NFA Davao del Sur

26/08/2026

📢 𝐏𝐀𝐇𝐈𝐁𝐀𝐋𝐎! 𝐏𝐑𝐄𝐒𝐘𝐎 𝐒𝐀 𝐏𝐀𝐆𝐏𝐀𝐌𝐀𝐋𝐈𝐓 𝐔𝐆 𝐇𝐔𝐌𝐀𝐘 🌾

Ang National Food Authority (NFA) Davao del Sur Branch Office padayon sa pagpamalit ug humay gikan sa atong mga mag-uuma. Ang kasamtangang presyo mao ang mosunod:

𝐄𝐩𝐞𝐤𝐭𝐢𝐛𝐨: 𝐀𝐠𝐨𝐬𝐭𝐨 𝟐𝟒-𝟑𝟎, 𝟐𝟎𝟐𝟔
𝐂𝐥𝐞𝐚𝐧 𝐚𝐧𝐝 𝐃𝐫𝐲 𝐏𝐚𝐥𝐚𝐲:
Davao del Sur – P30.00 kada kilo*
Davao City – P26.00 kada kilo*
* Subject to the approved Equitable Net Weight Factor (ENWF) Table

Ang NFA magpagawas og update sa presyo kada semana.

Para sa dugang impormasyon, palihog tawag sa 0970-923-8791 o bisitaha ang among opisina sa Barangay San Jose, Digos City, ug ang among satellite office sa Sta. Ana Avenue, Davao City.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

14/08/2026

𝟑𝐫𝐝 𝐐𝐮𝐚𝐫𝐭𝐞𝐫 𝐏𝐅𝐀𝐂 𝐌𝐞𝐞𝐭𝐢𝐧𝐠 𝐚𝐧𝐝 𝐄𝐥𝐞𝐜𝐭𝐢𝐨𝐧 𝐨𝐟 𝐍𝐞𝐰 𝐎𝐟𝐟𝐢𝐜𝐞𝐫𝐬 𝐟𝐨𝐫 𝟐𝟎𝟐𝟔-𝟐𝟎𝟐𝟖 𝐓𝐞𝐫𝐦

Matagumpay na ginanap ang 3rd Quarter Provincial Farmers Action Council (PFAC) Meeting at Election of New Officers for 2026-2028 term sa NFA Davao del Sur Branch Office, San Jose, Digos City, nitong Agosto 13, 2026.

Sa unang bahagi ng pagpupulong, nagbigay ang NFA ng mga mahahalagang impormasyon ukol sa pamimili ng palay. Sinundan ito ng halalan ng mga bagong opisyal ng PFAC at Oath-Taking Ceremony, na pinangunahan ni Acting Branch Manager Hatta D. Candong.

Sa pamamagitan ng PFAC, naipararating ng NFA ang mahahalagang impormasyon sa mga magsasaka, habang nabibigyan sila ng pagkakataong maipaabot sa Ahensya ang kanilang mga suliranin at mungkahi para sa higit pang pagpapaunlad ng sektor ng agrikultura.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

12/08/2026

𝐍𝐅𝐀 𝐃𝐚𝐯𝐚𝐨 𝐝𝐞𝐥 𝐒𝐮𝐫, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐖𝐚𝐬𝐭𝐨𝐧𝐠 𝐃𝐢𝐬𝐩𝐨𝐬𝐢𝐬𝐲𝐨𝐧 𝐧𝐠 𝐦𝐠𝐚 𝐎𝐛𝐬𝐨𝐥𝐞𝐭𝐞, 𝐒𝐩𝐨𝐢𝐥𝐞𝐝 𝐚𝐭 𝐃𝐚𝐦𝐚𝐠𝐞𝐝 𝐀𝐜𝐜𝐨𝐮𝐧𝐭𝐚𝐛𝐥𝐞 𝐅𝐨𝐫𝐦𝐬

Agosto 11, 2026 – Matagumpay na isinagawa ng NFA Davao del Sur ang wastong disposisyon ng mga obsolete, spoiled, at damaged Accountable Forms sa pamamagitan ng dumping. Ang aktibidad ay sinaksihan ng mga kinatawan mula sa National Archives of the Philippines (NAP) at Commission on Audit (COA).

