Konsehal Miko Centeno Pelegrina

03/09/2026

MARAMING SALAMAT PO SA INYONG MGA DASAL!

Sa lahat ng nagdasal, nag-message, tumawag, at nag-alala para sa inyong lingkod, maraming, maraming salamat po. Maayos na po ang aking kalagayan at unti-unti na po tayong nagpapagaling.

Noong nakaraang Martes, sa hindi inaasahang pagkakataon, ako po ay nadulas at na-injury habang nagwa-warm up bago makapaglaro ng basketball sa ginanap na Philippine Councilors League (PCL) Laguna Week Celebration 2026. Nagkaroon po tayo ng injury sa kaliwang tuhod at kaliwang balikat, kaya agad tayong isinugod sa ospital upang mabigyan ng agarang lunas.

Taos-puso ang aking pasasalamat sa mga kapwa ko konsehal sa Laguna na agad tumulong at nag-asikaso sa akin, sa pangunguna ng ating PCL Laguna Chapter President, Hon. Arvin Laude Manguiat.

Lalong-lalo na kina Konsehal Aldous Perez at Konsehal Benny Alborida na hindi ako iniwan at siniguradong makarating ako agad sa ospital. Maraming salamat din sa buong Municipality of Los Baños sa mabilis na pag-aksyon, kay Hon. Mayor Neil Andrew Nocon, Hon. Vice Mayor Marlo PJ Alipon, sa aking mga kasamahan sa Sangguniang Bayan, at sa aking mga staff.

Maraming salamat din sa mga karatig-bayan na agad nagpadala ng ambulansya upang matiyak ang agarang pagresponde at pagdadala sa akin sa ospital. Konsi Ambiel, Vijay, Hanz, Jack, Nat, Mayor Jan at mga teammates ko po sa black team. Malaking bagay po ang inyong mabilis na pagtugon at malasakit.

At higit sa lahat, maraming salamat sa aking maybahay, na walang sawang pag-aalaga at pag-aasikaso sa akin.

Sa lahat, huwag po kayong mag-alala. Malayo po ito sa bituka. 😅 Bukas na bukas pa rin po ang ating opisina at patuloy tayong maglilingkod sa ating mga kababayan.

Tuloy-tuloy ang para sa Bayan ng Los Baños.

31/08/2026

🇵🇭 NATIONAL HEROES DAY

Ngayong araw ay ginugunita natin ang National Heroes Day, isang pagpupugay sa lahat ng mga bayaning Pilipino na nag-alay ng kanilang buhay, tapang, at pagmamahal para sa kalayaan at kinabukasan ng ating bansa.

Hindi lamang natin inaalala ang mga bayani sa kasaysayan, kundi ipinagdiriwang din natin ang diwa ng kabayanihan, ang paglilingkod, pagkakaisa, at malasakit sa kapwa at sa bayan.

Sa araw na ito, maglaan tayo ng sandali upang magpasalamat at magbigay-pugay sa mga bayaning naging daan sa kalayaang tinatamasa natin ngayon.

Mabuhay ang ating mga Bayani. Mabuhay ang Pilipinas! 🇵🇭

31/08/2026

LATCH Los Baños 💜

The Office of the Sangguniang Bayan invited LATCH Los Baños to the Committee on Women, GAD, and Family Welfare meeting, called to discuss the proposed ordinance authored by Konsi Miko Pelegrina, adopting the workplace provision of Republic Act No. 10028, the Expanded Breastfeeding Promotion Act of 2009, and requiring all public and private offices, establishments, institutions, and business enterprises in Los Baños to provide paid lactation breaks for breastfeeding employees, strengthening the implementation of breastfeeding-friendly workplaces.

Konsi Miko has been our partner in protecting breastfeeding since the back in 2020, and it warmed our hearts to see this proposed ordinance take shape — another meaningful step for mother-child dyads of Los Baños. We were glad to sit in this discussion supporting a policy that would let working mothers across LB continue breastfeeding without having to choose between their jobs and their child's health.

Maraming salamat for having us. 🤱

Sangguniang Bayan Committee on Women, GAD, and Family Welfare Meeting | SB Session Hall, Municipal Building, Los Baños | August 13, 2026

31/08/2026

Pagpupugay at saludo sa mga bayani, kilala man o hindi, na nagsakripisyo at lumaban para sa kalayaan ng ating bansa. 🫡🇵🇭

28/08/2026

August 26 | Miyerkules

SABAY-SABAY ANG MGA PULONG, SABAY-SABAY ANG PAGHAHANDA PARA SA LOS BAÑOS.

