Atorni Naguib Sinarimbo

05/06/2026

Ngayong huling araw ng Brigada Eskwela, personal nating pinuntahan ang Kimpo Elementary School para tingnan ang mga preparasyon ng paaralan para sa pasukan at maghatid ng ating tulong na supplies, equipment at bigas para sa mga volunteers. Pagkatapos nito, tumuloy ang ating team sa Rojas Elementary School para maghatid din doon ng parehong mga kagamitan.

Kahapon, June 4, 2026, tinungo rin ng ating team ang Cotabato City Central Pilot School, L.R. Sebastian Elementary School, Datu Ayunan Elementary School, at Buaya-Buaya Elementary School upang ihatid ang parehong tulong mula sa ating tanggapan. Inaasahan natin na makakatulong ang munting ambag na ito sa pagpapanatiling malinis, maayos, at handa ang ating mga paaralan para sa pagbubukas ng klase.

Ang pagsisigurong ligtas ang pagbabalik ng mga mag-aaral sa mga eskwelahan ay trabaho nating lahat kaya maraming salamat sa lahat ng naging parte ng ating inisyatiba, sa ating team, sa mga barangay LGUs, sa mga pamunuan ng mga paaralang binisita natin, at sa ating butihing BARMM Chief Minister Abdulraof "Sammy Gambar" A. Macacua.

02/06/2026

Ang kapayapaan ay hindi natatapos sa pagpirma ng isang kasunduan. Ang tunay na hamon sa atin ay kung paano natin maisasalin ang mga pangako nito tungo sa matatag at epektibong mga institusyon na kayang tugunan ang mga hamon ng ating panahon.

Ito ang dahilan kung bakit mahalaga ang nalalapit na Bangsamoro Parliamentary Elections. Ang tagumpay nito ay hindi lamang para sa Bangsamoro kundi para sa buong Republika. Sa pamamagitan ng mga institusyong ating sama-samang binuo sa ilalim ng Comprehensive Agreement on the Bangsamoro (CAB), pinatutunayan natin na ang kapayapaan ay maaaring mapanatili sa pamamagitan ng demokratikong pamamahala at pakikilahok ng mamamayan.

30/05/2026

May tanong nitong nakaraang Sabado sa 3rd Mindanao Book Festival mula sa isang kabataang Dabaweño: Bakit daw kailangang makialam ang mga Mindanaon sa labas ng BARMM sa darating na Bangsamoro Parliamentary Elections?

Ang sagot natin ay dahil hindi lamang usaping panrehiyon kundi usaping pambansa rin. Sa ilalim ng Comprehensive Agreement on the Bangsamoro at Bangsamoro Organic Law, may natatanging fiscal arrangement na nagbibigay sa Bangsamoro ng bahagi sa pambansang kita, kabilang ang taunang block grant na katumbas ng 5% ng net national internal revenue at customs collections, pati na rin ang bahagi nito sa mga buwis na nakokolekta sa rehiyon. Dahil dito, ang bawat Pilipino ay may interes sa magiging direksyon ng Bangsamoro. Ang kalidad ng pamamahala pagkatapos ng halalan ay makaaapekto hindi lamang sa kapayapaan, kaunlaran, at katatagan ng rehiyon, kundi pati na rin sa mas malawak na layunin ng pambansang pagkakaisa at pag-unlad.

26/05/2026

Lawyer Naguib Sinarimbo, Member of Parliament and spokesperson of the Bangsamoro Federalist Party (BFP), said: “You should care because part of the taxes you pay to the national government goes to the Bangsamoro — 5% of internal revenue taxes plus if you are engaged in importation, exporting goods, 5% of cost of duties also goes to the Bangsamoro. So your money goes into us too. You should care who governs and who governs better in the aftermath of the elections.”

READ: Why should Mindanawons outside BARMM care about the Sept. 14 polls?

