https://www.facebook.com/507270409454071/

𝗔𝗡𝗚 𝗧𝗨𝗟𝗔𝗬, Don Eulogio de Guzman Memorial National High School, Bauang (2026)

21/02/2026

Pagbati at tagumpay, Tribu Eulogiano!

Taglay ninyo ang alab ng Bauang at ang diwa ng Pista ng Baggak—kulay, lakas, at kultura na hindi matitinag. Sa entablado ng laban, ipamalas ang buong husay at buong puso.

Walang pipigil. Walang uurong.
Iuwi ang ginto. 🏆🔥

11/02/2026

𝗕𝗔𝗟𝗜𝗧𝗔 | 𝗠𝗴𝗮 𝗠𝗮𝗴-𝗮𝗮𝗿𝗮𝗹 𝗻𝗴 𝗗𝗘𝗚𝗠𝗡𝗛𝗦, 𝗡𝗮𝗴𝘄𝗮𝗴𝗶 𝘀𝗮 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗔𝗻𝗶𝗺𝗮𝘁𝗶𝗼𝗻 𝗙𝗲𝘀𝘁𝗶𝘃𝗮𝗹 2026

Nagbigay ng karangalan sa Don Eulogio De Guzman Memorial National High School (DEGMNHS) ang mga mag-aaral nito matapos magwagi sa ginanap na International Animation Festival 2026 na pinangunahan ng Lorma Colleges katuwang ang Kyungsan Busan College, South Korea.

Lahok sa patimpalak ang iba’t ibang kalahok na nagpakita ng husay sa larangan ng 2D at 3D Animation, Digital Illustration, at Digital Storyboarding. Sa kabila ng matinding kompetisyon, ipinamalas ng mga mag-aaral ng DEGMNHS ang kanilang world-class na talento at malikhaing kakayahan.

Sa Junior High School Category, itinanghal na Champion sa 2D Animation si LJ Divine Somera, habang nakamit ni John Kerby Lagang ang 1st Runner-up sa Digital Illustration.

Samantala, mas lalong nagningning ang Senior High School Category kung saan kinilala si Zyña Margarette Ellana bilang Champion sa Digital Storyboarding. Nakamit naman ni Rain Adrianne Noblez ang 1st Runner-up sa 2D Animation, at ni Jake Remaso ang 1st Runner-up sa 3D Animation. Dagdag pa rito, nagkamit ng 2nd Runner-up sa Digital Illustration si John Rasel Nariz, at 2nd Runner-up sa 3D Animation si George Myco Rillera.

Sa tulong ng kanilang mga coach na sina Rodel Rimando, Marian Jakielou Somera, Jubert Padilla, Claire Dumrique, Renato Morla Jr., Randy Mejia, Elmer Patacsil, at Vanessa Boadilla, nahubog ang kanilang kakayahan at naipamalas ang kanilang pinakamahusay na gawa sa internasyonal na entablado.

Bilang isang pandaigdigang patimpalak, nagsisilbing plataporma ang International Animation Festival upang maipakita ng mga kabataan ang kanilang talento sa sining at teknolohiya.

Ang tagumpay ng DEGMNHS ay patunay na sa pamamagitan ng sipag, dedikasyon, at patuloy na pagsasanay, kayang makipagsabayan ng mga kabataang Bauangueño sa larangan ng animation sa buong mundo. Nagsisilbi rin itong inspirasyon sa iba pang mag-aaral na patuloy mangarap at pagyamanin ang kanilang kakayahan.

19/01/2026

𝗧𝗜𝗡𝗚𝗡𝗔𝗡 | 𝗞𝗮𝘁𝗲 𝗔𝘀𝗵𝗹𝗲𝘆 𝗥𝘂𝗹𝗹𝗮, 𝗞𝗮𝗺𝗽𝗲𝗼𝗻 𝘀𝗮 𝗜𝗹𝗼𝗰𝗮𝗻𝗼 𝗦𝗵𝗼𝗿𝘁 𝗦𝘁𝗼𝗿𝘆 𝗪𝗿𝗶𝘁𝗶𝗻𝗴 𝘀𝗮 𝗦𝗶𝗿𝗶𝗯 𝗞𝗲𝗻 𝗦𝗮𝗿𝗶𝗿𝗶𝘁 2026

Matagumpay na naipamalas ni Kate Ashley Rulla ang kanyang husay sa malikhaing pagsulat matapos niyang masungkit ang unang pwesto sa Ilocano Short Story Writing sa Kategoryang Senior High School sa Sirib Ken Saririt 2026 na ginanap sa La Union National High School, San Fernando La Union noong Enero 17, 2026, na nagbukas ng kaniyang daan patungo sa Regional Finals ng patimpalak.

