Municipality of Mawab

07/09/2026

07/09/2026

𝐌𝐀𝐃𝐀𝐂 𝐌𝐀𝐖𝐀𝐁, 𝐍𝐀𝐆𝐏𝐀𝐋𝐈𝐆-𝐎𝐍 𝐒𝐀 𝐒𝐄𝐑𝐁𝐈𝐒𝐘𝐎 𝐏𝐈𝐍𝐀𝐀𝐆𝐈 𝐒𝐀 𝐘𝐀𝐊𝐀𝐏 𝐁𝐀𝐘𝐀𝐍 𝐓𝐑𝐀𝐈𝐍𝐈𝐍𝐆.

Aktibong nakasalmot ang mga personnel sa Municipal Anti-Drug Abuse Council o MADAC Mawab sa tulo ka adlaw nga refresher session alang sa Yakap Bayan Aftercare Multi-Disciplinary Team o MDT Tool.

Ang kalihukan napahigayon sa training niadtong September 2 hangtod 4, 2026 sa Manaklay Beach Park and Resort sa Mabini, Davao de Oro.

Lakip sa nakatambong sila MADAC Mawab Focal Jerico “Langga” Acana, Staff JN Villar II ug Jonathan Salado.

Napalawom pinaagi sa maong training ang ilang kahibalo sa Yakap Bayan Program, ilabi na sa case management, aftercare modules, documentation ug localized case management alang sa mga recovering persons who used drugs.

Gilauman nga makatabang kini sa MADAC Mawab sa pagpalig-on sa koordinasyon ug serbisyo alang sa mga benepisyaryo, ilabi na sa ilang recovery ug reintegration sa komunidad.

Gipasalamatan usab sa MADAC Mawab si Mayor Myrill Apit, MPA, Municipal Mayor ug MADAC Chairperson, tungod sa padayong suporta sa mga programa alang sa prevention, recovery ug pagtukod og drug-free nga Mawab.

𝗟𝗶𝗸𝗲, 𝗦𝗵𝗮𝗿𝗲 & 𝗙𝗼𝗹𝗹𝗼𝘄 𝗝𝘂𝗮𝗻𝗱𝗲𝗿 𝗥𝗮𝗱𝘆𝗼 𝗡𝗮𝗯𝘂𝗻𝘁𝘂𝗿𝗮𝗻 𝟴𝟴.𝟱 𝗙𝗠

07/09/2026

𝐏𝐀𝐇𝐈𝐁𝐀𝐋𝐎 𝐒𝐀 𝐓𝐀𝐍𝐀𝐍 l 𝐆𝐀𝐑𝐁𝐀𝐆𝐄 𝐂𝐎𝐋𝐋𝐄𝐂𝐓𝐈𝐎𝐍 𝐒𝐂𝐇𝐄𝐃𝐔𝐋𝐄

Subay sa mando ni Mayor Myrill Apit, MPA nga kanunayng hinlo ang tibook lungsod sa Mawab, ang MENRO nag implementar ug schedule sa kolekta sa basura karong umaabot nga mga adlaw sa tibook simana.

Gina-awhag ug Ginahangyu ang tanan nga kon dili pa skedyul sa inyong lugar, ayaw lang usa ipagawas ang basura aron malikayan ang kahugaw sa kadalanan ug mapadayon ang limpyo nga palibot.

Bisan limitado sa karun ang atong pag kolekta, paningkamotan sa maong ahensya nga makolekta ang mga natapok nga basura sa matag area. Hangyo lang mi sa inyong pagsabot ug kooperasyon.

GARBAGE COLLECTION SCHEDULE FOR SEPTEMBER 7-13, 2026
-------------
𝐌𝐎𝐍𝐃𝐀𝐘
SEPTEMBER 7, 2026
COMPACTOR
BARANGAY POBLACION Prk-6
AND MARKET

DUMPTRUCK
LSSSNHS
-------------
𝐓𝐔𝐄𝐒𝐃𝐀𝐘
SEPTEMBER 8, 2026
COMPACTOR
BARANGAY POBLACION Prk-18
AND MARKET

DUMPTRUCK
BARANGAY ANDILI
-------------
𝐖𝐄𝐃𝐍𝐄𝐒𝐃𝐀𝐘
SEPTEMBER 9, 2026
COMPACTOR
BARANGAY POBLACION Prk-1
AND MARKET

DUMPTRUCK
BARANGAY ANDILI
-------------
𝐓𝐇𝐔𝐑𝐒𝐃𝐀𝐘
SEPTEMBER 10, 2026
COMPACTOR
BARANGAY POBLACION Prk-1A, AND MARKET

DUMPTRUCK
BARANGAY ANDILI
-------------
𝐅𝐑𝐈𝐃𝐀𝐘
SEPTEMBER 11, 2026
COMPACTOR
BARANGAY POBLACION Prk-16, AND MARKET

DUMPTRUCK
BARANGAY ANDILI
-------------
𝐒𝐀𝐓𝐔𝐑𝐃𝐀𝐘
SEPTEMBER 12, 2026
COMPACTOR
MARKET
-------------
𝐒𝐔𝐍𝐃𝐀𝐘
SEPTEMBER 13, 2026
DUMPTRUCK
MARKET

