𝐏𝐡𝐢𝐥𝐑𝐄𝐂𝐀 𝐏𝐚𝐫𝐭𝐲𝐥𝐢𝐬𝐭 - 𝐂𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞

02/06/2026

28/05/2026

𝗛𝗢𝗨𝗦𝗘 𝗔𝗣𝗣𝗥𝗢𝗩𝗘𝗦 𝗙𝗢𝗨𝗥 𝗖𝗢𝗢𝗣𝗘𝗥𝗔𝗧𝗜𝗩𝗘 𝗙𝗥𝗔𝗡𝗖𝗛𝗜𝗦𝗘𝗦 𝗢𝗡 𝗧𝗛𝗜𝗥𝗗 𝗥𝗘𝗔𝗗𝗜𝗡𝗚

Aprubado na sa Ikatlong Pagbasa ang 𝗛𝗼𝘂𝘀𝗲 𝗕𝗶𝗹𝗹 𝗡𝗼𝘀. 𝟵𝟬𝟬𝟮, 𝟵𝟬𝟬𝟯, 𝟵𝟬𝟬𝟰, 𝗮𝘁 𝟵𝟬𝟬𝟱 na nagkakaloob ng prangkisa sa Camarines Sur II Electric Cooperative (CASURECO2 ), Camarines Norte Electric Cooperative (CANORECO ), Pangasinan I Electric Cooperative-PANELCO I at Camarines Sur I Electric Cooperative (CASURECO I ) upang maipagpatuloy nila ang kanilang operasyon sa pamamahagi ng kuryente sa kanilang mga miyembro-konsumidores at mga komunidad na kanilang pinaglilingkuran.

Ang pag-usad nito sa Kongreso ay malinaw na indikasyon ng matibay na suporta ng ating mga mambabatas sa ating mga kooperatiba. Sa huli, mananatiling kakampi ninyo ang Power Bloc sa pagsusulong ng kapakanan ng ating sektor at sa interes ng ating mga kababayan.

14/05/2026

Isang mainit na pagtanggap at pasasalamat sa ating mga kasama at Warriors of Light mula sa Camarines Norte Electric Cooperative, Inc. (𝗖𝗔𝗡𝗢𝗥𝗘𝗖𝗢) sa inyong pagbisita sa ating opisina!

Patuloy tayong magkaisa para sa ikabubuti ng ating mga miyembro-konsumidores. Mabuhay ang CANORECO!

12/05/2026

𝗣𝗢𝗪𝗘𝗥 𝗕𝗟𝗢𝗖 𝗙𝗜𝗟𝗘𝗦 𝗥𝗘𝗦𝗢𝗟𝗨𝗧𝗜𝗢𝗡 𝗦𝗘𝗘𝗞𝗜𝗡𝗚 𝗥𝗘𝗩𝗜𝗘𝗪 𝗢𝗡 𝗚𝗘𝗔-𝗔𝗟𝗟 𝗖𝗛𝗔𝗥𝗚𝗘𝗦, 𝗘𝗥𝗖 𝗛𝗔𝗟𝗧𝗦 𝗚𝗥𝗘𝗘𝗡 𝗘𝗡𝗘𝗥𝗚𝗬 𝗙𝗘𝗘𝗦

Noong May 4, 2026, naghain sina PhilRECA Party-List Rep. Presley C. De Jesus at APEC Party-List Rep. Sergio C. Dagooc ng House Resolution No. 978 upang imbestigahan ang legality, validity, at constitutionality ng Green Energy Auction Allowance (GEA-All) na ipinapataw sa mga konsyumer sa ilalim ng ERC Resolution No. 06, Series of 2025.

Kasunod ng paghahain ng nasabing resolusyon, naglabas kaagad noong May 08, 2026 ang Energy Regulatory Commission (ERC) ng hakbang na pansamantalang ipahinto ang koleksyon ng GEA-All habang sinusuri ang mga isyung kaugnay ng implementasyon nito.

Hindi tutol ang Power Bloc sa renewable energy. Gayunman, naniniwala ito na ang pagsusulong ng malinis na enerhiya sa bansa ay dapat nakabatay sa malinaw na legal at konstitusyunal na basehan, lalo na kung may kaakibat itong dagdag-singil na direktang makaaapekto sa bawat pamilyang Pilipino.

Sa ilalim ng House Resolution No. 978, layunin nitong suriin kung ang naturang charge ay may sapat na statutory basis at kung naaayon ito sa mga kapangyarihang ipinagkaloob ng batas sa ERC. Para sa Power Bloc, mahalagang matiyak na ang anumang bagong obligasyong pinansyal na ipapataw sa consumers ay dumaan sa wastong proseso at mahigpit na pagbubusisi ng Kongreso.

Sa huli, sinusuportahan ng Power Bloc ang pansamantalang paghinto ng ERC sa koleksyon ng GEA-All, subalit hindi dapat dito ito magtatapos. Sa huli, patuloy nating babantayan ang isyung ito para masiguro natin ang abot-kayang kuryente, transparency sa paniningil, at proteksyon sa kapakanan ng bawat konsyumer, lalo na sa panahon ng patuloy na pagtaas ng presyo ng mga pangunahing bilihin at serbisyo.

11/05/2026

Higit pa sa pagiging ilaw, ikaw ang nagbibigay ng halaga at kulay sa aming mundo. Salamat sa bawat sakripisyo at sa pag-aaruga na kailanman ay hindi matatawaran.

Mula sa PhilRECA Party-list, 𝗛𝗮𝗽𝗽𝘆 𝗠𝗼𝘁𝗵𝗲𝗿’𝘀 𝗗𝗮𝘆 𝗽𝗼!!