MCOW Nabunturan

21/03/2022

05/03/2022

WOMEN’S SUMMIT 2022, NAGMALAMPUSON!

Kapin usa ka libong kababaehan gikan sa baynte-otso (28) ka mga barangay ang nakigduyog sa gipahitabong Women’s Summit 2022 pinasikad sa temang, “We Make Change Work for Women” kaniadtong Marso 4, 2022 sa NNCHS Gymnasium.

Ang Marso gideklarang National Women’s Month Celebration kung asa, gihatagan ug luna ang importansiya sa kababaehan isip leaders ug innovators sa nasod.

Kini mas gipakusgan sa mensahe ni Mayor Chickay,
“…nituo gyud kita nga isip babae, dili gyud kita lahi sa mga lalaki. Naa gyud tay mahimo nga pinaagi sa atong pagkababae, naa tay kaugalingong kusog. Sa akong gina-istorya, wala ta dinhi para makig-kompetensya sa mga kalalakihan… ang atoa lang, naa pod tay kaugalingong katungod; naa tay kaugalingong plano; ug naa pod tay kaugalingong handom para sa mga kababaehan diri sa atong lungsod.”

Iyaha sang gihataga’g bili ang kahinungdanon sa pag-sustain ug pag-empower sa atong mga kababayinhan. Busa, ginaandam gayod sa lokal nga panggamhanan sa Nabunturan ubos sa Municipal Council of Women nga gipangunahan ni Ma’am Juvy Aduana Javonitalla, ang nagkalain-laing livelihood ug skills training nga pwede magamit sa atong mga kababaehan sa pag-lambo sa ilang mga komunidad.

Nitambong ug nihatag usab ug inspiring ug motivating nga mensahe si Atty. Jose R. Caballero, kanhing gobernador sa Compostela Valley (Davao de Oro na karon) ug guest speaker sa maong aktibidad.

Nakigtambayayong usab sila Ma’am Sholai Lim, Provincial Women Development Council of Davao De Oro Chairperson; Hon. Arturo “Chionkee” Uy, Senior Board Member sa Davao de Oro; BM Kris Caballero; BM Vivencia Secuya; BM Raul Caballero; Vice Mayor Madel Malone- Cervantes; SB member Conie Caballero; SB member Atty. Carlo Ancla; SB member Ivi Sarah Humol; SB member Jeovy Mandin; SB member Alim Sotto; Former SB member Dennis Bugas; SB member Francis Secuya; Hon. Cyrian Reterba, Brgy. Chairman sa Poblacion; Hon Menchie Caballero, Vice President sa MCOW; Ma’am Zenith Maceda, Provincial Women Coordinator; ug pipila sa atong mga supportive nga Barangay Captains.

Usa sa highlight sa maong panagtapok ang Zumbarangayan, kung asa nagmadaugon ang Barangay Antequera, gisundan sa Barangay Mainit nga anaa sa second place, ug Barangay Poblacion sa third place. Nakita gyud ang kahanas ug ka-talented sa atong mga inahan, tita’s and ate’s nga lami gyud kaayo mukiay ug makigduyog sa sonata.

Niuling malipayon sab ang tanan tungod sa food packs nga naggikan kanilang Papa Gov. Chiongkee Uy.

Ubay-ubay usab ug sangko sa langit ang kalipay sa atong mga momshies tungod sa pagdaog sa major prizes sa pa-raffle nga Refrigerator, Tower Fan, air purifier, rice cooker, ug uban pang appliances nga naggikan sa atong mga generous sponsors nga sila Papa Gov. Chionkee, Ma’am Sholai, Gov. Tyron Uy, Cong. Dindee Bautista sa DUMPER Partylist ug uban pang mga sponsors.

Padayon ang Lokal nga Panggamhanan sa Nabunturan sa pagpangalagad sa katawhan, hilabina sa sector sa kababayenhan para mas-ma-empower pa sila sa komunidad ug mahataga’g igong kaalam aron mas mulambo pa ang ilang kinabuhi, kay tungod, We make Change Work for Women!

07/10/2021

Among kinasing-kasing nga pagbati sa atong MCOW/CTE Coordinator sa lungsod sa Nabunturan nga si Ma'am Juvy A. Javonitalla!