07/09/2026

𝐏𝐀𝐍𝐀𝐆𝐇𝐈𝐔𝐒𝐀 𝐒𝐀 𝐒𝐄𝐑𝐁𝐈𝐒𝐘𝐎, 𝐆𝐈𝐏𝐀𝐊𝐈𝐓𝐀 𝐒𝐀 𝐔𝐍𝐀𝐍𝐆 𝐅𝐋𝐀𝐆 𝐂𝐄𝐑𝐄𝐌𝐎𝐍𝐘 𝐒𝐀 𝐒𝐄𝐏𝐓𝐈𝐘𝐄𝐌𝐁𝐑𝐄

MAWAB, DAVAO DE ORO — Gipangunahan ni Mayor Myrill Apit ang unang flag ceremony alang sa bulan sa Septiyembre, uban sa presensya ni Vice Mayor Engr. Ramil Medina, ug sa tibuok Sangguniang Bayan, mga department heads, ug tanang empleyado sa Municipal Government of Mawab.

Gipangunahan usab ni Rev. Father Armando V. Idago ang espirituhanong bahin sa maong kalihokan, isip pagpangamuyo ug paghatag og panalangin alang sa mga lider ug kawani sa lokal nga pangagamhanan sa ilang padayong pagserbisyo sa katawhan.

Kabahin usab sa maong kalihokan ang pagselebrar sa 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝘂𝗻𝗰𝗶𝗹𝗼𝗿𝘀’ 𝗪𝗲𝗲𝗸, isip pagpasidungog sa mga konsehal ug sa ilang dakong papel sa pagpalig-on sa lokal nga pangagamhanan ug pag-atiman sa kaayuhan sa komunidad.

Bisan lain-lain ang buluhaton ug responsibilidad sa matag usa, naghiusa ang lokal nga pangagamhanan sa usa ka tumong—ang paghatag og matinud-anon, episyente, ug responsableng serbisyo alang sa katawhan sa Mawab.

Sa pagsugod sa bag-ong bulan, nahimong pahinumdom ang maong kalihokan sa kamahinungdanon sa pagtinabangay tali sa mga lider ug kawani aron mapalig-on ang pangagamhanan ug mapadayon ang mga programa alang sa kaayuhan ug kalamboan sa lungsod.

Usa ka serbisyo, Usa ka Mawab, Serbisyong Mabati Sa Tanan.

07/09/2026

06/09/2026

MAYOR MYRILL APIT, GITUMAN ANG 19 KA TUIG NGA PANGANDOY SA NUEVO ILOCO

MAWAB, DAVAO DE ORO — Gituman ni Mayor Myrill Apit ang dugay nang gihulat nga pangandoy sa mga residente sa Barangay Nuevo Iloco pinaagi sa pagsugod sa pagtukod sa bag-ong Barangay Hall.

Gipahigayon ang groundbreaking ceremony alang sa maong proyekto human sa 19 ka tuig nga paghulat sa komunidad. Ang bag-ong Barangay Hall gitumong nga mahimong lugar alang sa mas hapsay nga paghatag og serbisyo ug mga kalihokan sa barangay.

Malipayon si Mayor Apit sa pagsugod sa proyekto ug iyang gipakita ang iyang pasalig nga ipadayon ang mga proyekto nga makatubag sa mga panginahanglan sa mga residente.

Alang sa mayor, ang maong proyekto usa ka lakang aron mapalambo ang serbisyo sa Barangay Nuevo Iloco ug mahatagan ang mga residente og mas angay nga lugar alang sa ilang mga panginahanglan ug kalihokan.

Gipasalamatan ni Mayor Apit si Congressman Jhong Ceniza ug Governor Raul Mabanglo, pinaagi sa iyang representante nga si Mr. Jun Tabas, alang sa ilang suporta ug pakigtinabangay sa pagsugod sa proyekto.

Pinaagi sa maong proyekto, usa na usab ka dugay nang gihulat nga pangandoy sa mga residente sa Nuevo Iloco ang gisugdan paghatag og tubag ubos sa pagpanguna ni Mayor Myrill Apit.