Kabilang si Rulla sa samutsaring delegado na lumahok sa iba’t ibang kategorya ng paligsahan sa temang “Sumileng, Sumilap," na may layunin na itampok ang husay ng kabataang Ilocano sa larangan ng sining, panitikan, at komunikasyon.

Ayon kay Kate, hindi niya inaasahang siya ang magwawagi. “Pagkatapos natawag ang ikalto at ikalawang nabigyan ng gantimpala, medyo napanghinaan na ako ng loob kasi nasa isip ko ng wala ng chance. Kaya nung sinabi at nakita ko ang aking pangalan sa screen ay talaga namang hindi ako makapaniwala. Nagulat ako noong biglang humiyaw at nagtatatalon ang mga kasama ko. Sa gulat ko ay hindi na ako makapagsalita at nanginginig na umakyat sa stage. Haan ko ekspetaren nga maysa ak nga maala iti top 3, kangrunaan na ket siyak met gayam iti maawag nga mangawat iti balitok a medalya," pagbabahagi niya.

Ikinuwento rin ni Kate ang kaniyang paghahanda para sa kompetisyon. “Noong una ay nagdadalawang isip pa akong sumali. Nagtanong ako kay Michaela (kaibigan niya) kung meron pa bang puwedeng salihan, ang ‘di ko alam ay nailista na pala niya ang pangalan ko. Kaya’t kami tinawag nina Sir Adrian at Ma’am Majoy upang magsanay. Ang naibigay na topic sa akin ay ‘Nu Anya ti Inmulan, Isu Met Lang iti Apitem.’ Binigyan kami ng tatlong oras para gawin ito, pero naging dalawang araw dahil nahirapan akong bumuo ng kwento. Naalala ko ang kantang ‘Uncle Berting,’ ito ay maganda at sakto sa tema. Pinakinggan ko nang paulit-ulit at dito na ako nagbase at nakabuo ng isang kwentong nakakapagbigay ng inspirasyon at aral.”

Sa kaniyang tagumpay, hindi nakalimot si Kate na magpasalamat sa mga taong naging bahagi ng kanyang paglalakbay. “Umuna ti amin, agyamanak ken Apo Diyos iti inpaay na nga sirib ken iti panangtarabay na kadakami. Iti nangtapik ken nangipaiam-ammo kanyak iti kompetesyon ti Sirib Ken Saririt idi grade 10 ak, ni Sir Alvin Mangaoang. Dagiti nagbalin a coach ko nga ni Ma’am Majoy Acebes, Sir Adrian Flores, ken Ma’am Claire Dumrique nga nangisursuro kanyak iti aramidek. Ken Michaela Patacsil nga nangilista iti nagan ko nga saan na inpakaammo kanyak nga immuna, kadwak nga nagsursurat, ken isu’t kadwak nga simmango ti laban. Ni Jobrielle Zsaen Garcia nga maysa met nga mangal-allukoy nga ag tuluyak, my day ones. Kadagiti pamilyak nga kanayon latta a nakasupurta kanyak ken mangpappapigsa iti pakinakem ko. Agyamanak amin kadakayo, ta nu awan daytoy nga tulong yu ket saan ko nga nagaw-at daytoy nga award.”

Ang Sirib Ken Saririt ay taunang patimpalak na pinangungunahan ng UP NAMNAMA, na layuning itaguyod ang sining, wika, at kulturang Ilocano sa mga kabataan.

19/01/2026

𝗧𝗜𝗡𝗚𝗡𝗔𝗡 | 𝗪𝗶𝗹𝗯𝗲𝗿𝘁 𝗖𝗮𝗺𝗮𝗰𝗵𝗼, 𝗡𝗮𝗴𝗸𝗮𝗺𝗶𝘁 𝗻𝗴 𝗜𝗸𝗮𝗹𝗮𝘄𝗮𝗻𝗴 𝗣𝘄𝗲𝘀𝘁𝗼 𝘀𝗮 𝗧𝗿𝗮𝗱𝗶𝘁𝗶𝗼𝗻𝗮𝗹 𝗣𝗼𝘀𝘁𝗲𝗿 𝗠𝗮𝗸𝗶𝗻𝗴

Nakamit ni Wilbert Camacho ang Ikalawang Puwesto sa kategoryang Traditional Poster Making (Junior High School) sa ginanap na Provincial Elimination ng Sirib ken Saririt 2026 noong Enero 17, 2026, na nagsilbing tulay sa kaniyang pag-arangkada patungo sa Regional Finals ng patimpalak.

