Vice-Gov. Sal Fortuno Jr.

Vice-Gov. Sal Fortuno Jr. An Kabarkada Nindo!

Boot ko pong personal na ipaabot an sakuyang mainit na pagbati sa CamSur Express sa pagigin Kampiyon kaini sa NBL-Pilipi...
29/03/2026

Boot ko pong personal na ipaabot an sakuyang mainit na pagbati sa CamSur Express sa pagigin Kampiyon kaini sa NBL-Pilipinas Season 2025 President’s Cup.

An kapangganahan na ini sarong malinaw na patotoo bako sana sa talento kundi sa kahigosan, disiplina asin pagtarabangan na ipinahiling kan lambang saro sa saindo sa laog asin luwas kan basketball court. P**n pa kan 2018, an CamSur Express bako sanang sarong grupo—ini sarong istorya nin pagigin matiyaga, pagtalubo asin dedikasyon. An kampeonato na ini tunay na nakua asin dakula an sakuyang pag orgulyo sa saindo gabos.

An sakuya man na pagtao nin saludo sa Team Owners kan CamSur Express, sa satuyang Gobernador LRay Villafuerte, Congressman Migz Villafuerte asin Congressman Luigi Villafuerte. An saindong bisyon, liderato asin daing sawang pagtaong suporta para sa pagpa uswag sa lado kan isports, an nagtao nin kusog sa satuyang mga atleta na maabot an saindang mga pangiturugan.

An sakuyang malugod na pagbati giraray sa mga parakawat, coaches asin mga tagasuporta. An saindong kahigosan asin puso an nagtaong liwanag sa pambihirang naginibohan na ini.

Mabuhay an CamSur Express!
Mabuhay an Camarines Sur!
Mabuhay kita gabos!

Dakula po an satuyang naging onra na irepresentar an satuyang namomotan na Gobernador na si Luis Raymund “LRay” F. Villa...
18/03/2026

Dakula po an satuyang naging onra na irepresentar an satuyang namomotan na Gobernador na si Luis Raymund “LRay” F. Villafuerte Jr. sa 125th Founding Anniversary kan Masbate. Sa okasyon na ini iginawad an mga Bangon Masbate Bayani Awards na an saro sa mga tinawan nin honra iyo an probinsya kan Camarines Sur

Kan mag-abot an Bagyong Opong, nagtindog an mga taga-Masbate na may kusog nin boot—alagad dai sinda nagtindog na solo.
Nakisumaro an Camarines Sur. An samuyang ipinaabot bako sanang tabang, kundi sarong iribahan bilang mga Bikolano—sarong pamilya, na kinugos nin pagmakulog asin kolektibong katungdan na i-angat an lambang saro.

Ipinagoorgolyo niamo an pagiging kabtang kan paghihingoang iyan. Asin kami nagdadanay na matibay sa samuyang promesa asin misyon na magtugdok nin mas pusog, mas ligtas asin mas matibay na mga komunidad sa bilog na Rehiyon Bikol.

Sa ngaran ni Gobernador “LRay” Villafuerte asin kan mga taga Camarines Sur, ipinapaabot niamo an dakulang pasasalamat sa pagbisto na ini.

Pagbati sa Gobyerno Probinsyal kan Masbate asin sa gabos na Bangon Masbate Bayani Awardees. An saindong mga istorya nagpapagirumdom sa samuya na an kabayanihan nabubuhay sa mga tawong daing kaimotan na nagtatabang asin nangengenot sa iba, paabante sa panahon nin pangangaipo.

Padagos an pagbangon, Masbate!
Mabuhay an Camarines Sur!
Mabuhay an Rehiyon Bikol!
Mabuhay an sambayanang Pilipino!

Kasubanggi, nakisumaro po kita sa mga nabayaan na pamilya, mga amigo asin mga taga Balatan sa pagtao kan satuyang huring...
10/03/2026

Kasubanggi, nakisumaro po kita sa mga nabayaan na pamilya, mga amigo asin mga taga Balatan sa pagtao kan satuyang huring paggalang sa nagtalikod na sa kinaban na si dating Alkalde Nena Berces Bagasbas. Sa samuyang hararom na pakikidumamay asin udok sa boot na pasasalamat, idinolot niamo an samong mga pamibi asin presensya durante kan vigil—pagtao nin onra sa buhay na nakadusay sa serbisyo publiko asin sa karahayan kan mga Balateños.