Kini human siya gi-recognize sa gipahitabong 2021 Provincial Skills Competition uban ang WorldSkills Philippines kaniadtong Oktubre 6, 2021. Usa si Ma'am Javonitalla sa pipila ka mga CTEC nga girekognisa tungod sa ilang mahinungdanong kontribusyon sa paghatod ug mga skills training sa mga nanginahanglan niini, hilabina sa mga barangay. Gihatagan usab ug pagtagad ang kalampusan ug kalambuan sa mga partisipante nga niagi sa skills training.

Sa makausa, Congratulations Ma'am Juvy!

20/09/2021

Napulo (10) ka adlaw na lang ug mahuman na ang voter registration period para sa 2022 National and Local Elections, !

Katungod nato ang pagpadayag sa atong desisyon para sa kalambuan, dili lamang sa lokal, apan sa kinatibuk-ang pag-asenso sa atong nasod.

Bisita sa COMELEC Nabunturan nga nahiluna sa Municipal Grounds sa atong munisipyo. Palihog lang ug dala ug at least one (1) Valid ID.

Para sa paglikay sa pagkuyanap sa COVID-19, musunod kita sa atong mga health protocol sama sa pag-sanitize sa kamot, pag distansya, ug pagdala sa mga musunod sa atong registration site:

👉 Atong kaugalingong ballpen
👉 Face mask
👉 Face shield
👉 Alcohol o sanitizer

08/09/2021

LOOK: Kagahapong adlawa, Setyembre 7, 2021 malipayong ni-gradwet ang 26 ka mga participants sa atong Table Skirting ug Flower Arrangement Training nga gipahitabo sa Basak Integrated School.

Kini nagmalampuson tungod sa pagtambayayong sa atong mga magtutudlo, sa Barangay Basak nga gipanguluhan ni Kap Danilo Cuevas, sa Lokal na Panggamhanan sa Nabunturan ubos sa liderato sa atong Mayor, Chelita C. Amatong, mga ahensya sama sa TESDA, ug sa atong Probinsya sa Davao de Oro pinanguluhan sa atong gobernador, Hon. Jayvee Tyron L. Uy.

Mapasalamaton usab kita sa makanunayong suporta sa atong Provincial Women Development Council Chairwoman, Ma'am Sholai Lim.

Andam kita sa Lokal na Panggamhanan sa Nabunturan, ubos sa opisina sa atong Community Training and Employment Coordinator, Juvy Javonitalla nga mupahitabo ug Skills Training sa atong mga katawhan sa Nabunturan.

24/08/2021

LOOK: 25 ka mga trainees sa Bread and Pastry ang nakadawat sa ilang toolkits karong buntag sa Office of the Mayor Pavilion, Municipal Compound gikan sa MARINO Partylist.

Dakong pasalamat sa mga trainees nga nahatagan og bag-ong gamit pangbake sama sa bag-ong oven kay anaa na silay magamit sa ilang pagsugod og negosyo ilabi na kay duol na ang Christimas Season sa nasod diin ubay-ubay ang gaorder og cakes ug uban pa.

Si Mayor Chelita C. Amatong nagpasalamat sa MARINO Partylist sa makanunayong paghatag og programa sa lungsod. Miingon pud siya sa mga trainee nga gamiton og tarong ang mga natun-an arun makakwarta ilabi na nga anaa pa kita sa pandemya.

Mitambong usab sila sir Fave Sevillano na MARINO coordinator sa Davao De Oro, Ma’am Juvy Javonitalla atong Municipal CTEC, Lor Mahipus of TESDA Davao De Oro, ug Ma’am Emma Suarez gikan sa SPCT.

Ang mga benepisyaryo sa programa mao ang pipila ka mga kababaenhan ug kabataan sa atong lungsod.

28/07/2021

BAWAL ang WALK-IN

Kinahanglan MAGPA-REHISTRO usa sa Barangay Health Center ayha muadto sa Vaccination Site (Municipal Covered Court) ug mabakunahan.

Ania usab ang mga iskedyul sa magpabakuna sa ilang second dose sa Astrazeneca ug Sinovac.