DAVAO CITY (MindaNews / 26 May) –  A young Dabawenyo who attended the Bangsamoro Beyond the Transition Period forum over the weekend, thanked

26/05/2026

Eid Al-Adha Mubarak! 🌙🐐

Let us keep in our du’aas the needy, the sick, the Muslims who are experiencing all forms of oppression, and those who are grieving, struggling in silence, or searching for hope and ease. May Allah grant them strength, mercy, relief, and peace, and may He give us the opportunity to help one another. Allahumma Ameen. 🤲🏻

22/05/2026

PAGLILINAW sa pagkakasali ng pangalan ni MP Atty. Naguib Sinarimbo bilang co-author sa BTA Bill Nos. 468 and 469

Assalamu alaykum.

Nililinaw natin na wala tayong pinirmahang mga panukalang batas na naglalayong alisin ang political dynasty restrictions sa ilalim ng Bangsamoro Autonomy Act Nos. 35 at 49, o ang Bangsamoro Electoral at Local Governance Codes. Tayo ay imbitado lamang bilang co-author ngunit hindi tayo pumirma sa mga nasabing panukala.

Ayon din sa administrative rules ng Bangsamoro Transition Authority, maaaring maisama sa unang pagbasa at press release ang mga inimbitahang co-authors kahit na hindi pa nakapirma sa panukala. Ito ang karaniwang proseso habang hinihintay pa ang pinal na kumpirmasyon at lagda ng mga inimbitahang co-authors.

Nananatili po tayong naninindigan para sa Konstitusyon, rule of law, at malakas na reporma sa pamamahala sa rehiyon. Tayo ay lalahok sa malawakang konsultasyon, committee deliberations, at debate sa Parliament patungkol sa panukalang ito.

MP Atty. Naguib G. Sinarimbo

19/05/2026

GOOD NEWS!

Assalamu alaykum! Open na po ulit ang ating tanggapan para sa endorsements sa mga pasyenteng nangangailangan mag-avail ng Bangsamoro Critical Assistance in Response to Emergency Situations (B-CARES) Program ng Ministry of Social Services and Development (MSSD).

Ano ang mga serbisyong pwedeng i-endorso?

✅ Medical assistance kabilang ang 𝗵𝗼𝘀𝗽𝗶𝘁𝗮𝗹 𝗯𝗶𝗹𝗹, 𝗴𝗮𝗺𝗼𝘁, 𝗱𝗶𝗮𝗹𝘆𝘀𝗶𝘀, 𝗹𝗮𝗯𝗼𝗿𝗮𝘁𝗼𝗿𝘆 𝗳𝗲𝗲𝘀, 𝗮𝘁 𝗮𝘀𝘀𝗶𝘀𝘁𝗶𝘃𝗲 𝗱𝗲𝘃𝗶𝗰𝗲𝘀
✅ Burial assistance

Ano ang mga ospital na covered?

🏥 Cotabato Regional and Medical Center (CRMC)
🏥 Cotabato Sanitarium and General Hospital (CotSanGen), Sultan Kudarat

Ano ang hindi covered ng assistance program?

🚩 Professional fee
🚩 Outside BARMM residency

Paano ito maa-avail?
1. Ihanda ang:
📌 Valid ID ng pasyente
📌 Hospital bill o reseta
📌 Medical abstract (para sa hospitalized patient)
📌 Pangalan at contact details ng watcher/requester

2. I-contact si Mr. Nash Mohammad sa 0936 664 1259 (8𝗔𝗠 - 5𝗣𝗠 𝘄𝗲𝗲𝗸𝗱𝗮𝘆𝘀 𝗼𝗻𝗹𝘆)

3. Dalhin ang photocopy ng mga requirements na nabanggit at pumunta sa Office of MP Atty. Naguib Sinarimbo - #9 Corner San Gregorio and San Juan Streets, RH 13, Cotabato City (near Kimpo Elementary School) (8𝗔𝗠 - 5𝗣𝗠 𝘄𝗲𝗲𝗸𝗱𝗮𝘆𝘀 𝗼𝗻𝗹𝘆)

4. Hintayin na maaprubahan ang endorsement (10-15 mins. waiting time)

5. Dalhin and endorsement kasama ang orihinal na kopya ng mga dokumento sa MSSD Office sa Don Rufino Alonzo Street (former Landbank building)

‼️Paala-ala: ang ating tanggapan ay nagbibigay lamang ng endorsements sa MSSD at may proseso pang daraanan sa ilalim ng Ministeryo upang maaprubahan ang request for assistance.

