Negros Digital News PH

05/06/2026

TAN-AWA: GARBO SA TANJAY: BOY INSOY, I-KMJS NA YAN!

Si Al Torres, mas nailhan sa social media isip Boy Insoy, usa ka lumad nga taga-Bahian, Tanjay City, padayon nga nagpalapnag ang popularidad tungod sa iyang mga makalingaw ug usahay buwis-buhay nga mga vlog nga nakadani sa daghang netizens.

Base sa mga post sa iyang mga suod ug supporters, gikatakdang ma-feature ang iyang kinabuhi ug talagsaong talento sa Kapuso Mo, Jessica Soho (KMJS), usa sa labing iladong magazine shows sa nasud.

Nabantog si Boy Insoy isip "Tarzan ng Tanjay City" para sa iyang mga pamilya ug higala tungod sa iyang kaisog ug talagsaong mga pasundayag nga kanunay naghatag og kalingawan sa mga tumatan-aw sa social media.

Samtang wala pa ang opisyal nga anunsyo gikan sa programa, daghang Tanjayanon ang nagpaabot ug nagpakita sa ilang suporta alang kang Boy Insoy, nga usa na ka inspirasyon ug garbo sa dakbayan ug tibuok probinsya.

Dungan natong atangan sa KMJS ang laing garbo sa Tanjay City — si Boy Insoy, ang Tarzan ng Tanjay City! 🎉👏🫶

Photo Courtesy: Facebook/Boy Insoy, Sam Torista, Aisa Tag-at Insoy

03/06/2026

Advisory from the National Grid Corporation of the Philippines

Scheduled power service interruption

Date of Interruption: June 14, 2026 (Sunday)

Time: 5:00 A.M. to 6:00 P.M.

Areas Affected: Entire area of Santa Catalina, Bayawan City and Basay
Calicanan and Fatima in Pamplona
Sto. Niño in Tanjay City
(Our Bayawan and Banaba substations will be affected)

REASON: NGCP will de-energize its Mabinay-Bayawan 69kV transmission line to conduct wood pole replacement and other TL correction works along Mabinay-Bayawan 69kV line.

NORECO II will take the opportunity to conduct parallel maintenance activities along the scheduled affected areas.

All works may be finished ahead of time and power may be restored earlier than scheduled, so please consider the lines always energized. Member-customer-owners in the affected areas are advised to take the necessary precautions. Please turn off all your electrical switches and once power is back, please wait for five minutes before switching on your electrical switches.

Thank you for understanding.

02/06/2026

02/06/2026

TAN-AWA: P600-M NGA BAG-ONG TANJAY CITY GOVERNMENT CENTER, ABLI NA SA PUBLIKO

TANJAY CITY, Negros Oriental — Usa ka makasaysayanong kalamboan alang sa Tanjay City ang opisyal nga pagpanalangin ug inagurasyon sa bag-ong unom ka andana nga Tanjay City Government Center nga nahimutang sa Barangay San Isidro niadtong Mayo 31.

Ang modernong pasilidad adunay kinatibuk-ang floor area nga 8,100 square meters ug gitukod sa usa ka 19,278.67-square-meter nga luna. Ang proyekto nga nagkantidad og kapin P600 milyon gitumong aron mapalambo ug mapadali ang paghatag og serbisyo publiko ngadto sa mga Tanjayanon.

Matud ni Mayor Jose Orlino, usa kini ka damgo nga natuman alang sa siyudad ug usa ka simbolo sa kalamboan nga maghatag og mas episyente, paspas ug mas sayon nga serbisyo sa katawhan.

Gipadayag usab ni Philsouth CEO ug President Luisito Tejiing nga ang maong Government Center mao ang unang high-rise government building sa Negros Oriental, nga nagpakita sa padayon nga paglambo ug modernisasyon sa Tanjay City.

📷 Courtesy: FB/Val & Pra Rides

01/06/2026

BREAKING: BUS UG AWTO, NALAMBIGIT SA TRAFFIC ACCIDENT SA TANJAY CITY.

