Barangay Agpay Lupong Tagapamayapa

14/08/2026

14/08/2026

QUESTION NO. 816 - KAILANGAN BA DUMAAN SA BARANGAY PARA MAKAPAG-FILE NG VAWC CASE?

Hindi. Ang kasong VAWC sa ilalim ng Republic Act No. 9262 ay HINDI kailangang dumaan muna sa barangay conciliation bago magsampa ng reklamo sa pulisya, piskalya, o korte.

Sa ilalim ng Section 33 ng RA 9262, ang VAWC ay isang “public crime” o public offense kaya hindi ito maaaring aregluhin lamang sa barangay. Bukod dito, sa ilalim ng Katarungang Pambarangay Law (Section 408[c] ng Local Government Code), hindi sakop ng mandatory barangay conciliation ang mga kasong may kaparusahang pagkakakulong na higit sa isang (1) taon o multang higit ₱5,000.

Ang mga paglabag sa RA 9262 ay may mga parusang lampas isang taon na pagkakakulong — halimbawa, ang psychological, physical, sexual, o economic abuse ay maaaring maparusahan ng prision mayor, na umaabot mula anim (6) na taon at isang (1) araw hanggang labindalawang (12) taon. Dahil dito, maaari kang DIREKTANG magsampa ng kaso nang hindi na dumadaan sa barangay.

31/07/2026

Congratulations 👏👏👏

08/03/2026

Sa Revised Penal Code (RPC) ng Philippines, ang Robbery at Theft ay parehong krimen laban sa property, ngunit magkaiba sila sa paraan kung paano kinukuha ang ari-arian.

❗❗ROBBERY

Article 293 – Robbery (Revised Penal Code)

Ang robbery ay nangyayari kapag ang isang tao ay kumukuha ng personal property ng iba na may intent to gain (may balak pakinabangan) at ginagawa ito sa pamamagitan ng violence, intimidation, o force upon things.

Ibig sabihin, may pwersa o pananakot na ginamit para makuha ang ari-arian.

📌Dalawang Uri ng Robbery

1. Robbery with Violence or Intimidation (Article 294)

Ito ay kapag ang pagkuha ng property ay may kasamang pananakit, pagbabanta, o pananakot sa tao.

Halimbawa:
Habang naglalakad ang isang babae sa kalsada, may lumapit na lalaki na may hawak na kutsilyo at sinabi:

"Ibigay mo ang cellphone mo kung ayaw mong masaktan."

Dahil may intimidation o pananakot, ito ay robbery with intimidation.

Kung sinaktan naman ang biktima habang kinukuha ang gamit, ito ay robbery with violence.

2. Robbery with Force Upon Things (Articles 299–302)

Ito ay nangyayari kapag walang direktang pananakit sa tao, pero may pwersa na ginamit sa bagay o lugar para makuha ang ari-arian.

Karaniwang halimbawa nito ay:
•pagbasag ng pinto
•pag-akyat sa bintana
•paggamit ng duplicate key
•pagbutas ng bubong o pader

Halimbawa:
Isang magnanakaw ang pumasok sa bahay sa pamamagitan ng pagbasag ng bintana at ninakaw ang laptop.

Kahit walang sinaktan na tao, ito ay robbery dahil gumamit ng force upon things.

❗❗ THEFT

Article 308 – Theft (Revised Penal Code)

Ang theft ay ang pagkuha ng personal property ng iba na walang pahintulot at may intent to gain, ngunit walang violence, intimidation, o force upon things.

Mas simple ito kumpara sa robbery dahil walang pwersa o pananakot na ginamit.

📌Mga Elemento ng Theft
Para masabing theft, kailangang may:
•May pagkuha ng personal property
•Ang property ay pag-aari ng ibang tao
•May intent to gain (balak pakinabangan)
•Walang consent ng may-ari
•Walang violence, intimidation, o force upon things

Halimbawa 1:
Habang nasa jeep ang isang pasahero, may kumukuha ng cellphone sa kanyang bag nang hindi niya napapansin.
Ito ay theft dahil walang pananakot o pwersa.