Ang nasabing patimpalak ay nilahukan ng samutsaring delegado mula sa iba’t paaralan sa La Union. Dala ng kompetisyon ang temang “Sumileng, Sumilap,” na naglalayong ipakita ang ganda ng kultura at malikhaing pag-iisip ng mga kabataan sa pamamagitan ng sining.

Ipinakita ni Camacho ang kaniyang talento sa pagguhit at pagdidisenyo ng poster na may malinaw na mensahe at maayos na presentasyon, sa patnubay at paggabay ng kaniyang mga tagapagsanay na sina Gng. Ashia G. Garcia at Dr. Alvin D. Mangaoang, dahilan upang mapabilang siya sa mga nagwagi sa kompetisyon.

Bilang isang gawaing pangkultura, patuloy na nagsisilbing plataporma ang Sirib ken Saririt para sa mga kabataan upang mahasa ang kanilang talento at maibahagi ang kanilang mga ideya.

Ang tagumpay na ito ni Camacho ay patunay na sa pamamagitan ng sipag, dedikasyon, at tiwala sa sariling kakayahan, kayang makamit ng mga mag-aaral ang tagumpay sa larangan ng sining. Nagsisilbi rin itong inspirasyon sa iba pang kabataan na patuloy linangin ang kanilang talento at mangarap nang mas mataas.

19/01/2026

𝐓𝐈𝐍𝐆𝐍𝐀𝐍 | 𝗠𝗴𝗮 𝗠𝗮𝗴-𝗮𝗮𝗿𝗮𝗹 𝗻𝗴 𝗗𝗘𝗚𝗠𝗡𝗛𝗦, 𝗡𝗮𝗴𝗻𝗶𝗻𝗴𝗻𝗶𝗻𝗴 𝘀𝗮 𝗦𝗶𝗿𝗶𝗯 𝗞𝗲𝗻 𝗦𝗮𝗿𝗶𝗿𝗶𝘁 2026

Matagumpay na nakilahok ang 14 na mga mag-aaral mula sa Don Eulogio De Guzman Memorial National High School (DEGMNHS) sa patimpalak na Sirib Ken Saririt 2026, na ginanap sa La Union National High School, San Fernando, La Union noong Enero 17, 2026. Pinangunahan ng UP NAMNAMA ang kompetisyon na may temang “Sumileng, Sumilap,” na naglalayong ipakita ang husay ng kabataan sa iba’t ibang larangan, mula sa malikhaing pagsulat at pananalumpati hanggang sa sining biswal at musika.

Sinalihan ng mga mag-aaral ang iba’t ibang paligsahan kabilang ang Short Story Writing, Essay Writing, Pagsulat ng Sanaysay, Ilocano Poem Writing, Panandaliang Talumpati, Extemporaneous Speech, Impromptu Speaking, Dagliang Talumpati, Traditional Poster Making, Photojournalism, Oration, at Ilocano Vocal Solo.

Ipinagmamalaki ng DEGMNHS ang tagumpay ng mga delegado matapos makamit ang matataas na parangal sa kanilang kinalabasan. Si Kate Ashley Rulla ay nakamit ang unang pwesto sa Ilocano Short Story Writing sa Kategoryang Senior High School, na ipinakita ang kaniyang natatanging husay sa malikhaing pagsulat.

Samantala, si Wilbert Camacho naman ay nasungkit ang ikalawang pwesto sa Traditional Poster Making sa Kategoryang Junior High School. Ang kaniyang likha ay nagpamalas ng husay at pagkamalikhain sa sining biswal, na mahusay na naglahad ng mensahe ng tema.

Ang mga tagumpay na ito ay bunga ng pagsisikap, determinasyon, at suporta ng mga g**o at kapwa mag-aaral ng DEGMNHS. Sa kabila ng mahigpit na kumpetisyon mula sa iba pang paaralan, muling pinatunayan ng paaralan na ang mga mag-aaral nito ay may kakayahang makipagsabayan at magningning sa iba’t ibang larangan ng kompetisyon.

11/01/2026

𝐓𝐈𝐍𝐆𝐍𝐀𝐍 | 𝗚𝗮𝘆𝗮𝗴𝗮𝘆 𝗻𝗶 𝗚. 𝗘𝘀𝘁𝗮𝗰𝗶𝗼

𝘏𝘪𝘯𝘥𝘪 𝘯𝘢𝘣𝘪𝘣𝘪𝘭𝘢𝘯𝘨 𝘴𝘢 𝘰𝘳𝘢𝘴 𝘢𝘯𝘨 𝘢𝘭𝘢𝘢𝘭𝘢.
𝘚𝘢 𝘣𝘢𝘸𝘢𝘵 𝘩𝘪𝘣𝘭𝘢 𝘯𝘨 𝘢𝘳𝘢𝘸, 𝘮𝘢𝘺 𝘩𝘪𝘮𝘪𝘨 𝘯𝘢 𝘴𝘶𝘮𝘪𝘴𝘪𝘣𝘰𝘭.

