LGU Victoria- Covid19 Updates (2026)

05/03/2021

MGA BAGONG PATAKARAN PARA SA MGA UUWI O TUTUNGO SA BAYAN NG VICTORIA MULA SA IBANG LALAWIGAN, REHIYON O BANSA:

Bilang bahagi ng pag-iingat sa kalagayang pangkalusugan ng mga mamamayan sa panahon ng pandemya, magkakaroon pa rin ng on-line registration, acceptance at confirmation ng lahat ng papasok sa Lalawigan ng Oriental Mindoro at tutungo sa Bayan ng Victoria. On-line registration lamang po ang gagawin ng manlalakbay samantalang ang LGU ang kukuha ng acceptance at magbibigay ng confirmation message

Upang maging maayos ang daloy ng online registration at hindi kayo maging ligaw sa inyong pag-uwi o paglalakbay, mangyaring pakibasa muna po ng mga bagong patakaran na nakapaloob sa mga slides sa ibaba na siyang sumasagot sa maraming katanungan hinggil sa paglalakbay sa Lalawigan ng Oriental Mindoro patungo sa Bayan ng Victoria.

Narito po ang link na maaring gamitin ng lahat nang tutungo sa Bayan ng Victoria mula sa ibang probinsya, rehiyon o bansa:

https://forms.gle/aVvxnfwekwCKakoCA

Mangyari po lamang na magrehistro at maghintay ng confirmation message o Travel Coordination Pass (TCP), mula sa LGU Victoria bago magsimulang maglakbay upang hindi magkaroon ng problema sa inyong papasukan.

Mangyaring basahin din po mabuti ang lahat bago magparehistro at magbigay ng katanungan. Kung ang katanungang ay may kinalaman sa health at monitoring protocol, mas detalyadong paliwanag tungkol sa mga ROF/OFW o kinakailangang mag-follow-up sa confirmation o TCP, direktang makipag-ugnayan sa Municipal Health Office sa pamamagitan ng kanilang hotline 09278775023 at 09610304262.

Kung may sintomas ayon sa mandatory health and exposure assessment na ginawa sa pagpasok sa pantalan at nais malaman ang tungkol sa pagpapasundo, direktang makipag-ugnayan sa MDRRMO sa pamamagitan ng kanilang hotline 09568958728 at 09088974394.

Maaari ring tumawag sa LGU hotline 09279537268 at 09198193219 para sa mga katanungan tungkol sa mga regulasyon.

Maraming salamat po at muling pagpapaalala ng ibayong pag-iingat sa inyong paglalakbay.

04/03/2021

PABATID PARA SA MGA NAG-O-ONLINE REGISTRATION NA TUTUNGO SA BAYAN NG VICTORIA, ORIENTAL MINDORO

Sa ganap na ika-anim ngayong gabi (6:00pm), pansamantala po naming isasara ang on-line registration para sa mga papasok sa Lalawigan ng Oriental Mindoro na tutungo sa Bayan ng Victoria upang bigyang daan ang pagkuha ng acceptance sa barangay at pagbibigay ng confirmation message o Travel Coordination Pass sa mahigit limang daang (500+) kababayan na nagsimulang nagrehistro mula kahapon.

Ang nasabing on-line registration ay magbubukas muli bukas Marso 5 sa ganap na ika-12 ng tanghali (12:00nn). Kung sakaling magkaroon kayo ng biglaang lakad o emergency travel sa panahong sarado ang on-line registration, maari kayong tumawag sa RHU hotline na may mga numerong 09278775023 o 09610304262 para humingi ng kaukulang konsiderasyon.

Maglalabas din po kami ng pabatid kaugnay sa mga regulasyon na may kinalaman sa Executive Order No 06, Series of 2021 na ibinaba ng Pamahalaang Panlalawigan na ipapatupad sa Bayan ng Victoria bago muling magbukas ang online registration upang mas maayos na mapadaloy ito. Mangyari pong sa susunod na post na iyon ibato ang ano mang katanungan na may kinalaman sa nasabing paksa.

Maraming salamat po sa inyong pang-unawa.

