Governor's Help Desk Magdiwang

03/09/2026

03/09/2026

Sa ating layuning magkaroon ng mas tapat, bukas, at inklusibong pamamahala sa Romblon, isinagawa natin ang Consultation and Presentation ng Proposed FY 2027 Provincial Budget kasama ang ating Romblon Provincial People’s Council (RPPC) noong September 2, 2026 sa PGR Extension Office sa Brgy. Rizal, Odiongan, Romblon.

Mahalaga para sa atin na ang bawat pondo ng lalawigan ay nakatutok sa tunay na pangangailangan ng ating mga mamamayan. Nakipagpulong tayo sa iba't ibang kinatawan ng ating civil society organizations, sectoral groups, at CSOs mula sa iba't ibang bayan, mula sa ating mga magsasaka, mangingisda, health workers, kabilang ang mga samahan ng kababaihan at transport sector.

Maraming salamat sa RPPC sa pamumuno ni Chairperson Dr. Alexander F. Formento, sa inyong aktibong pakikilahok at sa pagpapaabot ng inyong suporta at mga mungkahi! Makakaasa kayo na patuloy nating bibigyang-prayoridad ang sektor ng agrikultura, pangingisda, kalusugan, at iba pang mga essential services sa ating mga isla.

03/09/2026

Patuloy ang ating pakikipag-ugnayan sa iba't ibang sektor at organisasyon upang palakasin ang sektor ng agrikultura sa ating lalawigan.

Sa ilalim ng Sagip Saka Procurement Program, bukas ang ating pintuan sa mga pakikipagtulungan at ugnayan kasama ang ating mga lokal na kooperatiba tulad ng Naujan Multi-Purpose Cooperative (NAMCO) mula sa Oriental Mindoro, sa pamumuno ng kanilang General Manager na si Mr. Nicanor A. Diaz.

Sa pamamagitan ng direktang pagbili at suporta sa mga kooperatiba ng magsasaka, mas nasisiguro natin ang mas mataas na kita para sa ating mga magsasaka at local producers; sapat, sariwa, at abot-kayang suplay ng pagkain para sa bawat pamilyang Romblomanon; at mas matibay na inter-island partnership sa pagitan ng ating lalawigan at mga kalapit-probinsya sa MIMAROPA.

Sama-sama nating itaguyod ang mas maunlad at masaganang kabuhayan para sa ating mga bayaning magsasaka!

03/09/2026

Isinagawa natin ngayong hapon, September 3, 2026, ang ating 3rd Quarter Joint PPOC-PADAC-ELCAC/PTF Meeting sa PGR Extension Office sa Brgy. Rizal, Odiongan, Romblon.

Kasama ang ating security forces, partner agencies, at local leaders, tinalakay natin ang mahahalagang hakbang upang mapanatili ang kapayapaan, kaayusan, at kaligtasan ng bawat Romblomanon.

Sa naganap na pagpupulong, inendorso natin ang Joint PPOC/PADAC Resolution No. 2026-06-05 na sumusuporta sa pagpapatupad ng Nationwide Simultaneous School Safety Drill for Active Attack Incidents para sa seguridad ng ating mga mag-aaral at paaralan. Nirepaso rin natin ang Fund Utilization Report ng CY-2026 PPAs pati na ang Work and Financial Plan para sa ating CY-2027 Proposed Programs, Projects, and Activities. Tumanggap din tayo ng situational updates mula sa PNP, AFP, BFP, PCG, BJMP, LTO, PSWDO, at PHO upang masiguro ang tuloy-tuloy na koordinasyon laban sa krimen at iba pang banta sa kaligtasan. Sinuri rin natin ang pinakabagong ulat sa Drug Laws Enforcement sa lalawigan upang mapanatiling drug-cleared at ligtas ang ating mga pamayanan.

Patuloy ang ating pakikipagtulungan sa lahat ng sektor upang panatilihing payapa, maayos, at maunlad ang ating buong lalawigan.

02/09/2026

01/09/2026

📢 PAALALA SA NARARANASANG HAZE

Pinapayuhan ang lahat ng mamamayan na maging maingat at manatiling alerto sa nararanasang haze o malabong kondisyon ng hangin, na iniuugnay sa usok mula sa mga nagaganap na wildfire sa Indonesia.

Ang pagkakaroon ng haze ay maaaring magdulot ng iritasyon sa mata, ilong at lalamunan, pag-ubo, sipon, hirap sa paghinga, at maaaring makapagpalala ng ilang karamdaman sa baga at puso.

Mga dapat gawin:
🔹 Magsuot ng face mask, lalo na kapag kinakailangang lumabas ng bahay.
🔹 Iwasang manatili sa labas nang matagal kung kapansin-pansin ang usok o haze.
🔹 Isara muna ang mga bintana at pinto upang mabawasan ang pagpasok ng usok sa bahay.
🔹 Uminom ng sapat na tubig at panatilihing malinis ang katawan at kapaligiran.
🔹 Iwasang magsunog ng basura, dahon o anumang materyales na maaaring makadagdag sa usok.
🔹 Bigyang-pansin ang kalagayan ng mga bata, matatanda, buntis, at mga taong may karamdaman sa baga o puso.

Kung makaranas ng matinding hirap sa paghinga, pananakit ng dibdib, o iba pang malubhang sintomas, agad na kumonsulta sa pinakamalapit na health center o ospital.

Hinihiling ang pakikiisa ng bawat isa upang mapangalagaan ang kalusugan at kaligtasan ng ating komunidad.

MAGING ALERTO. MAGING MAINGAT. MAGING LIGTAS.

💚 Magdiwang, Magkakaisa para sa Kalusugan at Kaligtasan.

01/09/2026

September 1, 2026
Matagumpay na naibigay ang monthly Allowance ng ating masisipag at aktibong mga Barangay Health Workers sa Magdiwang Public plaza kasabay ng Sahod ng ibang Provincial Job Order Personel sa pakikipag tulongan ng Magdiwang Public Information Office -Office of the Mayor, Persons with Disability Affairs Office, MSWD, Provincial Tresurers Office, Magdiwang MDRMMO at Governor's Help Desk Magdiwang..

Lubos na nagpapasalamat ang mga BHW at Provincial Job Order Personel sa Pamunoan ng Probinsya ng Romblon sa pangunguna ni Governor Trina Firmalo-Fabic..