Sangguniang Kabataan of Daang Amaya III

16/09/2026

Ang Sangguniang Kabataan of Daang Amaya III ng Barangay Daang Amaya 3, Tanza, Cavite ay lubos na nagdadalamhati sa Pagkawala ng isa sa aming tapat, maaasahan at kailan may hindi binigo ang nasasakupan sa pagbibigay ng tulong at pag-aayos ng mga kaguluhan sa aming lugar.

Nawala man ang presensya ni konsehal Edwin Dayo Sr., ngunit hindi namin malilimutan ang inyong Dedikasyon at Serbisyong tapat para sa ating mga nasasakupan.

Maraming Salamat po sa naging aktibong serbisyo at Malasakit sa kapwa sa Mamamayan ng ating barangay. 🫶

21/08/2026

Crowns, pride, and unforgettable moments! 👑🌈

​Join us as 8 incredible candidates take the stage for Ms. Pride Ambassadress 2026 of Barangay Daang Amaya III! Who will carry the crown and serve as the voice of unity, beauty, and advocacy?

​📅 August 22, 2026
⏰ 6:00 PM
📍 Daang Amaya III

​Come support your favorite candidate and celebrate love, diversity, and empowerment with us! ✨

18/08/2026

Sa Pangunguna ng ating butihing Punong Barangay Divernie A. Blanco at SK CHAIRPERSON Joshua B. Bautista Tunay na ipinagmamalaki ng ating Sangguniang Kabataan of Daang Amaya III ang mga kinatawan ng ating barangay pagdating sa larangan ng pagsasayaw!

Binabati namin ang Grupo ng Hataw Suprema na nagkamit ng 1st Place sa Ginanap na NAGKAKAISANG DAANG AMAYA STREET DANCING COMPETITION 2026

Binabati rin namin ang Grupo ng BATANG OLUP na tinanghal Bilang KAMPIYON SA NAGKAKAISANG DAANG AMAYA STREET DANCING COMPETITION 2026

18/08/2026

August 18, 2026

Isang masaya at malugod na pagdating ng ating mahal na patron San Agustin sa ating Barangay.

Nagpapasalamat ang Sangguniang Kabataan sa mga nagbuhat at nakiisa sa mapayapa, malinis at makabuluhang Taunang Karakol ni Tata Usteng ❤️❤️❤️

17/07/2026

PAANYAYA!

Ang Pamahalaang Barangay ng Daang Amaya III, sa pamamagitan ng Barangay Council for the Protection of Children (BCPC), ay malugod na nag-aanyaya sa lahat ng mga bata sa ating barangay na makiisa sa ating Feeding Program.

Petsa: Hulyo 18, 2026 (Sabado)
Oras: 9:00 ng umaga
Lugar: Barangay Basketball Covered Court

Inaanyayahan namin ang lahat ng mga bata na dumalo at makibahagi sa programang ito na naglalayong itaguyod ang kanilang kalusugan at wastong nutrisyon.

Kita-kits po tayo!

Maraming salamat po.

04/07/2026

04/07/2026

📣 STREET DANCING COMPETITION 2026 📣

Handa na ba kayong gisingin ang entablado at ipakita ang nagbabagang talento ng inyong grupo? Oras na para magpasiklab sa pinakamaalamat na sayawan ng taon! 🔥

Ngayong 2026, ating saksihan ang pagtatagpo ng tradisyon at modernong indayog sa:

✨ THEME: FESTIVAL FUSION ✨
Isang natatanging paghaharap ng modern street dances (tulaban ng Hip-hop, Locking, at Breaking) na may swabe at makasaysayang kombinasyon ng Traditional Ethnic o Folk steps!

📅 SAVE THE DATE & DETAILS
📍 Kailan: August 18, 2026 (Martes)
⏰ Oras: 7:00 PM
🏢 Saan: Infront of Fortune King

👥 MGA ALITUNTUNIN AT GABAY (GUIDELINES):
📌Bilang ng Miyembro: 8 hanggang 15 miyembro lamang bawat grupo.
📌Haba ng Sayaw (Time Limit): Minimum ng 3 minuto at Maximum ng 5 minuto.
📌Ito ay para lamang sa mga taga Barangay Daang Amaya I Barangay Daang Amaya II at Barangay Daang Amaya 3
📌 Dalawang grupo bawat barangay lamang ang makakasali
🚨 DEADLINE OF SUBMISSION OF ENTRY:
📅 July 18, 2026 (Huwag magpahuli, limitadong slots lamang ang maaari nating tanggapin!)

ℹ️ Para sa kumpletong detalye, mekaniks, at pagpaparehistro:
Mangyaring mag-direct message (DM) o makipag-ugnayan kay Chairman Joshua Blanco Bautista

I-tag na ang inyong tropa, simulan na ang practice, at sabay-sabay nating yanigin ang Barangay Daang Amaya 3 💃🕺⚡

27/06/2026

Isang napakatagumpay at makulay na umaga ang naganap nitong June 27! Buong-pusong nagtipon-tipon ang ating mga kabataan para sa ginanap na Art Workshop ng Barangay Daang Amaya III.

Ang gawaing ito ay matagumpay na naisakatuparan sa pangunguna at paggabay ng Sining Kamalayan Cultural Artist (SKA), na nagbahagi ng kanilang talento, oras, at inspirasyon upang payabungin ang sining sa ating komunidad.

Lubos ang ating pasasalamat sa walang-sawang pagsuporta ng ating ama ng barangay, Punong Barangay Kap. Divernie Araracap Blanco sa Local Youth Development Office, at sa aktibong liderato ng ating SK Chairman Joshua Bautista, na palaging nagbubukas ng mga oportunidad para sa paglago at pag-unlad ng kakayahan ng kabataang DA3.

at Walang hanggang pasasalamat rin sa ama ng Bayan ng Tanza Mayor SM Matro na Walang Sawang sumusuporta sa lahat ng Proyekto sa ating Barangay! 💚💚

Salamat sa lahat ng mga kabataang nakiisa at nagpakita ng kanilang natatanging galing sa pagpinta at pagguhit! Ipagpatuloy natin ang pagkulay sa ating magandang kinabukasan! 🏛️❤️

27/06/2026

Malugod po kayong inaanyayahan sa Regional Launch of Nutrition Month 2026 at Marketplace: Nutri Presyo, Nutri Affordable.

📅 Petsa: Lunes, Hulyo 6, 2026
🕗 Oras: 8:00 ng umaga pataas
📍 Lugar: Tanza Convention Center, Tanza, Cavite

Tampok sa programa ang pagbebenta ng rehiyonal, panlalawigan, at pambayang lokal na produkto, sariwang ani, masusustansyang pagkain, at mga abot-kayang produktong pangkalusugan.
Isinasagawa ang gawaing ito sa pakikipagtulungan ng mga rehiyonal, panlalawigan, at pambayang tagapagtaguyod ng mga lokal na produkto upang higit na maisulong ang mabuting nutrisyon at suportahan ang mga lokal na magsasaka at negosyante.

💚 Tema: Sa PPAN: Sama-sama sa Nutrisyong Sapat Para sa Lahat
💚 Sub-tema: Nutrisyon at Kalikasan, Ating Pangalagaan!

Halina't makiisa at suportahan ang ating mga lokal na produkto para sa mas malusog, mas matatag, at mas ligtas sa pagkain na pamayanan.

Malusog ngayon, para sa bukas na mas magandang pamayanan!