City Government of Legazpi

02/06/2026

𝐃𝐎𝐋𝐄 𝐓𝐫𝐚𝐛𝐚𝐡𝐨 𝐀𝐠𝐚𝐝 (𝐉𝐨𝐛 𝐅𝐚𝐢𝐫) 𝟐𝟎𝟐𝟔 💼

Sa pagdiriwang ng nalalapit na Araw ng Kalayaan, inaanyayahan ng Pamahalaang Lungsod ng Legazpi ang lahat ng job seekers na makilahok sa
DOLE Trabaho Agad (Job Fair) 2026.

📅 June 12, 2026 | 8:00 AM – 5:00 PM
📍 3rd Level, Services Hall (Back of SM Cinema), SM City Legazpi

Para sa mas mabilis na proseso, mag-pre-register online: dolero5.com/jobfair/RegOnline

Sama-sama nating ipagdiwang ang kalayaan sa pamamagitan ng pagbubukas ng mga bagong oportunidad para sa mas magandang bukas. Kita-kits, Legazpeños! 🇵🇭✨

Source: DOLE Bicol

02/06/2026

𝗛𝗘𝗔𝗧 𝗜𝗡𝗗𝗘𝗫 | Legazpi City
02 June 2026 | 2:00 PM

Naitala ang 𝗛𝗘𝗔𝗧 𝗜𝗡𝗗𝗘𝗫 na 37°C sa CDRRMO Station, Brgy. 7 - Baño, Legazpi City. Ito ay nasa ilalim ng EXTREME CAUTION level.

Posibleng maranasan ang:
• Heat cramps
• Heat exhaustion
• Pagkahilo at dehydration dahil sa matagal na pagbibilad sa init

Paalala sa publiko:
• Uminom ng maraming tubig
• Iwasan ang matagal na pagbibilad sa araw lalo na mula 10:00 AM hanggang 4:00 PM
• Magsuot ng presko at magaan na damit
• Magpahinga sa malamig at maaliwalas na lugar
• Bantayan ang mga bata, senior citizens, at may karamdaman

Sa oras ng emergency, tumawag sa 911.

02/06/2026

🤍💍 𝐊𝐀𝐒𝐀𝐋𝐀𝐍𝐆 𝐁𝐀𝐘𝐀𝐍 💍🤍

Isang bagong yugto ng pag-ibig at pangakong panghabambuhay ang naghihintay para sa mga magkasintahang handa nang mag-isang dibdib. Inaanyayahan ang mga qualified couples na makibahagi sa Kasalang Bayan at maging bahagi ng isang makabuluhang pagdiriwang ng pagmamahalan at pagkakaisa.

Ihanda lamang ang inyong Birth Certificate, CENOMAR, at Valid IDs at magtungo sa Office of the City Civil Registrar para sa karagdagang impormasyon at assistance.

Sama-sama nating ipagdiwang ang pag-ibig, pangako, at mga bagong simula. ✨

01/06/2026

𝐒𝐂𝐇𝐄𝐃𝐔𝐋𝐄𝐃 𝐏𝐎𝐖𝐄𝐑 𝐈𝐍𝐓𝐄𝐑𝐑𝐔𝐏𝐓𝐈𝐎𝐍

Ayon sa ALECO, magkakaroon ng scheduled power interruption bukas, June 2, 2026 (Martes), mula 8:00 AM hanggang 5:00 PM sa ilang barangay sa Legazpi.

Apektadong lugar sa Legazpi:
• Arimbay
• Bagong Abre
• Bigaa
• Padang
• Buyoan
• Matanag
• Bonga
• Mabinit

isasagawa ang massive vegetation line clearing activity upang mapanatili ang kaligtasan at pagiging maaasahan ng kanilang distribution lines.

Pinapayuhan ang lahat ng apektadong residente at establisimyento na maghanda at planuhin ang kanilang mga gawain nang naaayon.

Mula sa ALECO: Ituring na laging may kuryente ang mga distribution lines para sa kaligtasan ng lahat.

𝐒𝐂𝐇𝐄𝐃𝐔𝐋𝐄𝐃 𝐏𝐎𝐖𝐄𝐑 𝐈𝐍𝐓𝐄𝐑𝐑𝐔𝐏𝐓𝐈𝐎𝐍
𝐃𝐀𝐓𝐄: June 2, 2026 (8:00 AM - 5:00 PM)
𝐒𝐔𝐁𝐒𝐓𝐀𝐓𝐈𝐎𝐍/𝐅𝐄𝐄𝐃𝐄𝐑: Bitano Feeder 4 - Arimbay Recloser
𝐂𝐎𝐍𝐓𝐑𝐎𝐋 𝐍𝐎: SIjun2026-67

𝐀𝐅𝐅𝐄𝐂𝐓𝐄𝐃 𝐀𝐑𝐄𝐀𝐒:
𝐋𝐄𝐆𝐀𝐙𝐏𝐈
- Brgys. Arimbay, Bagong Abre, Bigaa, Padang, Buyuan, Matanag, Bonga, Mabinit

