Project SPLIT DAR Laguna

24/03/2026

19/03/2026

16/03/2026

𝗨𝗣𝗗𝗔𝗧𝗘 | 𝗣𝗮𝗴𝘀𝗮𝘀𝗮𝗴𝗮𝘄𝗮 𝗻𝗴 𝗙𝗶𝗲𝗹𝗱 𝗩𝗮𝗹𝗶𝗱𝗮𝘁𝗶𝗼𝗻 𝗻𝗴 𝗣𝗿𝗼𝗷𝗲𝗰𝘁 𝗦𝗣𝗟𝗜𝗧 𝗧𝗮𝘀𝗸 𝗙𝗼𝗿𝗰𝗲 𝗧𝗲𝗮𝗺 𝘀𝗮 𝗣𝗿𝗶𝗻c𝗲𝘀𝗶𝘁𝗮 𝗕𝗮𝗰𝗮𝗻𝘁𝗼 𝗲𝘁. 𝗮𝗹. 𝗟𝗮𝗻𝗱𝗵𝗼𝗹𝗱𝗶𝗻𝗴 𝘀𝗮 𝗕𝗿𝗴𝘆. 𝗚𝗮𝗹𝗮𝗹𝗮𝗻, 𝗣𝗮𝗻𝗴𝗶𝗹, 𝗟𝗮𝗴𝘂𝗻𝗮

Matagumpay na isinagawa ng DAR Laguna Project SPLIT Team ang Field Validation sa Princesita Bacanto et. al. Landholding sa Brgy. Galalan, Pangil, Laguna noong ika-10 hanggang ika-13 ng Marso, 2026 na may kabuuang 180.0015 na ektaryang lupain.

Sa unang araw ng validation, personal na nakiisa sa inspeksyon ng mga lupain sina PARPO II Rommel Q. Bote, CAO Myra A. Cagungun, at Parcelization Coordinator Divina P. Torres.

Kasama ang Laguna SPLIT Task Force, sinuri ang aktwal na kalagayan ng mga pananim at ang okupasyon ng mga magsasaka sa nasabing area. Nakasama rin sa gawain na ito sina BARC Chairman Meet Machino at PARCCOM Danilo Saligumba.

Nakasabay rin sa nasabing validation ang Department of Agriculture Region IV-A na nagsagawa ng livestock ocular sa lugar. Kasama sa mga nakiisa mula sa DA at mga katuwang na ahensya sina Alfredo Advento (APCO Laguna SRA), ang Livestock Banner Regional Base, LGU MAO Antonio Valin, Maria Lady Len Andal (Agriculturist 1), at Lea C. Laucin (Provincial Vet).

Sa loob ng apat na araw, kabuuang 306 na indibidwal ang sumailalim sa panayam kabilang ang 29 na ARBs. Layunin ng validation na ito na matiyak ang wastong datos bilang paghahanda sa pagpoproseso ng mga indibidwal na titulo sa ilalim ng Project SPLIT.

Lubos ang pasasalamat ng DAR Laguna sa mainit na pagtanggap at suporta ng pamunuan ng Brgy. Galalan, sa mga Purok Lider, at sa buong komunidad na naging katuwang upang maging maayos at mapayapa ang nasabing validation.

08/03/2026

🌸𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗪𝗼𝗺𝗲𝗻'𝘀 𝗗𝗮𝘆 | 𝗠𝗮𝗿𝗰𝗵 𝟬𝟴, 𝟮𝟬𝟮𝟲 🌸💅
“𝗟𝗶𝘄𝗮𝗻𝗮𝗴 𝗻𝗮 𝗡𝗮𝗴𝗯𝗶𝗯𝗶𝗴𝗮𝘆-𝗜𝗻𝘀𝗽𝗶𝗿𝗮𝘀𝘆𝗼𝗻, 𝗟𝗮𝗸𝗮𝘀 𝗻𝗮 𝗡𝗮𝗴𝗽𝗮𝗽𝗮𝗯𝗮𝗴𝗼”

Ang International Women’s Day, na ipinagdiriwang tuwing ika-8 ng Marso, ay nagbibigay-pugay sa lakas, tagumpay, at mahahalagang ambag ng kababaihan sa lipunan. Paalala rin ito ng kahalagahan ng pagkakapantay-pantay ng kasarian at ng patuloy na pagpapatibay sa kanilang papel bilang inspirasyon at tagapaghatid ng pagbabago.

