https://www.facebook.com/705218416001554/

Vice Mayor Joel Maliwanag, Poblacion, Mansalay (2026)

26/05/2026

Sa patuloy na pagpapatupad ng Sustainable Livelihood Program (SLP) sa ating bayan, muling pinagtitibay ang layunin nitong hindi lamang magbigay ng panimulang tulong, kundi maghatid ng tuloy-tuloy na suporta at gabay para sa pagpapaunlad ng kabuhayan ng ating mga Mansaleño.

Ang SLP ng Department of Social Welfare and Development (DSWD) ay isang capability-building program na isinasagawa sa pamamagitan ng mga yugto o phases, kung saan ang mga benepisyaryo ay sumasailalim sa monitoring, capacity-building, at livelihood development upang matiyak ang pangmatagalang tagumpay ng kanilang mga asosasyon.

Noong 2024, unang nabigyan ang kabuuang labinlimang (15) asosasyon bilang bahagi ng unang implementasyon ng programa.
Sa kasalukuyang 2026 implementation, isinagawa ang unang batch ng ikalawang bigayan kung saan sampung (10) asosasyon ang muling nabigyan ng tig-₱200,000 na livelihood assistance, sa pangunguna ng DSWD-SLP Provincial Coordinator G. Marites C. Pones, kasama si G. Marife F. Selda, PDO II, at si G. Ishmylene Fernando, OIC-MSWDO.

Kabilang sa mga benepisyaryo ang:
𝐆𝐨𝐥𝐝𝐞𝐧 𝐏𝐚𝐬𝐭𝐮𝐫𝐞 𝐒𝐭𝐚. 𝐌𝐚𝐫𝐢𝐚 𝐒𝐋𝐏𝐀, 𝐊𝐚𝐧𝐚𝐧𝐚𝐲𝐚𝐧𝐠 𝐌𝐚𝐬𝐢𝐬𝐢𝐩𝐚𝐠 𝐌𝐚𝐚𝐚𝐬𝐚𝐡𝐚𝐧 𝐒𝐋𝐏𝐀, 𝐁𝐥𝐚𝐳𝐢𝐧𝐠 𝐒𝐭𝐚𝐫 𝐏𝐚𝐫𝐚𝐧𝐠 𝐒𝐋𝐏𝐀, 𝐁𝐚𝐧𝐚𝐡𝐚𝐧 𝐁𝐚𝐥𝐚𝐧𝐠𝐚 𝐈 𝐒𝐋𝐏𝐀, 𝐌𝐚𝐧𝐚𝐮𝐥 𝐇𝐨𝐩𝐞 𝐒𝐩𝐫𝐢𝐧𝐠 𝐒𝐋𝐏𝐀, 𝐋𝐮𝐜𝐤𝐲 𝐒𝐭𝐚. 𝐁𝐫𝐢𝐠𝐢𝐝𝐚 𝐏𝐚𝐧𝐭𝐚𝐰𝐢𝐝 𝐒𝐋𝐏𝐀, 𝐁𝐨𝐮𝐧𝐭𝐢𝐟𝐮𝐥 𝐃𝐞𝐥 𝐌𝐮𝐧𝐝𝐨 𝐒𝐋𝐏𝐀, 𝐂𝐚𝐧𝐥𝐮𝐦𝐨𝐧 𝐈 𝐍𝐚𝐭𝐢𝐯𝐞 𝐍𝐚𝐲𝐨𝐧 𝐒𝐋𝐏𝐀, 𝐂𝐚𝐧𝐥𝐮𝐦𝐨𝐧 𝐓𝐚𝐛𝐨𝐤 𝐅𝐚𝐧𝐭𝐚𝐬𝐲 𝐒𝐋𝐏𝐀, 𝐚𝐭 𝐁𝐚𝐫𝐮𝐛𝐨-𝐆𝐫𝐞𝐞𝐧𝐥𝐚𝐧𝐝 𝐒𝐋𝐏𝐀.

