24/05/2025
Mainitong gidawat sa katawhan ang programa sa DASIG sa Paglaum Village, Brgy. Imbatug, Baungon, Bukidnon.
Mismo si Paglaum Village President Alex Batutay ang nagpadayag sa iyang kalipay ug pasalamat nga napili sa DASIG ang ilang lugar nga mahimong usa sa mga pahamtangan sa aktibidad.
Sa maong aktibidad, mismo si DASIG project chairman Donna Marie Balangiao-Cahatol, LPT, MAED-EED ang nag-umol sa kamahinungdanon sa edukasyon ngadto sa kabataan ug dinhi sab mipakita sa ilang abilidad ang mga partisipante.
Makita sab ang tam-is nga pahiyom sa mga kabataan nga gidawat ang school supplies nga gitunol sa DASIG ngadto kanila.
Wala sab makapugong si Brgy. Imbatug Kapitan ug bag-ohay lamang napiling municipal Councilor Gelbes Vergara sa iyang kalipay ug naglaum nga daghan pang grupo nga mosundog sa DASIG nga pilion ang katawhan sa ilang Barangay nga hatagan sa batakang serbisyo.
Nagpasalamat sab ang DASIG ngadto sa kabataan, ginikanan, Paglaum Village officials ug sa tanang milambit ilabina kang Maam Maya Jangao nga nagsilbing tulay aron maputumam ang maong krusada. (DASIG)