02/03/2021

BAGONG ONLINE REGISTRATION LINK PARA SA PAGPASOK NG ORIENTAL MINDORO PATUNGO SA BAYAN NG VICTORIA

Ayon po sa bagong regulasyon ng Inter-Agency Task Force, wala na pong kinakailangang ipakitang mga dokumento upang makabyahe ang isang manlalakbay.

Bilang bahagi ng pag-iingat sa kalagayang pangkalusugan ng mga mamamayan sa panahon ng pandemya, minabuti ng Pamahalaang Panlalawigan na magkaroon pa rin ang bawat bayan ng pamamaraang masubaybayan ang pagpasok ng mga tao sa kanilang nasasakupang lugar. Ito ay sa pamamagitan ng pagkakaroon ng on-line registration, acceptance at confirmation ng lahat ng papasok sa Lalawigan ng Oriental Mindoro. On-line registration lamang po ang gagawin ng manlalakbay samantalang ang LGU ang kukuha ng acceptance at magbibigay ng confirmation message na siya lamang ipapakita sa pagpasok sa point of entry.

Narito po ang bagong link na maaring gamitin ng lahat ng tutungo sa Bayan ng Victoria mula sa ibang probinsya, rehiyon o bansa:

https://forms.gle/aVvxnfwekwCKakoCA

Mangyari po lamang na magrehistro at maghintay ng confirmation message mula sa LGU Victoria bago magsimulang maglakbay upang hindi magkaroon ng problema sa inyong papasukan.

Bagama’t wala na ring mandatory quarantine ang mga umuuwing manlalakbay, magkakaroon pa rin ng ilang regulasyon upang masubaybayan ang mga uuwing kakikitaan ng sintomas sa point of entry at mga manggagaling sa high risk areas. Antabayanan po natin ang ibababang Executive Order ng ating Pamahalaang Panlalawigan na amin ding ipababatid sa inyo.

Maraming salamat po at ibayong pag-iingat sa inyong paglalakba'y.

03/02/2021

MGA BAGONG REGISTRATION LINK PARA SA MGA PAPASOK SA LALAWIGAN NG ORIENTAL MINDORO AT UUWI O TUTUNGO SA BAYAN NG VICTORIA:

Ipinaaabot po ang bagong on-line registration link para sa mga uuwi o tutungo sa Bayan ng Victoria bilang LOCALLY STRANDED INDIVIDUALS (LSI) o AUTHORIZED PERSONS OUTSIDE RESIDENCE (APOR).

Ang lahat ng LSI na may hawak na Medical Clearance Certificate at Travel Authority ay maari nang mag rehistro sa bagong link na nakasaad sa ibaba:

https://docs.google.com/forms/d/e/1FAIpQLSeYGsQ_8xKkoUYMRGdF0VX-F8N6iU_BPw4YiU6yBD6-cUHQ6Q/viewform

Ang lahat ng APOR na may hawak na Medical Clearance Certificate at Travel Authority/Travel Order ay maari nang mag rehistro sa bagong link na nakasaad sa ibaba:

https://docs.google.com/forms/d/e/1FAIpQLSdzWfGUVkZS2iVRCfv3pRI0ZQKtve_TGYwQ3b_GOeR-Ff2g2g/viewform

Pakibasa rin po ng mga slides sa ibaba na nagbibigay ng mahahalagang impormasyon at sumasagot sa mga katanungan ng marami. Mangyaring basahin pong lahat bago magparehistro at magbigay ng katanungan.

Kung ang katanungan ay may kinalaman sa health protocol tulad ng pagkakaroon ng swab test, mandatory quarantine, direktang makipag-ugnayan sa Municipal Health Office sa pamamagitan ng kanilang hotline 09278775023 at 09610304262.

Kung may katanungan tungkol sa acceptance ng barangay o kinakailangang mag follow-up sa Confirmation Message dahil sa nalalapit na paglalakbay, maaring direktang makipag-ugnayan sa pamamagitan ng LGU hotline 09279537268 at 09198193219.

Kung nais malaman ang tungkol sa pagpapasundo sa pantalan o protocol sa pag-uwi ng mga may sariling sasakyan, maaring direktang makipag-ugnayan sa MDRRMO sa pamamagitan ng kanilang hotline 09568958728 at 09088974394.