Ang muling paglalaan ng suporta ay bahagi ng patuloy na assessment at implementasyon ng SLP upang matiyak na ang bawat asosasyon ay umuusad tungo sa mas matatag at self-sustaining na kabuhayan.

Nakatakda namang sumunod ang limang (5) pang asosasyon bilang kumpletong pagpapatuloy ng programa para sa lahat ng benepisyaryo.

Bilang tagapangasiwa ng lehislatura, patuloy nating sinusuportahan ang mga programang naglalayong hindi lamang magbigay ng ayuda, kundi magtayo ng pangmatagalang oportunidad at kabuhayan para sa bawat Mansaleño.

25/05/2026

𝐒𝐚 𝐢𝐬𝐢𝐧𝐚𝐠𝐚𝐰𝐚𝐧𝐠 𝐬𝐞𝐬𝐲𝐨𝐧 𝐧𝐠 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐧𝐠𝐚𝐲𝐨𝐧𝐠 𝐚𝐫𝐚𝐰, 𝐛𝐮𝐨𝐧𝐠 𝐤𝐚𝐠𝐚𝐥𝐚𝐤𝐚𝐧 𝐤𝐨𝐧𝐠 𝐭𝐢𝐧𝐚𝐧𝐠𝐠𝐚𝐩 𝐚𝐧𝐠 𝐩𝐚𝐠𝐛𝐢𝐬𝐢𝐭𝐚 𝐧𝐠 𝐤𝐢𝐧𝐚𝐭𝐚𝐰𝐚𝐧 𝐦𝐮𝐥𝐚 𝐬𝐚 𝐓𝐄𝐒𝐃𝐀 𝐮𝐩𝐚𝐧𝐠 𝐢𝐩𝐫𝐞𝐬𝐞𝐧𝐭𝐚 𝐚𝐧𝐠 𝐩𝐫𝐨𝐠𝐫𝐚𝐦𝐚𝐧𝐠 𝐏𝐡𝐨𝐭𝐨𝐯𝐨𝐥𝐭𝐚𝐢𝐜 𝐈𝐧𝐬𝐭𝐚𝐥𝐥𝐚𝐭𝐢𝐨𝐧 𝐍𝐂 𝐈𝐈𝐈 𝐓𝐫𝐚𝐢𝐧𝐢𝐧𝐠. Isa itong makabagong inisyatiba na naglalayong paunlarin ang kakayahan ng ating mga kababayan sa larangan ng 𝐫𝐞𝐧𝐞𝐰𝐚𝐛𝐥𝐞 𝐞𝐧𝐞𝐫𝐠𝐲, partikular sa 𝐬𝐨𝐥𝐚𝐫 𝐢𝐧𝐬𝐭𝐚𝐥𝐥𝐚𝐭𝐢𝐨𝐧 𝐭𝐞𝐜𝐡𝐧𝐨𝐥𝐨𝐠𝐲.

Sa presentasyon, malinaw na naipaliwanag ni 𝐆. 𝐀𝐫𝐯𝐢𝐧 𝐅. 𝐆𝐚𝐝𝐨, 𝐈𝐧𝐬𝐭𝐫𝐮𝐜𝐭𝐨𝐫 𝐈 𝐚𝐭 𝐏𝐕 𝐍𝐂 𝐈𝐈 𝐓𝐫𝐚𝐢𝐧𝐞𝐫, ang layunin ng programa na makapaghatid ng mas mataas na antas ng teknikal na kasanayan. Mahalaga ito bilang tugon sa patuloy na paglago ng pangangailangan sa industriya ng malinis na enerhiya sa ating bansa.

Sa kasalukuyan, patuloy ang pagtanggap ng mga interesadong kalahok para sa naturang pagsasanay. Ang programang ito ay bukas sa mga kwalipikadong aplikante, walang bayad, at may kaakibat na allowance bilang suporta habang sila ay sumasailalim sa pagsasanay.