𝐃𝐀𝐑𝐀𝐆𝐀
- Brgys. Bañadero, Matnog, Tagas (Portion)

𝐑𝐄𝐀𝐒𝐎𝐍:
- 𝐌𝐀𝐒𝐒𝐈𝐕𝐄 𝐕𝐄𝐆𝐄𝐓𝐀𝐓𝐈𝐎𝐍 𝐋𝐈𝐍𝐄 𝐂𝐋𝐄𝐀𝐑𝐈𝐍𝐆 𝐀𝐂𝐓𝐈𝐕𝐈𝐓𝐘

𝐏𝐋𝐄𝐀𝐒𝐄 𝐂𝐎𝐍𝐒𝐈𝐃𝐄𝐑 𝐎𝐔𝐑 𝐃𝐈𝐒𝐓𝐑𝐈𝐁𝐔𝐓𝐈𝐎𝐍 𝐋𝐈𝐍𝐄𝐒 𝐀𝐋𝐖𝐀𝐘𝐒 𝐄𝐍𝐄𝐑𝐆𝐈𝐙𝐄𝐃.

01/06/2026

𝐂𝐋𝐄𝐀𝐍𝐔𝐏 𝐃𝐑𝐈𝐕𝐄 𝐒𝐀 𝐂𝐀𝐌𝐄𝐋𝐋𝐀 𝐑𝐎𝐀𝐃, 𝐈𝐒𝐈𝐍𝐀𝐆𝐀𝐖𝐀 | 𝐌𝐀𝐇𝐈𝐆𝐏𝐈𝐓 𝐍𝐀 𝐏𝐀𝐀𝐋𝐀𝐋𝐀: 𝐌𝐀𝐘 𝐌𝐔𝐋𝐓𝐀 𝐀𝐍𝐆 𝐈𝐑𝐄𝐒𝐏𝐎𝐍𝐒𝐀𝐁𝐋𝐄𝐍𝐆 𝐏𝐀𝐆𝐓𝐀𝐓𝐀𝐏𝐎𝐍 𝐍𝐆 𝐁𝐀𝐒𝐔𝐑𝐀

Noong Mayo 30, nagsagawa ang City Government of Legazpi ng cleanup at clearing operation sa kahabaan ng Camella Road upang alisin ang mga nakatambak na basura at maibalik ang kalinisan ng lugar.

Maraming salamat sa ating mga masisipag na manggagawa at sa buong OCNR team sa agarang pagkilos para maisakatuparan ang paglilinis.

Paalala sa publiko: Ang sinumang mahuhuling nagtatapon ng basura sa mga hindi tamang lugar ay papatawan ng kaukulang multa at penalidad alinsunod sa umiiral na mga ordinansa ng lungsod.

Kung walang malapit na basurahan, maaari nating itabi muna ang ating basura sa bulsa, bag, o dalhin pauwi hanggang makakita ng tamang tapunan. Ang simpleng disiplina sa wastong pagtatapon ng basura ay malaking ambag sa pagpapanatiling malinis at maayos ng ating lungsod.

Ang kalinisan ng Legazpi ay hindi lamang responsibilidad ng pamahalaan, ito ay responsibilidad nating lahat.

01/06/2026

𝙉𝙖𝙘𝙝𝙚𝙘𝙠 𝙢𝙤 𝙣𝙖 𝙗𝙖 𝙖𝙣𝙜 𝙡𝙖𝙩𝙚𝙨𝙩 𝙢𝙤𝙣𝙜 𝙚𝙡𝙚𝙘𝙩𝙧𝙞𝙘 𝙗𝙞𝙡𝙡?

Mahigit 42,795 Legazpeño households at consumers sa buong lungsod ang nakakatanggap na ng ₱300 ALECO Electricity Subsidy mula sa Lokal na Pamahalaan ng Legazpi.

Sa pamamagitan ng ₱12.84 milyong pondong inilaan ng LGU Legazpi at inaprubahan ng Sangguniang Panlungsod, opisyal nang naibabawas ang subsidiya sa billing statement ng mga kwalipikadong konsyumer.

Kabilang sa mga benepisyaryo ang:
• ALECO Regular Consumers
• BAPA Consumers
• Solar Beneficiaries

Kung natanggap mo na ang iyong pinakabagong electric bill, tingnan ang iyong Statement of Account at hanapin ang ₱300 na bawas-singil.

Isang konkretong tulong na direktang nakararating sa libu-libong pamilyang Legazpeño upang makatulong sa kanilang gastusin sa kuryente.

01/06/2026

𝐋𝐈𝐁𝐑𝐄𝐍𝐆 𝐀𝐍𝐓𝐈-𝐑𝐀𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍 𝐀𝐓 𝐌𝐈𝐂𝐑𝐎𝐂𝐇𝐈𝐏𝐏𝐈𝐍𝐆 𝐏𝐀𝐑𝐀 𝐒𝐀 𝐌𝐆𝐀 𝐀𝐋𝐀𝐆𝐀𝐍𝐆 𝐀𝐒𝐎!