Mainit at taos-pusong pagbati ang aming ipinapaabot sa ating mga kababaihang Agrarian Reform Beneficiaries (ARBs) at sa mga kawani ng DARPO Laguna na patuloy na nagsisilbing katuwang sa pagpapaunlad ng sektor ng agraryo at ng ating mga komunidad. Kasabay ng pagdiriwang, muli nating isinusulong ang pangarap ng isang patas at inklusibong lipunan

04/03/2026

𝗣𝗮𝗴𝗽𝗮𝗽𝗮𝘁𝘂𝗹𝗼𝘆 𝗻𝗴 𝗦𝗿𝗲𝗲𝗻𝗶𝗻𝗴 𝗮𝘁 𝗙𝗶𝗻𝗮𝗹𝗶𝘇𝗮𝘁𝗶𝗼𝗻 𝗻𝗴 𝗠𝗮𝘀𝘁𝗲𝗿𝗹𝗶𝘀𝘁 𝗽𝗮𝗿𝗮 𝘀𝗮 𝗚𝗮𝘃𝗶𝗻𝗼-𝗝𝗮𝗺𝗶𝗹𝗮𝗿 𝗲𝘁. 𝗮𝗹. 𝗹𝗮𝗻𝗱𝗵𝗼𝗹𝗱𝗶𝗻𝗴 | 𝗶𝗸𝗮-𝟯 𝗻𝗴 𝗠𝗮𝗿𝘀𝗼 𝟮𝟬𝟮𝟲

Sa pangalawang araw ng aktibidad ng Project SPLIT, ito ay pinasimulan sa pamamagitan ng pambungad na pananalita ni PARPO II Rommel Q. Bote at sinundan ng pagsusog ni OPL Wilson Garcia sa mga kaganapang nagtapos kahapon sa screening. Inilahad ang mga sinalang na datos upang muling beripikahin, alinsunod sa mas malinaw na pagsumite ng Masterlist.

Kasabay nito, ipinamahagi ang mga karangalan sa masisipag na Purok Leaders ng Sitio Guisguis Brgy. Galalan Pangil, Laguna, kasama si Punong Barangay Josephine C. Taniegra at BARC Meet Matchino. Pormal namang isinara ni Chief Legal Atty. Perseus Antigua ang aktibidad sa pamamagitan ng pasasalamat at paghikayat sa patuloy na pagsuporta ng ating mga Purok Leaders gayundin ng mga opisyales ng Brgy. Galalan. Nagtapos ang programa sa pamamagitan ng isang photo opt kasama ang mga kawani ng DAR Laguna at mga lumahok sa nasabing aktibidad.

Ang matagumpay na presentasyon ng datos ay resulta ng sama-samang pagkilos para sa mas malinaw at maayos na Masterlist.

02/03/2026

UPDATE | 𝗣𝗮𝗴𝘀𝗮𝘀𝗮𝗴𝗮𝘄𝗮 𝗻𝗴 𝗦𝗰𝗿𝗲𝗲𝗻𝗶𝗻𝗴 𝗮𝘁 𝗙𝗶𝗻𝗮𝗹𝗶𝘇𝗮𝘁𝗶𝗼𝗻 𝗻𝗴 𝗠𝗮𝘀𝘁𝗲𝗿𝗹𝗶𝘀𝘁 𝗻𝗴 𝗔𝗥𝗕𝘀 𝗽𝗮𝗿𝗮 𝘀𝗮 𝗚𝗮𝘃𝗶𝗻𝗼-𝗝𝗮𝗺𝗶𝗹𝗮𝗿 𝗲𝘁. 𝗮𝗹 𝗹𝗮𝗻𝗱𝗵𝗼𝗹𝗱𝗶𝗻𝗴 | 𝗜𝗸𝗮-𝟮 𝗻𝗴 𝗠𝗮𝗿𝘀𝗼 𝟮𝟬𝟮𝟲

Isinasagawa ngayong araw, ika-2 hanggang bukas ika-3 ng Marso ang screening ng mga ARB at ang Finalization ng Masterlist para sa Gavino-Jamilar et. al landholding sa pamumuno ni PARPO II Rommel Q. Bote at ng SPLIT Project Team na silang namamahala sa pagkakaloob ng mga indibidwal na titulo sa mga magsasakang ARB. Kasama rin sa aktibidad ang mga Purok leader na silang nakakakilala sa mga taong nakapanayam ng mga kawani ng DAR at ilang opisyales ng Barangay Galalan na sina Kapitana Josefine C. Taniega, BARC Chairman Meet Matchino, at PARCOM Danilo Saligumba.

Pinangunahan ni CAO Myra Cagungun ang aktibidad sa pagbibigay ng pambungad na pananalita na sinundan naman ng maikling pagpapakila ni BARC Matchino sa mga Purok Leader, at sinegundahan ng mga miyembro ng Laguna SPLIT Project Team. Bilang pagpapatuloy, ipinaliwanag ni Parcelization Coordinator Divina Torres ang rasyonal ng pagbuo ng masterlist alisunod sa mga ordinansa at proklamasyon ukol sa kwalipikasyon ng mga potensyal na mapagkalooban ng indibidwal na titulo. Ito ay sinundan ng isang Workshop at pormal na screening ng mga aktwal na mga okupante na nakapanayam noong Field Validation.

Layunin nito na masusing masuri at makumpleto ang listahan ng mga ARB at mga aktwal na umuokupa sa nasabing lupa, at mabigyan ng sapat na impormasyon ang mga participants sa mga kwalipikasyon sa pagkilatis para sa mga susunod pang proseso pagkatapos ng redokumentasyon.

‎Inaasahang magpapatuloy bukas ang nasabing workshop at presentasyon sa nasabing screening.