Bilang bahagi ng preparasyon para sa NC III qualification, kinakailangan munang makapasa sa NC II assessment bilang pangunahing rekisito. Sa ganitong paraan, natitiyak natin na ang bawat kalahok ay may sapat na pundasyon ng kasanayan bago tumuntong sa mas mataas na antas ng sertipikasyon.

𝐁𝐢𝐥𝐚𝐧𝐠 𝐁𝐢𝐬𝐞 𝐀𝐥𝐤𝐚𝐥𝐝𝐞, 𝐛𝐮𝐨𝐧𝐠 𝐬𝐮𝐩𝐨𝐫𝐭𝐚 𝐤𝐨 𝐚𝐭 𝐧𝐠 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐚𝐧𝐠 𝐦𝐠𝐚 𝐠𝐚𝐧𝐢𝐭𝐨𝐧𝐠 𝐢𝐧𝐢𝐬𝐲𝐚𝐭𝐢𝐛𝐚 na naglalayong palakasin ang kakayahan ng ating mga mamamayan, magbukas ng mas maraming 𝐨𝐩𝐨𝐫𝐭𝐮𝐧𝐢𝐝𝐚𝐝 𝐬𝐚 𝐡𝐚𝐧𝐚𝐩𝐛𝐮𝐡𝐚𝐲, at isulong ang 𝐢𝐧𝐤𝐥𝐮𝐬𝐢𝐛𝐨𝐧𝐠 𝐩𝐚𝐠-𝐮𝐧𝐥𝐚𝐝 𝐧𝐠 𝐚𝐭𝐢𝐧𝐠 𝐛𝐚𝐲𝐚𝐧.

Naniniwala ako na sa pamamagitan ng patuloy na pakikipagtulungan sa mga ahensya tulad ng TESDA, mas mapagtitibay natin ang isang pamayanang may 𝐬𝐚𝐩𝐚𝐭 𝐧𝐚 𝐤𝐚𝐬𝐚𝐧𝐚𝐲𝐚𝐧, 𝐡𝐚𝐧𝐝𝐚 𝐬𝐚 𝐡𝐢𝐧𝐚𝐡𝐚𝐫𝐚𝐩, 𝐚𝐭 𝐦𝐚𝐲 𝐦𝐚𝐥𝐢𝐧𝐚𝐰 𝐧𝐚 𝐝𝐢𝐫𝐞𝐤𝐬𝐲𝐨𝐧 𝐭𝐮𝐧𝐠𝐨 𝐬𝐚 𝐩𝐚𝐧𝐠𝐦𝐚𝐭𝐚𝐠𝐚𝐥𝐚𝐧𝐠 𝐤𝐚𝐮𝐧𝐥𝐚𝐫𝐚𝐧.

18/05/2026

Sa isinagawang courtesy call sa regular session, ang mga punong-g**o mula sa Don Pedro High School, Don Pedro Salay Extension, at Manaul National High School ang personal na bumisita at nagpakita ng pakikipag-ugnayan sa Sangguniang Bayan, katuwang ang lokal na pamahalaan, bilang bahagi ng patuloy na pagpapatibay ng ugnayan sa sektor ng edukasyon.

Kabilang sa mga dumalo sina G. Peter M. Salivio, Gng. Aileen C. Diacoma, at G. Kermit S. Agbas na nagbahagi ng kanilang mga pananaw at karanasan sa pamamahala ng kani kanilang paaralan. Naging bahagi ng session ang mga miyembro ng Sangguniang Bayan bilang aktibong katuwang sa pagtalakay ng mga usaping pang edukasyon.

Sa naturang session, ibinahagi ni G. Kermit S. Agbas ang kanyang pasasalamat sa naipatupad na Covered Court Phase 1 sa Manaul National High School sa ilalim ng Administrasyong Maliwanag Maliwanag. Bagamat ito ang kanyang unang araw sa paaralan, agad niyang natunghayan ang kahalagahan at epekto ng nasabing proyekto sa mga mag aaral. Dagdag pa niya, malinaw sa kanya ang patuloy na suporta ng lokal na pamahalaan sa sektor ng edukasyon.