Maaari ring bisitahin ang website ng MSSD BCARES para sa kumpletong detalye ng programa 👉 https://mssd.barmm.gov.ph/bcares-program/

18/05/2026

Nitong nakaraang Sabado, sumama tayo sa Bangsamoro Federalist Party Unity Assembly para sa mga supporters at mga kapartner ng partido sa Special Geographic Area. Malapit sa atin ang SGA dahil noong 2019, dito tayo nangampanya para sa plebisito at naipanalo natin ang 63 barangays sa teritoryo na ngayon ay tumatamasa ng kalinga ng BARMM. Sa aktibidad, nasa 1,459 na mga M**F-BIAF base commanders at members ang sumanib sa partido, patunay ng malakas na suporta sa mga adhikain ng partido at tiwala sa pamunuan nito.

Maraming salamat sa SGA Secretariat at sa mga dumalo! Tunay tayong malakas at nagkakaisa kapag patungo sa iisang direksyon: .

14/05/2026

Thank you very much, Mahardika Party. Truly humbled by the trust you repose on me by this endorsement.

ATTY. NAGUIB GANI SINARIMBO: GOVERNANCE WITH INTEGRITY, SERVICE WITH HEART

Si Atty. Naguib Gani Sinarimbo ay isang abogado, mambabatas, at eksperto sa pamamahala na buong buhay ay inialay sa reporma, hustisya, at mabuting pamamahala para sa Bangsamoro at Mindanao. Sa loob ng mahigit dalawang dekada, pinanday niya ang kanyang karera sa paglilingkod na nakaugat sa pag-angat ng mga naaapi, pagtataguyod ng kapayapaan, at pagpapatibay ng demokrasya.

Champion of Governance and Reform

Bilang Minister of the Interior and Local Government, pinalakas niya ang kakayahan ng mga lokal na pamahalaan at itinaguyod ang pundasyon ng demokratikong pamamahala sa BARMM. Bilang spokesperson ng Bangsamoro Government, siya ang naging tinig ng rehiyon sa panahon ng kritikal na transisyon, malinaw na ipinahayag ang ating mga mithiin at tagumpay.

Voice of Peace and Justice

Kasama sa M**F Peace Panel’s Legal Team, naging mahalaga ang kanyang papel sa mga negosasyong nagbunga ng Bangsamoro Organic Law at sa pagtatatag ng BARMM. Sa kanyang karanasan sa academe, civil society, at legal profession, nagbigay siya ng teknikal na suporta sa mga LGU, NGO, at internasyonal na institusyon gaya ng UNDP, UNFPA, at World Bank, na nagpatibay sa mga reporma at kaunlaran sa rehiyon.

Steadfast Public Servant

Bilang Executive Secretary ng ARMM (2009–2011), tumulong siyang patatagin ang Maguindanao matapos ang trahedya ng Maguindanao Massacre, isinulong ang transparency reforms, at pinangunahan ang mga tugon sa krisis—naglatag ng pundasyon para sa isang mas responsable at tumutugon na pamahalaan.

Ngayon, bilang Member of Parliament sa Bangsamoro Transition Authority, patuloy niyang isinusulong ang mga batas na direktang nakikinabang ang mga mamamayan ng Bangsamoro.

Sa kanyang kandidatura bilang District Representative ng Cotabato City 2nd District, dala ni Atty. Naguib Sinarimbo ang kanyang integridad, talino, at malasakit upang higit pang palakasin ang tinig ng Cotabato City sa pambansang lehislatura.

Ang kanyang pamumuno ay patunay na ang mabuting pamamahala ay hindi lamang prinsipyo—ito ay serbisyo na may puso para sa tao.