Kaibahan si Congressman Migz Villafuerte asin an mga Board Members kan 5th District of Camarines Sur, pormal ming itinao an Resolusyon kan Sangguniang Panlalawigan kan Camarines Sur ki dating Alkalde Nena Berces Bagasbas asin sa saiyang pamilya. An hiro na ini nagtitindog bilang sarong mapakumbaba alagad makahulugan na kapahayagan kan pagmidbid kan probinsya sa saiyang importanteng marhay na mga kontribusyon asin sa saiyang nagdadanay na legasiya sa serbisyo publiko.

Nagigirumdoman asin tinatawan niamo nin onra bako sana an sarong tunay na serbidor kan publiko kundi pati na an sarong daing kaimotan asin maheherakon na indibidwal na nagdusay kan saiyang buhay sa saiyang pamilya asin sa mga tawong saiyang maimbod na pinaglingkodan. An saiyang dedikasyon, kapakumbabaan asin masarigon na liderato padagos na magtatao nin inspirasyon sa mga henerasyon nin mga serbidor asin mga lideres kan komunidad sa bilog niatong probinsya.

Salamat po sa saimong serbisyo, Mayor Nena Berces Bagasbas. An saimong legasiya mabubuhay sagkod pa man sa puso kan mga taga Balatan asin sa pasasalamat kan bilog na probinsya nin Camarines Sur.





DISTRIBUSYON NIN TABANG PINANSYAL MARSO 6, 2026Mas pinapakusog ta an obligasyon na magtabang sa Team 1 - CamSur na magha...
06/03/2026

DISTRIBUSYON NIN TABANG PINANSYAL
MARSO 6, 2026

Mas pinapakusog ta an obligasyon na magtabang sa Team 1 - CamSur na maghatod nin magkakanigong ayuda sa satuyang namomotan na mga Camarinense.

Sa pangengenot kan satuyang Gobernador Luis Raymund “LRay” F. Villafuerte Jr., kaibahan si Congressman Vincenzo Renato “Luigi” R. Villafuerte, matrayumpong nagpa abot kami nin sunod-sunod na tabang pinansyal sa mga banwaan nin Pasacao asin Minalabac Camarines Sur, na nagbenepisyo sa pagka dakul-dakol na mga pamilya.

Pinapahiling lang kaini na padagos na ipinapautob an mga programa asin inisyatibo tanganing masiguro na an serbisyo asin suporta kan gobyerno probinsyal makaabot sa mga komunidad asin pamilya na mas nangangaipo kaini sa bilog na Camarines Sur.

Padagos an misyon nin responsableng pag-gobernar asin matanos na serbisyo publiko para sa gabos na Camarinense. Sa paagi nin pagkakasararo, pusog na liderato asin tunay na serbisyo publiko, padagos kitang nagtatrabaho para sa karahayan, progreso asin mas marhay na puturo kan satuyang probinsya.





Maogmang aldaw, Camarines Sur!Dakulang onra an sakuyang naeksperyensyahan kan masaksihan ko an sarong memorableng pangya...
04/03/2026

Maogmang aldaw, Camarines Sur!

Dakulang onra an sakuyang naeksperyensyahan kan masaksihan ko an sarong memorableng pangyayari para sa satuyang probinsya—an pagpirma kan kontrata sa pag-ultanan kan Gobyerno Probinsyal kan Camarines Sur, sa pangengenot kan satuyang Gobernador Luis Raymund “Lray” Villafuerte Jr., asin Chairman Alex Cruz kan Yuldalay Holdings Corporation.

Ini an opisyal na paglansar kan Private Commercial asin Mixed-Use Development bilang parte kan Cam Sur Uptown Project—na magdadara nin modernong mall, pinamarhay na pasilidad sa transportasyon asin mas dakulang oportunidad sa negosyo.