Bilang katuwang ni Mayor Ferdinand Maliwanag, kasama ang Sangguniang Bayan, naninindigan ako sa iisang direksyon ng ating pamahalaan ang patatagin ang pundasyon ng edukasyon sa pamamagitan ng konkretong suporta, maayos na pasilidad, at tuloy tuloy na pakikipag ugnayan sa mga institusyong pang edukasyon.

Kami ay nakaangkla sa commitment ni Mayor Ferdinand Maliwanag na palawakin at palakasin ang mga programang magbibigay ng mas maayos na kinabukasan para sa bawat batang Mansaleño.

15/05/2026

Sa patuloy na pagsusulong ng pangangalaga sa ating likas na yaman, matagumpay nating isinagawa ang Participatory Coastal Resource Assessment Training sa pakikipagtulungan ng Conservation International Philippines sa ilalim ng Transcend Project.

Kasama sa mahalagang gawaing ito si Mr. Orlando Maliwanag, Site Manager ng Conservation International Philippines, katuwang ang Municipal Agriculture Office (MAgO) ng Mansalay sa pangunguna ni Jemale G. Fajutnao, Municipal Agriculturist, at ang Provincial Agriculture Office (PAgO) ng Oriental Mindoro sa pangunguna ni Ms. Christine M. Pine, Provincial Agriculturist, gayundin ang iba’t ibang tanggapan ng pamahalaang lokal at mga stakeholder na may iisang layunin ang maprotektahan at mapanatili ang yaman ng ating karagatan para sa kasalukuyan at sa susunod na henerasyon ng mga Mansaleño.

Bilang isang bayang nakasandig sa agrikultura at yamang likas, ang Mansalay ay patuloy na nagsusulong ng balanseng kaunlaran kung saan pinapangalagaan ang kabundukan, sakahan, at baybaying dagat.

Saklaw din ng inisyatibang ito ang walong coastal barangay ng Mansalay na direktang nakikinabang at aktibong nakikibahagi sa mga programang pangpangangalaga ng ating yamang dagat.

Sa kasalukuyan, ating pinangangalagaan ang mga Marine Protected Areas (MPA) at mga turtle habitat sa ating baybaying dagat na nagsisilbing mahalagang tirahan at breeding ground ng ating yamang dagat. Ito ay patunay ng patuloy na pagpapatibay ng ating adbokasiya para sa konserbasyon, biodiversity protection, at balanseng ekolohiya.

Ang ganitong mga inisyatiba ay malinaw na hakbang tungo sa mas sistematikong pangangalaga ng ating coastal resources kung saan ang bawat plano ay nakabatay sa datos, aktibong partisipasyon ng mga stakeholder, at pangmatagalang solusyon para sa kalikasan at kabuhayan.

Kaisa ng ating mahal na Mayor Ferdinand Maliwanag, ng Sangguniang Bayan, at ng iba pang katuwang na ahensya, patuloy nating palalawakin ang mga programang magbibigay proteksyon sa ating kapaligiran habang sinusuportahan ang kabuhayan ng ating mga mangingisdang Mansaleño.

Ang pag-unlad ay hindi lamang nasusukat sa mga proyektong naitatayo kundi sa kung paano natin inaalagaan ang ating kalikasan. Sapagkat ang tunay na yaman ng Mansalay ay nasa ating likas na yaman at sa ating mga mamamayan.

14/05/2026

Sa patnubay ng ating mahal na Punong Bayan na si Mayor Ferdinand Maliwanag, ako ay nakiisa sa isinagawang 𝐅𝐨𝐫𝐦𝐮𝐥𝐚𝐭𝐢𝐨𝐧 𝐧𝐠 𝐀𝐧𝐧𝐮𝐚𝐥 𝐈𝐧𝐯𝐞𝐬𝐭𝐦𝐞𝐧𝐭 𝐏𝐫𝐨𝐠𝐫𝐚𝐦 (𝐀𝐈𝐏) 𝟐𝟎𝟐𝟕 noong May 12–13, kung saan muling pinagtibay ang ating layunin na mas mapalakas ang mga programang tunay na tumutugon sa pangangailangan ng ating mga kababayan.

