02/06/2026
๐
๐๐๐๐๐๐ | ๐ฌ๐๐ฃ๐๐ ๐ง๐จ๐ก๐๐ข ๐ฆ๐ ๐ฃ๐๐ก๐๐๐ฅ๐๐ฃ: ๐ง๐จ๐ก๐๐ฌ ๐ก๐ ๐ฃ๐๐๐๐๐๐๐๐๐๐๐๐ก ๐ฆ๐ ๐๐๐ก๐๐๐ช๐ ๐๐ง ๐๐๐ฅ๐๐ฃ
Kamakailan lamang ay kumalat sa social media ang larawan ng magkaibigan na sina Nelly Jane Bustinera at Jonalyn Bolalin nang sila ay walang kaalam-alam na makuhanan ng larawan ng isang maniniyot habang tulak ng kaibigan ni Jonalyn na si Nelly Jane ang kaniyang wheelchair. Umani ng samoโt saring reaksyon ang kuhang larawan ng maniniyot na si Pitik Ni Porโmarami ang naantig sa larawan at nagpa-abot ng suporta sa magkaibigan.
โMay we all find this kind of friendshipโ ani ng isang netizen sa kaniyang komento sa nasabing larawan.
Ngayon ay ating tunghayan ang kuwento ng pangarap at tunay na pagkakaibigan.
------
Ayon sa aking panayam sa magkaibigan, ay papauwi na sila noon pagkatapos ng kanilang klase, papuntang centro at doon maghihintay ng sundo (ama ni Jonalyn), habang ang kaibigan naman nitong si Nelly Jane ay ang nagtutulak ng kaniyang wheel chair habang kasama ang ilan sa kanilang mga kaklase at kaibigan na nagdesisyong maglakad na lamang upang mag-bonding na diumanoโy naglalakad sa bandang likuran nila at hindi na nahagip ng camera.
Wala umanong kalam-alam ng magkaibigan na nakuhanan na pala sila ng litrato, hanggang sa kinaumagahan ay nakita na lang nila na kalat na sa news feed nila sa Facebook ang kanilang litrato at umani na ito ng samoโt saring reaksyon mula sa mga netizen, lalo na ang kanilang dating mga g**o, mga kamag-anak, at mga kaibigan.
Samantala, pareho silang nakapagtapos ng Elementarya sa Caranday Elementary School, si Jonalyn ay ang Salutatorian sa kanilang klase, Class of 2017, samantalang kasama naman sa Honor List si Nelly Jane. Pareho din silang mag-aaral ng Caranday National High School at nagtapos si Jonalyn bilang With Honors nang Class of 2023.
Noon pa man, simula elementarya, ay magkaibigan na ang dalawa hanggang sa pagtungtong nila ng kolehiyo. Kung kayaโt ayon sa kanila, hinubog na ng panahon at sinubok ng maraming mga pagkakataon ang kanilang pagkakaibigan. Ayon din kay Jonalyn ay halos magkapatid na ang turingan nila sa isaโt isa.
Madalas daw na ganoโn ang sistema na ang mga kaibigan niya ang nagtutulak ng wheelchair niya bago o pagkatapos ng kanilang klase, kung kayaโt para sa kanya biyaya niyang maituturing ang kaniyang mga kaibigan na mayroon siya.
Pangatlo sa apat na magkakapatid si Jonalyn. Mula noong ipinanganak siya ay hindi na sโya makalakad dahil sa kaniyang karamdaman. Ang sistemang ito ay danas niya mula noong elementarya hanggang sa makapagtapos siya ng sekondarya, kung kayaโt tuwing papasok ito ng paaralan ay matiyaga itong inihahatid at sinusundo ng kaniyang ama na si Tatay Jonathan. Labis ang sakripisyo ng kaniyang ama, karga-karga itong ihahatid sa pagpasok sa paaralan at karga-karga din na susunduin pagkatapos ng kaniyang klase.
