14/10/2025
Public Announcement:
Subject: Padayon ang Basketball League ug mga Protocol sa Kaluwasan
Ang Munisipyo sa Madridejos mipahigayon og hugot nga inspeksyon sa Cultural Center human sa lig-on nga aftershock nga may kalabot sa nahitabong linog. Base sa pagtuki sa mga inhenyero ug safety officers, ang maong pasilidad gikompirma nga luwas gamiton ug walay hulga sa kaluwasan. Busa, ang Basketball League magpadayon sa maong venue subay sa iskedyul.
Apan, aron masiguro ang kaluwasan sa tanang mga magdula, manan-aw, ug kawani, ang Madridejos Sports naghimk ug giyang pang-emerhensiya nga sundon kon adunay kusog nga aftershock nga mahitabo atol sa dula.
Note: Sa safety map/drawing nga makita sa ubos, pasudlan ug tawo ang portion nga “off limits” kung ugaling mapuno na gyud ang masigkakilid sa aton Cultural Center. Amo pod hangyoon ang mga fans nga unahon nato paglingkod ang sa ubos nga lingkuranan - molingkod ta sa taas kung puno na gayud sa ubos.
Ang sports committee naay gahom nga mo limit ug pasulod sa mga tao nga motan-aw sa dulang basketball. Kung pamati ninyo nga puno na ang venue, hangyo na lang mog kaila nga mag live video sa sulod para maka share sa inyoha ug makakita ang tanan.
⸻
⛑️Mga Lakang sa Kaluwasan Kon Adunay Aftershock:
1. Hunong Dayon sa Dula
• Ang referee o opisyal sa dula mopahibalo sa paghunong sa dula diha-diha dayon.
• I-anunsyo sa sound system ang kahimtang aron ipahibalo sa tanan.
2. Organisadong Pag-evacuate
• Tanang manan-aw, magdula, ug opisyal kinahanglan nga kalma ug paspas nga mogawas sa pinakaduol nga exit. Palihug sunda ang mapa nga anaa sa ubos.
• Sundon ang mga instruksyon sa committee, referee, gwardya, ug mga emergency personnel.
3. Mga Dapit sa Pagtapok (Assembly Areas)
• Human mogawas, padayon sa designated evacuation area nga luwas ug hayag nga gitakda.
• Pabilin sa tapokanan hangtod adunay klaro nga mando gikan sa mga otoridad.
4. Tabang Medikal
• Adunay mga first aid responders nga andam motabang sa mga nanginahanglan og medikal nga tabang.
5. Pagpadayon sa Dula
• Ang mga kalihokan ipadayun lamang kung adunay pahimangno gikan sa munisipyo nga luwas na ang venue gamiton pag-usab.
⸻
🛡️ Our Commitment:
Ang kaluwasan sa katawhan mao ang among pangunang prioridad. Nanghinaut kami nga ang tanan magmatngon, motuman sa mga gitudlo nga lakang sa kaluwasan, ug motabang sa mga otoridad kon adunay emerhensiya.
Let us enjoy the games while keeping safety in mind.
Amping kanunay, Lawisanon!
Padayong Luwas, Madridejos!
💪
