BGU Laturan

12/07/2026

Malampusong Tree Planting Activity alang sa Nutrition Month 2026! 🌳

Daghang salamat sa atong Barangay Council, Solo Parents, 4Ps, Women’s group, BHWs, Midwife, ug BSPO nga nagtinabangay kaganina sa pagpananom ug mga kahoy.

Tungod sa inyong tabang, mas hayag ug mas lunhaw ang ugma sa atong komunidad!🤝💚

08/07/2026

08/07/2026

Usa ka dako nga pasalamat sa tibuok komunidad sa Barangay Laturan sa inyong madasigong pagpartisipar nga naghatag ug dakong kalampusan sa atong Nutrition Month karong adlawa diha sa Laturan Covered Court!

Kini pinaagi sa lig-on ug dedikadong panguna sa atong pinalanggang Punong Barangay, Hon. Liny P. Cabardo, uban sa atong mga kugihan nga Barangay Health Workers (BHWs) ug Rural Health Midwife, Mrs. Loreta De Leon nga nangulo ug nag-asikaso sa tanang programa ug aktibidad! Tungod kaninyo, malampuson natong napasundayag ang kamahinungdanon sa saktong pag-atiman sa atong lawas ug palibot.

Dako sab ang atong pasalamat sa atong halangdong Mayor, Hon. Aurelio B. Lopez, sa atong MNAO Ms. Hannah Alyannah Becoy, ug congratulations sa tanang nakahuman sa PABASA SA NUTRISYON!

Espesyal nga pasalamat sa atong mga batan-ong performers! Daghang salamat sa mga estudyante gikan sa Sweet Honey Child Day Care Center ug Laturan Elementary School sa inyong makalingaw ug bibo kaayo nga intermission numbers! Pahalipay usab sa atong mga cute nga bibi nga miapil sa Contest of Crawling Babies!

Magpadayon kita sa pagtinabangay alang sa mas himsog ug mas lunhaw nga Barangay Laturan! 🤝💚

25/06/2026

Kinsa nakaila o tag-iya ani nga doggo? Nakit-an ni siya diri sa atong Barangay Hall.

If imoha ni o nailhan ninyo kung kinsa ang tag-iya, palihog ug anhi diri sa barangay hall para makuha o ma-claim siya.

Please share para ma-unite na siya og balik sa iyang pamilya!

25/06/2026

Aron sa pagsaulog sa Arbor Day, nagkahiusa ang BGU Laturan, SK Officials, ug ang atong mga
Barangay Volunteers para sa usa ka Tree Planting and Pulot Basura Activity!

Wala lang ta nagtanom og mga kahoy para sa umaabot, nanglimpyo sad ta sa atong palibot para mas hapsay ug luwas puy-an ang atong barangay. Ang pag-atiman sa kalikasan, magsugod gyud sa atong pagtinabangay. 💚

Daghang salamat sa tanang nisingot, niamot, ug nipartisipar gahapon/karon!

08/04/2026

Gipahigayon ang usa ka mahinungdanon nga BCPC Symposium para sa atong mga kabataan ug ilang mga ginikanan ubos sa tema nga: “Safe Homes, Safe Streets: Protect Our Children Today.” Tumong niini nga mahatagan og saktong giya ang matag pamilya batok sa mga hagit sa panahon karon.

Nakahigayon kita ug discuss sa mga topics on Illegal Drugs Awareness uban ni Patrolman Rey Piala (PCR, PNCO). Importante nga mahibal-an sa atong kabataan ang dautang epekto sa droga aron malikayan kini. Apil pud niinin ang Teenage Pregnancy & Family Planning uban ni Ms. Gilda Lagamon (Social Welfare Officer II, MSWDO Libona). Gi-emphasize dinhi ang responsibilidad sa pagka-ginikanan ug ang saktong pagplano sa pamilya.

Dako ang among pasalamat ngadto kang Punong Barangay Liny P. Cabardo ug sa tibuok BCPC Council sa pagpangulo ni Kagawad Rouie Lou P. Barro. Salamat sa inyong walay puas nga suporta ug dedikasyon alang sa kaayohan ug seguridad sa atong mga batan-on. 🫡👏

20/03/2026

Learning Exchange | March 16-19, 2026

Malampusong napahigayon ang usa ka Learning Exchange alang sa mga Opisyales sa Barangay Laturan didto sa Manila, diin nakakuha kami og bililhong mga "best practices" aron mas mapalambo pa ang serbisyo sa atong komunidad. Pinaagi sa dakong suporta ni Mayor Aurelio B. Lopez ug Congressman Jose Manuel "Joeman" Alba, nakabisita kami sa Senate of the Philippines ug sa House of Representatives diin personal namong nakita ang dagan sa paghimo og balaod sa nasod. Mapasalamaton kami og dako kang Senator Juan Miguel “Migz” Zubiri sa iyang mainitong pag-atiman kanamo sa Senate ug sa gi-andam nga panihapon alang sa tibuok grupo. Usa usab sa mga mahinungdanong bahin sa among biyahe mao ang pag-abiabi ni House Speaker Bojie Dy ug ang kahigayonan nga makasulod sa Plenary Session Hall sa Kongreso.

Nahimong highlight usab ang among pagbisita sa Barangay Holy Spirit sa Quezon City aron tun-an ang ilang Wellness Hub, ingon man ang pag-adto sa Base Bahay Foundation aron masuta ang paggamit sa kawayan isip "sustainable" nga materyales sa pagpanukod ug mga balay ug buildings. Mapasalamaton usab kami sa Office of Senator Bam Aquino ug sa tibuok team ni Congressman Alba, ilabi na kang Miss Karen Yanson, sa ilang paggiya kanamo sa tibuok itinerary, lakip na ang pagbisita sa National Museum ug Luneta Park. Kining tanan namong mga nakat-onan gikan sa maong biyahe paningkamotan namong i-apply sa atong barangay sa Laturan aron mas mapalig-on pa ang atong pagdumala ug ang padayon nga paghatag og de-kalidad nga serbisyo sa tanang katawhan! 💚✨

05/02/2026

𝗘𝗠𝗘𝗥𝗚𝗘𝗡𝗖𝗬 𝗛𝗢𝗧𝗟𝗜𝗡𝗘𝗦!

Para sa kasayuran sa tanan, mao kini ang Emergency Hotline sa nagkadaiyang ahensya sa gobyerno. Kung nagkinahanglan ug tabang, pwede kita motawag ani nga mga numero.

Kung aduna lang emerhensiya mo tawag sa mga numero, ang pagtawag sa mga numero alang sa binuang mamahimong masilutan pinasubay sa balaod.

Daghang salamat!

29/01/2026

CLEAN-UP DRIVE: Zero Waste Month 2026

In celebration of Zero Waste Month, the Barangay Council of Laturan, together with our dedicated volunteers, conducted a simultaneous clean-up activity earlier today at 6:30 AM. 🧹🧤

Kini nga kalihokan, subay sa Proclamation No. 760, gipasiugdahan sa Libona Municipal Government aron mapalig-on ang atong kampanya sa proper solid waste management! ♻️

Thank you to our officials and volunteers for your hard work! 🇵🇭✨