Alagad lampas pa sa mga estruktura na madali nang magtindog, ini an simbolo nin paglaom asin pag-asenso—mga trabaho para sa satuyang mga kahimanwa, oportunidad para sa mga pamilya asin mas makusog na ekonomiya para sa bilog na Camarines Sur.

Ini an progreso na para sa tawo.
Ini an kauswagan na para sa kada Camarinense.

Saro sana an satuyang obheto asin direksyon—iyo an padagos na pagbangon asin pagpauswag kan satuyang padangat na Camarines Sur.

Sarabay kita kan padagos na pagtugdok nin mas pusog asin mas progresibong Camarines Sur!



An satuyang Bise Gobernador, Hon. Sal Fortuno, Jr., kaiba an mga opisyales kan ciudad asin probinsya pati an Departmento...
15/02/2026

An satuyang Bise Gobernador, Hon. Sal Fortuno, Jr., kaiba an mga opisyales kan ciudad asin probinsya pati an Departmento kan Turismo, nakisasaro sa matrayumpong pagselebrar kan Tinagba Festival 2026 sa ciudad kan Iriga.

An Tinagba sarong dakulang simbolo kan pasasalamat sa mga biyaya kan ani, paggalang sa sakripisyo kan mga parauma, asin pagpadagos kan satuyang kultura asin tradisyon bilang mga tunay na taga-Rinconada. An kapistahan na ini bako sanang selebrasyon kan kasaganahan, kundi pagpaabot man kan satuyang tunay na pagkaka burunyog bilang sarong komunidad na may dakulang pagtubod asin paglaom.

Sa kada karosa na pano nin mga ani, sa kada bayle asin kanta na nagpapasiring kan satuyang kaakian, napapagirumdom kita na an tunay na kayamanan bako sana an bunga kan daga, kundi an pagkakasararo asin kooperasyon kan mga tawo. An Tinagba nagtatao sa satuya nin oportunidad na magpasalamat, magbalik-tanaw, asin magpadagos sa pagtrabaho tanganing mas pasarigon an agrikultura asin ekonomiya kan satuyang probinsya.

Sa pagselebrar kan Tinagba, pinapabugtak ta sa puso asin isip na an pag-uswag kan bilog na Camarines Sur nag-uugat sa masarigon na pundasyon kan kultura, tradisyon, asin marhay na liderato. Padagos kita na magtarabangan para sa mas marhay na futuro kan Rinconada asin kan enterong probinsya.






SANGGUNIANG PANLALAWIGAN 2ND SPECIAL SESSIONFebruary 10, 2026This year’s 2nd Special Session of the Sangguniang Panlalaw...
11/02/2026

SANGGUNIANG PANLALAWIGAN
2ND SPECIAL SESSION
February 10, 2026

This year’s 2nd Special Session of the Sangguniang Panlalawigan of Camarines Sur, presided over by Vice Governor Sal Fortuno, Jr., addressed urgent legislative and fiscal matters vital to the governance of the province.

A key measure approved was the resolution authorizing Ma. Sheena Arvey R. Atole to perform the duties of Acting Provincial Treasurer, ensuring fiscal continuity and accountable governance. Strong institutions keep Camarines Sur moving forward.

This appointment safeguards public funds and ensures the uninterrupted delivery of provincial programs and services, reinforcing transparency, accountability and responsible stewardship of public resources.

Strong leadership.
Strong institutions.
Strong Camarines Sur.





PROVINCIAL GOVERNMENT OF CAMARINES SUR, NANOMBRAHAN BILANG HIGH PERFORMING PROVINCE SA IBA-IBANG KATEGORIYA SA REHIYON B...
31/10/2025

PROVINCIAL GOVERNMENT OF CAMARINES SUR, NANOMBRAHAN BILANG HIGH PERFORMING PROVINCE SA IBA-IBANG KATEGORIYA SA REHIYON BICOL

An Provincial Government of Camarines Sur nanombrahan bilang High Performing sa Regional Institutional Development Support – BICOL E.K.S.P.R.E.S., High Performing Local Committees on Anti-Trafficking and Violence Against Women and their Children (LCAT-VAWC), asin High Performing Province in Disaster Preparedness.

