Comelec Cauayan City

Website

Comelec Cauayan City Vanguard of the ballot and democracy

Pagrespeto. Pagkilala. Pagbibigay-pugay. Pakinggan natin ang kanilang kuwento sa buhay. Huwag lang simpleng pag-receive ...
07/10/2026

Pagrespeto. Pagkilala. Pagbibigay-pugay.
Pakinggan natin ang kanilang kuwento sa buhay. Huwag lang simpleng pag-receive sa kanila sa ating office. Makinig sa kanila. They have their stories, too.
Ngayong Elderly Filipino Week, binibigyang-pugay natin ang ating mga nakatatanda, sa kanilang karanasan, ambag, karapatan, at boses sa ating pamayanan. Bukod sa munting pasasalamat, nagbahagi rin tayo ng impormasyon tungkol sa kanilang mga karapatan at pribilehiyo.

Sa COMELEC Cauayan City, munting handog man ang naibigay, mas mahalaga ang mensahe: nararapat silang pakinggan, igalang, at pahalagahan.

Maraming salamat po sa inyo.

KULTURA, ISINUSUOT NANG MAY PAGGALANG. Hindi costume. Hindi dekorasyon. Kultura na ating kinikilala at pinahahalagahan.I...
06/10/2026

KULTURA, ISINUSUOT NANG MAY PAGGALANG. Hindi costume. Hindi dekorasyon. Kultura na ating kinikilala at pinahahalagahan.

IBA-IBA ANG HABI. IISA ANG PAGGALANG. Pagkilala sa yaman ng pagkakaiba-iba ng ating mga katutubong pamayanan.

SUOT NA MAY KUWENTO. KULTURANG MAY HALAGA. Bawat detalye ay pagkakataong matuto, umunawa, at magbigay-pugay.

PAGKAKAIBA-IBA ANG KULAY NG SERBISYO. Mas inklusibong tanggapan, mas malapit sa bawat mamamayan.

KULTURA. PAGGALANG. INKLUSIBIDAD.
COMELEC Cauayan City, Isabela
Sama-sama tungo sa serbisyong walang naiiwan.

Ang pag-share po ninyo ang makatulong para magamit ng ating mga senior citizens ang kanilang mga benepisyo. Basahin ang ...
05/10/2026

Ang pag-share po ninyo ang makatulong para magamit ng ating mga senior citizens ang kanilang mga benepisyo. Basahin ang mga kasamang larawan at ibahagi sa inyong mga magulang, lolo, lola, at kakilala.

SC ID card lang ba ang puwedeng ipakita? May iba pang tinatanggap na patunay, gaya ng pasaporte at mga dokumentong nagpapatunay ng pagkamamamayang Pilipino at edad na 60 pataas, alinsunod sa batas at mga tuntunin nito.

Senior citizens, alamin ang inyong mga karapatan!
Ngayong Elderly Filipino Week, Oktubre 1–7, 2026, ibinabahagi ng COMELEC Cauayan City ang mahalagang impormasyon tungkol sa R.A. 9994 o Expanded Senior Citizens Act of 2010.

Karapatan ninyo. Igalang natin.

May legal word tayo today: REGALIAN DOCTRINE.Mukhang mabigat pakinggan, pero simple ang tanong sa likod nito:Kanino ba t...
02/10/2026

May legal word tayo today: REGALIAN DOCTRINE.
Mukhang mabigat pakinggan, pero simple ang tanong sa likod nito:
Kanino ba talaga ang lupa?

Sa ilalim ng ating Constitution, ang lands of the public domain ay pag-aari ng Estado. Pero may mas interesting pang tanong: Paano kung ang lupa ay hindi naman talaga naging pag-aari ng Estado mula sa simula?

Diyan papasok ang isang napakahalagang kaso tungkol sa karapatan ng Indigenous Peoples sa lupa: Cariño v. Insular Government (1909).

Ngayong National Indigenous Peoples Month, sabay-sabay nating kilalanin hindi lang ang kultura ng ating mga katutubo, kundi pati ang mga batas at desisyong humubog sa pagkilala sa kanilang mga karapatan.

One legal word today. One landmark case next.
Next: Cariño v. Insular Government.

