses nating nakikitang pagala-gala, walang saplot, nangangailangan ng agarang tulong, at nakarating na sa iba’t ibang lugar.

Sa pamamagitan ng LGU-Zaragoza, sa pangunguna ni Mayor Lally Belmonte, at sa pagtutulungan ng Kapulisan NG Zaragoza
Dra. Chery Calderon, Super RHU Drivers, at MSWDO Zaragoza Ma’am Judith Santos at Ma’am Imelda Padunan matagumpay siyang naihatid sa Mariveles Mental Wellness and General Hospital-Mariveles Bataan upang mabigyan ng nararapat na pangangalaga at tulong.

Hindi naging madali ang proseso. Kinailangan ng pagpaplano, koordinasyon at sakripisyo upang siya ay ligtas na maihatid sa lugar kung saan mas matutugunan ang kanyang pangangailangan.
Maraming, maraming salamat po sa lahat ng tumulong at nagmalasakit. Ang inyong oras, pagod at malasakit ay patunay na sa ating komunidad, walang taong dapat mapabayaan.

Sa sinumang nakakakilala sa kanya o may impormasyon tungkol sa kanyang pamilya, mangyaring makipag-ugnayan sa MSWDO Zaragoza upang matulungan siyang mahanap ang kanyang mga mahal sa buhay.

Nawa’y gumaling ka, Ate. 🙏
Sana ay matagpuan mo rin ang iyong pamilya at makauwi ka sa mga taong nagmamahal sa iyo.

02/10/2026

𝟏,𝟎𝟎𝟎 𝐈𝐒𝐊𝐎𝐋𝐀𝐑, 𝟏,𝟎𝟎𝟎 𝐏𝐔𝐍𝐎| 𝙐𝙣𝙖𝙣𝙜 𝙃𝙖𝙗𝙖𝙣𝙜
🌳🌳🌳

Sinimulan na natin ang ating layunin na makapagtanim ng 1,000 puno ang ating mga Kabataang Zaragozeño!

Sa unang batch, 686 Iskolar ang nabigyan na ng kanya-kanyang puno na kanilang itatanim at aalagaan sa kanilang mga bakuran. At balang araw, mamumunga ito — tulad ng kanilang edukasyon na ngayon ay ating itinatanim, at balang araw ay aanihin nila ang tagumpay sa buhay.

Habang tinutulungan natin ang ating mga iskolar na makapagtapos, tinuturuan din natin silang magtanim para sa kinabukasan — para sa kalikasan, para sa pagkain, at para sa dagdag na kabuhayan ng kanilang pamilya sa hinaharap.

Tuloy-tuloy po ito hanggang maabot natin ang 1,000 Iskolar, 1,000 Puno para sa mas luntian at mas maunlad na Zaragoza!

30/09/2026

25/09/2026

📢 𝐏𝐀𝐁𝐀𝐓𝐈𝐃 | 𝐒𝐔𝐒𝐏𝐄𝐍𝐒𝐈𝐎𝐍 𝐎𝐅 𝐖𝐎𝐑𝐊 𝐈𝐍 𝐆𝐎𝐕𝐄𝐑𝐍𝐌𝐄𝐍𝐓 𝐎𝐅𝐅𝐈𝐂𝐄𝐒

Alinsunod sa Memorandum Circular No. 136, suspendido ang trabaho sa mga opisina ng gobyerno sa 𝐒𝐞𝐩𝐭𝐞𝐦𝐛𝐞𝐫 𝟐𝟖, 𝟐𝟎𝟐𝟔 simula 𝟏:𝟎𝟎 𝐏𝐌 bilang paggunita sa 𝐊𝐀𝐈𝐍𝐀𝐍𝐆 𝐏𝐀𝐌𝐈𝐋𝐘𝐀 𝐌𝐀𝐇𝐀𝐋𝐀𝐆𝐀 𝐃𝐀𝐘! at 𝐍𝐀𝐓𝐈𝐎𝐍𝐀𝐋 𝐅𝐀𝐌𝐈𝐋𝐘 𝐖𝐄𝐄𝐊 .

Ang mga ahensyang nagbibigay ng basic at health services, disaster response, at iba pang vital services ay magpapatuloy sa operasyon.


#𝐏𝐚𝐫𝐚𝐒𝐚𝐁𝐚𝐲𝐚𝐧