MENRO LGU-Aroroy

27/02/2026

Kitaa!

Isad na Philippine Brown Hawk Owl an gin turnover sa Opisina san MENRO ni Mr. John Allen Palaña, isad na personnel san MDRRMO Aroroy. Ini na sapat hali kuno sa Brgy. Panique, ginhatag san mga nakakita na bata. Sa inisyal na eksaminasyon ini na sapat may tama san air gun (jolens) sa dughan kag pakpak.

Padumdom sa aton mga pumuluyo na an mga buhay ilang kaupod ini na Philippine Brown Hawk Owl protektado san aton batas na RA 9147 o an Wildlife Conservarion and Protection Act of the Philippines. Pwede ma penalidad kag makulong an kung sino man an madakop na naga badil, alaga, kag an pagkuha san kung nano man na hayup o tanum na hali sa aton kadlagan. Ini sinda may mga papel na ginagampanan para sa pag preserba kag balanse san aton kapalibutan. Pareho san pag kontrol san mga peste sa palayan pareho san mga iraga.

Bawal magpang badil san mga sapat o kung nano pa na na hayup sa kadlagan.

Update: Patay napo an Philippine Brown Hawk Owl, an tama sa dughan kag pakpak an kawsa san pagkamatay.

24/02/2026

Sa pakig-usad san manlain-lain na departamento san Pamahalaang Bayan ng Aroroy kaupod an mga aktibo na ahensya san National Government kag sa giya san aton mahigos na Mayor Bitoy Virtucio nagkaigwa san joint coastal clean-up activity "Bayanihan para sa Malinis na Baybayin" sa costada barangay san Talib, Sawang, Gumahang. Ini gin pursige na ma obra para mabawasan an ati lalo na an mga single use plastics na kun diin amo ini sya an numero uno na nagahatag san polusyon sa aton kadagatan.

Isad ini sa mga pamaagi san lokal na gobyerno san Aroroy para masolusyunan an nangyari na Algal Bloom san mga nakalain na semana. Nagka igwa man san mga diskusyon sa mga Barangay Officials sani na mga barangay para mahimuan san sustinable kag sistematiko na pag manehar san mga nabubulok na basura, labi na an mga ati hali sa mga panimalay kag mga babuyan na direkta nagatapok o agay pakadto sa aton kadagatan.

160 ka sako na mga plastics, goma, nylon, kag manlain lain pa na hindi nabubulok na basura an nakolekta san mga partisipantes sani na matahum na aktibidad. Kag ini man gin dara pabalik sa centro Aroroy para matapuk sa Sanitary Landfill Facility san LGU Aroroy.

Dako dako na pasalamat sa mga nagbulig para mahimo ini na aktibidad lalo na sa Office of the Mayor, SB Members, DepEd, Aroroy MPS, Philippine Coast Guard, MAO-CRM, MDRRMO, DILG, RHU-Sanitation Unit, Market Administration, BLGUs san Talib, Sawang, kag Gumahang, kag sa tanan na volunteers na naghatag san oras para sa padayon na pagburuligan para sa malinis kag ligtas na kadagatan kag costada san Aroroy. Dios an Mabalos!

20/02/2026

13/02/2026

An pagselebrar san Valentine's Day dili lang kay para sa mga may ginapalangga na partner, jowa, or sa mag asawa. Para man ini sa aton pagpalangga sa aton kapalibutan.

Paagi san aton mapalanggaon kag akitbo na Mayor Bitoy Virtucio kag Municipal Environment and Natural Resources Office (MENRO), an mga manlain lain na empleyado san Lokal na Gobyerno san Aroroy mahigos na nagtanum sa LGU Forest Park para iselibrar an Love Affair with Nature 2026. Labi 500 na seedlings san Narra (Pterocarpus indicus) an natanum san mga gwapo kag maganda na partisipantes sa aton Forest Park. Ini gin himo para mabalyuan an mga puno na natumba san pagragasa san Bagyong Opong, para sa dagdag na proteksyon sa bagyo, soil integrity, kag sarumsom san tubig sa duta.

Suportahan ta an padayon na matahum na obra para mas maalagaan kag maitaas an kalidad san kapalibutan kag kalinisan san Aroroy. pa Aroroy

15/08/2025

Sa pag abot san mauran na panahon saaton lugar, gusto ipadumdum san amon Opisina na kita maging responsable sa pag tapok san basura lalo na ini na mga inawatag na single use plastics. Kay ini an nakabara saaton mga kanal na nagiging kawsa man san pag baha kay hindi na naka awas an tubig pakadto sa mga creek kag iba pa na outlet san tubig-baha.

An Opisina san MENRO padayon an pag declog san aton mga canal drainage systems na kung diin naobserbaran na halos mga supot san plastics kag mga plastic bottles an mga nakabara sa aton mga kanal.

Pagburuligan ta na kita magtapok sa tama na basurahan kag an tama na pagseregar para ini na mga basura hindi na makaabot pa saaton mga kanal. Iwasan an pagtapok san basura sa dili tama, para an malikayan an mga sakuna lalo na an baha. Para sa ligtas kag malinis na Aroroy.

13/08/2025

"NO SEGREGATION, NO COLLECTION" POLICY
REVISED SCHEDULE OF GARBAGE COLLECTION

Sa pagdumara san aton aktibado na mayor, Hon. Arvin Bitoy Virtucio para sa iya handum para sa malinis kag ligtas na pumoluyo san Aroroy, kaupod man an opisina san MENRO sa pang-ulo ni Mr. Juancho Collamar nagkonduktar san bandilyo publiko kag pagtiripon sa aton mga business kag establishment owners para pag hurup hurupan an bago na sistema san pagkolekta san basura. Pagatunaan naman an pag implementar san istrikto na "NO SEGREGATION, NO COLLECTION" POLICY. Hindi pagkukuhaon san mga collectors an mga basura na dili segregado kag haralo.

Ini ginhimo sa GSO Function hall san Agosto 12, 2025 na kung diin manlain lain na mga negosyante kag tagsadiri san mga tindahan an nag atindir para man maipaabot sainda an bago na schedule san pagkolekta sainda san basura san mga street sweepers para hindi na matambak pag maaga an basura kag ikalat pa san mga lagalag na kaiduan.

Pagburuligan ta po na magsunod kita sani na bago na schedule san pagkuha san basura lalo na gayud na igwa na san duon an aton polisiya na No" Segregation, No Collection". Para sa malinis kag ligtas na Aroroy.

12/08/2025