SEE Bayambang

06/06/2026

Patuloy ang pagsasaayos at pagpapanatili ng kalinisan sa loob ng Bayambang Public Market sa pamamagitan ng regular na pagde-declog ng mga drainage system at pag-spray ng disinfectant.

Layunin ng mga gawaing ito na mapanatili ang maayos, malinis, at ligtas na kapaligiran para sa mga mamimili, manininda, at lahat ng bumibisita sa ating pampublikong pamilihan.

Sama-sama nating pangalagaan ang kalinisan at kaayusan ng ating merkado para sa kapakanan ng buong komunidad.

04/06/2026

Matagumpay na naisagawa ang flushing operation sa Wet Section ng Bayambang Public Market sa pamamagitan ng sama-samang pagtutulungan ng mga staff ng Ecological Solid Waste Management Office (ESWMO), Special Economic Enterprise (SEE), at Bureau of Fire Protection Bayambang (BFP).

Ang aktibidad na ito ay bahagi ng patuloy na pagsisikap ng lokal na pamahalaan upang mapanatili ang kalinisan, kaayusan, at kaligtasan sa loob ng pamilihan. Sa pamamagitan ng regular na paglilinis at paghuhugas ng mga pasilidad, naiiwasan ang pagdami ng dumi at hindi kanais-nais na amoy, habang napapanatili ang isang malinis at maayos na kapaligiran para sa mga mamimili at manininda.

Taos-pusong pasasalamat sa ESWMO, SEE, BFP, at sa lahat ng mga katuwang na nakiisa upang maging matagumpay ang gawaing ito. Ang inyong dedikasyon at pagtutulungan ay malaking ambag sa pagpapanatili ng isang malinis, ligtas, at maunlad na Bayambang Public Market.

04/06/2026

Ang mga vendor ng imported rice sa Bayambang Public Market ay buong pusong nakikiisa at sumusunod sa Executive Order (EO) na nagtatakda ng maximum suggested retail price (MSRP) na ₱50.00 kada kilo para sa imported rice.

Patuloy po nating suportahan ang mga hakbang ng pamahalaan upang matiyak ang abot-kayang presyo ng bigas at mapangalagaan ang kapakanan ng bawat mamimili.

03/06/2026

𝐒𝐡𝐞𝐥𝐥𝐟𝐢𝐬𝐡 𝐁𝐮𝐥𝐥𝐞𝐭𝐢𝐧 𝐍𝐨. 13
‎𝐈𝐬𝐬𝐮𝐞𝐝: June 1, 2026
‎
‎📢 𝐑𝐄𝐃 𝐓𝐈𝐃𝐄 𝐀𝐃𝐕𝐈𝐒𝐎𝐑𝐘 𝐋𝐈𝐅𝐓𝐄𝐃!
‎
‎𝐍𝐞𝐠𝐚𝐭𝐢𝐛𝐨 𝐧𝐚 𝐬𝐚 𝐫𝐞𝐝 𝐭𝐢𝐝𝐞 𝐭𝐨𝐱𝐢𝐧 𝐚𝐧𝐠 𝐬𝐡𝐞𝐥𝐥𝐟𝐢𝐬𝐡 𝐦𝐮𝐥𝐚 𝐬𝐚 𝐛𝐚𝐲𝐛𝐚𝐲𝐢𝐧𝐠 𝐭𝐮𝐛𝐢𝐠 𝐧𝐠 𝐁𝐨𝐥𝐢𝐧𝐚𝐨 𝐚𝐭 𝐀𝐧𝐝𝐚, 𝐏𝐚𝐧𝐠𝐚𝐬𝐢𝐧𝐚𝐧.
‎
‎✔️ 𝐋𝐢𝐠𝐭𝐚𝐬 𝐧𝐚 𝐩𝐚𝐫𝐚 𝐤𝐚𝐢𝐧𝐢𝐧
‎✔️ 𝐏𝐰𝐞𝐝𝐞 𝐧𝐚 𝐮𝐥𝐢𝐭 𝐦𝐚𝐠-𝐚𝐧𝐢 𝐚𝐭 𝐦𝐚𝐠𝐛𝐞𝐧𝐭𝐚
‎
‎Patuloy pa rin ang monitoring ng BFAR at LGU para sa kaligtasan ng lahat.
‎
‎

02/06/2026

Magsasagawa ng flushing activity sa Block III (Meat, Fish, at Vegetable Sections) ng Bayambang Public Market sa Hunyo 4, 2026 (Huwebes), mula 5:00 PM hanggang 7:00 PM.

Layunin ng gawaing ito na mapanatili ang kalinisan at kaayusan sa ating pamilihan para sa kapakanan ng lahat.

Inaanyayahan po namin ang inyong pakikipagtulungan at pang-unawa habang isinasagawa ang aktibidad.

01/06/2026

May mga mahahalagang dokumento na natagpuan ng mga kawani ng LGU-SEE habang nagsasagawa ng kanilang tungkulin sa nasasakupan.

Kung kayo po ang may-ari o nakakakilala sa may-ari ng mga dokumentong ito, maaari pong makipag-ugnayan o magtungo sa tanggapan ng LGU-SEE Office upang ma-verify at makuha ang mga ito.

Para sa wastong pagkakakilanlan, kinakailangang magpakita ng kaukulang patunay ng pagmamay-ari bago maibigay ang mga dokumento.

Maraming salamat sa inyong pakikipagtulungan. Pakibahagi na rin po ang post na ito upang agad na makarating sa kinauukulan.

01/06/2026

Saludo po kami sa katapatan at integridad ninyo sa inyong pagsi-sebisyo Sir!

Muling pinatunayan ng isang kawani ng LGU-SEE Department ang kanilang katapatan at integridad matapos maisauli ang nawawalang cellphone sa may-ari, na natagpuan sa kanilang nasasakupan.

27/05/2026

Galila Bayambang!

ABISO sa LAHAT

Mga kabaleyan, suportahan po natin ang lokal na agrikultura habang nakakatipid sa de-kalidad na repolyo mula Benguet Province sa halagang ₱20/kilo lamang! Siguradong fresh na fresh ang gulay na ito.

Kita-kits po tayo sa harap ng Municipal Hall ngayong May 28, 2026.

27/05/2026

Ang LGU-SEE Family ay nakikiisa sa pagdiriwang ng Eid al-Adha o “The Feast of the Sacrifice.”

27/05/2026

Magandang Balita, Bayambang Public Market Vendors at mga mamamayan!

Ngayong araw, Mayo 27, 2026, mula umaga hanggang 3:00 PM, narito ang BDO staff sa Public Market upang magbigay ng pagkakataon sa mga nais magbukas ng savings account. Simulan na ang mas maayos at ligtas na pag-iimpok para sa inyong kinabukasan!

Huwag palampasin ang pagkakataong ito dahil hanggang ngayong araw lamang sila narito. Magtungo na sa Public Market at magpagawa ng inyong savings account!