DA-Central Visayas

DA-Central Visayas Pls follow our page and like our post.

Vision: A modernized agriculture and fisheries; a diversified rural economy that is dynamic; technologically advanced and internationally competitive.

Daily Price Index (DPI), September 6, 2026
06/09/2026

Daily Price Index (DPI), September 6, 2026

06/09/2026

Atong balikan ang Techno Tip segment sa Ani ug Kita TV program nga gipasalida sa CCTN Channel 47 kagahapon, Sityembre 5, 2026.

Sa maong segment, atong masayran ang mga bag-ong
teknolohiya, pamaagi ug praktikal nga tips, direkta gikan sa mga eksperto, nga makatabang sa pagpalambo sa produksyon ug panginabuhian sa agrikultura

05/09/2026

Lantawa ang ika-unom nga episode sa Ani ug Kita TV program nga gipagawas sa CCTN Channel 47 karong adlawa, Sityembre 5, 2026, alas 7:00-8:00 sa buntag.

DA-7 misalmot sa State of the Naga AddressSa panaghiusa ug garbo sa katawhang Nagahanon, gisaulog sa City of Naga, Cebu ...
05/09/2026

DA-7 misalmot sa State of the Naga Address

Sa panaghiusa ug garbo sa katawhang Nagahanon, gisaulog sa City of Naga, Cebu ang ika-19 nga Charter Day Anniversary, nga gipangulohan ni City Mayor Valdemar M. Chiong, uban sa pagpresentar sa iyang State of the Naga Address (SONA), karong adlawa, Sityembre 5, 2026.

Ang kalihokan nakasentro sa temang, “Naga: Magpabiling Lig-on, Padayong Magmalampuson,” diin dakong bili ang kooperasyon ug kontribusyon sa mga katawhan, nagkadaiyang industrya, gobyerno, ug mga pribadong sektor sa kalampusan sa dakbayan.

Ang maong selebrasyon nagsilbing higayon aron saulogon ang mga kalampusan sa dakbayan, samtang gipasiugda usab ang mga programa, serbisyo ug umaabot nga mga plano alang sa padayong kalamboan sa Naga diin mao kini ang gipaambit ni Mayor Chiong sa iyang SONA.

“Let us carry the true spirit of Naga in our hearts. One of resilience, relentless progress, and unwavering unity, together, we will continue to build a city, that is not only industrious but inclusive, proving time why we are the pride of the South,” malipayong mensahe ni Mayor Chiong.

Sa maong kalihokan, personal usab nga mitambong si Department of Agriculture-Central Visayas (DA7) Regional Technical Director for Research and Regulations Dr. Wilberto O. Castillo, isip representante sa buhatan ug ni DA7 Regional Executive Director Angel C. Enriquez.

Ang presensya ni Dir. Castillo nagpakita sa padayong pagpalig-on sa koordinasyon ug pakigtambayayong tali sa DA7 ug sa lokal nga pangagamhanan sa Naga City, ilabi na sa mga programa ug inisyatiba nga may kalabotan sa agrikultura ug pagpalambo sa panginabuhian sa mga mag-uuma.

Ang Charter Day sa Naga ginasaulog matag Sityembre 5, isip paghandum sa pagkahimong component city sa kanhi Municipality of Naga ubos sa Republic Act No. 9491, o ang City Charter. 📝J. Villamor

Daily Price Index (DPI), September 5, 2026
05/09/2026

Daily Price Index (DPI), September 5, 2026

05/09/2026

Tan-awa👇👇👇

Nagpahigayon og usa ka importanteng pakigpulong ang Department of Agriculture - Central Visayas Disaster Risk Reduction ...
04/09/2026

Nagpahigayon og usa ka importanteng pakigpulong ang Department of Agriculture - Central Visayas Disaster Risk Reduction Management (DA7-DRRM) karong adlawa, Sityembre 4, 2026, kauban ang mga representante gikan sa nagkalain-laing banner programs ug division offices sa DA7.

Ang nag-unang gihisgutan mao ang pagpangandam sa umaabot nga Earthquake Drill nag ipahigayon sa buhatan.

Importante kini nga lakang sa pag pangandam kay ang linog walay gipili nga oras ug lugar. Pinaagi sa saktong pagbansay, mas dali nato madumduman ang "Duck, Cover, and Hold" imbes nga mag-panic. Ang kaalam sa sakto nga evacuations ug safety protocols mao ang makaluwas kanato ug sa atong mga kauban sa trabaho.

Isip usa ka ahensya nga nag-alagad sa sektor sa agrikultura, ang dali nga pagbangon sa mga opisina ug mga kawani human sa kalamidad nagpasabot usab og mas paspas nga serbisyo alang sa atong mga mag-uuma ug mangingisda.

Ang siguridad ug kabalaka sa tagsa-tagsa ka kinabuhi mag-una sa atong disiplina ug pagpangandam karon. Magtinabangay ta alang sa usa ka andam ug luwas nga DA7. 📝MA Velarde

DA-Central Visayas-RAFIS, mihatag og pasidungog sa mga tinun-an sa CTU-DevCom Program isip mga InternsNahimong mabulokon...
04/09/2026

DA-Central Visayas-RAFIS, mihatag og pasidungog sa mga tinun-an sa CTU-DevCom Program isip mga Interns

Nahimong mabulokon ug malipayon ang hapon sa buhatan sa Regional Agriculture and Fisheries Information Section (RAFIS) sa Department of Agriculture-Central Visayas atol sa pagpasidungog ug pagpasalamat sa mga tinun-an gikan sa Development Communication Program sa Cebu Technological University (CTU) – Main Campus human sa ilang internship program.