Hindi na bago sa mata ng mga indibidwal sa santinakpan ang laksa-laksang salaysayan ng pakikipagbunuang-palad. Bawat hibla ng nakaraan ay tila nakaukit sa anino at himig ng araw na kinukumutan ng dilim at sa bawat hakbang, nararamdaman ang bigat at hiwaga ng mga aral na iniwan ng mga nagdaan. Humuhuni sa katahimikan ng sandali ang alaala ng mga pakikipagsapalaran, patuloy na humuhubog sa diwa at tadhana ng bawat isa.

𝙋𝙖𝙢𝙖𝙣𝙖’𝙩 𝙋𝙖𝙜𝙩𝙪𝙩𝙪𝙙𝙡𝙤
Sa apat na sulok ng silid at sa likod ng pisara, ang mga bilang ay naging kaniyang wika. Bilang OIC ng Math Faculty, hindi niya ipinataw ang talino—ipinamahagi niya ito. Tahimik niyang hinabi ang tindig ng mga g**o at mag-aaral, binuksan ang mga pinto patungo sa lagusan laksa-laksang larangan, at hinayaang sila mismo ang pumasok. Ang kaniyang pamumuno ay hindi pasalita, kundi pasalaysay, isang kuwentong binubuo ng halimbawa at pagtitimpi.

“Malagip ko idi dagiay insurom panggep algebra kaskada trigonometry, makapa-miss”, saad ng kaniyang dating mag-aaral na ngayo’y isang magtutudlo na, mga katagang sumipol sa alaala ng kaniyag nagdaan. “Thank you sa pagbibigay ng NQESH reviewer mo, sir!” pakli naman ni Gng. Villaraza na ngayo’y isa nang punong-g**o, bunga ng paghasa at pagpanday niya sa kaniyang kakayahan.

Sa pagitan ng halakhakan at katahimikan ng Friday Club ng mga lalaking g**o, yumamungmong ang isang kapatirang hindi kailangan ng titulo. Doon, mas nakilala ang anyo ni Sir ‘Rey’, mapagmasid, mapagkalinga, at marunong makinig sa mga tinig na madalas ay hindi napapansin. Ang bawat sandali rito ay tila lihim na himig na humuhubog sa pagkakaisa at tibay ng komunidad ng mga g**o.

𝙈𝙖𝙜𝙠𝙖𝙗𝙞𝙡𝙖𝙣𝙜 𝘿𝙪𝙡𝙤
Ilang ekwasyon ang humahabi sa anino ng kaniyang mundo, ngunit isa lamang ang kaniyang pinanghawakan—ang pagbubunuang-palad nila ni Ma’am Regina Estacio. “Two opposite poles attract each other”, mga ponemang itinatag ni Ma’am Regina,
tila nagpapakita ng banayad ngunit matibay na balanse ng dalawang magkaibang anyo. Sa gitna ng pagkakaibang iyon, natutuhan ni Sir Reynaldo ang lalim ng pag-unawa, isang aral na kaniyang dinala sa bawat silid-aralan at sa pamumuno ng mga mag-aaral at g**o.

Patuloy pa rin ang pag-agapay at pagsuporta ni Ma’am Regina nang gampanan ng kaniyang kabiyak ang tungkulin bilang Assistant Principal ng Senior High School, mas lumawak ang saklaw ng kaniyang pagbubukas-pinto. Hindi siya namuno sa pamamagitan ng takot o hiyaw, kundi sa pamamagitan ng konsistensiya at malasakit. Isa siyang mabuting g**o sa pinakamalalim na kahulugan, ang uri na hindi humuhubog ng pansamantalang husay, kundi ng matibay na ulirat.

Noong Enero 9, tuluyan nang nagtapos ang kaniyang opisyal na paglilingkod. Ngunit ang gigil na iniwan ni Sir Reynaldo Estacio ay hindi kawalan; ito’y bakas. Nanatili siya sa bawat g**ong kaniyang hinubog, sa bawat mag-aaral na kaniyang itinulak sa tagumpay, at sa balanse ng mga buhay na minsan niyang pinanday.

“Hephep, Sir Rey!” mga katagang patuloy na hahapo sa diwa ni G. Estacio mula sa kaniyang pamilyang Matematika.