Maraming salamat po at muling pagpapaalala ng ibayong pag-iingat sa inyong paglalakbay.

18/01/2021

PARA SA MGA PAPASOK SA LALAWIGAN NG ORIENTAL MINDORO AT UUWI O TUTUNGO SA BAYAN NG VICTORIA:

1. Pakibasa po ng MARITIME TRANSPORT PROTOCOLS AMID COVID-19 PANDEMIC as of 15 January 2021 na ibinaba ng Department of Transportation (tingnan ang kopya sa ibaba);
2. Ang lahat ng LSI na may hawak na medical certificate at travel authority ay maaring mag-rehistro on-line sa pamamagitan ng sumusunod na link: https://forms.gle/7NCxt8ZMwJTWmD1v7
3. Ang lahat ng APOR na may hawak na medical certificate at travel order/authority ay maaring mag-rehistro on-line sa pamamagitan ng sumusunod na link: https://forms.gle/BEQooBdv55Lp1kCX8
4. Kung kayo ay babyahe at magrerehistro isang araw bago ang araw ng inyong pagbyahe, siguruhing naka rehistro kayo nang hindi lalampas sa 12:00 ng tanghali (cut-off time) upang makakuha ng Confirmation Message para sa pagbyahe sa susunod na araw. Kung lalampas dito, ang date of travel na makukuha sa confirmation message ay sa ikalawang araw pa;
5. Maaring mag-follow up ng confirmation message sa LGU hotline 09279537268 at 09198193219 o RHU Hotline 09278775023 at 09610304262, kung hindi pa natatanggap ito ganap na ala-singko ng hapon bago ang araw ng paglalakbay;
6. Sa pagpasok sa Port of Batangas, ipakita ang travel authority, medical certificate at confirmation message na natanggap mula sa LGU matapos makapag-online registration;
7. Upang hindi maantala, maiging magrehistro na sa TRAZE application (kung may Smart phone), bago pa man pumasok sa pantalan;
8. Mahigpit na ipinatutupad ang social distancing, pagsusuot ng face mask at face shield sa loob ng pantalan at ng barkong sinasakyan; at
9. Lahat ng LSI at ROF ay kinakailangang sumailalim sa mandatory 14-day quarantine (sa bahay o barangay facility, depende sa kakayahan o sitwasyon) maliban kung ang uuwi ay may maipapakitang negative result ng RT-PCR test sa pag-uwi, na lumabas sa loob ng 24 na oras;
10. Makipag ugnayan sa RHU sa pamamagitan ng kanilang hotline numbers para sa ano mang katanungan na may kinalaman sa protocol para sa swab test upang kayo ay mas magabayan.

08/12/2020

PARA SA MGA NAG ONLINE REGISTRATION NA NAGHIHINTAY NG CONFIRMATION MESSAGE MULA SA LGU VICTORIA:

Para po sa mga magbabyahe papasok ng Oriental Mindoro patungong Bayan ng Victoria mula bukas December 9 hanggang December 15 na nagregister online sa link na ibinigay ng LGU, nagsisimula na po ang confirmation ngayong ganap na 1:00 ng hapon. Para maiwasan ang pagtatanong at pag aalala, lahat po ng nagrehistro mula nang nagbukas ang online registration noong Linggo hanggang ngayong araw, December 8, na umabot hanggang 12:00 ng tanghali ay makakatanggap ng confirmation mula ngayong hapon hanggang bukas ng umaga.

Kung sakaling ang inyong ini-register na araw ng paglalakbay ay bukas, December 9 at hindi kayo nakatanggap ng confirmation hanggang 5:00 ng hapon ngayon, maari po kayong mag follow up sa mga hotline numbers sa ibaba.

Ganun din po para sa mga maglalakbay sa mga susunod na araw, mangyaring mag follow up lamang kung sakaling hindi nakatanggap ng confirmation sa ganap na 5:00 ng hapon bago dumating ang araw ng paglalakbay.