Mga fur parents, dalhin na ang inyong mga alagang a*o sa nakatakdang Anti-Rabies Vaccination at Libreng Microchipping Program ng City Veterinary Office. Sama-sama nating pangalagaan ang kalusugan at kaligtasan ng ating mga alaga at komunidad laban sa rabies.

📍 Schedule ng Vaccination at Microchipping

• Brgy. 58 Buraguis — June 8, 2026 | 9:00 AM
• Brgy. 29 Sabang — June 8, 2026 | 9:00 AM
• Brgy. 51 Buyoan — June 9, 2026 | 9:00 AM
• Brgy. 23 Imperial Court — June 10, 2026 | 9:00 AM
• Brgy. 13 Ilawod West — June 10, 2026 | 9:00 AM

• Brgy. 52 Matanag — June 15, 2026 | 9:00 AM
• Brgy. 45 Dita — June 16, 2026 | 9:00 AM
• Brgy. 55 Estanza — June 17, 2026 | 9:00 AM
• Brgy. 47 Arimbay — June 22–23, 2026 | 9:00 AM
• Brgy. 56 Taysan — June 24, 2026 | 9:00 AM
• Brgy. 70 Cagbacong — June 29, 2026 | 9:00 AM

Magkita-kita po tayo sa inyong mga Barangay Hall. Para sa mga updates at iba pang anunsyo, bisitahin ang opisyal na page ng Legazpi City Veterinary Office

source: https://www.facebook.com/share/p/194hcRzvUy/

29/05/2026

𝐑𝐄𝐌𝐈𝐍𝐃𝐄𝐑 𝐓𝐎 𝐀𝐋𝐋 𝐑𝐄𝐀𝐋 𝐏𝐑𝐎𝐏𝐄𝐑𝐓𝐘 𝐎𝐖𝐍𝐄𝐑𝐒!

Inaanyayahan ang lahat ng real property owners na samantalahin ang benepisyo sa ilalim ng Real Property Valuation and Assessment Reform Act (RPVARA) kaugnay ng penalties, surcharges, at interest sa mga hindi pa nababayarang Real Property Taxes.

Makatutulong ito upang mabawasan ang inyong obligasyon sa buwis at maiayos ang inyong mga bayarin sa lungsod.

𝗗𝗲𝗮𝗱𝗹𝗶𝗻𝗲 𝗻𝗴 𝗽𝗮𝗴-𝗮𝘃𝗮𝗶𝗹: 𝗝𝘂𝗹𝘆 𝟱, 𝟮𝟬𝟮𝟲.

Para sa karagdagang impormasyon, makipag-ugnayan sa City Treasurer’s Office.

𝐑𝐄𝐌𝐈𝐍𝐃𝐄𝐑 𝐓𝐎 𝐀𝐋𝐋 𝐑𝐄𝐀𝐋 𝐏𝐑𝐎𝐏𝐄𝐑𝐓𝐘 𝐎𝐖𝐍𝐄𝐑𝐒! 🏡📢

Avail of the benefits under the Real Property Valuation and Assessment Reform Act (RPVARA) on penalties, surcharges, and interest on all unpaid Real Property Taxes. 💰📄

⏳ 𝐃𝐞𝐚𝐝𝐥𝐢𝐧𝐞 𝐨𝐧 𝐉𝐮𝐥𝐲 𝟓, 𝟐𝟎𝟐𝟔 ⏳

28/05/2026

𝐇𝐄𝐀𝐓 𝐈𝐍𝐃𝐄𝐗 | 𝐌𝐚𝐲𝐨 𝟐𝟖, 𝟐𝟎𝟐𝟔
(2:00 PM)

Mas matindi ang nararanasang init ngayong hapon sa Legazpi City.
Naitala ang 46°C heat index, na nasa kategoryang Danger. Ibig sabihin, mataas ang posibilidad ng heat cramps at heat exhaustion, at posible rin ang heat stroke kapag matagal na na-expose sa matinding init.

Kahit nasa 35.20°C ang aktwal na temperatura, mas mainit ang pakiramdam dahil sa kondisyon ng panahon at halumigmig/humidity.

Mahigpit na paalala sa lahat:
Iwasan ang matagal na pagbibilad sa araw lalo na mula tanghali hanggang hapon
Uminom ng maraming tubig at manatiling hydrated
Limitahan ang mabibigat na gawain sa labas
Magsuot ng magaan at preskong damit
Agad magpahinga at humingi ng tulong medikal kapag nakakaramdam ng matinding hilo, panghihina, o pagsusuka

Mag-ingat at manatiling alerto, Legazpi. Patuloy na sundin ang mga paalala upang maiwasan ang heat-related illnesses.

27/05/2026

𝐄𝐈𝐃 𝐀𝐋-𝐀𝐃𝐇𝐀 𝟐𝟎𝟐𝟔

Sa ating mga kapatid na Muslim, malugod pong binabati ng Pamahalaang Lungsod ng Legazpi ang isang mapayapa at makabuluhang pagdiriwang ng Eid Al-Adha.

Nawa’y patuloy na manaig ang pananampalataya, pagkakaisa, at malasakit sa bawat pamilya at komunidad. Eid Mubarak!