11/01/2026

𝐓𝐈𝐍𝐆𝐍𝐀𝐍 | 𝗡𝗨𝗠𝗘𝗥𝗢 𝗡𝗚 𝗠𝗚𝗔 𝗗𝗜𝗟𝗜-𝗗𝗜𝗟𝗜:𝗣𝗮𝗴𝗿𝗲𝘁𝗶𝗿𝗼 𝗻𝗶 𝗚𝗻𝗴. 𝗥𝗲𝗴𝗶𝗻𝗮 𝗘𝘀𝘁𝗮𝗰𝗶𝗼

Sa bawat silid-aralan may isang liwanag na tila alingawngaw ng karunungan, isang pigura na animo’y balot ng mga numero. Sa bawat yapak ng kaniyang paa, sulat sa pisara, lumilitaw ang mga pormula na parang lihim na susi ng sansinukob. Siya ang aninong naging ilaw ng lahat, ma pa problema man sa totoong buhay o problem solving sa sipnayan.

𝙎𝙞𝙥𝙞 𝙣𝙜 𝙐𝙢𝙥𝙞𝙨𝙖
Kabado,Umaasa at Puno ng adhika, ganyan mailalarawan ni Gng. Regina C. Estacio ang pagtahak niya sa landas noong 1988 patungo sa kaniyang Ikalawang tahanan, ang Don Eulogio de Guzman Memorial National Highschool. Dito sumibol ang isang binhi ng kaalaman sa lupang tigang ng kawalang-alam.

Siya ang g**ong tatlong dekada’t pitong taong naging ilaw sa landas,gabay sa mga estudyanteng naghahanap ng direksiyon, at motibasyon na may pag-asa. Ang kaniyang tinig ay naging tulay ng binhi ng kinabukasan upang magpatuloy sa buhay at huwag iiwan ang mga pangarap.

𝙏𝙞𝙣𝙩𝙖𝙣𝙜 𝙏𝙖𝙣𝙜𝙖𝙣
Saksi ang dagat na bilang ng mga estudyante, bughaw na dami ng plano ng aralin, tintang hindi nauubos sa dami ng mga sinusuring papel, gabing walang pahinga at bulong na mga dasal bago harapin ang isang klase kung gaano niya sinakripisyo ang animnapung porsiyento ng kanyang buhay upang maghatid ng karunungan, hindi lamang numero,pormula at problema sa matematika ang kanyang ikrinus sa noo sa isipan ng bawat mag-aaral, bagkus, itinatak niya na magkaroon ng mahabang pasensiya, disiplina, pagtitiyaga at paniniwala.

𝙈𝙖𝙧𝙖𝙝𝙪𝙮𝙤𝙣𝙜 𝙋𝙖𝙜-𝙞𝙗𝙞𝙜
Mata ang bawat sulok ng paaralan kung paano nahanap ni Gng. Regina ang kaniyang kabiyak at kanlugan ng puso. Siya ay mula sa hilaga samantala, ang kaniyang kabiyak ay mula naman sa timog,pinatunayan nila na totoo ang katagang “Two opposite poles,attracts” at sa simpleng kataga, dumatal ang isang pag-ibig na tila magnetong humatak sa isa’t isa. Ang kanilang pagsasama ang gayagay na hihigit pa sa milyo-milyong numero.

𝙋𝙖𝙧𝙖𝙣𝙜𝙖𝙡 𝙨𝙖 𝙋𝙖𝙜𝙧𝙚𝙩𝙞𝙧𝙤
Noong Enero 9, 2025, galimgim ang pasasalamat sa g**o sa kaniyang paglalakbay. Sa kaloob-looban ng kaniyang diwa, unti-unting nabuo ang katagang “Once a teacher, always a teacher”. Phonemang bulong ng kaniyang puso. Nagpasalamat siya sa kaitaas-taasan, mga aninong sumporta sakaniya at higit sa lahat sa kaniyang kabiyak at pamilya. Sa kanila siya humugot ng lakas na nagpatibay na magpatuloy sa kabila ng sigwa ng panahon.

“G na ba kayo? Gina!” Isang sigaw ng sigla, paalala ng kaniyang presensiya at iniukit na pasasalamat ng kaniyang ikalawang pamilya, isang banaag at lumbay na alaalang mananatili sa bawat puso ng kaniyang math faculty. Siya nagsilbing ina at taliba ng marami.

Hindi Paghumilpil sa Pagdilig.

Hindi lang ito kuwento ng pagbibigay aral, ito’y bukang-liwayway. Bawat parangal, kinaadmang ibinigay, at tinig na hindi nawawala, mas marami pang estranghero ang matututo. Hindi ito pahimakas kundi, umpisa ng bagong bulaos. At sa bawat pagyapak, isang bagay ang hindi maaninag, hindi maglalaho ang ang kaniyang paninindigan sa pagtuturo.

