15/05/2026
💬𝑱𝒐𝒊𝒏𝒕 𝑪𝒐𝒎𝒎𝒊𝒕𝒕𝒆𝒆 𝑴𝒆𝒆𝒕𝒊𝒏𝒈
📣𝑪𝒐𝒎𝒎𝒊𝒕𝒕𝒆𝒆 𝒐𝒏 𝑾𝒂𝒚𝒔 𝒂𝒏𝒅 𝑴𝒆𝒂𝒏𝒔 𝒂𝒏𝒅 𝑪𝒐𝒎𝒎𝒊𝒕𝒕𝒆𝒆 𝒐𝒏 𝑩𝒂𝒓𝒂𝒏𝒈𝒂𝒚 𝑨𝒇𝒇𝒂𝒊𝒓𝒔
📅𝑴𝒂𝒚 𝟏𝟒, 𝟐𝟎𝟐𝟔
📍𝟐𝒏𝒅 𝒇𝒍𝒐𝒐𝒓, 𝑺𝒂𝒏𝒈𝒈𝒖𝒏𝒊𝒂𝒏𝒈 𝑩𝒂𝒚𝒂𝒏 𝑺𝒆𝒔𝒔𝒊𝒐𝒏 𝑯𝒂𝒍𝒍, 𝑴𝒖𝒏𝒊𝒄𝒊𝒑𝒂𝒍 𝑩𝒖𝒊𝒍𝒅𝒊𝒏𝒈
Nagkaroon ng masusing talakayan ang Joint Committee ng Committee on Ways and Means at Committee on Barangay Affairs hinggil sa iminungkahing Barangay Ordinance ng Barangay Sabong, Boac, Marinduque na may titulong:
Barangay Ordinance Blg. 008 serye ng 2026, "ISANG ORDINANSA SA TAMANG PAMAMAHALA, PAGGAMIT, AT PANGANGALAGA NG SISTEMA NG PATUBIG SA BARANGAY SABONG"
Pinangunahan ni Konsehal Gatas Mascareñas, bilang lead committee at Chairperson ng Committee on Ways and Means ang deliberasyon. Nagpahayag ng layunin tungkol sa Ordinansang ito ang Punong Barangay ng Brgy. Sabong at ilang mga paglilinaw sa sitwasyon at isyu ng tubig sa barangay.
Nagbigay ng kanilang mga puna at kumento ang mga miyembro ng Committee on Ways and Means at Committee on Barangay Affairs hinggil sa iminungkahing Barangay Ordinance ng Barangay Sabong, Boac, Marinduque.
Bilang pagsunod sa Republic Act No. 7160 o ang Local Government Code of 1991, ninais ng bawat myembro ng kumite na ibalik ang ordinansa sa Sangguniang Barangay ng Sabong upang muling mapag-aralan, marebisa ang ilang seksyon, at mapalawak pa ang sakop nito. Layunin ng hakbang na ito na higit pang matiyak ang malinaw at makatarungang mga panukala na tunay na makatutulong at magpapaunlad sa bawat mamamayan ng Barangay Sabong.
Bago matapos ang Committee Meeting, naghandog ng ipinangakong regalo si Konsehal Chief Manguera para sa Sangguniang Barangay ng Sabong. Buong kagalakan itong tinanggap ng Punong Barangay, Kgg. Loreta Abang, bilang tanda ng pagkilala at suporta sa kanilang patuloy na paglilingkod sa komunidad.
Ang ganitong deliberasyon ay mahalagang hakbang upang matiyak na ang bawat panukala ay naaayon sa kapakanan ng mamamayan at sa tamang pamamahala ng ating barangay.
