28/08/2026
News Alert
Migrant Workers Protection Bureau
28 August 2026
๐๐ ๐ช, ๐ป๐ฎ๐ด๐น๐๐ป๐๐ฎ๐ฑ ๐ป๐ด ๐บ๐ฎ๐ด๐ธ๐ฎ๐ต๐ถ๐๐ฎ๐น๐ฎ๐ ๐ป๐ฎ ๐ผ๐ฝ๐ฒ๐ฟ๐ฎ๐๐๐ผ๐ป ๐น๐ฎ๐ฏ๐ฎ๐ป ๐๐ฎ ๐ถ๐น๐น๐ฒ๐ด๐ฎ๐น ๐ฟ๐ฒ๐ฐ๐ฟ๐๐ถ๐๐บ๐ฒ๐ป๐; ๐ฎ๐ต๐ฒ๐ป๐๐๐ฎ ๐๐ฎ ๐ฃ๐ฎ๐บ๐ฝ๐ฎ๐ป๐ด๐ฎ ๐ถ๐ฝ๐ถ๐ป๐ฎ๐๐ฎ๐ฟ๐ฎ, ๐ฎ ๐๐๐๐ฝ๐ฒ๐ธ ๐๐ฎ ๐๐๐ฎ๐ฏ๐ฒ๐น๐ฎ ๐ป๐ฎ๐ฎ๐ฟ๐ฒ๐๐๐ผ
๐๐ฉ๐ช๐ญ๐ช๐ฑ๐ฑ๐ช๐ฏ๐ฆ๐ด โ Pinaiigting ng Department of Migrant Workers (DMW) ang kampanya laban sa illegal recruitment matapos ang dalawang magkahiwalay na aksyon: ang pagsasara ng isang recruitment firm sa Clark Freeport Zone, Pampanga na nag-aalok umano ng mga trabaho sa Australia, at ang pagkakaaresto ng dalawang suspek sa Santiago City, Isabela kaugnay ng mapanlinlang na alok ng trabaho sa Ireland.
Peloton Workready, ipinasara sa Clark
Sa pangunguna nina Assistant Secretary Jerome Alcantara at Migrant Workers Protection Bureau (MWPB) Directors Romelson Abbang at Eric Dollete, ipinahinto ng DMW ang operasyon ng Peloton Workready OPC (Peloton) sa Clark Freeport Zone matapos ang imbestigasyon kaugnay ng umano'y hindi awtorisadong recruitment ng mga Pilipino para sa mga trabaho sa Australia.
Nagsimula ang imbestigasyon matapos makatanggap ang MWPB ng ulat tungkol sa recruitment activities ng Peloton. Batay sa imbestigasyon, nag-aalok umano ang ahensya ng iba't ibang trabaho sa Australia โ kabilang ang construction worker, welder, carpenter, factory worker at iba pang skilled trade positions โ na may iniaalok na sahod na umaabot sa โฑ150,000 hanggang โฑ200,000 kada buwan, depende sa posisyon.
Ipinopromote umano ang mga oportunidad sa pamamagitan ng page na "Peloton Workready OPC," kung saan hinihikayat ang mga aplikante na magsumite ng aplikasyon online. Sumailalim umano ang mga aplikante sa document screening, interviews, trade skills assessment at final interview kasama ang isang sinasabing Australian employer, at hiningi rin ang mga dokumentong gaya ng passport, employment records, government clearances at iba pang qualification documents.
Bagama't ipinahayag ng Peloton na "no placement fee" ang recruitment at sasagutin umano ng foreign employers ang ilang processing at deployment costs, inatasan naman umano ang mga aplikante na sagutin ang kanilang personal na pamasahe, documentary requirements, interview-related expenses at trade assessment. Sinikap din umano ng ahensya na magpakita ng pagiging lehitimo sa pamamagitan ng mga testimonial ng mga sinasabing na-deploy na manggagawa at sa paglalathala ng mga Modern Slavery Statements sa kanilang website.
Mahaharap sa kasong illegal recruitment ang mga officer ng Peloton, kasama ang ilang empleyadong may kinalaman sa naturang aktibidad. Isasama rin ang kanilang mga pangalan sa DMW List of Persons and Entities with Derogatory Record, at irerekomenda ng DMW ang pagkansela ng business permit nito sa Pamahalaang Lungsod ng Angeles, gayundin ang pagkansela ng rehistrasyon nito sa Securities and Exchange Commission (SEC).
2 suspek, naaresto sa entrapment operation sa Isabela
Samantala, arestado naman sina Emelita Melo at Joseph Arconcil sa isinagawang entrapment operation ng DMW Region 2, MWPB, at Criminal Investigation and Detection Group (CIDG) Isabela Provincial Field Unit noong Agosto 28, 2026 sa P7 Provincial Road, Santiago City, Isabela.
Naaresto ang mga suspek dakong alas-10:00 ng umaga sa kanilang tanggapan ng Learghusa Immigration and Consultancy Services/Leisaphil Immigration and Consultancy Services, matapos magsampa ng reklamo ang mga biktima kaugnay ng umano'y ilegal na recruitment at mapanlinlang na alok ng trabaho sa Ireland.
Ayon sa imbestigasyon ng DMW Region 2, nag-aalok umano ang mga suspek ng visa assistance para sa Ireland at nangangako ng garantisadong trabaho bilang caregivers, na may sahod na umaabot sa โฌ3,200 o mahigit PhP 200,000.00 kada buwan. Nahuli ang dalawa habang isinasagawa umano ang kanilang recruitment activities sa kanilang tanggapan.
Matapos ang pagkakaaresto, dinala ang mga suspek sa CIDG Provincial Office sa Ilagan, Isabela para sa booking, mugshot at paghahanda ng kaukulang kaso bago iharap sa Office of the City Prosecutor ng Santiago City para sa inquest proceedings.
Pinaaalalahanan ng DMW ang publiko na maging mapanuri sa mga nag-aalok ng trabaho at visa assistance para sa ibang bansa, lalo na sa mga nangangako ng garantisadong trabaho at mataas na sahod. Hinihikayat ang mga naghahanap ng trabaho abroad na beripikahin muna ang job offer at awtoridad ng recruiter bago magsumite ng mga dokumento o maglabas ng anumang halaga.
"Patuloy na paiigtingin ng DMW ang mga operasyon laban sa illegal recruitment at iba pang mapanlinlang na recruitment schemes, katuwang ang mga law enforcement agencies, upang maprotektahan ang mga Pilipinong naghahanap ng trabaho sa ibang bansa," ayon sa ahensya.
Nananawagan din ang DMW Migrant Workers Protection Bureau sa iba pang mga biktima ng Peloton at nina Melo at Arconcil na makipag-ugnayan sa pamamagitan ng https://www.facebook.com/dmwairtip upang mabigyan ng libreng tulong legal.