Upang maiwasang magkaproblema sa inyong pagbyahe, siguruhing may natanggap kayong Confirmation Message mula sa LGU bago umalis ng bahay sapagka’t ito ang magiging pases ninyo sa pagpasok sa Batangas Port. Kung kayo ay babyahe at magrerehistro isang araw bago ang inyong araw ng pagbyahe, siguruhing naka rehistro kayo nang hindi lalampas sa 12:00 ng tanghali (cut-off time) upang makakuha ng Confirmation Message para sa pagbyahe sa susunod na araw. Kung lalampas dito, ang date of travel na makukuha sa confirmation message ay sa ikalawang araw pa.

Hotline Numbers:
MHO/RHU 09278775023 at 09610304262;
LGU hotline 09279537268 at 09198193219

06/12/2020

PARA SA LAHAT NG LSI, APOR AT ROF NA UUWI SA BAYAN NG VICTORIA, ORIENTAL MINDORO:

Pakibasa po lahat.

Sang ayon sa Executive Order No. 70 ng Punong Lalawigan, ang lahat ng LSI, ROF at APOR na dadating sa Oriental Mindoro mula Disyembre 9-15 ay maaring magbyahe patungo sa lalawigan nang walang hinihinging Medical Certificate at Travel Authority subali’t sila ay kinakailangang mag-register on-line.

Kaugnay nito, ang lahat nang LSI at APOR na nais magbyahe sa nasabing mga araw (December 9, 12:01am - Dec 15, 12 mn) ay maari nang mag-register online gamit ang sumusunod na link:

APOR link for online registration https://forms.gle/eaEgoPejBioYTJpv9

LSI link for online registration https://forms.gle/TEaxzav4BQRd1byj9

Dahil sa kinakailangang makauwi ang ROF sa looban ng 24 oras matapos lumabas ang resulta ng test, ang kanilang pag-uwi ay hindi na nangangailangan ng on-line registration, bagkus ay pagpapadala na lamang ng text message na nagbibigay impormasyon ng kanilang pangalan, kasarian, edad, barangay na uuwian at araw at oras ng pag-uwi gamit ang hotline number ng RHU na siya ring magpapadala ng confirmation message:

ROF text message using RHU Hotline 09278775023 at 09610304262,

Samantala, sa mga uuwi bago at pagkatapos ng nasabing petsa, ang online registration ay doon pa rin gagawin sa dating registration site at kinakailangang may nakahandang mga dokumentong i-uupload sa pagrerehistro. Mangyaring tingnan sa slide sa ibaba ang mga requirements upang makauwi.

Registration link para sa uuwi sa mga petsang hinihingan ng dokumento:

APOR old link:
https://forms.gle/BEQooBdv55Lp1kCX8

LSI old link:
https://forms.gle/7NCxt8ZMwJTWmD1v7

Ang confirmation message na matatanggap mula sa Pamahalaang Bayan ang magsisilbing pases sa inyong pag-uwi. Mangyaring huwag magbyahe hanggat walang natatanggap na confirmation message sapagkat ito ang hahanapin sa inyong pagpasok sa Port of Batangas upang kayo ay makasakay ng barko patungong Oriental Mindoro.

Ang lahat ng uuwing LSI, APOR at ROF ay kinakailangang dumaan sa registration ng Provincial Disaster Risk Reduction and Management Office (PDRRMO) pagbaba nang barko sa Port of Calapan kung saan sila ay susunduin o ie-escort kung may sariling sasakyan, ng Municipal Disaster Risk Reduction and Management Office (MDRRMO) patungo sa Bayan ng Victoria. Kinakailangang masiguro na nasa Calapan Port na kayo bago sumapit ang ala sais ng gabi (6:00pm) upang makasama sa huling oras ng sundo.

Lahat ng LSI at ROF ay kinakailangang sumailalim sa mandatory 14-day quarantine (sa bahay o barangay facility, depende sa kakayahan o sitwasyon) maliban kung ang uuwi ay may maipapakitang negative result ng RT-PCR test sa pag-uwi, na lumabas sa loob ng 24 na oras.

Makikita rin po sa mga slides sa ibaba ang mga numerong maari ninyong tawagan para sa inyong mga katanungan o concerns.

Maraming salamat at ingat po tayong lahat.

LGU Victoria- Covid19 Updates

05/03/2021

04/03/2021

02/03/2021

03/02/2021

18/01/2021

08/12/2020

06/12/2020

Address

Telephone

Website

Alerts

Contact The Organization

Shortcuts

Share