Labis na lamang ang pasasalamat niya dahil kahit na ganoon ang kaniyang kalagayan ay mahal siya ng kaniyang mga magulang at mga kapatid niya, buo ang suporta sa kaniyang pag-aaral at sa pag-abot ng kaniyang mga pangarap. Madalang lamang ang pagkakataon na magkapiling sila ng kaniyang ina na si Nanay Arlene na nagtatrabaho upang matustusan ang pag-aaral niya at ng kaniyang bunsong kapatid na kasalukuyang nasa elementarya.
โThe hardest part for me is yung hindi ako makagalaw mag-isa, [hindi] ako makaakyat sa hagdan ng wala magbubuhat and syempre โyong transportation mahirap, buti na lang po full support si papa palagi kaya sobrang thankful ako sa parents ko na sobrang tiyga, at sakripisyo nila saakinโฆ [I am] grateful to God na binigyan nโya ako ng ganon na magulang, kapatid at mabubuting kaibigan.โ
Aniya, hindi madali ang kaniyang kalagayan at may mga pagkakataon din na hindi maiiwasan ang panghuhusga mula sa ibang tao. Ngunit ayon sa kaniya ginagamit na lamang niya itong motibasyon at lakas upang magpatuloy sa kung ano ang kaniyang nasimulan habang nakatuon ang kaniyang mga mata sa minimithi niyang pangarap na balang araw ay makakamit niya ang pangarap niyang diploma.
โDi naman mawawala ang judgment ng ibang tao pero think positive lang [lagi] kasi di naman na mababago [โyong] sitwasyon ko at tingin nila saโkin. Hindi ko naman po kasi kontrolado ang isip ng ibang tao pero for me gagamitin ko na lang โyon as motivation ko para maabot ko ang mga pangarap ko at ma-prove ko sa kanila na kaya ko din ang kaya ng isang normal na taoโ aniya, habang sa kabila ng mga pagsubok na ibinabato sa kaniya ng mundo ay nananatili siyang matatag at pursigido sa pag-abot ng kaniyang mga pangarap.
Hanggang ngayon ay hatid-sundo pa rin siya ng kaniyang ama patungo sa kaniyang paaralan sakay ng kanilang Topdown, pababa at pataas ng bukid. Habang patuloy na inaabot ang kaniyang mga pangarap. Habang kasalukuyan na silang 3rd Year College sa kursong Bachelor of Science in Informtion System (BSIS) sa Baao Community College ng kaniyang kaibigan na si Nelly Jane, sabay na nangangarap at puno ng pag-asa na magkasamang aabot sa kanilang mga pangarap para sa mas maayos at maningning na bukas.
Isa si Jonalyn sa patunay na hindi hadlang ang estado sa buhay, kapansanan, o kahit ano mang kakulangan sa pisikal na kaanyuan ng isang indibidwan upang maabot ang mga pangarap nito. Isa siyang inspirasyon para sa bawat kabataan at katulad niyang may karamdaman at nagbibigay ng paalala na gaano man kabigat ang ating sitwasyon sa buhay ay mananatiling mayroong paraan upang maabot ang ating mithiin kung magpupursige at magtitiwala sa nasa itaas.
Ito ang kaniyang bawat yapak tungo sa kaniyang inaabot na mga pangarap at ang kanilang tunay na pagkakaibigan sa ginhawa at sa hirap. Patunay lamang na ang tunay ba pagkakaibigan ay hindi kukupas subukin man ng panahon at ang tunay na kaibigan ay hindi ka iiwanan sa kahit ano man at sasamahan ka maging sa pag-abot ng iyong pangarap.
Ang tunay na kaibigan ay hindi ka hihilahin paibaba bagkus itutulak ka patungo sa iyong pangarap at upang maabot mo ang tugatog ng iyong tagumpay.
Photo courtesy: Pitik Ni Por
The Summit Feature | via Steven Dave S. Briรฑas