TANJAY CITY, Negros Oriental — Usa ka traffic accident ang nahitabo pasado alas 10:22 sa buntag kagahapon, Mayo 31, 2026 sa national highway Barangay Sta. Cruz Viejo, Tanjay City, Negros Oriental.

Dali gilayon kining girespondehan sa mga personahe sa CITOM Alert uban ni PCMS Roquito P. Mirata aron makontrol ang dagan sa trapiko.

Base sa report, ang mga sakyanang nalambigit mao ang usa ka yellow nga Vallacar Transit Bus (Plate No. 070407) ug usa ka itom nga Hyundai (Plate No. TLO745).

Ang parehong mga sakyanan nakaangkon ug kadaot tungod sa maong aksidente.

Gihimo usab sa mga awtoridad ang sketch sa lugar diin nahitabo ang aksidente isip kabahin sa ilang imbestigasyon.

Atangi ang kompletong detalye.

📷 Courtesy: FB/Tanjay Traffic

31/05/2026

LIGHTS, CAMERA, ACTION! 🎥🔥

Mga Dumagueteños, live nga nasaksihan ang action-packed moves ni Anthony Jennings kagahapon, Mayo 31, didto sa Dumaguete City Public Market! 😍✨

Kini subay sa nagpadayon nga taping sa kapamilya actor sa gikatakdang Season 2 sa action-drama series niini.

📹 Video courtesy: FB/Aaron Buenavista

31/05/2026

SALUDO! CONGRATULATIONS! 🫡👨🏻‍🎓🏅🎓

31/05/2026

TAN-AWA: BAG-ONG TANJAY CITY GOVERNMENT CENTER, GIKATAKDANG INAUGURAHAN KARONG ADLAWA

TANJAY CITY, Negros Oriental — Gikatakdang inagurahan karong adlawa, Mayo 31, 2026, ang New Tanjay City Government Center nga pagatambongan sa mga city officials, barangay officials, department heads, ug mga Tanjayanon.

Sumala sa City Government of Tanjay, magsugod ang bug-os nga operasyon sa bag-ong government center ugma, Hunyo 1, 2026. Ang bag-ong pasilidad gilauman nga makahatag og mas moderno, mas komportable, ug mas episyenteng serbisyo alang sa mga lumulupyo sa siyudad.

Gilauman usab nga mahimong hapsay ang pagbalhin sa mga opisina ug serbisyo ngadto sa bag-ong sentro aron masiguro ang walay hunong nga paghatag og serbisyo publiko.

Ang New Tanjay City Government Center giila nga usa ka dakong lakang sa pagpalig-on sa administratibong operasyon ug sa pagpaayo sa kalidad sa serbisyo sa lokal nga kagamhanan alang sa tanang Tanjayanon.

📷 Courtesy: FB/ Sir Dadz Villarosa

31/05/2026

WATCH: MENSAHE NI PD ALAM SA MGA SMUGGLERS.

NAGPADAYON ang Negros Oriental Police Provincial Office o NOPPO sa ilang hugot nga kampanya batok sa smuggling sa probinsya.

Matud ni PCOL Timmar J. Alam, Provincial Director sa NOPPO, bisan pa og makalusot ang mga nalambigit sa smuggling makausa o makaduha, dili gihapon sila makalikay sa balaod tungod sa padayon ug lig-on nga operasyon sa kapulisan.

Gipasabot ni PD Alam nga ang anti-smuggling campaign kabahin sa hugot nga implementasyon sa NOPPO ug suporta sa programa sa ilang Regional Director alang sa “SAFE NIR,” subay usab sa focus agenda sa Chief PNP.

Dugang pa sa opisyal, ilang gipadangat ang pasidaan ngadto sa mga nagapadayon sa ilegal nga pagpamuslit nga hunongon na kini tungod kay determinado ang kapulisan sa pagdakop ug pagpasaka og kaso batok sa mga molapas sa balaod.

Nagpabilin usab nga alerto ang kapulisan aron masiguro ang kalinaw, kaluwasan, ug proteksyon sa komunidad batok sa tanang matang sa ilegal nga kalihokan.