Sa iyang mensahe, gipasabot sa Hepe sa Human Resource Management Section nga si Maria Isabel A. Martinez nga ang mga kasinatian nga ilang naangkon ubos sa DA-7 RAFIS dili lamang kutob sa internship, kondili magamit usab nila sa ilang umaabot nga mga trabaho human sa ilang pag-eskwela.

Sa laing bahin, dako usab og pasalamat ang OIC-Chief sa RAFIS nga si Florelin R. Orozco sa tabang ug kontribusyon sa mga interns, ilabi na sa ilang pagdugang sa limitadong manpower sa maong buhatan sa pagpatuman sa nagkadaiyang programa ug media production.

Agig tubag, mipahayag usab og pagpasalamat ang mga tinun-an sa mga kahibalo ug kasinatian nga ilang naangkon ubos sa maong opisina.

Matud pa nila, nakatabang kini sa ilang paglambo isip indibidwal ug umaabot nga mga propesyonal, lakip na ang mas lawom nilang pagsabot sa trabaho sulod sa gobyerno ug sa kabug-aton sa paghatod og tukma nga impormasyon alang sa kasayuran sa komunidad, ilabi na sa mga mag-uuma ug mananagat, aron mapadayon ang maayong pagserbisyo sa departamento.

Nahimong emosyonal ug malipayon ang pagtapos sa internship program sa mga tinun-an human sa ilang 335 ka oras nga pagtrabaho sulod sa DA-7. Uban sa mga pahiyom ug panamilit, ilang gidala ang mga kasinatian ug leksyon nga ilang nakat-unan sa maong buhatan.

Luyo sa kalamboan sa sektor sa agrikultura, anaa ang pagpaningkamot sa mga tawo nga nagpaluyo sa nagkadaiyang malampusong programa. Usa sa mga paningkamot sa DA-Central Visayas ang pagpadayon sa paghulma sa mga tawo nga mahimong episyente ug matinud-anong public servant, sama sa istorya sa mga tinun-an nga nahuman sa ilang internship program. 📝CL Cajes

Nagkahiusa ang regional ug provincial team sa DA-SAAD Central Visayas alang sa pag-andam sa FY 2027 pinaagi sa Budget Ex...
04/09/2026

Nagkahiusa ang regional ug provincial team sa DA-SAAD Central Visayas alang sa pag-andam sa FY 2027 pinaagi sa Budget Ex*****on Documents (BEDs) 1, 2 ug 3 Cascading ug Harmonization Workshop nga gipahigayon niadtong Sityembre 1, 3, ug 4 sa Bohol ug Cebu.

Gipunting sa kalihokan ang pag-review ug pag-align sa mga gisugyot nga mga kalihokan, mga target, ug gikinahanglang pundo sa SAAD alang sa umaabot nga fiscal year, nga nakaangkla sa regional priorities ug sa tinuod nga panginahanglan sa mga partner nga kapunongan sa mag-uuma.

Sa Bohol, gipahiuyon ang mga gisugyot nga mga interbensyon alang sa 22 ka partner farmers’ associations, samtang gisundan kini sa Cebu provincial harmonization. Sa regional level, gipresentar ang consolidated FY 2027 plans ngadto sa Regional Program Advisory Committee (RPAC) nga gipangulohan ni Regional Executive Director Angel C. Enriquez.

Giawhag ni Dir. Enriquez ang SAAD team nga magsulti ug mopadayag sa mga isyu, concerns, ug obserbasyon nga ilang nasinati sa field, ilabina tungod kay sila mismo ang direktang nakig-uban sa mga mag-uuma ug beneficiaries.

Samtang, gipaabot ni Regional Technical Director for Operations Engr. Cirilo N. Namoc ang tulo ka mensahe alang sa umaabot nga implementation; (1)Kalimtan ang dili maayong kasinatian, (2)I-improve ang mga butang nga wala maayo ang implementation ug (3)ipadayon ang mga pamaagi nga napamatud-ang epektibo.

Gitambongan ang maong kalihokan sa mga personnel gikan sa SAAD Regional Program Management Support Office (RPMSO) ug sa Provincial Program Management Support Offices (PPMSOs) sa Cebu ug Bohol. Mitambong usab sila Cebu OIC-Agricultural Program Coordinating Officer (APCO) Noli N. Rasonabe ug Bohol Assistant APCO Lavinia A. Corpus.

Mitambong usab ang mga miyembro sa Regional Program Advisory Committee (RPAC) isip suporta sa mga umaabot nga kalihokan ug plano sa programa. Lakip kanila sila Procurement Unit Chief Antoinette J. Lucenio, Budget Section Chief Rosallie Gallego, Accounting Section Chief Mark T. Paguray, Procurement Section Chief Joseph Rommel A. Bascar, ug Field Operations Division Chief Dr. Gerry S. Avila. (contributed by: IG Negre /📝 F. Orozco)

Price Watch sa mga nag-unang merkado sa Sugbo ug sa Tagbilaran City, Bohol sugod Agosto 31, 2026 hangtud Sityembre 4, 20...
04/09/2026

Price Watch sa mga nag-unang merkado sa Sugbo ug sa Tagbilaran City, Bohol sugod Agosto 31, 2026 hangtud Sityembre 4, 2026

Address

Maguikay
Maguikay
6014

Website

Alerts

Be the first to know and let us send you an email when DA-Central Visayas posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DA-Central Visayas:

Shortcuts

Share

Category