07/05/2022
πππ¬ππ‘π’ ππ πππ‘π
Para kan Ate Cecil, usa nga Iska ngan volunteer han Youth for Leni-Kiko Borongan, mayda hiya napulo nga rason kayano hi VP Leni Robredo an iya pinipili.
Napulo nga rason kay ano dapat ibotos an #10:
1. Nabulig na ha katawhan bisan waray pa posisyon ha gobyerno. Abogada pala ha PAO, nakikigbisog na han kablas.
2. Subok na nga diri trapo kay diri tikang hin dinastiya. Iya napirdi an pira katuig nga panggobyernohan han kilala nga Villafuertes ha Bicol.
3. May konkreto nga nahimo para ha Eastern Visayas, labi na han pandemya.
Bisan guti an budget han iya opisina, damo an nabuligan. Mayda liwat niya bulig ha Este bisan kun Congresswoman pala hiya ha Bicol hadto nga panahon.
4. Napaid hit kakurian hit ordinaryo nga Pilipino. Base hit istorya mismo hit katawhan nga nakasalamuha hiya, kinikita nira hiya nga nagko-commute ngan nag-oovertime ha trabaho. It iya kinabuhi testimonya nga it tinuod nga public servant, diri nagpapariko. Kun it iba nga politiko mayda mga mansiyon, hiya naukoy la hin usa nga condo unit. An iya mga anak inasa ha scholarships kay diri niya apong it gastos pagpa-eskwela hit mga marahalon nga eskwelahan. Tanan ini sinasalamin it iya kamapainubsanon ngan pagpaid hit at mga kakurian nga diri makikita ha mga politiko yana.
5. Organisado ngan konkreto it mga plano. Gin-reresearch anay it mga problema basi matagan hin angay nga tugon. Diri nahatag hin general solutions or motherhood statements; pirmi base ha datos. Kun kikitaon an iya opisina ngan website, konkreto an iya mga plano para hit entrepreneurs, anti-discrimination, education, COVID, employment, anti-corruption, hunger, etc. (lenirobredo.com)
6. Matapang. Tikang pa han 2016, magkadurudilain na nga fake news an ginpasamwak pagtira ha iya. Gin-akusahan nga malimbong kay hiya an nagdaog nga VP bisan makatulo na ini gindiwara han Korte Suprema. Inakusahan nga anti-government tungod han iya pag-angal hit mga polisiya nga diri makatawo. Gin-redtag, ngan pati an iya asawa ngan mga anak ginhimuan hin istorya nga maglain. Ginyaknan nga βboboβ ngan diri angay umatubang komo presidente kay makaarawod ha iba nga nasyon. (Ha kamatuoran, foreign investors na an nagyakan nga naayon hira nga makaugnayan hi Robredo. - Bloomberg) Kundi, waray hiya bulos hin maraot. Ngan bisan babaye, natugon hit bisa ano nga ayat. Naatubang ha tawo, madebate man o oras hin krisis.
7. Napagkausa niya an kadam-an. Tungod kay namamati hiya hit katawhan basi waray maagrabyado, kitaa kun hira hin-o it nasuporta ha iya yana. Iba-iba nga klase hin tawo nga di magkasundo: dati nga mga sundalo, aktibista, Katoliko, Muslim, Protestante, etc.
8. Inspiring. Yana la ak kita hin kandidato nga it supporters pa it nahatag hin bulig para hit kampanya. Iba ha tradisyonal nga eleksiyon kun diin it kandidato it napaangbit hit iya mayda. Hit iya kampanya, bolunterismo it sentro. Ini mahihimo la kun tinuod nga maupay it lider nga sinusuportahan.
9. Tangkod ngan transparent. COA ngan ISO na an nagpatunay hini. Diri korap. Diri hadlok magpakita hit SALN. Iya hingyap nga ngatanan nga ada ha gobyerno in diri kurakot pinaagi han Full Disclosure Bill.
10. Malinis. Waray kaso. Waray anomalya hin korapsiyon. Puydi makipag-ugnayan ha iba nga nasod (labi na ha US) ngan ipaglaban it at mga katungod pinaagi hin tuhay nga pakiistorya.
Diri perpekto nga leader hi Robredo. Kundi ha iya panggobyernohan, waray mababayaan.
Sangkay, last hataw na para kan Leni-Kiko! Gawas kita, pakiistorya, pamati, ngan pangumbinse para ha gobyerno nga tangkud!