Kasama ang ating mga 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐌𝐞𝐦𝐛𝐞𝐫𝐬, 𝐇𝐞𝐚𝐝 𝐨𝐟 𝐎𝐟𝐟𝐢𝐜𝐞𝐬, 𝐝𝐞𝐩𝐚𝐫𝐭𝐦𝐞𝐧𝐭 𝐡𝐞𝐚𝐝𝐬, 𝐚𝐭 𝐢𝐛𝐚’𝐭 𝐢𝐛𝐚𝐧𝐠 𝐭𝐚𝐧𝐠𝐠𝐚𝐩𝐚𝐧 𝐧𝐠 𝐥𝐨𝐤𝐚𝐥 𝐧𝐚 𝐩𝐚𝐦𝐚𝐡𝐚𝐥𝐚𝐚𝐧, sama sama nating tinalakay, sinuri, at binuo ang mga prayoridad na proyekto at programa para sa darating na taon. Gayundin, mahalagang banggitin na sa kasalukuyan ay mas marami na tayong 𝐂𝐢𝐯𝐢𝐥 𝐒𝐨𝐜𝐢𝐞𝐭𝐲 𝐎𝐫𝐠𝐚𝐧𝐢𝐳𝐚𝐭𝐢𝐨𝐧𝐬 𝐨 𝐂𝐒𝐎𝐬 na aktibong bahagi ng ating mga konseho, na nagbibigay ng mas malawak na representasyon at boses mula sa iba’t ibang sektor ng ating bayan.

Bilang Vice Mayor, malinaw sa akin na ang pagpaplano ay hindi dapat umiikot lamang sa loob ng opisina. Ang bawat programa at proyekto ay dapat inilalapit, ipinaparamdam, at isinasakatuparan para sa bawat Mansaleño. Sapagkat ang tunay na sukatan ng isang plano ay hindi kung gaano ito kaganda sa papel, kundi kung paano nito nababago at napapabuti ang buhay ng ating mga mamamayan.

Kaya naman sa pamamagitan ng AIP, sinisig**o nating ang bawat hakbang mula imprastruktura, kalusugan, edukasyon, hanggang kabuhayan ay may malinaw na direksyon at konkretong benepisyo para sa lahat.

Lubos akong nagpapasalamat sa dedikasyon at aktibong pakikiisa ng lahat ng naging bahagi ng prosesong ito. Ang ating pagkakaisa, kasama ang pamumuno ni Mayor Ferdinand Maliwanag at ang lumalawak na partisipasyon ng iba’t ibang sektor, ang magsisilbing pundasyon ng patuloy na pag unlad ng ating bayan.

Sa huli, ang bawat plano ay nagiging makabuluhan lamang kapag ito ay naisasakatuparan nang may malasakit at integridad.

Patuloy po tayong magtulungan tungo sa isang mas maayos, mas maunlad, at mas inklusibong kinabukasan para sa bawat Mansaleño.

11/05/2026

Sa isinagawang sesyon ng Sangguniang Bayan, iniulat at tinalakay ang mga kaganapan kaugnay ng distribusyon ng ayuda sa mga fisherfolk ng Sitio Wawan, Brgy. Manaul.

Dumalo si dating Konsehal Ernie Sandoval upang iparating ang mga hinaing ng samahan ng mga mangingisda, partikular ang umano’y pagkakasama sa listahan ng ilang hindi kwalipikadong benepisyaryo kabilang ang mga walang bangka at maging ang pumanaw na, habang may mga rehistradong fisherfolk sa munisipyo na hindi nabigyan ng ayuda. Mayroon ding mga indibidwal na ilang beses nang naghain ng kahilingan ngunit hindi napagbibigyan, samantalang ang kanilang karatig ay paulit ulit na nakatatanggap.