Punong-puno ng trabaho at paghahanda ang naging Miyerkules ng inyong lingkod.

Unang isinagawa ang Committee on Rules upang talakayin ang ilang panukalang ordinansa para sa Barangay Timugan.

Kasabay nito ang Executive Committee (ExeCom) Meeting para sa mga prayoridad na proyekto at programa ng Pamahalaang Bayan ng Los Baños.

At sa pagtatapos ng araw, nakiisa tayo sa meeting para sa paghahanda ng Grand Revelry sa nalalapit na pagdiriwang ng Bañamos.

Tuloy-tuloy ang koordinasyon at paghahanda upang masigurong maayos na maipatutupad ang mga programa at proyektong para sa ating mga Los Bañense.

27/08/2026

MASUSING TALAKAYAN PARA SA KAPAKANAN NG MGA LOS BAÑENSE.

Pinangunahan ng inyong lingkod, bilang Chairperson ng Committee on Appropriations, Ways and Means, ang Joint Committee Meeting kasama ang Committee on Public Works and Infrastructure upang talakayin ang mga usaping may direktang epekto sa ating mga kababayan.

Kabilang sa mga pangunahing tinalakay ang water tariff adjustments, pagtaas ng water billing, at ang fire hydrant water charges. Layunin ng consultative meeting na marinig ang iba't ibang pananaw at masusing pag-aralan ang mga panukala bago gumawa ng anumang hakbang o rekomendasyon.

Naniniwala tayo na ang bawat desisyong may kinalaman sa serbisyo at singil sa tubig ay dapat dumaan sa maingat na pag-aaral, konsultasyon, at pagsasaalang-alang sa kapakanan ng bawat Los Bañense.

27/08/2026

NOW HAPPENING | Public Employment Service Office - PESO of Los Baños JOB FAIR 2026

Sa pangunguna ni Mayor Neil Andrew Nocon, nagsimula na ang JOB FAIR 2026 ng Public Employment Service Office (PESO) ng Los Baños! Isang magandang pagkakataon para sa ating mga Los Bañense na makahanap ng trabaho at makilala ang iba't ibang employers sa iisang lugar.

August 27, 2026 (Thursday)
8:00 AM – 2:00 PM
Municipal Activity Area, New Municipal Building, Brgy. Timugan, Los Baños, Laguna

Kung naghahanap ka pa ng trabaho, may oras ka pa para makiisa!

Huwag kalimutang dalhin ang inyong updated résumé o CV.

Kita-kits sa PESO Los Baños Job Fair 2026. Nawa'y ito na ang maging simula ng inyong susunod na oportunidad at tagumpay sa trabaho.

27/08/2026

Magandang umaga, Los Baños!

Simulan natin ang araw sa Banal na Misa, iniaalay ang ating mga gawain, pamilya, at bayan sa gabay at pagpapala ng Panginoon.

Nawa’y ang bawat huling Huwebes / Biyernes ng buwan ay maging paalala na sa gitna ng ating mga tungkulin at paglilingkod, laging may panahon para sa pananampalataya at pasasalamat.

Maraming salamat po, Father Carl Pua, sa pangunguna sa Banal na Misa at sa inyong mensahe na nagbibigay-lakas at inspirasyon sa ating lahat.

Isang mapagpalang umaga sa ating lahat.

26/08/2026

🎉 AUGUST BIRTHDAY CELEBRATION | TEAM

Ngayong buwan ng Agosto, sama-sama nating ipinagdiwang ang kaarawan ng dalawa sa ating masisipag at maaasahang miyembro ng Team .

Don — August 24
Teacher Rea — August 26

Maraming salamat sa inyong dedikasyon, sipag, at malasakit sa bawat araw ng paglilingkod. Kayo ay mahalagang bahagi ng ating team at ng patuloy nating paghahatid ng sa ating mga kababayan.

Muli, Happy Birthday, Don at Teacher Rea! Nawa'y pagpalain pa kayo ng mabuting kalusugan, maraming biyaya, at higit pang tagumpay sa buhay at serbisyo.

Cheers to more birthdays and more years of serving together!

24/08/2026

Sa wakas, sumilip na muli ang araw at mas gumanda na ang panahon. Isang magandang paalala na pagkatapos ng ulan, may panibagong simula at panibagong pag-asa.

Simulan natin ang linggong ito nang may positibong pananaw, sipag sa trabaho, at pusong handang maglingkod sa ating kapwa.

Magandang umaga, mga Los Bañense! Ingat sa biyahe at nawa’y maging magaan, masaya, at produktibo ang inyong buong linggo.

Tuloy-tuloy ang , umaraw man o umulan.