11/01/2026

𝐓𝐈𝐍𝐆𝐍𝐀𝐍 | 𝗛𝗮𝗿𝗱𝗶𝗻𝗲𝗿𝗼 𝗻𝗴 𝗞𝗮𝗿𝘂𝗻𝘂𝗻𝗴𝗮𝗻: 𝗣𝗮𝗴𝘆𝗮𝗺𝘂𝗻𝗴𝗺𝗼𝗻𝗴 𝗻𝗶 𝗚. 𝗦𝗮𝗻𝗱𝗮𝗴𝗮

Sa bawat guhit ng pisara, unti-unting nabuo ang buhay na siyang inalay sa pagtuturo.
Sa bawat tapak sa apat na sulok ng klasroom, buhay at sensasyon ng karamiha’y umosbong. Hindi maikukumpara ang hirap ng isang pagiging g**o, lalo na’t, pagod, sakripisyo, at luha ang ginugol upang makamit ang inaasam. Siya ay hindi lamang isang g**o, kundi isang ilaw sa silid-aralan—matatag, matiyaga, at totoo sa kanyang sarili.

Bilang isang g**o, hindi kailanman naging madali ang kanyang landas. May mga araw na pagbabagsakan ka ng mundo, ngunit gayumpaman, pinili niyang magpakatatag sa kabila ng lahat. Tinagurian siyang “Plantito ng DEGMNHS” — si G. Dionisio D. Sandaga, at maikukumpara sa mga halaman ang kaniyang katangian, sapagkat isa siyang simbolo ng ugat—malalim, makulay, at pinagmumulan ng kaalaman na uusbong sa sandaling panahon sa puso’t isipan ng kanyang mag-aaral.

Ayon kay G. Sandaga, “nakakita na ba kayo ng Head na hindi marunong mag-kompyuter?”, aniya. Ipinapakita lamang rito na hindi mo kailangang maging magaling sa lahat ng larangan, makamit lang ang kagawaran. Sapat na ang kagustuhang magbahagi ng kaalaman na hindi gumagamit ng makabagong teknolohiya. Sa ibang dako, hindi sa biswal na presentasyon manggagaling ang kaalaman, kundi sa kagustuhan mong matuto sa tindig at kahusayan ng inyong tagapagturo.

Ngayong siya’y nagretiro na, naiwan ang isang pamana na hindi kayang sukatin ng anumang parangal o sertipiko. Ang kanyang tunay na tagumpay ay makikita sa mga buhay na kanyang hinubog at mga pusong kanyang naantig ; legasiya niyang tunay. Sa pagtatapos ng kanyang karera, nagsimula ang isang mas masining pang alaala—isang bahaghari at halaman ng karunungan na mananatili kailanman.

Ang kaniyang pag-iral at legasiya, mabubuo ang mga ginintuang aral kung saan kailangan nating maging magandang halimbawa sa kabila ng pananaghoy, huwag hayaang mapawi ang iyong ngiti, at magtanim ng oras sa pagpapahinga, sapagkat ang pagiging g**o ay hindi lamang isang propesyon, kundi isang ideya ng pagiging ikalawang magulang sa mga naturing mag-aaral. Sa huli, nabubuo ang naratibong karera—isang kuwento na sa bawat hakbang ng propesyon ay mayroong naghihintay na katapusan.

11/01/2026

𝐓𝐈𝐍𝐆𝐍𝐀𝐍 | 𝗕𝘂𝘇𝘇𝗮𝗿𝗱𝘀, 𝗡𝗮𝗴𝗯𝗶𝗴𝗮𝘆-𝗽𝘂𝗴𝗮𝘆 𝘀𝗮 𝗧𝗮𝘁𝗹𝗼𝗻𝗴 𝗚𝘂𝗿𝗼𝗻𝗴 𝗠𝗮𝗴𝗿𝗲𝗿𝗲𝘁𝗶𝗿𝗼

Masayang nasaksihan ng mga mag-aaral, g**o, at kawani ng Don Eulogio de Guzman Memorial National High School ang isang makabuluhang pagtatanghal na ginanap kanina bilang pagbibigay-pugay sa tatlong g**o na magreretiro na.

Dalawang dance performance ang inihandog ng BUZZARD DANCE SQUAD, upang ipakita ang pasasalamat at pamamaalam sa mga g**ong matagal nang nagsilbi sa paaralan.

Sa pamamagitan ng kanilang sayaw, ipinahayag nila ang pasasalamat, paghanga, at pamamaalam sa tatlong g**o na naglaan ng maraming taon ng serbisyo, dedikasyon, at malasakit sa edukasyon at sa mga mag-aaral ng paaralan.