Bilang Vice Mayor at Presiding Officer ng Sangguniang Bayan, aking binigyang diin ang pangangailangang masuri ang kabuuang datos, kabilang ang eksaktong bilang ng mga rehistradong fisherfolk at farmers na dapat mabigyan, gayundin kung ang ganitong sitwasyon ay nangyayari rin sa iba pang barangay.

Sa nasabing sesyon, tinawag ang kinatawan mula sa Municipal Agriculture Office o MAgO upang magbigay linaw. Ayon sa kanilang paliwanag, nakipag ugnayan na sila sa BFAR at nakumpirma na magkakaroon ng Batch 2 para sa mga fisherfolk beneficiaries.

Ipinaliwanag din na ang batayan ng pagbibigay ng ayuda ay mula sa mga rehistrado sa FishR, BoatR, at RSBSA ng BFAR. Ang FishR ay opisyal na talaan ng mga mangingisda, ang BoatR naman ay rehistro ng kanilang mga bangka, at ang RSBSA ay pambansang database ng mga magsasaka at mangingisda. Dito kumukuha ng listahan ang BFAR para matukoy ang mga kwalipikadong benepisyaryo.

Ibig sabihin, kung ang isang indibidwal ay hindi rehistrado kahit sa alinman sa mga nabanggit na sistema, awtomatiko siyang hindi maisasama sa listahan ng mga makakatanggap ng ayuda, sapagkat ito ang pangunahing batayan ng ahensya at hindi ang listahan mula sa lokal na pamahalaan.

Kaugnay nito, iniatas ko sa kaukulang komite ng Sangguniang Bayan na magsagawa ng masusing pag aaral at pagsusuri sa usaping ito, lalo na sa mga naiulat na hindi pagkakatugma sa listahan, upang matiyak na ang bawat karapat dapat ay mabibigyan ng patas na ayuda.

Bilang karagdagang hakbang, magsusumite rin ako ng pormal na liham sa Regional Director ng BFAR at kay Senator Kiko Pangilinan upang hilingin ang komprehensibong datos, beripikasyon, at agarang aksyon sa mga naitalang isyu.

Patuloy tayong maninindigan para sa isang sistemang may integridad, malinaw na batayan, at patas para sa bawat Mansaleño.

10/05/2026

Ngayong Araw ng mga Ina, nais kong magbigay ng taos-pusong pagbati at pasasalamat sa lahat ng ilaw ng ating mga tahanan, ang ating mga Nanay.

Bilang isang lingkod-bayan, araw-araw kong nasasaksihan ang sakripisyo, tiyaga, at walang kapantay na pagmamahal na ibinibigay ninyo para sa inyong pamilya. Kayo ang tunay na haligi ng bawat tahanan at inspirasyon ng bawat pangarap na nais nating makamit bilang isang bayan.

Hindi matutumbasan ang inyong pag-aaruga, pag-unawa, at lakas ng loob sa kabila ng lahat ng pagsubok. Kayo ang unang g**o, unang kakampi, at walang sawang tagapagtanggol ng inyong mga anak.

Sa araw na ito, nawa’y maramdaman ninyo ang pagmamahal at pagpapahalaga na karapat-dapat para sa inyo, hindi lamang ngayon kundi sa bawat araw.

Mula sa aking puso, maligayang Araw ng mga Ina sa lahat ng Nanay. Saludo po ako sa inyo.

07/05/2026

Sa patuloy nating paghahanap ng makabuluhang oportunidad para sa mga Mansaleño, ako po, kasama ang mga miyembro ng Sangguniang Bayan, ay nakipag-ugnayan kay Mr. Edwin M. Cristobal ng Department of Migrant Workers upang talakayin ang posibleng deployment ng ating mga manggagawa sa South Korea.

Nakatuon ang ating pag-uusap sa pagbubukas ng oportunidad para sa sektor ng agrikultura at aquaculture, mga larangang alam nating may kakayahan at karanasan ang ating mga farmers at fisherfolk. Layunin nating mabigyan sila ng mas mataas na kita, mas maayos na kondisyon sa trabaho, at pagkakataong makasabay sa international standards.