Layunin ng wastong disposisyon ng mga nasabing Accountable Forms na maiwasan ang maling paggamit, maprotektahan ang sensitibong impormasyon, at matiyak ang accountability at maayos na records management ng tanggapan, alinsunod sa umiiral na mga patakaran at regulasyon ng pamahalaan.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

05/08/2026

𝐍𝐅𝐀 𝐃𝐚𝐯𝐚𝐨 𝐝𝐞𝐥 𝐒𝐮𝐫, 𝐍𝐚𝐤𝐢𝐛𝐚𝐡𝐚𝐠𝐢 𝐬𝐚 𝐌𝐮𝐧𝐢𝐜𝐢𝐩𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭𝐬' 𝐌𝐞𝐞𝐭𝐢𝐧𝐠

Digos City – Aktibong nakibahagi ang NFA Davao del Sur, sa pamamagitan ni Assistant Branch Manager Lynlee J. Lanaja, sa isinagawang Municipal Agriculturists' Coordination Meeting ng Lalawigan ng Davao del Sur, na inorganisa ng Office of the Provincial Agriculturist noong Hulyo 31, 2026.

Sa kanyang mensahe, ibinahagi ni ABM Lanaja ang mga programa ng ahensya, lalo na ang patuloy na pamimili ng palay mula sa mga lokal na magsasaka. Hiniling din niya ang suporta ng mga Municipal Agriculturists sa paghikayat sa mga magsasaka na ibenta ang kanilang ani sa NFA upang higit pang mapalakas ang buffer stock ng pamahalaan na magsisilbing suplay ng bigas sa panahon ng kalamidad, emerhensiya, at iba pang pangangailangan.

Patuloy na pinagtitibay ng NFA ang pakikipagtulungan nito sa mga katuwang na ahensya at mga lokal na pamahalaan upang mapangalagaan ang kapakanan ng mga magsasaka at maisulong ang seguridad sa suplay ng bigas sa bansa.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

03/08/2026

29/07/2026

Congratulations, NFA Southeastern Mindanao Region (XI)!
Excellence recognized. Your dedication continues to inspire. 🌾💙

"Tiyak ang Bigas, Panatag ang Bukas"

28/07/2026

𝐅𝐀𝐑𝐌𝐄𝐑𝐒’ 𝐔𝐆𝐍𝐀𝐘𝐀𝐍 𝐒𝐀 𝐁𝐀𝐍𝐒𝐀𝐋𝐀𝐍, 𝐃𝐀𝐕𝐀𝐎 𝐃𝐄𝐋 𝐒𝐔𝐑

Davao del Sur – Aktibong nakilahok ang NFA Davao del Sur, sa pamamagitan ni Acting Branch Manager Hatta D. Candong, bilang isa sa mga tagapagsalita sa isinagawang General Assembly Meeting ng Lower Marber Communal Irrigator's Association sa Bansalan, Davao del Sur noong Hulyo 25, 2026, araw ng Sabado.

Nagsilbing mahalagang pagkakataon ang aktibidad upang direktang makapanayam ang mga magsasaka at maiparating ang mga programa ng ahensya, lalo na ang tungkol sa pamimili ng palay. Tinalakay rin ng opisyal ang sistema ng Purchase Order, na positibong tinugon ng mga magsasaka.

Sa pamamagitan ng bukas na dayalogo, nabigyang-diin ang kahalagahan ng patuloy na pakikipagtulungan sa pagitan ng pamahalaan at ng mga magsasaka upang higit pang mapalakas ang sektor ng agrikultura at maisulong ang seguridad sa pagkain.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

23/07/2026

𝐌𝐚𝐛𝐮𝐡𝐚𝐲 𝐚𝐧𝐠 𝐌𝐚𝐠𝐬𝐚𝐬𝐚𝐤𝐚𝐧𝐠 𝐏𝐢𝐥𝐢𝐩𝐢𝐧𝐨: 𝐏𝐚𝐠𝐩𝐮𝐩𝐮𝐠𝐚𝐲 𝐧𝐠 𝐍𝐅𝐀 𝐃𝐚𝐯𝐚𝐨 𝐝𝐞𝐥 𝐒𝐮𝐫 𝐬𝐚 𝐦𝐠𝐚 𝐇𝐚𝐥𝐢𝐠𝐢 𝐧𝐠 𝐒𝐞𝐠𝐮𝐫𝐢𝐝𝐚𝐝 𝐬𝐚 𝐏𝐚𝐠𝐤𝐚𝐢𝐧

Hulyo 23, 2026 — Bilang pagkilala sa mahalagang papel ng mga magsasaka sa pagtataguyod ng seguridad sa pagkain ng bansa, sama-samang lumahok ang mga kawani ng NFA Davao del Sur Branch Office at NFA Regional Office XI sa isang 𝘳𝘪𝘤𝘦 𝘵𝘳𝘢𝘯𝘴𝘱𝘭𝘢𝘯𝘵𝘪𝘯𝘨 𝘪𝘮𝘮𝘦𝘳𝘴𝘪𝘰𝘯 𝘢𝘤𝘵𝘪𝘷𝘪𝘵𝘺 na isinagawa sa Calinan, Davao City.