Halimbawa 2:
Isang empleyado ang palihim na kumuha ng pera sa drawer ng opisina nang walang pahintulot.
Ito rin ay theft.

08/03/2026

Barangay Assembly 2026

Kasama sa aming misyon ang magsilbing tulay ng kapayapaan at pagkakaisa sa barangay. 👥
Kami ng Lupong Tagapamayapa ay nakiisa at aktibong lumahok sa isinagawang Barangay Assembly—nagbahagi, nakinig, at nakipag-ugnayan para mas lalo pang mapabuti ang serbisyo at kapayapaan sa ating komunidad. 🤝🏽🏡

08/03/2026

📢 BARANGAY ASSEMBLY DAY 2026
📍 Barangay Agpay, Burgos, La Union

Mga ka-barangay, inaanyayahan po ang lahat na makiisa sa ating:
🗓 March 7, 2026 (Saturday)
🕐 1:30 PM
📍 Barangay Covered Court
🧾 1st Semester – CY 2026

🎯 Theme:
“Nagkakaisang Barangay Tungo sa Kalinisan, Kaayusan, Kapayapaan at Kaunlaran.”

📌 Pag-uusapan:
• State of the Barangay Address
• Financial Report
• Programs & Project Updates
• Open Forum / Mga Katanungan ng Mamamayan

Ang inyong presensya at pakikilahok ay mahalaga para sa mas maayos, mapayapa, at maunlad na Barangay Agpay.

Makilahok. Makialam. Makiisa. 🤝

08/03/2026

📜 Republic Act No. 11313 – Safe Spaces Act (Anti-Bastos Law)

Ang Safe Spaces Act ay isang batas sa Pilipinas na naglalayong protektahan ang lahat ng tao laban sa gender-based sexual harassment sa kalsada, pampublikong lugar, internet, workplace, at paaralan.

Tinatawag din itong Anti-Bastos Law dahil pinaparusahan nito ang mga bastos, mapang-abuso, o sexual na kilos o salita na nagdudulot ng takot, kahihiyan, o discomfort sa ibang tao.

Layunin ng batas na ito na tiyakin na ang bawat tao—babae, lalaki, o miyembro ng LGBTQ+—ay may ligtas at respetadong espasyo sa lipunan.

1️⃣ Gender-Based Sexual Harassment sa Streets at Public Spaces

Ito ay tumutukoy sa anumang bastos o sexual na kilos o salita na ginagawa sa pampublikong lugar tulad ng:
•kalsada
•park
•mall
•restaurant
•terminal
•jeep, bus, o tricycle

❗Mga Halimbawa ng Bawal na Gawain

•Catcalling – pagsipol o pagsigaw ng bastos na komento sa isang tao
•Wolf-whistling – pagsipol na may sexual na kahulugan
•Pagbibigay ng sexual na komento sa katawan
•Paghingi ng personal information nang paulit-ulit kahit ayaw ng tao
•Bastos na gestures o sexual jokes
•Paghipo o pagdikit ng katawan nang walang pahintulot

❗Halimbawa ng Sitwasyon

Halimbawa, may babaeng naglalakad sa kalsada papuntang trabaho. May lalaking sumigaw ng:
“Hi miss! Ang sexy mo naman, sama ka sa akin mamaya!”

Kung paulit-ulit itong ginagawa at nagdudulot ng takot o discomfort sa babae, ito ay sexual harassment na saklaw ng Safe Spaces Act.

2️⃣ Mas Mabigat na Sexual Acts sa Public Spaces

Mas seryosong paglabag ang mga sumusunod:
•paglabas ng ari sa publiko (flashing)
•public ma********on
•paghipo o pagkapkap sa katawan
•bastos na body gestures

Halimbawa
Habang nasa jeep ang isang babae, may lalaking sinadyang humawak sa kanyang hita o puwetan. Kahit isang beses lang nangyari, maaari itong ituring na sexual harassment at may kaukulang parusa.

3️⃣ Gender-Based Online Sexual Harassment

Ang harassment ay maaari ring mangyari sa internet o social media.