Naniniwala ako na ang tungkulin ng pamahalaan ay hindi lamang magbigay ng lokal na oportunidad, kundi magbukas din ng pinto sa mas malawak na posibilidad para sa ating mga kababayan.

Kaya naman patuloy ang ating pakikipag-ugnayan upang masig**o na ang bawat oportunidad ay ligtas, legal, at tunay na kapaki-pakinabang para sa bawat Mansaleño.

Sa bawat hakbang na ating ginagawa, iisa ang layunin, ang maiangat ang antas ng pamumuhay ng ating mga kababayan, saan man sila dalhin ng pagkakataon.

06/05/2026

Sa patuloy na pagpapatibay ng serbisyong pangkalusugan para sa bawat Mansaleño, kami ni Mayor Ferdinand Maliwanag, kasama ang Sangguniang Bayan, ay muling dumalaw at nakipagpulong kay Senator B**g Go upang ipagpasalamat ang kanyang naunang tulong sa ating bayan, partikular sa mga programang pangkalusugan tulad ng financial assistance at iba pang support na naipagkaloob sa ating mga kababayan.

Bilang Vice Mayor, kinikilala natin ang mahalagang papel ng ganitong suporta mula sa pambansang pamahalaan upang mas mapalawak ang abot ng serbisyong medikal mula sa agarang tulong pinansyal hanggang sa mas episyente at mas accessible na pasilidad at programang pangkalusugan para sa ating mga kababayan. Kaugnay nito, patuloy din tayong humihingi ng karagdagang tulong at assistance upang mas lalo pang mapalakas at mapalawak ang mga programang pangkalusugan para sa Mansaleño.

Ang patuloy na ugnayan na ito ay patunay na sa pamamagitan ng tuloy-tuloy na koordinasyon at pagtutulungan, mas napapalakas ang sistemang pangkalusugan na tunay na nakatuon sa kapakanan ng bawat Mansaleño.

05/05/2026

Sa gitna ng mga umiiral na hamon sa agrikultura at kabuhayan, naniniwala po tayo na ang maagap at direktang pakikipag-ugnayan sa pambansang pamahalaan ang susi upang maiparating at matugunan ang pangangailangan ng Mansaleño. Kaya ngayong May 5, 2026, kasama ko si Mayor Ferdinand Maliwanag, kami po ay kasalukuyang nakikipagpulong kina Senator Bam Aquino at Senator Kiko Pangilinan upang ilatag ang mga kinakailangang interbensyon para sa ating bayan.

Ilan sa mga prayoridad na ating inilapit ay ang sapat na agricultural inputs, fuel subsidy para sa ating mga magsasaka at mangingisda, solar pump irrigation, pamamahagi ng binhi ng gulay at root crops, at cash assistance para sa mga magsasakang may malalawak na sakahan. Gayundin, ating isinusulong ang karagdagang pondo para sa AICS at TUPAD upang agarang makatugon sa pangangailangan ng mga pamilyang nasa krisis.

Kasabay nito, binibigyang-diin din natin ang kahalagahan ng pagpapaunlad ng imprastruktura, partikular ang mga farm to market roads bilang mahalagang hakbang upang mapalakas ang daloy ng produkto, mapababa ang gastos, at mapataas ang kita ng ating mga lokal na prodyuser.

Patuloy po nating isinusulong ang ganitong mga hakbang sapagkat naniniwala tayo na ang tunay na serbisyo publiko ay nakabatay sa konkretong aksyon at malinaw na layunin, ang maiangat ang antas ng pamumuhay ng bawat Mansaleño.

Vice Mayor Joel Maliwanag

26/05/2026

25/05/2026

18/05/2026

15/05/2026

14/05/2026

11/05/2026

10/05/2026

07/05/2026

06/05/2026

05/05/2026

Address

Website

Alerts

Shortcuts

Share

Category