30/12/2025
PAALALA SA MGA MAGULANG AT TAGAPAG-ALAGA:
Ipinapaalala po ng Barangay na mahigpit na ipinagbabawal ang pagpapaputok, lalo na sa mga menor de edad, dahil ito ay mapanganib at maaaring magdulot ng pinsala sa sarili at sa kapwa.
Ang sinumang menor de edad na mahuhuling nagpapaputok ay agad na dadalhin sa Barangay. Ang magulang o tagapag-alaga ay ipapatawag at kakasuhan, at papatawan ng kaukulang parusa alinsunod sa mga patakaran ng DSWD at ng Pamahalaang Lungsod ng Maynila.
Hinihiling po namin ang inyong mahigpit na pakikipagtulungan na bantayan at gabayan ang inyong mga anak upang maiwasan ang anumang insidente at mapanatili ang kaayusan at kaligtasan sa ating komunidad.
Ito ay para sa kaligtasan ng lahat. Mahigpit po itong ipatutupad. Maraming salamat po.
