27/04/2026
๐๐ถ๐น๐ถ ๐บ๐ถ ๐๐ฎ๐ฝ๐๐น๐ฎ๐ป, ๐ป๐ฎ๐ป๐ถ๐ป๐ด๐ธ๐ฎ๐บ๐ผ๐ ๐บ๐ถ, ๐บ๐ฎ๐๐๐ฑ ๐๐ฎ ๐ธ๐ฎ๐ป๐ต๐ถ ๐ฐ๐ฃ๐
Nagtrabaho na isip Project Development Officer sa DSWD Field Office X si Hilda May C. Anacaya, kanhi benepisaryo sa 4Ps sa Puntod, Cagayan de Oro City.
Usa na ka Registered Social Worker si Hilda kinsa ni-gradwar nga Cum Laude sa kursong Bachelor of Science in Social Work sa Lourdes College sa nasangpit nga dakbayan niadtong school year 2022-2023.
Giklaro ni Hilda nga sayop ang giingon sa mga nisaway sa programa nga 'mga tapulan' ang mga benepisaryo.
"Isip usa ka anak sa benepisyaryo sa 4Ps, wala kami nagtinatapulan labi na ang akong mga ginikanan.
"Dili pasabot nahimo kaming 4Ps benepersyaryo tapulan nami, ang program wala nag tuklod para mahimo kaming tapulan,
"Kundi nagtuklod pa kini para kami maningkamot para sa among hayag og saktong dalan para sa among tagsa-tagsang kaugmaon," pagklaro ni Hilda.
"Usa pa dili mahimong tapulan, kay ga hatag pud usab kini og opportunity ang programa sa mga skills training base sa imong kakayahan.
"Naa ra rajud na sa imong kaugalingon og nag dako ka og na anad sa pag tinapulan dili about sa programa about ni mismo sa tao nga ga tinapulan,
"Kay kada benepesyaryo lahi lahi kamig kahimtang dili lang usa, duha, o tulo ang basehan," sulti ni Hilda.
Gipasabot niya nga, "dili kini mahimong pabigat kay isip kami usa sa mga benepesyaryo gigamit namo ang grants sa insaktong pama agi hilabi na sa among pag skwela og nahatag ang saktong nutrisyon nga among ginikinahanglan. "
"Para sa akoa, nagamit namo sa insaktong butang og pa agi ang grants nga nahatag," gidugang ni Hilda.
"4Ps o dili, kita naay kabahin sa pagbuhis. Ang cash grant dili lang ayuda, naa siyay kondisyon sama sa pag-eskwela ug health checkups, busa napuhunan ang edukasyon ug kahimsog.
"Tungod niini, nakahuman ko og skwela, nakatrabaho, ug karon nagabayad na pud og buhis.
"Sa simple nga punto: ang 4Ps tabang nga mobalik sa society, kay ang mga natabangan mahimong productive ug taxpayers sa umaabot.
"Ako nakalampos sa pag skwela pina ag isa pag paningkamot sa akong mga ginikanan sa ilang pag panarabaho.
"Niabot sa punto nga doble nga trabaho ang ilang gisudlan para maka-sustento sa ilang mga resposibilidad isip nga mga ginikanan namo.
"Dili tanan kaya sa 4Ps program ang among kailangan sa pang adlaw-adlaw gi-apilan kini og doble nga diskarte sa trabaho.
"Dako pud ang tabang sa pagpangita namo og scholarship og pag-take sa mga entrance exam og maka pili og scholarship nga align sa among mga pangandoy sa kinabuhi.
"Sa pagpaningkamot nga makakuha og scholarship, gipaningkamotan namo kini og pila ka tuig para ma-maintain ang among grado," asoy ni Hilda.
Gipakasama ni Hilda ang Pantawid Pamilyang Pilipino Program nga dili lang siya simpleng suporta usa siya ka kahigayonan ug puhunan sa kaugmaon.
Dili man dako ang cash grant, pero dako siyag epekto: makatabang siya nga ang bata makapadayon sa eskwela, ang pamilya makaatiman sa ilang kahimsog, ug makakat-on og responsableng pagdumala sa kinabuhi. "
"Tungod sa mga kondisyon sa programa, ginatudlo niini ang disiplina ug long-term nga pagtan-aw sa kaugmaon.
"Motibasyon para sa edukasyon โ tungod sa kondisyon nga kinahanglan musulod sa eskwela, mapugos gyud nga ma-prioritize ang pag-eskwela sa bata.
"Pag-amuma sa panglawas โ pinaagi sa checkups ug health sessions, mas maampingan ang mga bata ug buntis.
"Gatudlo ang programa sa benepisaryo nga mahimong responsable, dili kay dawat lang. Kinahanglan maningkamot ug sundon ang mga kondisyon.
"Busa para sa ako, ang 4Ps usa ka mahinungdanon nga tabang apan dili igo nga mao ra gyud ang saligan," matud ni Hilda.
"Mas maayo gihapon kung naay trabaho para mas lig-on ang kapanginabuhian.
"Dili tanan pareho ug kahimtang.
"Ang uban nga pamilya nga naa sa 4Ps wala nagpili nga mahimong kabos. Anaa lang gyud sila sa lisod nga sitwasyon tungod sa kakulang sa oportunidad, trabaho, o uban pang kahimtang sa kinabuhi.
"Ang 4Ps dili libre nga hatag lang naa niโy kondisyon ug tuyo nga tabangan ang mga bata pinaagi sa edukasyon ug panglawas.
"Kung tan-awon pag-ayo, ang ginahatag nga ayuda gamay ra ug para ra sa basic needs, pero ang obligasyon sa pamilya klaro: pa-eskwelahon ang bata, pa-checkup, ug moapil sa programa.
"Pasabot ani, dili sila nagpasagad naningkamot sila nga makab-ot ang requirements bisan lisod ang kinabuhi.
"Ang tinuod nga isyu dili ang mga benepisyaryo, kundi ang kakulang sa oportunidad ug trabaho sa uban pamilya.
"Kung wala paโy 4Ps, mas daghan pa unta ang bata nga dili maka-eskwela o dili makaadto sa health services.
"Busa, imbis husgahan ang mga tawo nga nagapadagan sa ilang adlaw-adlaw nga kalisod, mas makatarunganon nga sabton nga ang 4Ps usa ka investment sa kaugmaon sa kabataan, dili pas-an sa katilingban.
"Para sa mga benepisyaryo sa Pantawid Pamilyang Pilipino Program, hinumdumi nga dili ni kaluoy lang o libre nga ayuda, kung dili, usa ni ka oportunidad nga ipakita nato nga andam ta molambo.
"Ang tabang sa gobyerno nga atong madawat dili para magsalig kita, kundili para motabang sa atong mga bata nga makaka-eskwela, magpabiling himsog, ug makalayo sa kalisod sa umaabot.
"Busa importante kaayo nga atong sundon ang kondisyon ug seryosohon ang atong responsibilidad isip ginikanan og anak.
"Ayaw itugot ug ayaw hulata nga tawgon ka nga โpabigatโ kay ang tinuod, nagtrabaho kita adlaw-adlaw pinaagi sa pag-atiman sa atong pamilya ug pagsunod sa programa bisan challenging. Ang atong paningkamot mao ang basehan sa pag-ila nga ang 4Ps dili sayon nga ayuda, kundili usa ka hagit nga makabag-o sa kinabuhi.
"Mao nang padayon ta sa disiplina, paningkamot, ug panaghiusa.
"Hinumdumi nga kung molambo ang usa ka pamilya, molambo usab ang atong komunidad," panapos ni Hilda.
==
