Barangay Lewin Official

29/09/2026

‼️ PABATID ‼️

₱100,000 PARA SA 5 PRESIDENTIAL SCHOLARS

MULA SA BAGONG PILIPINAS – “BAWAT BARANGAY MAKIKINABANG” INITIATIVE NG OFFICE OF THE PRESIDENT

Masayang ibinabalita sa ating mga kabarangay ang limang (5) 4th-year students mula sa Barangay Lewin na siyang makikinabang ng ₱20,000 bawat isa, o kabuuang ₱100,000 educational assistance.

Ang ating mga scholars ay sina:

1. MYLENE DAVE GONZALES;
2. CLARISSA DELLORO MORALES;
3. AILEEN BABASA;
4. GRETHEL BENITEZ; at
5. ALAIKA G. BRECINIO.

Ang educational assistance na ito ay malaking tulong para sa kanilang matrikula, school fees, school supplies, pamasahe, pagkain at iba pang pangunahing pangangailangan habang ipinagpapatuloy nila ang kanilang pag-aaral.

Layunin nitong makatulong na mabawasan ang pinansiyal na pasanin ng mga estudyante at kanilang pamilya upang mas makapagpokus sila sa kanilang pag-aaral at makapaghanda para sa mas magandang kinabukasan.

Para sa kabataan. Para sa edukasyon. Para sa Barangay Lewin. 💚💚💚

Bawat Barangay Makikinabang! 🇵🇭🎓
Presidential Scholarship Program

18/09/2026

10 Araw ng TUPAD, 10 Araw ng Pag-asa. ❤️🙏

Sa bawat araw na lumipas, hindi lamang trabaho ang naibigay ng programang ito—kundi pag-asa, dagdag na kabuhayan, at pagkakataong makatulong sa sariling pamilya.

Para sa ilan, maaaring sampung araw lamang ito. Ngunit para sa mga pamilyang nangangailangan, ang bawat araw ng trabaho at bawat halagang maiuuwi ay may malaking kahulugan. Isang tulong na maaaring maging pambili ng pagkain, panggastos sa araw-araw, o pandagdag sa pangangailangan ng pamilya.

Kaya naman, buong puso kaming nagpapasalamat sa TUPAD Program at sa lahat ng taong naging daan upang makarating ang pagkakataong ito sa ating mga kababayan.

Maraming, maraming salamat po kay Cong. Bengie Agarao at Bokal Jam Agarao sa inyong malasakit, suporta, at patuloy na pagtulong sa ating mga kababayan. ❤️

Hindi man sapat ang mga salita upang masuklian ang inyong kabutihan, nawa'y malaman ninyo kung gaano kahalaga sa bawat benepisyaryo ang pagkakataong inyong naibigay.

Sampung araw ng pagtatrabaho, ngunit maaaring maging simula ng mas maraming araw ng pag-asa.

Maraming salamat po sa serbisyong tunay na nararamdaman ng ating mga kababayan. 🙏❤️

# Gawaing MABUTI kailanman ay Hindi magbubunga ng masama!
TURISMO !ARANGKADA BARANGAY LEWIN !

08/09/2026

03/09/2026

📢 UPLIFT PAYOUT ANNOUNCEMENT

Magandang araw po! Sa mga sumusunod na benepisyaryo ng UPLIFT, maaari na po kayong magtungo para sa inyong Payout:

✅ Reynante Amante
✅ Jeson Cueto
✅ Rommel Paulite
✅ Joel Dela Rama
✅ Richelle Lacson

📍 Payout Venue: Sa may likod ng Capitolyo, gilid ng Cultural.Today po.Magdala ng ID

👨‍👩‍👧 Kahit Kasama sa Bahay na di menor Ang pumunta

Mangyaring pumunta lamang sa tamang lugar at makipag-coordinate para sa maayos na proseso ng payout.

Maraming Salamat po

01/09/2026

Magandang Araw po,

Sa mga sumusunod na pangalan nasa ibaba mangyari pong makipag-ugnayan po kayo sa tanggapan ng Pantawid Pamilya Pilipino Program (4P's) DSWD sa Barangay Sto. Nino Lumban,Laguna dating Health Center sa darating na September 02,2026 ganap na ika-1:00 ng hapon,hanapin lamang po si Ms. Ellaine at Ms. Gie B. Oliveros .

Magdala ng mga sumusunod ;

-INDIGENCY
-BIRTH CERTIFICATE (Buong miyembro ng Pamilya)
-NATIONAL ID/REGISTRATION FORM (lahat ng miyembro ng pamilya)
-FAMILY PICTURE(printed)
-LOOB AT LABAS NG BAHAY(printed) walang kasama o makikitang tao sa Larawan
-AFFIDAVIT OF GUARDIANSHIP (if Needed)

( Kung Wala pa po iBang requirements ay okay lang daw po )

Munting paalala :

Ang Sangguniang Barangay Lewin po ay Walang kinalaman sa mga pangalan nakalista sa ibaba sapagkat ito po ay ibinaba lamang po ng DSWD dito sa ating tanggapan .