Ang mga ginawang pagtatanghal ay nagsilbing simple ngunit makahulugang send-off para sa mga g**ong magreretiro, na nag-iwan ng inspirasyon sa buong paaralan.

10/01/2026

𝐓𝐈𝐍𝐆𝐍𝐀𝐍 | 𝗧𝗮𝘁𝗹𝗼𝗻𝗴 𝗛𝗮𝗹𝗶𝗴𝗶 𝗻𝗴 𝗗𝗼𝗻 𝗘𝘂𝗹𝗼𝗴𝗶𝗼 𝗱𝗲 𝗚𝘂𝘇𝗺𝗮𝗻 𝗠𝗲𝗺𝗼𝗿𝗶𝗮𝗹 𝗡𝗛𝗦, 𝗣𝗶𝗻𝗮𝗿𝗮𝗻𝗴𝗮𝗹𝗮𝗻 𝘀𝗮 𝗞𝗮𝗻𝗶𝗹𝗮𝗻𝗴 𝗣𝗮𝗴𝗿𝗲𝗿𝗲𝘁𝗶𝗿𝗼

Masayang ginanap noong Enero 9, 2026, ang isang programa sa Don Eulogio de Guzman Memorial National High School bilang pagpupugay sa pagreretiro ng tatlong haligi ng institusyon na nag-alay ng maraming taon ng tapat na serbisyo sa larangan ng edukasyon.

Ang mga pinarangalan ay sina Dionisio D. Sandaga, Head Teacher III ng Filipino at kasalukuyang OIC ng Filipino Department, na naglingkod ng 40 taon sa paaralan; Reynaldo J. Estacio, Head Teacher III ng Matematika at OIC ng Math Department, na may 37 taong panunungkulan; at Regina C. Estacio, Master Teacher I sa asignaturang Matematika, na naglingkod din ng 37 taon.

Bilang bahagi ng programa, nagkaroon ng makukulay at makabuluhang intermission numbers mula sa mga adviser at g**o mula sa iba’t ibang baitang at departamento. Ang mga pagtatanghal na ito ay nagsilbing simbolo ng pasasalamat at paghanga sa kanilang mga taon ng dedikasyon at walang sawang paglilingkod sa paaralan.

Partikular na tumatak ang pagtatanghal ng Filipino Faculty, kung saan ibinida ang ilan sa mga iconic na linya ni Sir Dionisio Sandaga, kabilang ang madalas niyang banggitin na, “Diyos lang ang nakakaalam,” na matagal nang naging marka ng kanyang pagtuturo at personalidad bilang g**o at administrador.

Samantala, ipinadama naman ng Math Faculty ang kanilang pagmamahal at pasasalamat kina Ma’am Regina at Sir Reynaldo sa pamamagitan ng masiglang mga yells na “Hephep, Sir Rey!” at “G na ba? Gina!” na nagbigay ng saya at emosyon sa buong programa.

Sa huling bahagi ng programa, nagbigay ng kani-kanilang emosyonal na mensahe ang tatlong retiradong g**o, kung saan ibinahagi nila ang kanilang mga karanasan, hamon, at alaala sa loob ng maraming taong pananatili sa Don Eulogio de Guzman Memorial National High School. Pinatunayan ng kanilang mga salaysay ang lalim ng kanilang pagmamahal sa propesyon at sa mga estudyanteng kanilang hinubog.

Sa loob ng maraming dekada, malaki ang naging ambag nina Sandaga, Reynaldo J. Estacio, at Regina C. Estacio sa paglinang ng kaalaman, disiplina, at pagpapahalaga ng mga mag-aaral. Ang kanilang pamana sa paaralan ay mananatiling buhay at patuloy na magsisilbing inspirasyon sa mga susunod pang henerasyon ng mga g**o at mag-aaral.

09/01/2026

𝗧𝗜𝗡𝗚𝗡𝗔𝗡 | 𝗗𝗘𝗚𝗠𝗡𝗛𝗦 𝗕𝗮𝘀𝗸𝗲𝘁𝗯𝗮𝗹𝗹 𝗧𝗲𝗮𝗺, 𝗡𝗮𝗴𝘄𝗮𝗴𝗶 𝘀𝗮 𝗥𝗼𝗮𝗱 𝘁𝗼 𝗥1𝗔𝗔

Ipinamalas ng Don Eulogio De Guzman Memorial National High School (DEGMNHS) basketball team ang determinasyon at pagkakaisa sa kanilang matagumpay na paglalakbay sa Road to R1AA (Region 1 Athletic Association) matapos magwagi laban sa matitinding koponan sa ginanap na Provincial Meet 2025.