OEO Cauayan City, Isabela

Ngayong National Indigenous Peoples Month, sabayan natin ang paghanga ng pagkatuto at paggalang sa kultura. “LOOK AT ME!...
01/10/2026

Ngayong National Indigenous Peoples Month, sabayan natin ang paghanga ng pagkatuto at paggalang sa kultura.

“LOOK AT ME!” Pangalan pa lang, may dating na! Ito ang pre-colonial na alahas na puwede ninyong makita at ma-appreciate, upon request.

Kilalanin ang PATAN-AW, mga hikaw na may kuwento sa kasaysayan ng ating bansa. ✨

Tinatawag na “look-at-me” earrings ang Patan-aw sa publikasyong "Ginto" ng Bangko Sentral ng Pilipinas (BSP).

Iniuugnay ng BSP ang mga sinaunang halimbawa nito sa northern Mindanao, Leyte, Cebu, at Bohol.

Pansinin ang mga nakalaylay!
Inilalarawan ng BSP ang mga palawit na bilog, hugis-diyamante, at hugis-dahon, na pinagdurugtong ng mahahabang kawad o manipis na metal links. Detalyado ang pagkakagawa, kahit wala pang modernong makinarya!

Sinaunang disenyo, kontemporaryong likha.
Ang pares na tampok sa larawan ay makabagong likha ni Ferdinand Azcarraga.

Gustong makita nang personal? Maaaring matingnan ang pares sa OEO Cauayan City, Isabela, upon request.

May kinang. May kuwento. May dahilan para tumingin ulit.

Historical reference: BSP, "Ginto", p. 101.
https://www.bsp.gov.ph/Media_And_Research/Publications/Ginto.pdf



May mga election-related na pagbabawal na nag-time out na sa 2026 BSKE calendar. Ayon sa COMELEC Minute Resolution No. ...
29/09/2026

May mga election-related na pagbabawal na nag-time out na sa 2026 BSKE calendar. Ayon sa COMELEC Minute Resolution No. 26-0842, inalis na ang mga paghihigpit na kaugnay ng pagdaraos ng Nobyembre 2, 2026 BSKE.

Mga paghihigpit sa 2026 BSKE calendar na inalis:
- Paglabas at paggasta ng pondong publiko; ilang public works
- Hiring, appointment, promotion, at ilang dagdag sa suweldo
- Transfer o detail ng mga kawani ng civil service
- Suspension ng ilang halal na lokal na opisyal
- Election-period restrictions sa pagdadala ng armas at paggamit ng bodyguards

Mga iba pang paghihigpit sa kalendaryo:
- Mga pagbabawal sa election propaganda at pagbibigay ng donasyon o regalo sa panahon ng kampanya
- Construction o maintenance ng barangay-funded roads at bridges
- Election eve/day restrictions sa pangangampanya, alak, at libreng transportasyon o pagkain
- Election-day restrictions sa stalls, fairs, at cockfights

Paalala: Ang pag-alis ng mga paghihigpit na kaugnay ng 2026 BSKE ay hindi pahintulot sa vote-buying, pananakot, katiwalian, ilegal na armas o ibang paglabag sa batas. Sundin pa rin ang mga umiiral na batas, permit, at agency rules.

Ulitin ko po at linawin natin: ang vote-buying, pananakot, katiwalian at ilegal na pagdadala ng armas ay hindi nag-time out sa batas.
Para walang kaba at walang maling akala.
Batayan: COMELEC Resolution No. 11191 at Minute Resolution No. 26-0842

Voter’s Certification? LIBRE po! 💙 🗳️ May kailangan kayong Voter’s Certification para sa transaksyon o iba pang requirem...
28/09/2026

Voter’s Certification? LIBRE po! 💙 🗳️
May kailangan kayong Voter’s Certification para sa transaksyon o iba pang requirements? Huwag kabahan sa bayad. Libre po ito! Awan bayad na. Ang dala ninyo: inyong katanungan. Ang dala namin: tulong at ngiti. 😊

Personal na pagpunta ng botante ang kailangan sa COMELEC Office of the Election Officer. Kung hindi makakapunta ang botante sa opisina, maaari pong magpadala ng kinatawan na may dalang authorization letter mula sa botante. No haan a makapan ti botante dituy opisina, mabalin nga agibaon iti representante nga addaan iti authorization letter manipud iti botante.