Maraming salamat po!

31/08/2026

📢🌾 ANUNSYO | PANGALAWANG BATCH NG PAMAMAHAGI NG BIGAS (RICE SUBSIDY) 🌾📢

Inaanyayahan ang mga benepisyaryong nakatanggap ng bigas noong unang batch na muling makiisa sa ikalawang batch ng Pamamahagi ng Bigas / Rice Subsidy.

📅 Petsa: Setyembre 2, 2026
🕘 Oras: 9:00 ng Umaga
📍 Lugar: Tanggapan ng Punong Barangay

📌 Paalala: Ang mga nakatanggap noong unang batch ang siya ring mga benepisyaryo para sa ikalawang batch ng pamamahagi.

Maraming salamat sa inyong pakikiisa at pakikipagtulungan! 🌾❤️

# Gawaing MABUTI kailanman ay Hindi magbubunga ng masama!
TURISMO !ARANGKADA BARANGAY LEWIN !

30/08/2026

🧹🌿 CLEAN-UP DRIVE | BARANGAY LEWIN 🌿🧹

Matagumpay na isinagawa ang Clean-Up Drive sa Barangay Lewin sa pangunguna ng buong Sangguniang Barangay ng Lewin, katuwang ang masisipag na mga empleyado ng Lewin Ibaba at Lewin Itaas.

Ang gawaing ito ay isang patunay na sa pamamagitan ng pagkakaisa, pagtutulungan, at malasakit sa kapaligiran, mas mapapanatili nating malinis, maayos, at ligtas ang ating komunidad.

Ang kalinisan ay responsibilidad ng bawat isa. Sama-sama nating pangalagaan ang ating kapaligiran para sa mas malinis at mas magandang Barangay Lewin! 💚🌱

“Sa pagkakaisa, nagsisimula ang pagbabago. Para sa malinis at maunlad na Barangay Lewin!”

# Gawaing MABUTI kailanman ay Hindi magbubunga ng masama!
TURISMO !ARANGKADA BARANGAY LEWIN !

28/08/2026

Para sa Kaligtasan at Kinabukasan ng mga Mag-aaral ng Lewin ❤️🏫

Sa tagal ng panahon na hindi naging maayos ang bakod ng ating paaralan sa Lewin, minabuti nating gumawa ng isang panukala upang magamit ang 20% Development Fund na nakukuha ng ating Barangay mula sa Pamahalaang Bayan.

Para sa atin, kaligtasan ng mga mag-aaral ang dapat unang bigyang-prayoridad. Nais nating magkaroon sila ng paaralang maayos, ligtas at komportable upang mas makapagpokus sila sa kanilang pag-aaral—at higit sa lahat, upang magkaroon ng kapanatagan ang kanilang mga magulang.

Ang proyektong ito ay isa lamang sa mga prayoridad ng inyong lingkod, katuwang ang Sangguniang Barangay, para sa kapakanan at kinabukasan ng ating mga kabataan.

Unti-unti, sama-sama, at may malasakit—para sa mas ligtas at mas maayos na Barangay Lewin. 💚

# Gawaing MABUTI kailanman ay Hindi magbubunga ng masama!
TURISMO !ARANGKADA BARANGAY LEWIN !

23/08/2026

📢 PAUNAWA PARA SA MGA BAGONG SET 14-H NG 4Ps

Magandang araw po !

Humihingi po kami ng paumanhin dahil sa bagong impormasyon na kakababa lamang mula sa tanggapan ng 4Ps, hold muna ang pagre-report ng mga bagong Set 14-H sa Pantawid Office sa Martes, dahil lumampas na po sa kasalukuyang bilang na maaaring i-accommodate.

Kaya naman, nakikiusap po kami na iparating muna sa mga concerned beneficiaries na huwag munang pumunta sa opisina sa Martes, upang hindi masayang ang kanilang oras, pamasahe at pagod.

Makikipag-ugnayan po muli kami sa inyo sa lalong madaling panahon para sa updated na impormasyon at panibagong schedule.

Maraming salamat po sa inyong pang-unawa, pakikipagtulungan at patuloy na suporta. 🙏💙

23/08/2026

💉 MR–SIA MEASLES–RUBELLA IMMUNIZATION 💉

Noong Agosto 11, 2026, matagumpay na isinagawa sa Barangay Lewin, Lumban, Laguna ang MR–SIA (Measles-Rubella Supplemental Immunization Activity) para sa mga batang may edad 6–59 buwan.

👶❤️ Layunin ng programang ito na maprotektahan ang ating mga munting kabarangay laban sa Measles at Rubella at mapanatili ang kalusugan at kaligtasan ng bawat bata.

Maraming salamat sa ating mga Health Workers, Barangay Officials, mga magulang at volunteers na naging bahagi ng matagumpay na gawaing pangkalusugan na ito! 🫶

Sama-sama para sa mas malusog at ligtas na Barangay Lewin! 💚

# Gawaing MABUTI kailanman ay Hindi magbubunga ng masama!
TURISMO !ARANGKADA BARANGAY LEWIN !