Ang gawaing ito ay bahagi ng patuloy na pagsisikap ng ahensya na mapalalim ang pag-unawa at pagpapahalaga ng mga kawani sa mahalagang ambag ng mga magsasaka sa lipunan.

Sa pamamagitan ng aktuwal na pakikiisa sa pagtatanim ng palay, nagkaroon ang mga kawani ng pagkakataong mas maunawaan ang mga hamon, sakripisyo, at dedikasyong iniaalay ng ating mga magsasaka upang matiyak ang sapat at tuloy-tuloy na suplay ng pagkain para sa sambayanang Pilipino.

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨

23/07/2026

𝗡𝗙𝗔 𝗫𝗜 𝗦𝗔 𝗦𝗔𝗞𝗔𝗛𝗔𝗡: 𝗞𝗔𝗜𝗦𝗔 𝗡𝗚 𝗠𝗚𝗔 𝗠𝗔𝗚𝗜𝗚𝗜𝗧𝗜𝗡𝗚 𝗡𝗔 𝗠𝗔𝗚𝗦𝗔𝗦𝗔𝗞𝗔

Hulyo 23, 2026 | Davao City — Sama-samang nakiisa ang mga empleyado ng NFA Regional Office XI at NFA Davao del Sur Branch sa pagtatanim sa sakahan sa Calinan, Davao City.

Ang layunin ng nasabing aktibidad ay upang maranasan ang hirap at halaga ng pagsasaka, bilang tanda ng pagkilala sa walang kapantay na dedikasyon ng mga magigiting na magsasakang Pilipino.

Bagama’t hindi man kayang masaklaw ng maikling karanasan ng mga empleyado ang lahat ng pagod at hirap na dinaranas ng mga magsasaka, nagbigay ito ng pagkakataon na maramdaman, ang pawis, tiyaga, at pagmamahal na siyang bumubuo sa pundasyon ng ating seguridad sa pagkain.

Isang umaga ng pagtatanim, isang hakbang ng pagkilala na ang bawat butil ng palay ay patunay ng walang sawang pagsusumikap ng magsasaka para sa sambayanan.

Taos-pusong nagpapasalamat ang NFA Region XI sa mga magsasakang Pilipino—mga bayani ng ating hapag-kainan, na sa kanilang sakripisyo ay naipapamana ang kasiguruhan ng pagkain sa bawat tahanan. — Christine Mae L. Castro

𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨
See less

25/06/2026

𝐌𝐚𝐬 𝐌𝐚𝐚𝐲𝐨𝐬 𝐧𝐚 𝐏𝐚𝐦𝐢𝐦𝐢𝐥𝐢 𝐧𝐠 𝐏𝐚𝐥𝐚𝐲: 𝐍𝐅𝐀 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐂𝐨𝐧𝐬𝐮𝐥𝐭𝐚𝐭𝐢𝐯𝐞 𝐌𝐞𝐞𝐭𝐢𝐧𝐠 𝐊𝐚𝐬𝐚𝐦𝐚 𝐚𝐧𝐠 𝐦𝐠𝐚 𝐌𝐚𝐠𝐬𝐚𝐬𝐚𝐤𝐚

Matagumpay na isinagawa ng NFA Davao del Sur ang Consultative Meeting hinggil sa planong pagpapatupad ng Purchase Order System sa pagbili ng palay. Dumalo sa nasabing pagpupulong ang mga lider ng iba't ibang samahan ng mga magsasaka sa probinsya upang talakayin ang mga detalye ng naturang sistema.

Sa pamamagitan ng aktibong talakayan at palitan ng pananaw, nakakuha ang ahensya ng mahahalagang opinyon, mungkahi, at rekomendasyon mula sa mga magsasaka. Ang mga ito ay magsisilbing gabay sa higit pang pagpapahusay ng sistema upang matiyak na ito ay tumutugon sa kanilang mga pangangailangan at kapakanan, habang pinaiigting ang kahusayan at kalidad ng serbisyong ibinibigay ng NFA.

"Tiyak ang Bigas, Panatag ang Bukas"