❗Mga Halimbawa
•pagpapadala ng bastos na sexual messages
•pag-upload ng private photos nang walang consent
•cyberstalking o pag-monitor sa social media ng isang tao
•pagpapakalat ng edited sexual photos o videos

Halimbawa ng Sitwasyon
Isang lalaki ang patuloy na nagme-message sa Facebook ng isang babae ng mga sexual na salita at larawan kahit malinaw nang sinabi ng babae na tumigil na siya.
Ito ay online sexual harassment at may mabigat na parusa.

4️⃣ Sexual Harassment sa Workplace

Ang harassment ay maaari ring mangyari sa opisina o trabaho.
Ito ay kapag may:
•sexual advances
•paghingi ng sexual favor
•bastos na messages o jokes sa trabaho
•paghipo o pagyakap nang walang pahintulot

Halimbawa
Isang supervisor ang nagsabi sa kanyang empleyado:
“Kung gusto mong ma-promote, samahan mo muna ako sa hotel.”
Ito ay malinaw na sexual harassment dahil ginagamit ng superior ang kanyang posisyon para sa sexual favor.

5️⃣ Sexual Harassment sa Schools
Protektado rin ng batas ang mga estudyante at g**o laban sa harassment sa paaralan.

Halimbawa
•teacher na nagpapadala ng sexual messages sa student
•student na nangha-harass ng kaklase
•bastos na comments sa classroom

Halimbawa ng Sitwasyon
Isang g**o ang nagcha-chat sa kanyang estudyante sa gabi at sinasabihan ito ng:
“Ang ganda mo sa uniform mo, bagay sa’yo.”

Kung may sexual intention at nagdudulot ng discomfort sa estudyante, maaari itong ituring na sexual harassment.

6️⃣ Mga Ahensyang Nagpapatupad ng Batas
Ang pagpapatupad ng batas na ito ay pinangungunahan ng:
•Philippine National Police
•Department of the Interior and Local Government
•Philippine Commission on Women
•Mayroon ding Women and Children Protection Desk sa mga police station kung saan maaaring magreklamo ang biktima.

📌 Ang Republic Act No. 11313 o Safe Spaces Act ay mahalagang batas na naglalayong:
✔ Pigilan ang bastos at sexual harassment
✔ Protektahan ang mga tao sa public spaces, online, workplace, at schools
✔ Magbigay ng parusa sa mga lumalabag
✔ Magbigay ng proteksyon at suporta sa mga biktima
Sa madaling salita, ang layunin ng batas na ito ay gawing ligtas at may respeto ang bawat lugar para sa lahat ng tao.

28/11/2025

⭐ ℂ𝔼ℝ𝕋𝕀𝔽𝕀ℂ𝔸𝕋𝔼 𝕋𝕆 𝔽𝕀𝕃𝔼 𝔸ℂ𝕋𝕀𝕆ℕ (CFA)

KATARUNGANG PAMBARANGAY

📄 ANO ITO?

Ang Certificate to File Action ay opisyal na dokumento mula sa Barangay kapag hindi nagkasundo ang magkabilang panig sa mediation o conciliation.
👉 Pinapahintulutan ka nang magsampa ng kaso sa korte.

📌 KAILAN ITO IBINIBIGAY?

✔️ Walang naging kasunduan
✔️ Hindi dumalo ang isa sa panig
✔️ Umiwas o tumanggi sa proseso
✔️ Natapos ang mediation at conciliation pero hindi nagkaayos

📌 BAKIT ITO MAHALAGA?

🔹 Requirement bago makapagsampa ng ilang kaso sa korte
🔹 Katunayan na dumaan ka sa barangay justice process
🔹 Nakatutulong upang mabawasan ang pagsisikip ng ating mga korte

---

❗ HINDI KAILANGAN NG CFA KAPAG:

❌ Serious crimes
❌ Ibang barangay o lungsod ang tirahan
❌ May immediate threat o emergency
❌ Government agency ang kabilang panig

---

🤝 LAYUNIN

Mas mabilis.
Mas mura.
Mas mapayapa.

Ang Katarungang Pambarangay ay para sa pagkakasundo, hindi pag-aaway.

---

📍 PARA SA KARAGDAGANG TANONG:

Bisitahin ang inyong Barangay Hall o ang Lupon Tagapamayapa.