Sinimulan ng DEGMNHS ang kanilang kampanya sa quarterfinals laban sa Pugo, kung saan nakuha nila ang panalong 97-86 sa pamamagitan ng agresibong opensa at maayos na depensa. Naging mahalaga ang mabilis na transition plays at solidong rebounding ng koponan upang makuha ang panalo.

Sa sumunod na laban kontra San Juan, ipinamalas ng DEGMNHS ang disiplina at teamwork upang masungkit ang ikalawang panalo, 80-67.

Isang dikdikan at kapana-panabik na semifinals ang naganap laban sa Luna. Sa kabila ng matinding depensa ng kalaban, nanatiling kalmado ang DEGMNHS at isinara ang laro sa iskor na 81-78, sapat upang makapasok sa finals.

Sa finals, muling hinarap ng DEGMNHS ang Pugo sa isang matinding best of series. Sa bawat laro, ipinakita ng koponan ang tibay ng loob at determinasyon hanggang tuluyang maselyuhan ang kampeonato. Sa huling laro ng serye, nanaig ang DEGMNHS laban sa Pugo sa iskor na 69-63, na naging hudyat ng kanilang pagkapanalo sa titulo.

Pinangunahan ang koponan ni Adrianne Neil Malinao, na ginawaran bilang Finals MVP dahil sa kanyang consistent na performance at leadership sa buong serye.

Ang tagumpay na ito ng DEGMNHS basketball team ay patunay ng kanilang sipag at pagkakaisa. Higit sa lahat, ito ay isang karangalang dala nila sa paaralan habang sila ay naghahanda para sa mas malaking hamon sa R1AA.

09/01/2026

𝐓𝐈𝐍𝐆𝐍𝐀𝐍 | 𝗣𝗮𝗻𝗹𝗶𝗹𝗶𝗼–𝗠𝗮𝗻𝘂𝗲𝗹, 𝗡𝗮𝗴-𝘂𝘄𝗶 𝗻𝗴 𝗧𝗮𝘁𝗹𝗼𝗻𝗴 𝗕𝗿𝗼𝗻𝘇𝗲 𝘀𝗮 𝗣𝗿𝗼𝘃𝗶𝗻𝗰𝗶𝗮𝗹 𝗠𝗲𝗲𝘁

Nagningning sa entablado sina Thovy Panlilio at Mikylla Manuel sa Provincial Meet 2025 DanceSport Competition sa Don Mariano Marcos Memorial State University – South La Union Campus noong Disyembre 10, mayapos nilang makuha ang tatlong bronze medal sa Tango, Foxtrot, at Quickstep.

Mula sa unang hakbang, ipinamalas ni Panlilio ang kaniyang husay. Ang maliksi niyang pagikot, malinis na footwork, at bawat galaw ay nagpatigil sa hininga ng mga manonood. Kinontrol niya ang daloy ng sayaw, pinanatili ang bawat hakbang na tama at maayos, na nagpakita ng kahusayan at dedikasyon.

Samantala, si Manuel ay nagdala ng gilas at tikas sa bawat kilos. Ang kanyang galaw ay dumadaloy sa musika, na nagpahanga sa mga hurado at sa mga nanonood. Sa bawat yugto ng sayaw, humugot siya ng husay at determinasyon, na kitang-kita sa kanyang presensya sa entablado.

Nang tanungin tungkol sa triple Bronze, ani Panlilio:

“Okay lang naman, babawi na lang sa next.”

Ramdam sa kanyang sagot ang sportsmanship at determinasyon. Higit pa sa medalya, ang layunin nila ay patuloy na paghusayin at hasain ang kanilang talento sa entablado.

Pinagsama nina Panlilio at Manuel ang husay sa bawat kilos, ipinakita ang kanilang talento sa Modern Standard division, nanatiling nangibabaw sa entablado, at nag-iwan ng tatak sa buong paligsahan.

Bawat routine ng duo ay tila matinding bakbakan sa dance floor, puno ng kumpiyansa at presensya. Sa bawat pivot at glide, ramdam ang dugot-pawis na ensayo at disiplina, kaya’t bawat galaw ay may bagsik, linis, at magandang ex*****on.

Ang tatlong bronze medal nina Panlilio at Manuel ay patunay ng kanilang natatanging husay, kasanayan, at dedikasyon. Higit pa sa medalya, ipinakita nila ang gilas at talento sa entablado na nag-iwan ng tatak sa Provincial Meet 2025.

𝗔𝗡𝗚 𝗧𝗨𝗟𝗔𝗬

21/02/2026

11/02/2026

19/01/2026

19/01/2026

19/01/2026

11/01/2026

11/01/2026

11/01/2026

11/01/2026

10/01/2026

09/01/2026

09/01/2026

Address

Telephone

Website

Alerts

Contact The Organization

Shortcuts

Share