An prestihiyosong pag-reconocer na ini hale sa Department of the Interior and Local Government (DILG) sa saindang 34th Local Government Month na may temang “Aldaw nin Honra: Regional Recognition Ceremony for 2024 Best Performing LGUs and Good Local Governance Champions cm Outstanding Lupong Tagapamayapa Regional Awarding”, na ginibo kan Oktubre 30, 2025 duman sa Legazpi City, Albay.

Sa ngaran po kan satong ginagalangan na Gobernador, GOVERNOR LRAY VILLAFUERTE, an saindong lingkod iyo po an nag-representar asin personal na nagresibe kan naunambitan na honra hali sa DILG.

Ini sarong testamento sa marhay na pag-gobernar kan satuyang ginagalangan na Gobernador, GOVERNOR LRAY VILLAFUERTE. Magirumduman man na kan nakaaging bulan, nanombrahan man an satuyang gobernador bilang Outstanding Public Servant Awardee na tinao kan RP-Mission and Development Foundation, Inc.

CONGRATULATIONS! PROVINCIAL GOVERNMENT OF CAMARINES SUR!

CONGRATULATIONS! GOVERNOR LRAY VILLAFUERTE!

An saimong KaFuerteng serbisyo padagos na minatao nin inspirasyon asin pag-asa sa bilog na Camarines Sur.

GOVERNOR LUIS RAYMUND VILLAFUERTE, nanombrahan bilang: Outstanding Public Servant kan RPMD Pinangaranan kan RP- Missio...
16/09/2025

GOVERNOR LUIS RAYMUND VILLAFUERTE, nanombrahan bilang: Outstanding Public Servant kan RPMD

Pinangaranan kan RP- Mission and Development Foundation Inc. (RPMD) si GOVERNOR LUIS RAYMUND F. VILLAFUERTE bilang saro sa mga nag-recibe kan OUTSTANDING PUBLIC SERVANT AWARD, sarong prestihiyosong pag-reconocer kan saiyang sinceridad, magin an bilog na Provincial Government of Camarines Sur (PGO) sa maka’bago asin epektibong liderato sa probinsya nin Camarines Sur.

Sa irarom kan saimong liderato, padagus an asenso kan satuyang probinsya sa lado nin infrastructure , salud , edukasyon, digital innovation, community colleges, ospital, vocational skills training centers asin kabuhayan o livelihood. Kaiba kaini an saimong pag-inganyar nin mga kapitalista na mag- Negosyo sa satuyang probinsya. An saimong mga programa mina-sentro sa pagpa-uswag kan kalidad kan buhay sa bilog na probinsya .

An nasabing pag-reconocer itina-tao sa mga opisyales nin gobyerno na nagpapaheleng nin tunay na pagmalasakit, dedikasyon asin may integridad na pag-seserbisyo . Saro sa mga pangetorogan kan satuyang Outstanding Public Servant Awardee na si Gov. Lray Villafuerte, iyo an, mapalangkaw an ekonomiya kan Camarines Sur, asin mapabale bilang nange-ngenot na probinsya sa enterong Pilipinas. An award na ini sarong patunay kan saimong epektibong liderato asin pamama-hala sa satuyang probinsya. Sarong patunay nin tiwala asin suporta kan nama-manwaan sa saimong liderato.

CONGRATULATIONS!, GOV. LRAY, An saimong serbisyo minapaheleng nin sarong testamento asin minatao nin inspirasyon asin pag-asa sa bilog na Camarines Sur.

Ihemplo ka nin sarong tunay na serbidor nin banwaan .

SAL FORTUNO, JR.
VICE GOVERNOR
CAMARINES SUR

Address

Nabua
4434

Website

Alerts

Be the first to know and let us send you an email when Vice-Gov. Sal Fortuno Jr. posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Vice-Gov. Sal Fortuno Jr.:

Shortcuts

Share

Category