19/01/2026
ππππ πππ πππππππππππ π-πππππ πππ πππππππ ππ πππ ππππ ππ ππππππππππ
Isinusulong sa Bangsamoro Parliament ang isang panukalang batas na naglalayong magbigay ng graduate scholarships para sa mga g**o sa ilalim ng Ministry of Basic, Higher, and Technical Education (MBHTE), bilang tugon sa pangangailangang mapataas ang kalidad ng pagtuturo at matugunan ang kakulangan ng mga g**o sa mga espesyalisadong asignatura sa rehiyon.
Ang panukala, na kilala bilang Parliament Bill No. 428 o MBHTE Teachers Graduate Scholarship Act, ay pangunahing iniakda ni MP Adzfar Usman. Layunin nitong magbigay ng pinansyal at akademikong suporta sa mga g**ong nagnanais kumuha ng masterβs o doctorate degree sa mga larangang direktang kaugnay ng kanilang kasalukuyang pagtuturo.
Sa ilalim ng panukalang batas, sasagutin ng scholarship ang matrikula, living allowance, research support, at iba pang gastusing pang-edukasyon. Kapalit nito, obligado ang mga benepisyaryo na maglingkod sa mga paaralan sa Bangsamoro ng isang taon sa bawat isang taong natanggap na scholarship, upang matiyak na ang puhunan ng pamahalaan ay direktang mapapakinabangan ng mga mag-aaral at institusyon.
Nilinaw rin sa panukala na ang mga g**ong hindi makatatapos ng kanilang programa o hindi tutupad sa return-service obligation ay kinakailangang isauli ang lahat ng natanggap na benepisyo, bilang bahagi ng mekanismo ng pananagutan.
Ayon kay Usman, kinikilala na ng Bangsamoro Education Code ang kahalagahan ng pagsuporta sa mga g**o, subalit wala pang umiiral na batas na aktuwal na nagpapatupad ng ganitong polisiya. Aniya, layon ng panukalang ito na punan ang kakulangang iyon at gawing kongkreto ang suporta ng pamahalaan sa professional development ng mga g**o.
Binibigyang-prayoridad ng bill ang mga larangang kritikal sa kaunlaran ng rehiyon, kabilang ang STEM (science, technology, engineering, and mathematics), teacher education at leadership, Madaris at Islamic education, special at inclusive education, technical-vocational skills, at information, communication, and technology (ICT).
Dagdag pa ni Usman, tinitiyak ng panukala na ang pamumuhunan sa pagsasanay ng mga g**o ay magreresulta sa mas mahusay na pagkatuto ng mga estudyante, mas matatag na institusyong pang-edukasyon, at paglinang ng mas mataas na antas ng kasanayan sa lakas-paggawa ng Bangsamoro.
Sa ilalim ng panukalang batas, ang MBHTE ang mangangasiwa sa pagtanggap ng aplikasyon, pagpili ng mga iskolar, at patuloy na monitoring ng kanilang pag-aaral at serbi