Nandito kami para tumulong! I-scan ang QR code sa poster para mabasa ang COMELEC Minute Resolution na batayan ng libreng serbisyo.Tuloy ang ser bisyo sa publiko. Madaling lapitan, madaling hanapin!

Family time muna tayo! 🏠💛Ngayong September 28, 2026 (Lunes), bukas ang aming tanggapan mula 8:00 AM hanggang 12:00 NN.Pa...
27/09/2026

Family time muna tayo! 🏠💛
Ngayong September 28, 2026 (Lunes), bukas ang aming tanggapan mula 8:00 AM hanggang 12:00 NN.Pagsapit ng 1:00 PM, suspendido na ang trabaho bilang pakikiisa sa “Kainang Pamilya Mahalaga” Day.

Kaya kung may sadya po kayo sa COMELEC, agahan natin nang kaunti. Pagdating ng hapon, family table naman ang haharapin!

Please be guided accordingly.
📱 I-scan ang QR code sa poster para mabasa ang kaugnay na Memorandum Circular.
See you in the morning!

Good news po!Ipagpapatuloy ang voter registration para sa May 2028 National and Local Elections! Bagama’t hindi na matut...
26/09/2026

Good news po!
Ipagpapatuloy ang voter registration para sa May 2028 National and Local Elections!

Bagama’t hindi na matutuloy ang Barangay and SK Elections ngayong 2026, tuloy ang paghahanda para sa susunod na halalan.

Ayon sa COMELEC Minute Resolution No. 26-0842, ang voter registration para sa 2028 National and Local Elections ay ipagpapatuloy simula sa IKALAWANG LINGGO NG NOBYEMBRE 2026.

Kaya sa mga hindi pa rehistrado, gustong magpa-transfer, o may kailangang ayusin sa kanilang voter registration record, may pagkakataon ho ulit tayo.

Bagong schedule. Bagong pagkakataon. Tuloy ang serbisyo.

Magparehistro. Makilahok.
Dahil ang bawat boto ay nagsisimula sa pagiging rehistradong botante.

COMELEC Office of the Election Officer
Cauayan City, Isabela

MAHALAGANG PAALALA. BSKE 2026Paki-share po para makarating ang impormasyon sa ating mga kababayan, lalo na sa mga naghah...
25/09/2026

MAHALAGANG PAALALA. BSKE 2026
Paki-share po para makarating ang impormasyon sa ating mga kababayan, lalo na sa mga naghahanda sanang mag-file ng kanilang COCs.

Dahil sa pagkakapasa ng Republic Act No. 12326 at alinsunod sa COMELEC Minute Resolution No. 26-0842, hindi na po matutuloy ang filing ng Certificates of Candidacy na nakatakda sana sa September 28–October 5, 2026.

Sa ilalim ng R.A. No. 12326, itinakda sa LIMANG (5) taon ang termino ng lahat ng nahalal na Barangay at Sangguniang Kabataan officials. Ang susunod na regular Barangay and SK Elections ay gaganapin sa IKALAWANG LUNES ng Nobyembre 2028 (sa Nobyembre 13, 2028 po), at KADA LIMANG (5) taon pagkatapos nito.

Iti sidong ti R.A. No. 12326, naituding a LIMA (5) a tawen ti termino dagiti amin a napili a Barangay ken Sangguniang Kabataan officials. Iti sumaruno a regular Barangay and SK Elections ket maangay iti MAIKADUA A LUNES ti Nobyembre 2028 (intunu Nobyembre 13, 2028) ken TUNGGAL LIMA (5) a tawen kalpasan dayta.

Kaugnay nito, itinigil na ng COMELEC ang mga aktibidad para sa BSKE na nakatakda sana sa November 2, 2026, kabilang ang scheduled filing of COCs at ang ensuing campaign period.

I-scan po ang QR code sa poster upang mabasa ang balitang inilabas ng Philippine Information Agency (PIA) tungkol sa Republic Act No. 12326.

Para informed. Para walang kaba.
COMELEC Cauayan City, Isabela

Address

Burgos Street , District II, Cauayan City
Isabela

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Comelec Cauayan City posts news and promotions. Your email address will not be used for any other purpose, and you can unsubscribe at any time.

Shortcuts

Share

Category